Lumia 620 ئىشلەتكەندىن كېيىنكى تەسىرات

Go_on

ئەسسالامۇ ئەلەيكۇم دوسلار، مەن يېقىندا win8 سېتىۋېلىپ ئىشلەتكەندىن كېيىن، win8 كە بولغان ئىشتىياقىم بەك يۇقىرلاپ كەتتىمۇ قانداق، تېلېفونغىمۇ win8 ئىشلەتكۈم كەپ كەتتى. Lumia 920 , Lumia 820 دىگەنلەرنى ئالاي دىسەم پۇل ئاياپ قېلىپ يۈرگەن كۈنلەردە، Nokia دىكىلەر مېنىڭدەك نامراتلارنى كۆزدە تۇتۇپ يېقىندىلا تېخى Lumia 620 نامىدىكى تېلېفونلىرىنى بازارغا ساپتۇ، مەشغۇلات سىستېمىسى ئوخشاشلا WP8، باھاسى 820 ۋە 920 لەردىن كۆپ ئەرزان. ئەلۋەتتە ئەرزان بولغاچقا ئەرزانغا لايىق يەرلىرىمۇ يوق ئەمەس. مەسىلەن كامېراسى ئاۋۇلاردەك قاتىللاردىن ئەمەس، ھەر ھالدا بولىدۇ 5 مىليۇنلۇق ئارقا كامېرا، ئالدى كامېرانىڭ ئېنىق سان سىفىرىنى مەنمۇ بىلمەيمەن. 1G لىق قوش يادرولۇق CPU, ئىچكى ساقلىغۇچى 512MB ۋە 8GB لىق ھۆججەت بوشلۇقى دىگەندەك. ئەلۋەتتە SD كارتا سېلىپ سىغىم كېڭەيتىشكە بولىدىكەن، مەنمۇ يەنە 8GB لىق كارتا سېلىپ قويدۇم. مەشغۇلات سۈرئىتى مېنى رازى قىلدى، ئەلۋەتتە بۇمۇ ئەمەسلا بىر دۇنياكەن، بۇرۇن كۆنگەن Android تېلېفونلارغا ئوخشىمايىكەن. ئالما تېلېفونىغا ئوخشاش ئەپلەرنى دۇكاندىن چۈشۈرۈپ قاچىلايدىكەنمىز، ئوبدان ئەپلەر پۇللۇق، پۇلسىزلىرىمۇ خېلى كۆپكەن. بۇ تېلېفون دۇنياغا كەلگىلى ئۇزۇن بولمىغان بولسىمۇ دۇكاندىكى ئەپلەرنىڭ سانىنى ئاز دىگىلى بولمايدۇ، ھاجەتتىن چىققۇدەك نۇرغۇن قوراللار باركەن. تېلېفوننىڭ كۆرۈنمە يۈزى windows 8 نىڭ مېترو يۈزىگە ئوخشاپراق كېتىدۇ، ئېكران ئىككىلا بۆلەككە بۆلۈنگەن، بىرىنچىسى ئېكران يۈزى ھەرقايسى ئەپلەرنىڭ تىزلەتمە سىنبەلگىلىرى ئورۇنلاشتۇرۇلغان، خالىغانچە قوشۇشقا ۋە ئۆچۈرۈشكە بولىدۇ، ئالاھىدىلىكى سىنبەلگىنىڭ چوڭلۇقىنى تەڭشەشكە بولىدىكەن، كىچىك، چوڭ، زىيادە چوڭ دىگەندەك. تېلېفوننىڭ سىرىتقى شەكلى بوپ قۇيىدۇ، بولۇپمۇ مەندەك بەك چوڭ تېلېفونلار بىلەن خوشى يوقلار ئۈچۈن تازا مۇۋاپىقكەن، ئېكران چوڭلۇقى 3.8. باتارىيەسىنى ئالماشتۇرۇشقا بولىدۇ، ھازىرچە توكى ئوبدان يىتىۋاتىدۇ، نورمال ئىشلەتسەم ئىككىنچى كۈنىگىمۇ بەرداشلىق بېرىدۇ. ھەم قوراشتۇرۇلىشى بىرخىل پۇختا تەسىر بېرىدۇ، كەينى قاپقىقىنى ئاچسىمۇ ئۇنچە پۈۋلەپ قويسا سۇنۇپ كېتىدىغانلاردىن ئەمەس، ياڭاق چېقىپ يىسىمۇ بولىدىغاندەك سېزىم بېرىدۇ. يامان يېرى كارتىنى كېسىپ سالدىم. باھاسى 1999 يۈئەن ئىكەن، تالىشىپ يۈرۈپ 1800 گە ئالغان بولدۇم.

ھە راس ھەممىىمز قىزىقىدىغان مۇھىم بىر تەرىپى ئۇيغۇرچە قوللاش ئەھۋالى ئەلۋەتتە، ئۇيغۇرچە قوللاشتا قىلچە مەسىلە يوق. خەت فونتى windows8 نىڭ خاتاسى يوقلا ئۆزى شۇ بولسا كېرەك، win8 نى  يېڭى قاچىلىغاندا كۆرۈنگەن قوليازمىدەك خەت شەكلى نەقلا شۇكەن. بارلىق ئورۇنلاردا ئۇيغۇرچە خەتلەر راۋان ئۇلىشىدىكەن، ھە راس SkyDrive بىلەن ئورتاقلىشىدىكەن، win8 كە ئوخشاشلا Microsoft ھېساۋاتى كېرەك بولىدىكەن مەن كومپيۇتېرىم بىلەن ئوخشاش ھېساۋاتتا ئىشلىتىۋاتىمەن، بۇ ھېساۋات ئارقىلىق www.windowsphone.com غا كىرىپ، تېلېفوندىكى بىز قاچلىىغان ئەپ تارىخنى كۆرگىلى، ئۆچۈرگىلى ۋە قايتا قاچىلىغىلى بولدىكەن. ئۇنىڭدىن باشقا تېلېفون يۈتۈپ كەتسە تور يۈزىدە تۇرۇپ، تېلېفوندىكى سانلىق مەلۇماتلارنى ئۆچۈرگىلى، تېلېفوننى قۇلۇپلاق قويغىلى، GPS ئارقىلىق ئىز قوغلىغىلى ۋە تېلېفوننى سايراتقىلى بولىدىكەن. ئېكراندىن رەسىم تۇتۇش ئىقتىدارى بار ئىكەنتۇق بىرنەچچە پارچە رەسىم تۇتۇپ ساقلىۋالغان تۆۋەندە يوللايمەن، جەمى 19 پارچە رەسىم ئىدى، ئالىپقا بۇرۇن رەسىم يوللاپ باقمىغان ئىكەنمەن، قانچىلىك يوللىغىلى بولىدۇ بىلمىدىم قېنى ئەمىسە بەھىر ئالغايسىزلەر. يەنە بىرسى مەن تېلېفوننى بۇرۇنتىن ئېنگلىزچە ئىشلەتكەچە بۇ رەسىملەرمۇ شۇ ھالەتتە تۇتۇلغان شۇڭا توغرا چۈشەنگيسىلەر.

★、Majnun

مىنىڭ شۇنداق بىر ئىشلەتكۈم بار ئىدى ، ئەمما شۇ پۇل يوق ``` قاچانمۇ پۇل تاپار بولارمىز ...

pirdawis

★、Majnun يوللىغان ۋاقتى  2013-1-31 17:51
مىنىڭ شۇنداق بىر ئىشلەتكۈم بار ئىدى ، ئەمما شۇ پۇل يوق ` ...

ماۋۇ گىپىڭىزگە كۈلۈپ كەتتىم

bengbash

مېنىڭچە نوكىيانىڭ 5 مىليۇنلۇق ئاپپاراتى دۆلىتىمىزنىڭ 8 مىليۇنلۇقتىن ياخشىراقمىكىن.

يۇمشاق دىتال

راس دەيسىز  نوكىيا . سونى دىگەندەكلەر سەپلىمىسىنى تۆۋەن چىقىرىدۇ لىكىن ھەقىقى يۈز كىلەلىگۈدەك دەرىجىدە ھەقىقى چىقىدۇ
لىكىن دۆلىتىمىزنىڭ بەزى يانفۇنلىرى سەپلىمىسى خىلى يۇقرى چىقىدۇ لىكىن ئەمەلىيەتتىچۇ؟
ئىشقىلىپ مەنچە نوكىيانىڭ قاتتىق دىتاللىرىنىڭ سۈپىتى رەسمى بولاپ قويىدۇ

diyarimiz

يانفۇنىڭىزدىكى قۇرئان ئۇيغۇرچىما؟ ئەگەر ئۇيغۇرچە بولسا ئەپ نامىنى يوللاپ قويغان بولسىڭىز بوپتىكەن

Go_on

★、Majnun يوللىغان ۋاقتى  2013-1-31 17:51
مىنىڭ شۇنداق بىر ئىشلەتكۈم بار ئىدى ، ئەمما شۇ پۇل يوق ` ...

مەنمىغۇ باي ئەمەستىم بولمىسا، نىمە ھەۋەس قوزغالدى بىلمىدىم پوككىدە ئېلىۋەتتىمغۇ.

Go_on

diyarimiz يوللىغان ۋاقتى  2013-1-31 19:10
يانفۇنىڭىزدىكى قۇرئان ئۇيغۇرچىما؟ ئەگەر ئۇيغۇرچە بول ...

شۇنداق ئۇيغۇرچە تەرجىمىسى باركەن، ئەپ دۇكىنىدىن چۈشۈرگەن. Quran دەپ ئىزدىسىڭىز ئەپ دۇكىنىدىن، خېلى كۆپ قۇرئان چىقىدۇ. Al Quran دىگىنى مەن چۈشۈرگىنى شۇ. تەرجىمە تېكستىنى تاللاپ چۈشۈرىدىغان يەردە ئۇيغۇر دەپمۇ باركەن، كۆرۈپ شۇنداق خوش بولدۇم.

دەستۇر

ئەسسالامۇئەلەيكۇم دوستۇم مۇبارەك بولسۇن.مىنىڭ بىرمەسلەھەتىم بار ئىدى.سىز مەن دىگەن ئۇسۇل بىلەن سىناپ باقاندىن كىيىن ئىنكاس شەكىلدە بىر جاۋاب يېزۋەتسىڭىز.سىز تىل تاللاش تۈرنىڭ ئىچىدىن ئۇيغۇر تىلىنى تاللىماي تۇرۇپ بر تورغا چىقىپ سىناپ باققان بولسىڭىز.خەتلىرى بۇرۇنقىدەك ئۇلۇشۇپ چىقامدۇ ياى ئۇنداق بولمامدۇ.چۈنكى مەن ئالدىنقى قېتىم سىز دىگەن 920 ۋە 820 لەرنى كۆرۈپ سىناپ بىقىش ئۈچۈن بازارغا چىقىپ سىنغان ئىدىم.بىرىجى دۇكاندا ئاۋال تىل تاللاش رايۇنىغا كىرىپ ئۇيغۇر تىلىنى تاللاپ تورغا چىقىپ باقسام سىزنىڭ تېلېفونىڭىزدا كۆرۈنگىنىدەك چىققان ئىدى.لىكىن ئىككىنىجى دۇكانغا چىقىپ سىناپ باقسام كاساپەت خەتلىرى شۇنداق چىرايلىق چىقىپ كەتتى.خۇددى ئالىپ تورمىزنىڭ كومپىيوتىر نۇسقىسىدىكىدەكلا.ئەينى چاغدا بەك دىققەت قىلىپ كەتمەپتىمەن.قايتىپ كىلىپ ئويلاپ قالدىم.ئىككىسى ئوخشاش تېلېفون نىمە ئۈچۈن خەتلىرى ئوخشاش چىقمايدىغاندۇ؟بىرسىنىڭ يەنى مەن تىلنى ئۇغۇرچىغا تەڭشەپ ئىشلەتكىنىم بىزە كۆركەمسىز،سىزنىڭكىدەك،لىكىن مەن تەڭشىمەيلا چىققىنىم بەكلا چىرايلىق،شۇڭا سىز تەڭشىگەن ھالەتتە بىر قېتىم،تەڭشىمەي تۇرۇپ بىر قېتىم تورغا چىققىپ سىناپ باققان بولسىڭىز.رەھمەت.بەك كۆپ سۆلەپ قويدۇم ھە،خاپا بولماڭ.

تادان

باھاسى نىمىشقا قىممەت چىقىدىغاندۇ مۇشۇ ئوخشاش سەپلىمىلىك ئاندىروئىد بىلەن ۋىندوۋىس تىلفۇنلار باھا پەرقى خىلى كۆپ پەرىقلىنىپ قالىدىكەن. باياتتىن كۆرگىنىمگە قارىسام مىنىڭمۇ بىرنى ئىلىپ (خۇاۋىنىڭ ۋىن 8لىك تىلفۇنى بۇنىڭدىن خىل ئەرزاندەك قىلغان)ئىشلەتكۇم كىلىۋاتىدۇ.