چۈچۈكبۇيا يىلتىزى ھەققىدە چۈشەنچە

ئەلسىھەت

چۈچۈكبۇيا يىلتىزى

甘草根

[تونۇش] بۇ پۇرچاق ئائىلسىدىكى كۆپ يىللىق سامان غوللۇق ئۆسۈملۈك چۈچۈكبۇينىڭ يىلتىزى ۋە يىلتىزسىمان غولىدىن ئىبارەت بولۇپ ، بۇ ئۆسۈملۈكنىڭ يىلتىزسىمان غولى «بىخسۇس» نامىدا دورىغا ئىشلىتىلىدۇ ، خەلق ئارىسىدا «قارابۇيا» ،« سېرىق بۇيا» دەپمۇ ئاتىلىدۇ . يىلتىزسىمان غولى سىلىندىر شەكىللىك ، ئاساسىي يىلتىزى ئۇزۇن ، توم ، سىرىتقى پوستى ، قىزغۇچ قۇڭۇر رەڭلىك ، يىلتىزنىڭ سىرىتقى پوستى نىپىز ، قىزغۇچ ، ئىچى سېرىق ، تەمى تاتلىق ، پۇراقلىق ، قاڭسىقراق ،كۆپ تېتىسا كۆڭۈلنى ئايلاندۇرىدۇ .
[تەبىئىيتى] ئىككىنچى دەرىجىدە قۇرۇق ئىسسىق .
[خۇسۇسىيى] غەيرىي تەبىئىي بەلغەم خىلتىنى پىشۇرۇش ، بەلغەمنى بوشىتىش ، يۆتەل پەسەيتىش ، ئاغرىق پەسەيتىش ، ماددىلارنى يۇمشىتىش سۈيدۈك ھەيدەش ، يەل ھەيدەش ، ئىششىق تارقىتىش ئادەتنى راۋانلاشتۇرۇش ، ياللۇغ قايتۇرۇش ، قان تازىلاش ، ئۇسسۇزلۇقىنى بېسىش ، نېرۋا ۋە پەيلەرنى كۈچلەندۈرۈش .
[ئىشلىتىدىغان كسەللىكلەر ] ئاۋاز پۈتۈپ قېلىش ، كاناي ياللۇغى ، زىققە ، يۆتەل ، ئۆپكە ياللۇغى ، ئۆپكە سىلى ، زۇكام ، نەزلە ، جىگەر كېسەللىكلىرى ، سۆزنەك ، يارا ، قىچىشقاق ، پالەچ قاتارلىق كىسەللىكلەرگە ئىشلىتىلىدۇ .
[ئىشلىتىش ئۇسۇلى] 1. پىرسىياۋشان ، چۈچۈكبۇيا ، زۇپا 10 گرامدىن ، ئاق سەندەلدىن 7 گىرامدىن ئېلىپ قاينىتىپ ئىچسە ، سوغوقتىن بولغان زۇكام ،يۆتەلگە شىپا بولىدۇ .2. چۈچۈكبۇيا يىلتىزىنىڭ سىرىتقى پوستىنى قىرىۋېتىپ شۈمۈپ بەرسە ، يۈتەل پەسەيتىدۇ .3. چۈچۈكبۇيا يىلتىزى ، ئاق سەندەل ، زۇپا ، پىرسىياۋشان قاتارلىقلارنى مۇۋاپىق مىقداردا ئېلىپ دەملەپ ئىچىپ بەرسە ، يۇقۇملۇق زۇكامغا شىپا بولىدۇ .
[ئىشلىتىش مىقدارى]  10~15 گرام .
[زىيانلىق تەسىرى] بۆرەك ۋە تالغا زىيان قىلىدۇ .
[تۈزەتكۈچىسى] بۆرەككە كەتىرا ، تالغا قىزىلگۈل

ئەلسىھەت ئۇيغۇر تېبابەت تورى يازمىسى  باشقۇرغۇچىنىڭ رۇخسىتىسىز باشقا تور بەتلەرگە يوللاشقا بولمايدۇ!