تۆتىنجى نۆۋەتلىك ICTEF ئىلمى مۇھاكىمە يىغىنىغا مەرھەمەت !

يېڭى قوللىنىشچان يۇمشاق دېتال تېخنىكىسىغا ئىگە بولماقچى ۋە چۈشەنمەكچى بولسىڭىز «ئۇچۇر ۋە ئالاقە تېخنىكىسى مۇتەخەسسىسلەر مۇنبىرى» تۆتىنچى نۆۋەتلىك ئىلمىي مۇھاكىمە يىغىنغا قەدەم تەشرىپ قىلىڭ!

شىنجاڭدىكى ئون بىر IT شىركىتىنىڭ بىرلىككە كېلىشى بىلەن 2014-يىلى 10-ئاينىڭ 31-كۈنى دىيارىمىزدا «ئۇچۇر ۋە ئالاقە تېخنىكىسى مۇتەخەسسىسلەر مۇنبىرى (ئىنگلىزچە قىسقارتىلما نامى ICTEF)» قۇرۇلغان بولۇپ، 2014-يىلى 11-ئاينىڭ 17-كۈنى شىنجاڭ ئۇيغۇر ئاپتونوم رايونلۇق يۇمشاق دېتال ئىلمىي جەمئىيىتى تەرىپىدىن رەسمى تەستىقلانغان.
ICTEF نىڭ تۆتىنچى نۆۋەتلىك ئىلمىي مۇھاكىمە يىغىنى 2015-يىلى12-ئاينىڭ 20-كۈنى (يەكشەنبە) ئۈرۈمچى يەلتاپان ئېلېكترون پەن– تېخنىكا تەرەققىيات چەكلىك شىركىتى ساھىبخانلىقىدا ئۆتكۈزۈلمەكچى.
يىغىن پۈتۈن بىر كۈن ئېلىپ بېرىلىدۇ. چۈشتىن بۇرۇن ئىلمىي ماقالە ئوقۇش ۋە ئوقۇغان ماقالىلەر توغرىسدا مۇنازىرە ئېلىپ بېرىلىدۇ. چۈشتىن كېيىن دىيارىمىزدىكى ئالدىنقى قاتاردىكى پروگىراممىرلار بىلەن پروگىرامما ھەۋەسكارلىرى سۇئال جاۋاب شەكلىدە مۇنازىرە ئېلىپ بارىدۇ.

چۈشتىن بۇرۇن ئوقۇلىدىغان ئىلىمى ماقالىلەر تىزىملىكى:

1. iOS ئۈسكۈنىلىرىدە ئۇيغۇرچە كىرگۈزگۈچ

iOS سىستېما ئۆزى ئۇيغۇرچە كىرگۈزگۈچ تەمىنلىمىگەن بولغاچقا ھەرقايسى شىركەت ۋە ئەپ ئاچقۇچىلار ھەر بىر ئەپ ئۈچۈن ئۆز ئالدىغا ئۇيغۇرچە كىرگۈزگۈچ ئېچىش ھالىتى شەكىللەنگەن بولۇپ، بۇنىڭلىق بىلەن نۇرغۇن ۋاقىت، زېھىن، ئىقتىساد ئىسراپ بولۇپ كەتمەكتە، ھەرقايسى شىركەت ۋە ئەپ ئاچقۇچىلارنىڭ بۇ ئىسراپچىلىقتىن ساقلىنىپ باشقا ساھەلەردە يۇقىرى ئۈنۈمگە ئېرىشىشى ئۈچۈن، كىرگۈزگۈچنىڭ SDK سى ھەقسىز تەمىنلىنىدۇ، ھەمدە كىرگۈزگۈچنىڭ ياسىلىش پىرىنسىپى ۋە SDK دىن پايدىلىنىش ئۇسۇلى سۆزلىنىدۇ.

2. iOS,Android مۇھىتىدا 3- تەرەپ SDK نى ئاپتوماتىك ئۇيغۇرچىغا تەرجىمە قىلىش تېخنىكىسى

3- تەرەپ تەمىنلىگەن SDKلار ئادەتتە خەنزۇچە ياكى ئىنگلىزچە بولۇپ، ئۇيغۇرچە ئەپلەردە ئىشلەتكەندە بىز ياسىغان قىسمى ئۇيغۇرچە، 3- تەرەپنىڭSDK بۆلىكى باشقا تىلدا بولغانلىقى ئۈچۈن ئىشلەتكۈچىلەرگە قولايسىزلىق ئېلىپ كەلمەكتە. بۇ تېخنىكىنى قوللانغاندا3- تەرەپ SDK سىنىڭ پۈتۈن جەرياننى ئۇيغۇرچە قىلىشقا بولىدۇ. مەسىلەن: ئۇيغۇرچە تور سودا ئەپلىرىدە مەھسۇلات سېتىۋېلىش قىسمى ئۇيغۇرچە، بانكا بىرلەشمىسىنىڭ ھەق تۇتۇش ئېغىزى خەنزۇچە بولۇپ، بۇ تېخنىكىدىن پايدىلىنىپ ھەق تۇتۇش جەريانىنى ئۇيغۇرچە قىلىشقا بولىدۇ. بۇ تېخنىكا ئېھتىياجلىق ئورۇنلارغا كېلىشىم تۈزگەن ئاساستا ھەقسىز SDK تەمىنلىنىدۇ، ھەمدە بۇ تېخنىكىنىڭ تەپسىلىي ياسىلىش جەريانى سۆزلىنىدۇ.

3. تېز سۈرئەتتە ئىزدەش تېخنىكىسى __ Yئىندېكس

بۇ تېخنىكىنى شىركىتىمىز خادىملىرى تەتقىق قىلىپ ياساپ چىققان بولۇپ، ئىزدەش سۈرئىتى تىز،بىخەتەرلىكى يۇقىرى،مەشغۇلات سىستېمىسى تاللىماسلىقتەك ئالاھىدىلىكلەرگە ئىگە، لۇغەت تۈزۈش، OCR، ئەقلى ئىقتىدارلىق كىرگۈزگۈچ ياساش، كورېكتورلۇق ۋە تاۋۇش بىرىكتۈرۈش يۇمشاق دېتاللىرىنى تۈزۈشتە يۇقىرى ئىشلىتىلىش قىممىتىگە ئىگە. بۇ تېخنىكىنىڭ ئىزدەش پىرىنسىپى، ئالاھىدىلىكى ۋە ئىشلىتىلىش ئۇسۇلى تەپسىلىي سۆزلىنىدۇ.

يۇقىرىقىلاردىن باشقا يەنە Webpack قورالىنى ئىشلىتىش، بۇلۇت سۇپىسى ۋە ئۇنىڭ قوللىنىلىشى شۇنداقلا «تۈر مەبلىغىنى ئىلتىماس قىلىش جەريانى»... قاتارلىقلار سۆزلىنىدۇ. يۇقىرىقىلارغا قىزىقسىڭىز ۋەSDK ھۆججىتىگە ئېرىشمەكچى بولسىڭىز ياكى بۇ تېخنىكلار توغرىسىدا چۈشەنمىگەن، ھەل قىلالمىغان سوئاللارنىڭ جاۋابىغا ئېرىشمەكچى بولسىڭىز 2015- يىلى 12- ئاينىڭ 20- كۈنىدىكى يىغىنىمىزغا قاتنىشىشىڭىزنى قىزغىن قارشى ئالىمىز.

چۈشتىن كىيىن مۇنازىرە قىلىندىغان تېمىلارۋە يېتەكچى ئۇستازلار :
مۇنازىرە تېمىسى

يېتەكچى ئۇستاز

شىركەت
چوڭ مەلۇمات (大数据)، مەلۇمات قېزىش (数据挖掘)، ماشىنىغا ئۆگىتىش (机器学习)

ئالىم ئەھەت مۇئەللىم

ئۇيغۇرسوفت
1.يۇمشاق دېتال ئېچىش جەريانىنى قانداق قېلىپلاشتۇرۇش كېرەك؟2.كۆپ تىللىق يۇمشاق دېتال ئېچىش جەريانىدىكى مەسىلىلەر ۋە ئۇنى ھەل قىلىشنىڭ چارىلىرى

تۇرسۇن قۇربان مۇئەللىم

ئالماس يۇمشاق دېتال شىركىتى
ئۇچۇر سىستېمىسى توپلاشتۇرۇش توغرىسىدا (信息系统集成)

ئۆمەرجان

شىنجاڭ قارلۇق ئۇچۇر تېخنىكا شىركىتى
IDC 互联网数据中心 ئىنتېرنېت سانلىق مەلۇمات مەركىزى

ئەمەتجان رۇسۇل

كومپيۇتېر ھەۋەسكارلىرى چەكلىك شىركىتى
ئاۋاز بىرىكتۈرۈش ، ئاۋازى تونۇش تېخنىكىسى توغرىسىدا ئاساسىي ساۋات

ئۆتكۈر ئەركىن

شىنجاڭ ئۆلچەم يۇمشاق دېتال تېخنىكا تەرەققىيات چەكلىك شىركىتى

ئەگەر ئۇيغۇرچە يۇمشاق دېتال ساھەسىدىكى ئالاھىدە تېخنىكىلارنى بىز بىلەن ئورتاقلاشماقچى بولغان، ياكى پروگرامما تۈزۈش جەريانىدا ھەل قىلالمىغان سۇئاللارنى نەق مەيداندا سوراپ جاۋابىغا ئىرىشمەكچى بولغان كەڭ پروگىرامما ھەۋەسكارلىرى ۋەپروگرامما كەسپى بىلەن مۇناسىۋەتلىك كەسىپلەردە ئوقۇۋاتقان ئوقۇغۇچىلارنىڭ چۈشتىن كىيىنلىك پائالىيتىمىزگە قەدەم تەشرىپ قىلىشىنى قىزغىن قارشى ئالىمىز!
ئالاھىدە ئەسكەرتىش:
مۇنبەر ھەيئىتى ئېتىراپ قىلغان ئالاھىدە تېخنىكىسى بار بولۇپ بىز بىلەن ئورتاقلىشىش ئارزۇسى بار، ئەمما ئۈرۈمچىدىن باشقا رايۇنلاردىن كىلدىغان پروگراممىرلارنىڭ ئۈرۈمچىگە كىلىپ- كىتىش ماشىنا كىرا ھەققى ۋە 12-ئاينىڭ 19-كۈنى ۋە 20-كۈنىدىكى ياتاق ھەققىنى مۇنبىرىمىز ئۆز ئۈستىگە ئالىدۇ.ئەگەر نەتىجىسى كۆرىنەرلىك ئالاھىدە بولسا مۇكاپاتلىنىدۇ.(كەلمەكچى بولغانلار 2015-يىلى 12-ئاينىڭ 18-كۈنىدىن بۇرۇن بىز بىلەن ئالاقىلىشڭ)

ھەرقايسى تورداشلارنىڭ قىممەتلىك پىكىر تەكلىبلىرىگە مۇھتاجمىز ، پىكىر تەكلىپ بەرمەكچى بولسىڭىز تۆۋەندىكى ئادرىسقا كىرىپ ئويلىغانلىرىڭىزنى بىز بىلەن ئورتاقلاشقايسىز شۇنداقلا خىزمىتىمىزگە تەنقىد ۋە ئىجابى تەكلىبلەرنى بەرگەيسىلەر ، قوللىغىنىڭلارغا كۆپتىن كۆپ رەھمەت !
http://ictef4.yaltapan.com/

يىغىننىڭ نەق مەيداندىن بىۋاستە تارقىتىش ئادېرىسى:

ئالىم ئەھەت مۇئەللىمنىڭ تېڭشۇن دەرسخانىسى: http://alim.ke.qq.com

بىلىگ تور دەرسخانىسى: http://www.bilig.biz

بىۋاستە تارقىتىش ۋاقتى: 8:00-12:00(شىنجاڭ ۋاقتى)

ئالاقىلىشىش تېلېفونى: 13899994277، ئىشخانا:2865373-0991

يىغىن ۋاقتى: 2015-يىلى 12-ئاينىڭ 20-كۈنى

يىغىن ئورنى: ئۈرۈمچى شەھىرى خەلق يولى 393-نومۇر شىنروڭ سارىيى 9-قەۋەت يىغىن زالى

ئۇچۇر ئالاقە تېخنىكىسى مۇتەخەسسىسلەر مۇنبىرى

ITCEF ئورگان توربېتى http://ictef.net

ئۈرۈمچى يەلتاپان ئېلېكترون پەن– تېخنىكا تەرەققىيات چەكلىك شىركىتى

2015-يىلى 12-ئاينىڭ 10-كۈنى

008 · ۋاقتى: 2015-12-11 03:14:34

ئەسسالامۇ-ئەلەيكۇم ياخشى ئىش بوپتۇ خەۋەردار قىلغىنىڭىزغا رەھمەت

muhtrim · ۋاقتى: 2015-12-11 10:18:09

rahmat

»»»:ئالپ ئاندرويد تېرمىنالىدا يېزىلغان

Gvllinayli · ۋاقتى: 2015-12-11 11:50:44

كۆڭلۈمدىكىدەك ئىشلار كۆپ بولىۋاتىدۇ،بەك خۇش بولدۇم.
ئاللاھ بۇيرىسا چوقۇم ۋاقىت چىقىرىپ قاتنىشىمەن.
تېما ئېگىسىگە رەھمەت.

»»»:ئالپ ئاندرويد تېرمىنالىدا يېزىلغان

ئ‍اۋات · ۋاقتى: 2015-12-11 12:02:09

رەھمەت سىزگە

穿越火线 · ۋاقتى: 2015-12-11 12:50:55

rahmat

ablizt · ۋاقتى: 2015-12-11 16:45:33

ئالامەت ياخشى ئىش بولۇپتۇ بۇئىشلىرىڭلارنى ئىزچىل داۋاملاشتۇرۇشىڭلارنى ئۈمۈد قىلىمەن

سودىگەر1 · ۋاقتى: 2015-12-11 19:05:26

ياخشى ئىشلار بولىۋاتىدۇ 2015يىلى

تۆتىنجى نۆۋەتلىك ICTEF ئىلمى مۇھاكىمە يىغىنىغا مەرھەمەت !

7ئادەم ئىنكاس يازدى