دىققەت: بۇ يازما پەقەت SQL Serverنىڭ 2008/2012/2014 نەشىرلىرىگە ماس كېلىدۇ.
سۈكۈت ھالەتتە SQL Server يىراقتىن ئۇلانمايدىغان بولۇپ، بۇنى ئۆزگەرتىش ئۈچۈن تۆۋەندىكى ئىككى ئورۇننى تەڭشەيمىز:
1. SQL Server Management Studio(SSMS)
2. SQL Server Configuration Manager(SSCM – SQL Server配置管理器)
باشلاشتىن باشقا يەنە «باشقۇرۇش» > «مۇلازىمەت ۋە پىروگىراممىلار»نىڭ ئىچىدىنمۇ تاپالايسىز.
sscm_2تۆۋەندە بىز بۇ ئىككى ئورۇننى تەڭشەشنىڭ تەپسىلىي قەدەم باسقۇچلىرىنى كۆرۈپ ئۆتەيلى:
1. SSMSنى ئېچىپ، Windows سالاھىتىدە ساندانغا ئۇلايمىز. كىرىپ بولغاندىن كىيىن، غول تۈرنى مائۇسنىڭ ئوڭ كونۇپكىسىنى بېسىپ چىققان تىزىملىكتىن «خاسلىق(属性 Properties)»نى تاللايمىز.
2. چىققان كۆزنەكتىكى «بىخەتەرلىك(安全性 – Security)» بەتكۈچىگە كىرىپ، «SQL Server ۋە Windows سالاھىتىدە دەلىللەش ھالىتى(SQL Server 和Windows身份验证模式 – SQL Server And Windows Authentication mode)»نى تاللايمىز.
3. ئارقىدىن «ئۇلىنىش(连接 – Connections)» بەتكۈچىگە كىرىپ، «بۇ مۇلازىمىتېرغا يىراقتىن ئۇلىنىشقا رۇخسەت قىلىش(允许远程连接到此服务器 – Allow remote connections to this server)»نى تاللاپ، «ھەئە(确定 – Ok)» كونۇپكىسىنى باسىمىز.
4. بىخەتەرلىك(安全性 – Security) > ھېساباتلار(登录名- Logins)غا كىرىپ، saنى تاللاپ مائۇسنىڭ ئوڭ كونۇپكىسىنى چېكىپ، چىققان تىزىملىكتىن «خاسلىق(属性 – Properties)»نى تاللايمىز.
5. «ئادەتتىكى(常规 – General)» بەتكۈچتىن sa ھېساباتىمىزنىڭ پارولىنى بېكىتىمىز.
6. ئارقىدىن «ھالەت(状态 – Status)» بەتكۈچىگە ئالمىشىپ، sa ھالىتىدە كىرىشنى ئاچىمىز ۋە «ھەئە(确定 – Ok)» كونۇپكىسىنى باسىمىز.
7. غول تۈرنى مائۇسنىڭ ئوڭ كونۇپكىسىنى بېسىپ، چىققان تىزىملىكتىن «تەرەپلەر(方面 – Facets)»نى تاللايمىز.
8. چىققان كۆزنەكتىن «مۇلازىمىتېر سەپلەش(服务器配置 – Server Configuration)»نى تاللاپ، ئاستىدىكى جەدۋەلدىكى «يىراقتىن ئۇلاشنى ئېچىش(RemoteAccessEnabled)»نىڭ قىممىتىنى «ھەئە(True)» قىلىپ تەڭشەيمىز.
9. نۆۋەتتىكى ئۇلىنىشتىن چېكىنىپ، SSCMنى ئېچىپ، سول تەرەپتىكى تىزىملىكتىن «SQL Server مۇلازىمىتى(SQL Server 服务 – SQL Server Services)» تاللاپ، ئوڭ تەرەپتىكى جەدۋەلدىكى SQL Server(SQL EXPRESS) دېگەن مۇلازىمەتنى قايتا قوزغىتىمىز(ئەمدى ساندانغا sa ھېساباتى ئارقىلىق كىرەلەيسىز). شۇنىڭ بىلەن بىر ۋاقىتتا يەنە شۇ جەدۋەلدىكى SQL Server Browser دېگەن مۇلازىمەتنىمۇ قوزغىتىمىز(سۈكۈت ھالەتتە توختىتىلغان ھالەتتە بولىدۇ).
10. ئەمدى سول تەرەپتىكى تىزىملىكتىن «SQL Server تور سەپلەش(SQL Server 网络配置 – SQL Server Network Configuration)»نىڭ ئىچىدىكى «MSSQLSERVER نىڭ كېلىشىمى(MSSQLSERVER 的协议 – Protocols for MSSQLSERVER)»نى تاللاپ، ئوڭ تەرەپ جەدۋەلدىكى «TCP/IP»نى قوش چېكىمىز. چىققان كۆزنەكنىڭ «كېلىشىم(协议 – Protocol)»بەتكۈچىدىكى «ئېچىش(已启用 – Enabled)» دېگەن تۈرنىڭ قىممىتىنى «ھەئە(是 – Yes)» قىلىپ تەڭشەيمىز. ئاندىن «IP ئادرېسلار(IP 地址 – IP Addresses)» دېگەن بەتكۈچكە كىرىپ، «IP1, IP2, IPALL» دېگەن تۈرلەردىكى «TCP ئېغىزى(TCP 端口 – TCP Port)»نىڭ قىممىتىنى «1433»كە، «ئېچىش(已启用 – Enabled)»نىڭ قىممىتىنى «ھەئە(是 – Yes)»گە تەڭشەپ، «ھەئە(确定 – Ok)» كونۇپكىسىنى باسىمىز.
11. بۇ قىتىممۇ سول تەرەپتىكى تىزىملىكتىكى «SQL Native Clientنى سەپلەش(SQL Native Client 配置 – Configuration)»نىڭ ئىچىدىكى «ئابونت كېلىشىمى(客户端协议 – Client Protocols)»نى تاللاپ، ئوڭ تەرەپ جەدۋەلدىكى «TCP/IP»نى قوش چېكىمىز. چىققان كۆزنەكتىكى «سۈكۈتتىكى ئېغىز(默认端口 – Default Port)»نىڭ قىممىتىنى «1433»كە، «ئېچىش(已启用 – Enabled)»نىڭ قىممىتىنى «ھەئە(是 – Yes)»گە تەڭشەپ، «ھەئە(确定 – Ok)» كونۇپكىسىنى باسىمىز.
12. بۇ يەردىمۇ 9-قەدەمدىكىگە ئوخشاش SQL Server(SQL EXPRESS) مۇلازىمىتىنى قايتا قوزغىتىمىز. قائىدە بويىچە بۇ تەڭشەكلەرنى قىلىپ بولغاندىن كىيىن، يىراقتىن ئۇلىنىش ئېچىلىشى كېرەك، لىكىن بۇ يەردە يەنىلا ئېچىلماسلىقى مۇمكىن. سەۋەبى، كومپىيوتېرنىڭ قوغدىنىش تېمى(防火墙 – Fire Wall) بۇ مەشغۇلاتنى توسۇپ قويغان. شۇ سەۋەپتىن بىز ئاخىرىدا كومپىيوتېرنىڭ قوغدىنىش تېمىغا كىرىپ، SQL Serverنىڭ 1433 دېگەن TCP ئېغىزى بىلەن 1434 بولغان UDP ئېغىزىنى قوشۇش بىلەن بىرگە SQLServr.exe(C:\Program Files\Microsoft SQL Server\MSSQL10.SQLEXPRESS\MSSQL\Binn\sqlservr.exe) دېتالنى ئاق تىزىملىككە قوشۇپ قويىمىز.
بارلىق تەڭشەش مۇشۇ يەردە تامام. ئەمدى سىز پىروگىراممىڭىزنىڭ ئۇلىنىش ئادرېسىنى تۆۋەندىكىدەك يېزىپ، سانداننى يىراقتىن ئۇلىسىڭىز بولىدۇ.
- ConnStr = "Data Source=IP;Initial Catalog=DBName;User ID=UserName; Password=Password"
قېنى سىزمۇ سىناپ بېقىڭ.
پىروگىراممىغا قىزىقىدىغانلار ئاستىدىكى چىپار كود(ئىككىلىك كود)نى سايىلەپ ياكى «شەرەر»، «xarar_09» دەپ ئىزدىتىپ شەرەر سالونىنى قىتىۋالساڭلار بولىدۇ.
مەنبە: شەرەر تورى | 
QQ دوست ۋە توپ
QQ ھويلىسى
تېڭشۈن مىكروبلوگى
تېڭشۈن دوستلار
ساقلاش
ھەمبەھر
قوللايمەن
قوللىمايمەن
دېۋان تالىشىش
