شياۋمى نوكىيا بىلەن پاتېنت ھەمكارلىقى تۈزۈپ قىسمەن پاتېنت ھوقۇقىنى سېتىۋالدى

تېڭشۈن تورى 5-ئىيۇل خەۋىرى، نۇر تورى تەرجىمىسى:
2017-يىلى 7-ئاينىڭ 5-كۈنى شياۋمى بىلەن نوكىيا سودا ھەمكارلىق كېلىشىمى ۋە ئۇزۇن يىل كۈچكە ئىگە بولىدىغان پاتېنت ئىجازەت كېلىشىمى ئىمزالىغانلىقىنى جاكارلىدى، بۇ كۆچمە تورنىڭ ئۆلچىمىدە زۆرۈر بولغان پاتېنت جەھەتتە گىرەلەشمە ھوقۇق بېرىشنى ئۆز ئىچىگە ئالىدۇ. بۇ قېتىملىق سودىدا شىياۋمى يەنە نوكىيانىڭ قىسمەن پاتېنت بايلىقىنى سېتىۋالدى.
نوكىيانىڭ رەئىسى ۋە باش ئىجرائىيە ئەمەلدارى راجىۋ سۇرى (Rajeev Suri) مۇنداق دېدى: «شىياۋمى دۇنيادىكى ئىلغار يانفون ياساش كارخانىسىنىڭ بىرى، بۇ قېتىم شىياۋمى بىلەن كېلىشىم تۈزەلىگەنلىكىمىزدىن چەكسىز خۇشالمىز، بىز شياۋمىدەك بۇنداق خەلقئارالاشقان پەن-تېخنىكا شىركىتىنىڭ نوكىيا ھوقۇق بەرگەن كارخانىلار ئائىلىسىگە كىرىشىنى قارشى ئېلىپلا قالماي، ئۇنىڭ بىلەن كۆپلىگەن ئىستىراتېگىيەلىك تۈرلەردە ھەمكارلىشىشنى ئۈمىد قىلىمىز.»
شۇ كۈنى ئىمزالانغان سودا ھەمكارلىق كېلىشىمىگە ئاساسەن، نوكىيا ئىنتېرنېت مۇلازىمەت كارخانىسى ۋە سانلىق مەلۇمات مەركىزى ئېھتىياجلىق يۇقىرى ئىقتىدار تۆۋەن قۇۋۋەتلىك تور ئۇل مۇئەسسەسە ئۈسكۈنىسى بىلەن تەمىنلەيدۇ. نوكىيا بىلەن شىياۋمى ھەمكارلىشىپ سانلىق مەلۇمات مەركىزى ئارا ئۇچۇر يەتكۈزىدىغان ئوپتىكىلىق يەتكۈزۈش تېخنىكىسى، نوكىيا يېڭىدىن ئېلان قىلغان FP4 تور بىر تەرەپ قىلغۇچ ئاساسىدىكى IP روتېر تېخنىكىسى ۋە سانلىق مەلۇمات مەركىزى تورىنى بىر تەرەپ قىلىش ئۇسۇلىنى كەشىپ قىلىدۇ. ئۇنىڭدىن باشقا ئىككى تەرەپ يەنە IOT ،VR ،AR ۋە AI قاتارلىق جەھەتلەردە ھەمكارلىشىشى مۇمكىن.

بۈگۈنگە قەدەر شياۋمى دۇنيادىكى 30 نەچچە دۆلەت ۋە رايونغا كېڭەيدى. شياۋمى ئەقلىيفودىن باشقا، يەنە دۇنياغا داڭلىق IoT كارخانىسى بولۇپ، شياۋمى IoT سۇپىسى ئاساسىدىكى تورغا ئۇلىنىدىغان ئۈسكۈنىلەرنىڭ سېتىلىشى 60 مىليون دانىدىن ئېشىپ، كۈندىلىك ئاكتىپ ئۈسكۈنىلەرنىڭ سانىمۇ سەككىز مىليوندىن ئاشتى.
شياۋمى شىركىتىنىڭ مۇدىرىيەت رەئىسى ۋە باش ئىجرائىيە ئەمەلدارى لېي جۈن مۇنداق دېدى: «شياۋمى شىركىتى دۇنيادىكى تېخىمۇ كۆپ كىشىلەرگە ئادەمنى ھاياجانغا سالىدىغان پەن-تېخنىكا يېڭىلىقلىرىدىن بەھرىمان قىلىشقا تىرىشىۋاتىدۇ، بۇ قېتىم نوكىيا بىلەن زىچ ھەمكارلىشىش پۇرسىتى بولغانلىقىدىن بەكلا ھاياجانلاندۇق. شياۋمى خەلقئارادىكى پەن-تېخنىكا سەركىلىرى بىلەن ئىمكانىيەتلىك ئۇزۇن مەزگىللىك ھامكارلىق مۇناسىۋەت ئورنىتىشقا ئىنتىلىدۇ. نوكىيا يۇقىرى ئىقتىدارلىق كەڭ كۆلەملىك تور جەھەتتە دۇنيا بويىچە ئالدىنقى قاتاردا تۇرىدۇ، يەنە تېخى ئىنتايىن كۈچلۈك يۇمشاق دېتال ئىشلەش ۋە تېخنىكا مۇلازىمىتى ئىقتىدارىغا ئىگە. ئۇنىڭ بىلەن بولغان ھەمكارلىق شياۋمى شىركىتىنىڭ دۇنيادىكى شياۋمى مەستانىلىرىگە تېخىمۇ ياخشى مۇلازىمەت قىلىشىغا تۈرتكە بولىدۇ.»

بايام نۇر تورىدا كۆرگەنتىم، بىردەمدە ئالىپقا چىقىپ بوپتۇ!

دوسلار مۇشۇ  شاۋمىنىڭ Miui 9سېستىمىغا قاچان يېڭلىنىدىغانلىقى توغرۇسىدا خەۋەر بارمۇ

نوكىيا سۇدىن قۇرۇقلۇققا چىققاندەك بولدىدە

ھەمكارلاشقىنى  ياخشى  بوپتۇ  

ياخشىغۇ

ياخشى باشلنىش

XaTuR007 يوللىغان ۋاقتى  2017-7-6 01:01
دوسلار مۇشۇ  شاۋم ...

http://www.miui.com/thread-8895635-1-1.html

شۇنىڭ بىلەن شىياۋمىنىڭ تېلفونلىرى تىخىمۇ ياخشىلىنىپ كىتىشى مۇمكىن، نوكىيا تېلفون ساھەسىدە باشلامچى بولۇپ ئۇزۇن دەۋىر سۇرگەن نۇرغۇن پاتىنتى بار، شىياۋمى بۇ پاتىنىتلارغا ئىرىشسە  تىخىمۇ سۇپەتلىك تېلفۇنلارنى ياساپ بازار ئىگەللىشى مۇمكىن. نوكىيامۇ بۇنىڭدىن خىلى كۆپ پاتىنىت ئۆتۇنۇپ بىرىش ھەققىگە ئىرىشىدۇ ئەلۋەتتە....

شىياۋمى شىركىتى ئوپپو بىلەن ۋىۋودەك ئىلانغا تايىنىپ نام چىقىرىشنى خالىمايدۇ،ئەمەلىي تېخنىكىسى ئارقىلىق بازار ئېچىشقا ئەھمىيەت بېرىدۇ،بۇ قېتىم ياڭاق چاقالايدىغان نوكىيا بىلەن ھەمكارلاشقىنى تولىمۇ ياخشى ئىش بوپتۇ

ۋاھ   ھەجەپ  ياخشى ، غەيرەت قىل شىياۋمى

ئوغۇل بالىدەك گەپ قىپسىز  قوللايمەن

nafritim يوللىغان ۋاقتى  2017-7-6 13:21
شىياۋمى شىركىتى  ...

شۇ شۇ  دىگىنىڭىز ئىنتايىن توغرا

ياخشى  بوپتۇ  دۆلىتىمىز  يانفۇنلىرىمۇ  ئۆز رولىنى تېخىمۇ ياخشى  جارى قىلدۇرالايدۇ

شىياۋمى ئالماسلىققا باھانىڭىز بارمۇ ؟