WP8 دىكى يەنە بىر كىرگۈزگۈچكىمۇ ئۇيغۇرچە قوشۇلدى

gewala

ئەسسالاممۇ ئەلەيكۇم قېرىنداشلار:
ئەقلىفونلار ئۈچۈن ۋىندوۋس سەككىز سېستىمىسىنىڭ ئېلان قىلىنىشى ۋە ئەڭ مۇھىمى ئۇيغۇر تىلىنى يادرودىن قوللايدىغانلىقى ۋە ئۇيغۇرچە تىل بولىقىنىڭمۇ ئېلان قىلىندىغانلىقى سەۋەبىدىن ئارىمىزدا مۇشۇخىل سېستىمىلىق يانفۇنلارنى ئىشىلتىش قىزغىنلىقى كۆتۈرۈلدى،شەخسەن مەن ئۆزۈممۇ ھەم شۇنداق،نۆۋەتتە تېخى ئىگە تەرەپ تارقاتقان ئۇيغۇرچە كۇنۇپكا تاختىسى بولمىغاچ ئامال يوق ئۈچۈنچى تەرەپ ئىشلەپ تارقاتقان كۇنۇپكا تاختىسى بىلەن ئېھتىياجىمىزنى قامداشقا توغرا كەلدى .ئىلگىرى كىيىن بولۇپ ئەلپۇر ۋە ئابلىكىم قاتارلىق قېرىنداشلىرىمىز ئانا تىلىمىز ئۈچۈن كۇنۇپكا تاختىسى ئىشلەپ تارقاتتى ،بۇ قېرىنداشلىرىمنىڭ ئانا تىل ئۈچۈن قىلغان ئەمگەكلىرىگە رەھمەت ئېيتىمەن ، ئاللا قىلغان ئەمگەكلىرىنىڭ ئەجرىنى بەرگەي. ئەمدىلىكتە مانا my keybo plus  دىگەن كىرگۈزگۈچكىمۇ ئۇيغۇرچە قوشۇلدى .بۇمۇ wp8    ساھەسىدە  بىز خوشاللىنارلىق  بىر ئىش .يېقىندا ئەپ بازىرىنى ئارلاپ يۈرۈپ my keybo plus  دىگەن بىر كىرگۈزگۈچنى ئۇچۇرتىپ قالدىم ۋە قاچىلاپ كۆرۈپ باقتىم، بۇ كىرگۈزگۈچ ئارقىلىق ئېنگىلىسچە ،ئەرەپچە ۋە باشقا يەنە ئۈچ خىل تىلدا خەت يازغىلى بولىدىكەن ،ئىقتىدارىمۇ خېلى يامان ئەمەسكەن ، شۇنىڭ بىلەن ئەرەپچە بولغانىكەن ئۇيغۇرچىمۇ ئەلۋەتتە بولالايدۇ دەپ ئويلاپ كىرگۈزگۈچنى ياسىغان ئادەمگە بۇ ئەپنى ياقتۇرۇپ قالغانلىقىمنى ئۇيغۇرچىنىمۇ قوشۇش ئىمكانىيتىنىڭ بار يوقلىقىنى سورىدىم (ئېنگىلىسچە سەۋيەم ئالىي مەكتەپ ئېنگىلىسچىسى 2 كىتاپ بىلەن ئاياغلاشقان بولغاچقا ئۇنىڭ بىلەن ئالاقە قىلىشتا گوگۇل تەرجىمان ۋە بىر يېقىن دوستۇم ھالقىلىق رول ئوينىدى بۇ يەردە ئۇ ئىككەيلەنگە چوڭقۇر رەھمەت ئېيتىمەن )ۋە ئېلخەت ئەۋەتتىم ، ئۇنىڭدىن جاۋاپ كىلىپ كەلدى ، ئۇ ئۇيغۇرچە ئەرەپچە بىلەن ئوخشاش دەپ ئويلاپ قالغانمىكى ، ئۇيغۇرچە بىلەن ئەرەپچىنىڭ نىمە پەرقى بار دەپ سوئال سوراپتۇ، مەن ئۇيغۇر تىلىدا قانچە ھەرىپ ،قانچە سوزۇق تاۋۇش قانچە ئۈزۈك تاۋۇشنىڭ بارلىقىنى ۋە ئەرەپچە بىلەن بولغان پەرقىنى ئازراق سۆزلەپ ئۇنۇڭغا ئۇيغۇرتىلى ھەرىپلىرىنىڭ كۇنۇپكا تاختىسىدىكى ئورنى كۆرسىتىلگەن رەسىمنى يوللاپ بەردىم ،ھەمدە ئاندىروئىد سېستىمىسىدا
MultiLing Keyboard  دەپ كىرگۈزگۈچتە ئۇيغۇرچىنىڭ بارلىقىنى قىزىقسا شۇنى كۆرۈپ باقسا بولىدىغانلىقىنى دىدىم. ئارىدىن بىر نەچچە كۈن ئۆتۈپ ئۇنىڭدىن يەنە خەت كەلدى ،خەتتە كىلەركى نەشىردە ئۇيغۇرچىنىمۇ قوشىدىغانلىقىنىمۇ ئېيتىپتۇ ، ئارىدىن بىر نەچچە كۈن ئۆتۈپ يەنە خەت يېزىپتۇ ئۇيغۇرچىنى قوشۇپ بولغانلىقى ،بازارغا يوللىغانلىقىنى ۋە تەستىقلانغاندىن كىيىن چۈشۈرۈپ يېڭىلىۋىلىشىمنى ئېيتىپتۇ . مەنمۇ جاۋابەن ئۆزۈمنىڭ ئىنتايىن خوشال بولغانلىقىمنى ئۇنىڭ قىلغان ئەمگىكىگە رەھمەت ئېيتىدىغانلىقىمنى يېزىپ ئەۋەتىۋەتتىم . بۈگۈن مانا چۈشۈرۈپ قاچىلاپ كۆرۈپ باقتىم . كۆپچىلىكمۇ چۈشۈرۈپ قاچىلاپ ئىشىلتىپ بېقىڭلار ، مۇشۇنداق ئۇيغۇرتىلى ھەققىدىكى ئەپلەر قانچە كۆپ بولسا بىزگە شۇنچە ياخشى ، بولسا ئۇ ئەپكە قارىتا ئۇيغۇرچە ئىنكاس ۋە تەشەككۈر خەتلىرىنى يېزىپ قويايلى ،تونىمايدىغان باشقا بىر تىلدىكى باشقا بىر مىللەتتىكى ئادەمنىڭ مۇشۇنچىلىك قىلمىقى ھەقىقەتەن ئاسان ئەمەس . بايقىغان مەسىلىلەر ۋە تەكلىپ پىكىرلەر بولسا قارشى تەرەپكە ئەۋەتىپ بېرەيلى . گەپ مۇشىنچىلىك بولسۇن ئەمىسە چۈشۈرۈپ قاچىلاشنى باشلاڭ

ｐａｒｗａｚ

ياخشى  ئىش بوپتۇ ....جاپا چىكىپسلەر

يولتاپ

بۇ چوڭ بىر خوشاللىق بوپتۇ

alip

ئېسىل ئىش بولۇپتۇ.
رەسىملىرىنىمۇ قوشۇپ يوللاپ قويسىڭىز بوپتىكەن.

abduwali1990521

قېنى چۈشۈرۈش ئادىرسى  يوققۇ بۇ ھەرىپ تاختا Android قىمۇ  بۇلامدۇ؟

marxal

ئەجىرڭىز گە رەھمەت،ئاللا ئشلىرىڭىزنى بەركەتلىك قىلسۇن،

1217

بولىدىغان كىرگۈزگۈچ ئىكەن. بىۋاستە بۇنىڭدا تۇرۇپلا ئۇچۇر، ئېلخەت ئەۋەتكىلى ۋە ئېنتېرتېتتىن ئىزدەشكە ئۆتكىلى بولىدىكەن. بىزنىڭ بالىلار ياسىغاننىڭمۇ مۇشۇنداق قولايلىقراق بولىشىنى ئۈمۈت قىلىمىز ئەمدى. ئىككى خىل نۇسخىسى بار ئىكەن. ھەقسىزنى چۈشۈرۈپ تۇردۇم. ئۆزىمىزنىڭكىنى سېتىۋالامەن.

19950706

بۇنىڭدا چچ غىمۇ ئۇيغۇرچە يوللىغىلى بولامدىغاندۇ

Go_on

ئوھوي، ماۋۇ كونۇپكا تاختىسى خېلىلا قولايلىق بوپتۇ جۇمۇ، ئابلىكىم ئاتلىق قېرىندىشىمىز ياسىغان تاختايغىمۇ ئازراق ئىقتىدار قوشسا پىچەت بولاتتى. نېمە ئۈچۈندۇ ئۇ كىرگۈزگۈچنىڭ سۈرئىتى بىر قەدەر ئاستا، ماڭا ئوخشاش سۈرئەتكە ئەھمىيەت بېرىدىغان ئادەم سەل قاملىشالمايدىكەن، ئۇنىڭدىن كېيىن يېزىپ بولغان خەتتىكى ئىملا خاتالىقىنى ئوڭشاي دىسەم نۇر بەلگىنى خالىغان جايغا ئەكەلگىلى بولماي قاقشاتقان ئىدى. ماۋۇ چەتئەللىك ئەپەندىنىڭ ياسىغىنى خېلىلا قولايلىق چىقىپتۇ، تېما ئىگىسىگىمۇ كۆپ تەشەككۈر. مەن ھېلىقى كۈمۈش ئېدىت دىگەن تاختاي چىققاندا ئالتە سومغا سېتىۋالغان، لېكىن كۆپ ئىشلەتمىدىم سەۋەبى: كونۇپكا ئورۇنلاشتۇرۇشىغا كۆنەلمىدىم. ئەمدى يازغان خالىغان خەتنى ئارىسىدىن تۇتۇپلا كۆچۈرۈپ ئىشلەتكىلى بولىدىغان قىلسا بولاتتى.

android2.1

بۇ بەك ياخشى ئىش بولۇپتۇ. رەخمەت تېما ئىگىسى .

从头再来

ئەسسالامۇ ئەلەيكۇم قېرنداشلار   HTC T528D نىڭ پەققەت روت ھۇقۇقىغا ئېرشەلمىدم ياردەم قېلىڭلار