ئۆلچەملىك ULY ئىشلىتىلسە

1217

ئەسسالامۇ ئەلەيكۇم مۇنبەر ئەھلى:
مەقسەتكە كەلسەم، ئالىپ مۇنبىرى مۇنبەر ئاتامانى ۋە مۇنبەردىكى ئۇيغۇر تىل-يېزىقىنى قىزغىن سۆيىدىغان قېرىنداشلىرىمىزنىڭ كۈچىشى بىلەن تەرەققى قىلدى ھەم قىلغۇسى.
لېكىن مۇنبەردە ئۇيغۇر كونە يېزىقىغا ئالاھىدە ئەھمىيەت بېرىش بىلەن بىر ۋاقىتتا، كونا يېزىقتا خەت يېزىش ئىمكانىيىتى بولمىغان ئەھۋالدا ئىشلىتىدىغان ULY غا پەقەتلا ئېتىبار بېرىلمىدى. بەزەن مۇنبەرداشلار يازغان ئىنكاسنى كۆرسەم راستىنى ئېيتسام قۇسقۇم كېلىدۇ. مەنغۇ كۆپ ئوقۇمىغان ئىملا خاتالىقىدىن ساقىت بولالمايمەن، لېكىن QQ دىگەندەك ئالاقە قوراللىرىدا چوقۇم ULY دا يازىمەن.
مۇشۇ ئىشتا مۇنبەر باشقۇرغۇچىلىرى پەقەت بولمىسا مەجبۇرىي ۋاستە قوللانسا، شۇنداق ئولچەمسىز يېزىلغان ئىنكاسلار بىردەك ئۆچۈرۈپ تاشلانسا دىگەن ئۈمۈتتىمەن. بۇمۇ ئۆز يېزىقىمىزنى قوللاشنىڭ بىر ئىپادىسى.
تۆۋەندە بىر  مىسال بېرەي، قانچىلىك خاتالىققا يول قويغىنىمىزنى سېلىشتۇرۇپ كورەيلى:
مەن كىر سىقىۋاتىمەن.
قالغىنى يەنىلا مۇنبەر ئەھلىنىڭ چۈشۈنىشىگە قالدى.

ئىجادكار

شۇنداق ،شۇنداق،  ئاددىسى بىزنىڭ چاقماق گۇرپىمىزنى  ULY يېزىلىشى Chaqmaq ،  بۇنى تېخى بەزىلەر چاچ-ماچ دەپ ئوقۇشىدۇ

merdan

ياخشى پىكىر ، ئۇيغۇر يېزىقدا يېزىشقا ئىمكانىيەت بولمىغان ئەھۋالدا uly نى تەشەببۇس قىلىش بىلەن بىر ۋاقىتتا يەنە ئۇيغۇرچە يېزىقنى قوللايدىغان skype دېگەندەك دېتاللارنى تەشۋىق قىلىشمىز زۆرۈر بولۇپ قالدى .

romwaz

Bolidighan pikirken ...

axik0998

ئو ما گەپنى ؟ ئەمسە ULY     دا چ  نى نىمە دەيدۇ ؟  ULY  دىگەن كۆپىنچە كىشلەرگە  تونۇشلۇق ئەمەس ، شۇنداققۇ دەيمەن .

abduwali1990521

ULY ئىشلىتىلسە؟ مەن  چۈشۈنەلمىدىم  قانداق  يەگە ئىشلىتىمىز ؟

kaptar

recovery  نى  ULY ئارقىلىق  تەرجىمە  قىلساق بولىدىكەنغۇ  

تادان

بولسا ئۇيغۇرچە يازىدىغان نەرسىلەر بارغۇ،شۇنى ئىشلىتىپ يازساق (تىلفۇندا ئامال يوقتە)، ئۆلچەملىك يىڭى يىزىقنى بەزىلەر بىلمەيدۇ(يىقىندىن بىرى تورغا چىققانلار)،بولمىسا مىكروخەتمۇ بولىدۇ

رىۋايەت

ULYدېگەننى بۈگۈن ئاڭلىشىم ،كونا يېزىق ،يېڭى يېزىق دەپ ئاڭلىغان، ئالتە يەتتە يىل كومپىيوتېر بىلەن ھەپىلىشىپ بۈگۈن ئاڭلاپتىمەن ،بۇ ULYدېگەننى!

1217

ئۇيغۇر كومپيۇتېر يېزىقى (يەنى ئۇيغۇر لاتىن يېزىقى-- ULY) كومپيۇتېر ساھەسىدە ۋە باشقا مۇناسىۋەتلىك ساھەلەردە ئۇيغۇر ئەرەب يېزىقىغا يانداش قىلىپ ئىشلىتىلىدىغان لاتىن ھەرپلىرىدىن تۈزۈلگەن يېزىق بولۇپ، 2001- يىلنىڭ ئالدىنقى يېرىمىدا ئىبراھىم مۇتىھى، مىرسۇلتان ئوسمان، مۇھەببەت قاسىم، ئىمىن تۇرسۇن، ئابلىز ياقۇپ، خەمىت زاكىر، ئارسلان ئابدۇللا، ھوشۇر ئىسلام، تۈرگۈن ئىبراھىم .. قاتارلىق ئالىم، تىلشۇناس، دوكتور ۋە پروفېسسورلارنىڭ قاتنىشىشى بىلەن 5 قېتىملىق ئىلمىي مۇھاكىمە يىغىنى ئارقىلىق 2000-يىلىغىچە ئىشلىتىلگەن 15 خىلدىن ئارتۇق ئوخشاش بولمىغان لاھىيىنى ئەستائىدىل مۇزاكىرە قىلىش ئارقىلىق 2001-يىل 3-ئىيۇل كۈنى بىرلىككە كەلتۈرۈلگەن. شۇنىڭ بىلەن بىر ۋاقىتتا، بىرلىككە كەلتۈرۈلگەن لاھىيە شىنجاڭ ئۇنىۋېرسىتېتى تەرىپىدىن ئاپتونوم رايونلۇق خەلق ھۆكۈمىتىگە ۋە تىل-يېزىق كومېتېتىگە يوللانغان. ئاپتونوم رايونلۇق خەلق ھۆكۈمىتى سابىق رەئىس ئابلەت ئابدۇرىشىتنىڭ تەشكىللىشى بىلەن شۇ يىلى باھاردا «ئۇيغۇر ئىسىم - فامىلىسى ۋە ULY توغرىسىدا مەخسۇس پىكىر ئاڭلاش يىغىنى» چاقىرىپ، دەسلەپكى قەدەمدە ئۇيغۇر ئىسىم - فامىلىلىرىنى قېلىپلاشتۇرۇش، شۇنداقلا ULY نىڭ ئاممىۋىي ئاساسىنى پۇختىلاش، ئۇندىن كېيىن شارائىت پىششىپ يېتىلگەندە قايتا مۇزاكىرە قىلىش قارارىغا كەلگەن.

ئىلمىي مۇھاكىمە يىغىنلاردا «ئۇيغۇر كومپيۇتېر يېزىقى (يەنى ئۇيغۇر لاتىن يېزىقى) نى ئىشلىتىش يېزىق ئۆزگەرتىش ئىسلاھاتى قىلىش بولماستىن بەلكى ئۇيغۇر ئەرەب يېزىقىغا قوشۇمچە قىلىپ ئىشلىتىلىدۇ...» دەپ ئېنىق كۆرسىتىلگەن ھەم تەكىتلەنگەن.

ULY نىڭ بىرلىككە كېلىشى موشۇ بەتتە ساقىت قىلىنغان نۇرغۇن مۇتەخەسسىس ۋە تورداشلارنىڭ ئىلمىي مۇنازىرىلەر ئارقىلىق بارلىققا كەلگەن ئورتاق نەتىجە بولۇپ، ئۇ مەلۇم بىر شەخىس ياكى تور بېكىتىنىڭ ئىجادىيىتى ئەمەس. ULY ئېلىپبەسى نۆۋەتتە نۇرغۇن تور بېكەتلىرى، كۈندىلىك ئالاقە ۋە ئىلمىي تەتقىقات ھەم باشقا ساھەلەردە كەڭ كۆلەمدە ئىشلىتىلمەكتە.

ئەسكەرتىش: 1. ئەگەر «Öö, Üü, Éé» لارنى كىرگۈزۈشكە ئىمكان بولمىغاندا، ULY بەلگىلىمىسىگە ئاساسەن ماس ھالدا «Oo, Uu, Ee» لارنى ئىشلىتىشكە بولىدۇ. «Öö, Üü, Éé» لارنى كىرگۈزۈش ئۇسۇلى http://www.ukij.org/teshwiq/uey%20eou.HTM دا تەپسىلىي كۆرسىتىلدى. 2. [zh] بولسا «ژ» (ژۇرنال) ھەرپىنىڭ ئوقۇلۇشىنى ئىپادىلەش ئۈچۈن تولۇقلىما سۈپىتىدە ئىشلىتىلىدۇ. مەسىلەن: ژۇرنال [zhurnal] .

دىققەت: 2005-يىلىنىڭ باشلىرىدا تورداشلارنىڭ تەكلىپى ۋە قوللىشى بىلەن ئۇيغۇر كومپيۇتېر يېزىقى (UKY -- Uyghur Kompyutér Yéziqi) دېگەن ئاتالغۇنى ئۇيغۇر لاتىن يېزىقى (ULY) دەپ ئېلىش مۇۋاپىق كۆرۈلگەن . بۇنداق قىلىشتىكى مەقسەت ULY نىڭ كومپيۇتېر تىلى/يېزىقى بولغان 0 ۋە 1 لەر بىلەن ئارىلىشىپ كېتىپ كىشىلەردە ئاتالغا ياكى ئۇقۇم قالايمىقانچىلىقى پەيدا قىلىشتىن ساقلىنىش ئۈچۈندۇر. UKY ۋە ULY لار بىر نەرسىنى كۆرسىتىدۇ. ئۇلار ئۇيغۇرچە سۆزلەر ئارىسىدا قىسقارتىلما ئاتالغۇ شەكلىدە ئىشلىتىلگەندە ماس ھالدا«ئۇيغۇر كومپيۇتېر يېزىقى» ۋە «ئۇيغۇر لاتىن يېزىقى» دەپ ئوقىلىدۇ (يەنى قىسقارتىلغان سۆز «ش ئۇ ئا ر» نى «شىنجاڭ ئۇيغۇر ئاپتونوم رايونى» دەپ ئوقىغاندەك).