360 شىركىتى يېڭى تېلېفون ئېلان قىلدى(كۆچۈرۈلمە)

360 شىركىتى يېڭى تېلېفون ئېلان قىلدى

8-ئاينىڭ 26-كۈنى 360 شىركىتى، تۆۋەن، ئوتتۇرا، يۇقىرى سەپلىمىلىك ئۈچ خىل نۇسخىنى ئۆز ئىچىگە ئالغان چىكۇ (奇酷) يان تېلېفونىنى ئېلان قىلدى، باھاسى ئايرىم-ئايرىم ھالدا 1199 يۈەن، 1999 يۈەن ۋە 3599 يۈەن بولۇپ، بۈگۈندىن باشلاپ توردا ئالدىن زاكاز قىلىشقا بولىدىكەن.
360 چىكۇ يان تېلېفونى ئاندىرويىد ئاساسىدا ئەلالاشتۇرۇلغان OS 360 سىستېمىسى ئىشلىتىلىدىغان بولۇپ، مەزكۇر سىستېمىنىڭ بىخەتەرلىك ئىقتىدارى يۇقىرى، ئەمەلىي پىروگراممىلارنىڭ ئەقلى تازىلاش ئىقتىدارى بار بولۇپ، ئېكران ئۆچكەن ھالەتتە ئىشلەتمەيدىغان ئەپلەرنى تاقىۋەتكىلى بولىدىكەن. بۇنىڭدىن سىرت سىستېما بىلەن بىرگە كەلگەن يۇمشاق دېتاللارنى ئۆچۈرۈۋېتىپ ئىچكى سىغىمىنى چوڭايتقىلى بولىدىكەن.
چۈنكى 360 شىركىتى ئىزچىل بىخەتەرلىك مۇلازىمىتى شۇغۇللىنىپ كەلگەچكە، بۇرۇندىن توپلاپ كەلگەن بىخەتەرلىك تېخنىكىسىنى يان تېلېفون سىستېمىسىغا ئىشلەتكەن. سىستېمىسىغا بىخەتەر بولغان مال-مۈلۈككە دائىر ئەپ سەپلەنگەن، 360 شىركىتى چىكۇ مال-مۈلۈك سۇغۇرتىسى بىلەن بىلەن تەمىنلىگەن بولۇپ، ئەڭ يۇقىرى بولغاندا 120 مىڭ يۈەن تۆلەمگە ئېرىشكىلى بولىدۇ.
360 چىكۇ تېلېفونىغا يەنە شەخسى سىر ئىقتىدارى قوشۇلغان بولۇپ، مەخپىي ئۇچۇرلارنى ئايرىم شىفىرلىغىلى بولىدىكەن، 360 تېلېفونىدا يەنە بىرلا ۋاقىتتا ئىككى ئۈندىدار ئېچىش ئىقتىدارىمۇ بار.
خەۋەر مەنبەسى: ئەرقال تورى
http://erqal.com/uyghur/html/2015/0826/8143-30.html

ahmat520 · ۋاقتى: 2015-8-29 16:24:01

ياخشى بوپتۇ ، بۇلار ھەقسىز يانفۇن ئىشلەيدىكەن دەپ ئاڭلىغان ئىدىم ، ئۇ خەۋەر يالغان ئوخشىمامدۇ ؟

2595922642 · ۋاقتى: 2015-8-29 16:28:51

ياخشى بۇپتۇ

BIZLAKIM · ۋاقتى: 2015-8-29 16:49:29

جاھاندا ھەقسىز نىم با

Uyhackerjan · ۋاقتى: 2015-8-29 18:16:28

بىخەتەرلىكنى بىرنچى ئورۇندا قويغان بولسىلا ياخشى،رەھمەت...

»»»:ئالپ ئاندرويد تېرمىنالىدا يېزىلغان

سودىگەر1 · ۋاقتى: 2015-8-29 18:32:35

سەپلىمىسى قانداراقتو؟شۇنى بىلسەك بولاتتى .

بۈركۈت11 · ۋاقتى: 2015-8-29 18:51:58

سىسىتىما قانداق بۇلىدۇ ئەمدى ئۇنىڭ ،،

abdulla156 · ۋاقتى: 2015-8-29 19:31:08

ھەقىقەتەن ياخشى ئىشلەپتۇ بۇ يانفوننى، ھەممە كارتىنى 4G قوللايدىغىنىمۇ باركەن تېخى.

sidik007 · ۋاقتى: 2015-8-29 19:38:09

بۇ يازمىنى ئاخىرىدا sidik007 تەھرىرلىگەن. ۋاقتى 2015-8-29 19:39

سەپلىمىسى:
ئېكران: 6دىيوملۇق 2560x1440 ئېنىقلىقتىكى ئېكران

مەركىزىي بىرتەرەپ قىلغۇچ: 64 بىتلىق باتۇر ئەجدىھا 810 سەككىز يادرو

تور شەكلى : بىرلەشمە ،كۆچمە ،تېلگىراف 4g
قوش كارتا :قوش 4g
سېستىمىسى :360os 5.1

ئىچكى ساقلىغۇچ: 4g

rom: 64g
sdكارتا سېلىشنى قوللايدۇ

باتارىيە : 3700mah ئىچكى باتارىيە (تېز زەرەتلەش ۋە يېڭى سوۋۇتۇش سېستىمىسى )

كامېرا :1300تۈمەن 1.8يورۇقلۇق چەمبىرىكى (lg g4)غا ئوخشاش
ئالدى كامېرا :800تۈمەن 2.4 يورۇقلۇق چەمبىرىكى
بارماق ئىزى قوللايدۇ.

newstar · ۋاقتى: 2015-8-29 19:55:31

بۇ يازمىنى ئاخىرىدا newstar تەھرىرلىگەن. ۋاقتى 2015-8-29 19:58

يانتېلفون ئىشلەپ بازارغا سېلىپ باقمىغان مەن قالدىم بۇ جاھاندا.
سېتىۋالاي دېسە تېلفون ئاز ئەمەس، يانچۇقتا پۇل ئاز. كارتىدىمۇ ئاز.

i9502 · ۋاقتى: 2015-8-29 20:24:25

360 چىكۇ يانفونى ئېلان قىلىندى: بىخەتەرلىكى يۇقىرى, باھاسى 1199 يۈەندىن باشلىنىدۇ

360 نىڭ بايرىقى ئاستىدىكى چىكۇ يانفون شىركىتى بۈگۈن بېيجىڭدا يېڭى مەھسۇلات ئېلان قىلىش يىغىنى چاقىرىپ, تۇنجى نۇسخىدىكى 360 چىكۇ ناملىق يانفونىنى ئېلان قىلغان. بۇ يانفون ئالىي دەرىجىلىك نۇسخىسى, بايراقدار دەرىجىلىك نۇسخىسى ۋە ياشلار نۇسخىسىدىن ئىبارەت ئۈچ خىلغا ئايرىلىدىغان بولۇپ, سېتىلىش باھاسى 1199 يۈەندىن باشلىنىدىكەن.

چىكۇ يانفونىنىڭ گەۋدىسى مېتالدىن ياسالغان, تار رامكىلىق لايىھە قوللىنىلغان, رامكىسىنىڭ كەڭلىكى ئاران 1.4 مىللىمېتىر كېلىدىكەن, ئېكران ئاستى تەرىپىگە چەكمە كۇنۇپكا سەپلەنگەن. سىرتقى شەكلىدىن قارىغاندا, بۇ يانفون لېشى دەرىجىدىن تاشقىرى يانفونى بىلەن ئىنتايىن ئوخشىشىپ قالىدىكەن. يانفوننىڭ ئارقا يۈزىگە قوش كامېرا كۆزى ئورنىتىلغان, بارماق ئىزىنى تونۇش ئىقتىدارىغا ئىگە ئىكەن.
360 چىكۇ يانفونىغا 6.0 دىيۇملۇق ئېكران ئىشلىتىلگەن بولۇپ, 2K ۋە 1080p دىن ئىبارەت ئىككى خىل ئېنىقلىق دەرىجىسىگە ئايرىلىدىكەن, ئېكران تەمىنلىگۈچى ياپونىيەدىكى شارپ شىركىتى بولۇپ, ئېكراننىڭ يانفون يۈزىدە ئىگەللەيدىغان ھەجىم نىسبىتى %83 گە يېتىدىكەن, يانفون چوڭلۇقى iPhone 6 Plus بىلەن تەڭلىشىپ قالىدىكەن.
قاتتىق دېتال سەپلىمىسىگە كەلسەك, چىكۇ يانفونىنىڭ ئالىي دەرىجىلىك نۇسخىسىغا ئېنىقلىق دەرىجىسى 2K بولغان ئېكران, كۇۋالكوم سىنەپدىراگون 810 بىر تەرەپ قىلغۇچىسى, 4GB لىق ئىچكى ساقلىغۇچ, 64GB لىق ئاساس ساقلىغۇچ ۋە 3700 مىللىئامپىرلىق باتارىيە قاتارلىقلار سەپلەنگەن, بارلىق شەكىلدىكى 4G تورىنى ۋە قوش كارتىنى تەڭ قوللايدىكەن. بۇ يانفوننىڭ بايراقدار دەرىجىلىك نۇسخىسىغا ئېنىقلىق دەرىجىسى 1080p بولغان ئېكران, كۇۋالكوم سىنەپدىراگون 808 تىپلىق بىر تەرەپ قىلغۇچ, 3GB لىق ئىچكى ساقلىغۇچ ۋە 16GB لىق ئاساس ساقلىغۇچ قاتارلىقلار سەپلەنگەن.
ياشلار نۇسخىسىغا بولسا ئېنىقلىق دەرىجىسى 1080p بولغان 5.5 دىيۇملۇق ئېكران, سەككىز يادرولۇق بىر تەرەپ قىلغۇچ, 3GB لىق ئىچكى ساقلىغۇچ ۋە سەككىز مىليون پىكسىللىق تاق كۆزلۈك كامېرا سەپلەنگەن.

مەھسۇلات ئېلان قىلىش يىغىنىدا, 360 شىركىتىنىڭ باش دېرىكتورى جوۋ خوڭيى يانفوننىڭ بىخەتەرلىك جەھەتتىكى ئىقتىدارلىرىنى تونۇشتۇرغان. 360 نىڭ بىخەتەرلىك يۇمشاق دېتاللىرى جەھەتتە توپلىغان تەجىرىبىلىرىگە ئاساسەن, چىكۇ يانفونىنىڭ ئىچكى قىسمىغا مال-مۈلۈك سۇغۇرتا سىستېمىسى سەپلەنگەن بولۇپ, پۇل-مۇئامىلە ۋە مال-مۈلۈك تۈرىدىكى ئەپلەرگە قارىتا قوغداش مۇلازىمىتى بىلەن تەمىنلەيدىكەن, بۇندىن باشقا, ياغاچ ئات ۋېروسىدىن مۇداپىئەلىنىش, دەلىللەش كودى قىسقا ئۇچۇرى مەزمۇنىنىڭ باشقىلار تەرىپىدىن ئوغرىلىنىپ كېتىشىدىن ساقلىنىش قاتارلىق ئىقتىدارلارغىمۇ ئىگە ئىكەن.
جوۋ خوڭيى سۆزىدە 360 نىڭ ئالما مەشغۇلات سىستېمىسىنىڭ يىنىك ۋە راۋان بولۇشتەك ئالاھىدىلىكىنى ئۈگىنىپ, ئاندىرويىد يانفونلىرىدىكى قېتىۋېلىش مەسىلىسىنى تۈپ-يېلتىزىدىن ھەل قىلماقچى بولغانلىقىنى تىلغا ئالغان. 360 OS سىستېمىسى ئەپلەرنىڭ ئاپتوماتىك قوزغىلىشىنى تىگىدىن توسۇپ قالىدىغان بولۇپ, بۇ ئارقىلىق ئاندىرويىد سىستېمىسىدىكى ئەپلەرنىڭ ئارقا سۇپىدا ئۆزلۈكىدىن قوزغىلىپ, سىستېمىنىڭ قېتىۋېلىشىنى كەلتۈرۈپ چىقىرىشىنىڭ ئالدىنى ئالىدىكەن.
بۇندىن ئىلگىرى مىش-مىش خەۋەرلەردە دېيىلگەندەك, 360 يانفونىدا ئىككى ئۈندىدار نۇمۇرىنى تەڭ ئېچىش ئىقتىدارىمۇ ئەمەلگە ئاشۇرۇلغان, ئۇنىڭغا "ئۈندىدارنى ئىككىگە بۆلۈش" دەپ ئىسىم قويۇلغان, بۇ ئىقتىدار ئارقىلىق ئوخشىمىغان ئىككى ئۈندىدار نۇمۇرىنى تەڭ ئىشلىتىش, شۇنداقلا تەڭ ئىشلەتكەندە بىر-بىرىگە دەخلى قىلماسلىق ئىشقا ئاشۇرۇلغان.
دائىم چەتئەلگە چىقىدىغان دوستلارغا قولايلىق يارىتىش ئۈچۈن, 360 يەنە چىكۇ كەزمە مۇلازىمىتىنى يولغا قويغان بولۇپ, ئابونتلار چەتئەلدە تورغا چىققاندا بەش يۈەنگە 20 مىگابايت ئېقىم مىقدارى, 26 يۈەنگە بىر كۈنلۈك ئېقىم مىقدارى بىلەن تەمىنلەيدىكەن (شىياڭگاڭ ۋە ئاۋمېن رايونلىرىدا بىر كۈنلۈك ئېقىم مىقدارىنىڭ باھاسى 15 يۈەن بولىدىكەن).
مەھسۇلات ئېلان قىلىش يىغىنىنىڭ ئاخىرىدا, جوۋ خوڭيى يەنە چىكۇ يانفونىنىڭ سېتىلىش باھاسىنىمۇ ئاشكارىلىغان, بۇنىڭ ئىچىدە, ئالىي دەرىجىلىك نۇسخىسىنىڭ باھاسى 3599 يۈەن, بايراقدار نۇسخىسىنىڭ باھاسى 1999 يۈەن, ياشلار نۇسخىسىنىڭ باھاسى 1199 يۈەن بولىدىكەن. بۈگۈندىن باشلاپ ئالدىن زاكاز قوبۇل قىلىدىكەن, 9-ئاينىڭ 1-كۈنى رەسمىي سېتىلىدىكەن.

»»»:ئالپ ئاندرويد تېرمىنالىدا يېزىلغان

barhan88 · ۋاقتى: 2015-8-29 22:21:07

بىخەتەرلىك جەھەتتە ئەلەي بەلەي دىگەنلەرگە ۋاي دىيىشنىڭ بىزگە نىسبەتەن ھاجىتى يوق بىر ئىش.

akbulut · ۋاقتى: 2015-8-30 12:15:30

قىززىق ئادەملەر بادە، دۇنيانى مىنىڭ كۆزۈمدىلا كۆرۈڭلا دەيدىغان. مەھسۇلاتلارنىڭ مۇشۇنداق كۆپلەپ مەيدانغا كېلىشى ياخشى ئىش، بۇ ئالغا ئىلگىرلەشنىڭ بولىۋاتقانلىقىنى ئىپادىلەيدۇ. بىخەتەرلىك بىزگە لازىم ئەمەس ئىقتىدار دىمەڭ! سىز ئۇقمايلا بىرەر ئۇيۇننى ئويناۋاتقاندا ياكى بىرەر دىتالنى چۈشۈرگەندە ، تۇيدۇرمايلا قىسقا ئۇچۇر يوللىنىپ، تېلىفۇن ھەققىڭىزدىن پۇل تۇتۇلغاندا ئاندىن بىخەتەرلىكنىڭ نىمىلىكىنى بىلىپ قالىسىز. توختىماي توردىن بىر نەرسە چۈشۈرۈپ، تور ئېقىمىڭىزنى خوراتقان ئەپلەرگە يولۇققاندا ياغاچ ئات ۋىروسىنىڭ ئەسكىلىكىنى تۇنۇپ يېتىسىز. قىسقىسى كالتە پىكىر قىلمايلى

abdullam · ۋاقتى: 2015-8-30 12:29:20

سامسوڭنىڭ 250 كويلۇق تىلفونىغا يەتمەيدۇ يەنە

shungqar · ۋاقتى: 2015-8-30 13:14:00

بىخەتەرلىكى بەك يۇقرى تېلېفۇنلار بىزگە ماس كەلمەسمىكى ، چۈنكى كۆپىنچى ئۇيغۇچە ئەپ ۋە روملار خەنچىدىن تەرجىمە قىلىنىدۇ، بەزىلىرىگە تەلەيلىك يەشكۈچى ئارقىلىق بۇيرۇق بەرمىسە قاچىلىغىلى بولمايدۇ، بۇنداق ئەھۋالدا بۇنداق بىخەتەرلىكنى ئەڭ ئالدىنقى ئورۇنغا قويىۋالىدىغان يانفۇننى ئىشلەتسەك بەزى ئۇيغۇرچە ئەپلەرنى ئىشلىتىشتىن مەھرۇم قىلىشىمىز مۇمكىن.

360 شىركىتى يېڭى تېلېفون ئېلان قىلدى(كۆچۈرۈلمە)

20ئادەم ئىنكاس يازدى