رادىيو، تېلېۋىزىيە ھەۋەسكارلىرى ئۈچۈن

abdulla74

ئەسسالامۇ ئەلەيكۇم!
رادىيو-تېلېۋىزىيە ھەۋەسكارلىرى ئۈچۈن مەن ياقتۇرۇپ ئىشلىتىپ كېلىۋاتقان ئۈچ ئەپنى تونۇشتۇراي:
1. رادىيو ئاڭلاش دېتالى:
ئەپ نامى: any radio ياكى 手机电台
ئەپنىڭ ئۆزىدە جۇڭگونىڭ مەركەز ۋە يەرلىك رادىيو ئىستانسىلىرى تەمىنلەنگەن، مەركەزنىڭ، شىنجاڭ خەلق رادىيو ئىستانىسىنىڭ، قۇمۇل، ئىلى، قاراماي قاتارلىق ۋىلايەت، شەھەرلەرنىڭ ئۇيغۇرچە ئاڭلىتىشىنى ئاڭلىغىلى بولىدۇ.
ئەگەر تور ئادرېسىنى بىلىدىغان باشقا رادىيو ئىستانسىلىرىنىمۇ قوشۇپ ئاڭلىماقچى بولسىڭىز، ئەپنىڭ قوزغىلىش يۈزىنىڭ ئاستىدىكى 收藏 (ئوڭدىن ئۈچىنچىسى) خېتىنى بېسىپ، كىرگەن كۆزنەكنىڭ ئۈستىدىكى ئۈچ تىزىملىكنىڭ ئوڭدىن بىرىنچىسى، يەنى 自定义电台نى چەكسىڭىز، ئوڭ تەرەپ ئۈستىدە قوشۇش بەلگىسى چىقىدۇ، قوشۇش بەلگىسىنى بېسىپ، ئېچىلغان كۆزنەكنىڭ ئۈستىدىكى رامكىغا ئىستانسىنىڭ نامىنى، ئاستىدىكى رامكىغا ئىستانسىنىڭ تور ئادرېسىنى كىرگۈزۈپ، جەزملەشتۈرسىڭىز، بۇ قانال تىزىملىككە قوشۇلىدۇ.
2. تېلېۋىزىيە كۆرۈش دېتالى:
ئۇيغۇرچە تېلېۋىزىيە قاناللىرىنى كۆرۈش ئۈچۈن 天山云 ناملىق ئەپنى تەۋسىيە قىلىمەن، شىنجاڭ 2-، 5-، ئۈرۈمچى 2-قانىلى چىقىدۇ؛ باشقا قاناللارنى كۆرۈشكە 达龙影音 ياخشى، بۇنى ياخشى دېيىشىمدە، ئۆزىڭىز ياخشى كۆرىدىغان قاناللارنى قوشالايسىز (ئەلۋەتتە، تور ئادرېسىنى بىلىشىڭىز شەرت).  بۇ ئەپنى قوزغىتىپ، ئاستى تەرەپتىكى 收藏 (ئوڭدىن 3-)نى بېسىپ، ئۈستىدىكى 流媒体نى باسىمىز، ئوڭ تەرەپ ئۈستىدىكى قوشۇش بەلگىسىنى باسساق، ئىككى رامكىلىق كۆزنەك ئېچىلىدۇ، ئۈستى رامكىغا قانال نامىنى، ئاستى رامكىغا قانالنىڭ تور ئادرېسىنى كىرگۈزۈپ، جەزملەپ چېكىنىمىز.
قاناللارنىڭ تور ئادرېسىىغا ئېرىشمەكچى بولسىڭىز، http://delicast.com/tv غا بېرىپ، دۆلەت نامىنى چەكسىڭىز، شۇ دۆلەتنىڭ توردا تارقىتىلىدىغان تېلېۋىزىيە پىروگرامما تىزىملىكى چىقىدۇ، تىزىملىكتىن مەلۇم بىر قانالنى تاللىسىڭىز، ئەگەر windows media player دا قويۇلۇپ قالسا، مائۇسنىڭ ئوڭنى چېكىپ، خاسلىقىنى كۆرۈش ئارقىلىق بۇ قانالنىڭ mmsتىن باشلىنىدىغان تور ئادرېسىنى تاپالايسىز؛ ئەگەر flv فورماتتىكى قاناللار بولۇپ قالسا، بۇنى قانداق قوشۇشنى مەنمۇ بىلمىدىم.
3. سۈنئىي ھەمراھ ئانتېنناسى توغرىلاش دېتالى:
نامى: 超级工程师. قاچىلاپ قوزغاتسىڭىز، نۇرغۇن قورال تىزىملىكى كۆرۈنىدۇ، بۇنىڭدىن 寻星精灵نى چېكىپ، ئەڭ ئۈستىدىكى 选择卫星نى چەكسىڭىز، سىز توغرىلىماقچى بولغان سۈنئىي ھەمراھلارنىڭ تىزىملىكى چىقىدۇ، ئەگەر سىز ئىزدىمەكچى بولغان سۈنئىي ھەمراھ بۇ تىزىملىكتە بولمىسا، يانفوننىڭ تىزىملىك كونۇپكىسىنى بېسىپ، 添加卫星نى باسىسىز، ئۈستى رامكىغا سۈنئىي ھەمراھ نامىنى، ئاستىغا سۈنئىي ھەمراھ ئوربېتاسىنى (مەسىلەن، 92.2 دېگەندەك) كىرگۈزىسىز. جەزملەپ چېكىنگەندىن كېيىن، GPS ، wifiياكى 基站لارنىڭ مەلۇم بىرى ئارقىلىق ئورنىڭىزنى تاپقۇزسىڭىز، سولدىكى 天线经度  天线纬度لارغا سان تولدۇرۇلىدۇ؛ ئۆزىڭىز تۇرۇشلۇق جاينىڭ جۇغراپىيەلىك ئورنىنىڭ سانلىق قىممىتىنى بىلسىڭىز ئۆزىڭىز بىۋاسىتە كىرگۈزسىڭىزمۇ بولىدۇ. ماۋۇ تورداhttp://www.d1xz.net/xp/jingwei/xinjiang.aspx سىزگە لازىملىق ئۇچۇر تېپىلىپ قالىدۇ. ئاخىرىدا، ئەڭ ئاستىدىكى ئىككى خىل ئۇسۇلدىن ئۆزىڭىز ياقتۇرىدىغان بىرىنى تاللاپ ئانتېننا توغرىلاشنى باشلىسىڭىز بولىدۇ.
مەسلەكداشلار بىلەن پىكىر ئالماشتۇرۇشنى خالايمەن.
ئەسكەرتىش: يۇقىرىدىكى بايانلار پەقەت تېخنىكا نۇقتىسىدىنلا ئوتتۇرىغا قويۇلدى. ئىشلىتىش جەريانىدا سىياسىي سەزگۈرلۈكىڭىز يۇقۇرى بولغاي، ئۆزىڭىزنىڭ جۇڭگو پۇقراسى ئىكەنلىكىڭىز ئەستىن كۆتۈرۈلمىگەي، پارتىيە-ھۆكۈمەتنىڭ ئالاقىدار سىياسەت-قانۇنلىرىغا قاتتىق رىيايە قىلغايسىز.

brove

رەھمەت سىز گە!
بىر سىناپباقاي

ASRA0903

تازىمۇ مەن ئىھتىياجلىق تىما ئىكەن ئەتىلا سىناپ باقاي

abdulla350

رەھمەت!

koklan

تېما ئىگىسى ،سەممى ئەسكەرتىش : مۇشۇنداق خەلققارا مەزمۇندىكى ئۇن -سىن بۇيۇملىرغا دىققەت قىلساڭ ، يۇقىردا سىز تەۋسىيە قىلغان ئۇلانمىدا ،سىزئۆزىڭز كۆرۇپ باقمىغان ۋە ئاڭلاپ باقمىغان مەزمۇنلار بار بولىشى مۇمكىن ، شۇڭا سىڭگەن نانى يەپ ئۆزئىشمىزنى قىلساق ، ئەرزىمەس ئىشلار ئۇچۇن ئۆزىمىزنى تۇگەشتۇمىسەك.

yulgun9939

رەھمەت سىزگە قېرىندىشىم، كۆپ جاپا تارىپسىز.

abdulla74

koklan يوللىغان ۋاقتى  2012-12-1 11:55
تېما ئىگىسى ،سەممى ئەسكەرتىش : مۇشۇنداق خەلققارا مەزمۇ ...

ئەسكەرتكىنىڭىزگە كۆپ رەھمەت. ئەسلىي تېمىدىكى قىسمەن مەزمۇنلارنى تەھرىرلەپ قويدۇم.