ئالما iCloud مۇلازىمىتىنى جۇڭگوغا يۆتكىدى

«خەلق گېزىتى» تېرمىنالىنىڭ 1-ئاينىڭ 10-كۈنى خەۋەر قىلىشىچە، ئالما شىركىتىنىڭ جۇڭگو ئىچىدىكى iCloud مۇلازىمىتى 2-ئاينىڭ 28-كۈنىدىن باشلاپ 云上 گۇيجۇ شىركىتىنىڭ مەسئۇل بولۇشىغا ئۆتكۈزۈپ بېرىلىدۇ.
2-ئاينىڭ 28-كۈنىدىن باشلاپ 云上 گۇيجۇ شىركىتى iCloud نىڭ جۇڭگو ئىچىدىكى تىجارىتىگە مەسئۇل بولىدۇ. ھەمدە iCloud نىڭ جۇڭگودىكى ئىشلەتكۈچىلىرىنىڭ قانۇنى ۋە مالىيە مۇناسىۋىتىگە ئىگە بولىدۇ.

ئۆتكەن يىل 7-ئايدا ئالما شىركىتى جۇڭگودىكى بىرىنجى سانلىق مەلۇمات مەركىزىنى گۇيجۇ ئۆلكىسىدە قۇردىغانلىقىنى جاكارلىغان. كونكىرىت قىلىپ ئېيتقاندا ئالما شىركىتى يۈنشاڭ گۇيجۇ شىركىتىگە ھوقۇق بىرىپ، ئالما شىركىتىنىڭ جۇڭگو چوڭ قۇرۇقلۇقىدىكى تىجارەت، iCloud بۇلۇت سانلىق مەلۇمات مۇلازىمەت ئىشلىرىغا مەسئۇل قىلغان. بۇنىڭدىن كېيىن دۆلىتىمىزدىكى ئالما ئىشلەتكۈچىلەرنىڭ سانلىق مەلۇماتى چەتئەلگە چىقىپ كەتمەيدۇ.
ئالما شىركىتىنىڭ بىلدۈرشىچە، 1-ئاينىڭ 10-كۈنىدىن باشلاپ يەتتە ھەپتە ئىچىدە ئالما شىركىتى تور خەت ۋە ئۇقتۇرۇش شەكىلىدە ئىشلەتكۈچىلەرگە بۇ ئىشنى ئۇقتۇردىكەن. Apple ID سى جۇڭگو تەۋەلىكىدە بولغان ئىشلەتكۈچىلەر بۇ قېتىمقى يۆتكىلىشنىڭ تەسىرىگە ئۇچىرايدىكەن.

2-ئاينىڭ 28-كۈنىدىن باشلاپ جۇڭگودىكى بارلىق ئالما ئىشلەتكۈچىلىرىنىڭ iCloud تا ساقلانغان رەسىم، سىن، ھۆججەت، ئەپ ۋە باشقا شەخسىي سانلىق مەلۇماتلىرى دۆلەت ئىچىگە (يۈنشاڭ گۇيجۇ شىركىتىگە) يۆتكىلىدۇ. بۇنىڭدىن كېيىن iCloud نى زىيارەت قىلغاندا ئارىلىق قىسقارغانلىقتىن تور سۈرئىتى، چۈشۈرۈش سۈرئىتى كۆرىنەرلىك يۇقىرى كۆتۈرۈلىدۇ.

مەنبەسى: IT之家 دىن تەرجىمە قىلىندى