YY دا داۋاملىق دەرس ئاڭلامدۇق ؟

merdan

ئەسسالامۇ-ئەلەيكۇم !
     ئالدىنقى ئاينىڭ 30-كۈنى مۇنبىرىمىزدىكى amqi ئەپەندىنىڭ زور تىرىشچانلىقى ۋە كۆپچىلىكنىڭ يېقىندىن قوللىشى ئاستىدا ئالپ مۇنبىرىمىزنىڭ yy دەرسخانىسى سىناق تەرىقىسىدە قۇرۇلدى ، بۇ ئاينىڭ 4-كۈنى« زېرەك يانفون شوپۇرلۇق ئىمتىھان سىستېمىسى»نىڭ ئىجادىيەتچىسى Smart ئەپەندى قىممەتلىك ۋاقتىنى چىقىرىپ ئەپ تۈزۈش توغرىسىدا تۇنجى قېتىملىق دەرسنى باشلاپ بەردى .Smartئەپەندىگە ئالاھىدە رەھمەت ئېيتىمىز .
   
       ئالدىنقى قېتىملىق دەرستە دەرس ئاڭلىغۇچى 17 ، بۇ سەل ئاز بولۇپ قالدىمۇ قانداق ؟ ئالپ ئەپەندى ئالدىنقى قېتىملىق تېمىدا ئېنىق قىلىپ( تەلەپكە ئاساسەن سىناق قىلىپ باقتۇق. يېتەرلىك دەرس ئاڭلىغۇچى، دەرس ئۆتكۈچى بولمىسا ئۇ دەرسخانا تاقىۋېتىلدۇ. كەڭ تەۋشىق قىلىپ، قوللاپ بېرەرسىلەر.) دەپ ئېيتقان . كەڭ تەشۋىق قىلالمىدۇقمۇ ياكى كۆپچىلىكنىڭ ۋاقتى يەتمەي قالدىمۇ ۋە ياكى بۇ دەرسخانا ئەسلىدىنلا كۆپچىلىكنىڭ قىزىقىشى ئاساسىغا قۇرۇلمىغان ئەھمىيەتسىز نەرسىمۇ بىلمىدىم ، مانا ئەمدى باشلىنا باشلانمايلا ئاڭلايدىغان ئادەم ئاز ،داۋاملاشتۇرىمىزمۇ ياكى توختىتىپ قۇيامدۇق دېگەن مەسىلە چىقتى . شۇڭا مۇنبىرىمىزدىكى دەرسخانىنىڭ تەقدىرىنى بەلگىلەيدىغان ئەڭ ئاخىرقى قېتىملىق تاللاشنى يەنىلا كۆپچىلىكنىڭ رايىغا ئاساسەن بەلگىلەشنى قارار تاپتۇق . ئەگەر دەرس ئاڭلايدىغان ئادەم 25 تىن ئاز بولسا توختىتىلىپ قويۇلىشى مۇمكىن . ئەمما دەرسخانىنىڭمۇ چېكى بار ، كۆپ بولغاندا 35~40 ئادەملا سىنلىق دەرس ئاڭلىيالايدۇ ، شۇڭا كېيىن قالغانلارغا پۇرسەت قالماسلىقى مۇمكىن .
   
       ئەگەر كۆپچىلىكنىڭ ۋاقتى ھەقىقەتەن يەتمىسە ياكى ئەھمىيەتسىز ئىش دەپ قارىسا توختىتىپ قويساق بولىدۇ ،  قارىسىغا قوللاش ۋە يالغاندىن قوللاش بىر ئىشنى باشقا ئېلىپ چىقالمايدۇ ، شۇڭا كۆپچىلىكنىڭ سالماقلىق بىلەن ئوبدان ئويلىشىپ ئاندىن قارار قىلىشىنى ئۈمۈد قىلىمەن .
  
        ئەگەر ھەقىقى قوللاپ ھەم دەرسكە قاتنىشىپ بەرسەڭلار ، ئادەم سانىغا ئاساسەن كېيىنكى دەرسلەرنى يانفۇن ئەپلىرىنى تۈزۈش ، تەرجىمە قىلىش ، روم تەرجىمە قىلىش ، روم گۈزەللەشتۈرۈش . كومپىيۇتېر دېتاللىرىنى تۈزۈش ، تەرجىمە قىلىش ، ساندان باشقۇرۇش ،تور بەت قۇرۇش  ۋە باشقا مەزمۇنلاردا مۇئەللىم تەكلىپ قىلىپ ئۆتۈپ بېرىشنى ئويلىشىۋاتىمىز .
  
        بۇ ئىشقا نىسبەتەن ئۆزۈمنىڭ كۆز قارىشى :  بۇ ئىش مېنىڭچە بىر ياخشى ئىش ، بۇ ئىشنىڭ ئەھمىيىتىنى دېمىسەممۇ ھەممىمىز بىلىمىز ، لىكىن مەيلى ياخشى بولسۇن يامان بولسۇن ، ئەھمىيەتلىك بولسۇن ئەھمىيەتسىز بولسۇن ، بىر ئادەم چىقىپ بۇ ئىشنى باشلىدى ، يەنە نۇرغۇن توردشلار قوللايمىز ، ياخشى بولۇپتۇ دەپ ئىپادە بىلدۈردى ، ئەگەر بىر قېتىم دەرس ئۆتۈپلا ئادەم ئاز ۋە ياكى باشقا سەۋەپتىپ توختىتىپ قويساق ئوتتەق قىزىپ ، XX تەك سوۋۇغاندەك ئىش بولىدۇ ، نەتىجىدە باشقىلارغا ( بىز دېگەن موشۇنداق ، بىرەر ئىشنى باشقا ئېلىپ چىقالمايمىز ) دەيدىغان سەلبىي تەسىرى بولىدۇ ، مېنىڭ ئەڭ كۆڭۈل بۈلىدىغىنىم موشۇ ئاخىرقى تەسىر . شۇڭا ۋاقىت يار بەرگەن تورداشلارنىڭ ئاكتىپلىق بىلەن دەرس ئاڭلاپ بېرىشىنى ، مەيلى قايسىلا ساھەدە بىلىمى بار ئۇستازلارنىڭ باتۇرلۇق بىلەن مەيدىسىگە ئۇرۇپ دەرس سۆلەپ بېرىشىنى ، نەتىجىدە باشقىلارغا (ئالپتىكىلەر مۇنداق دەرسخانا ئېچىپتىكەن ، بەلەن بولۇپتۇ ، بىزمۇ ئەگىشەيلى )دېگۈزەلىگۈدەك بىر ئىش قىلىشنى ئۈمۈد قىلىمەن !

ئاخىرىدا يېڭى قۇرۇلغان YY توپ نومۇرى : 9811140
دەرس ئۆتۈشنى يۇقارقى سايلام نەتىجىسىگە ئاساسەن توختاتساق ياكى داۋاملاشتۇرساق بولىدۇ ، دەرس ۋاقتىنىمۇ سايلام نەتىجىسىگە ئاساسەن بېكىتسەك بولىدۇ ، دەرسخانىغا دائىر باشقا تەلەپ پىكىرلەر بولسا ئىنكاس يازساق بولىدۇ .

abduwayt

مىنىڭ كۇندە قاتناشقۇم بار ئىدى لىكىن ئۇيۇمدە كۇمپىيۇتىر يۇق تۇلاراقى تۇرغا چىقسام يانفۇن بىلەن ياكى تۇرخانغا كىرىپ ئاندىن ئالىپ تۇرىغا چىقمەن بۇ دەرىسنى قۇللايمەن دەرىس ۋاختىنى بىلەلىسەملام ئامال بار قاتنىشمەن ئىنشائاللاھ.
راس كۇڭلۇمدىكى گەپنى قىلسام ئۇستازلارنىڭ ئۇيغۇرتىلمىزغا شۇنچىلىك كۇيۇنۇپ مۇشۇنداق بىر شارائىت يارتىپبەرگىنگە كۇپ رەھمەت  مۇشۇمۇ سىلەنىڭ مىللىتىمىز ئۇچۇن تۇھپە قۇشقىنىڭلار .
ئاخىردا يەنە چىن كۇڭلۇمدىن رەھمەت  ئىشلىرىڭلانى ئاللاھ ئاسان ئۇڭۇشلۇق قىلىپبەرسۇن.
دەرىس ۋاختىنى قانداق بىلمىز.
بەلكىم يى يى دەرىخانمىزنىڭ تەشۋىقاتى مۇشۇ ئالىپ تۇرى بىلەنلان چەكلىنىپ قاغانلىقى ئۇچۇن ئادەم ئاز بۇلۇپ قىلۋاتامدىكى دەيمەن

nurali0220

مېنىڭچە بۇ تەستە كېلىدىغان ياخشى پۇرسەتكەن

yusup887

مەن ئاناتىل ئۈچۈن ئۈزۈم شۇنچە ئامراخ ئايفۇندىن ۋازكىېچىپ بۇكۇلۇپقا تىخى تۈنۈگۈن ئەزا بولدۇم .ئانا تىلمز ئۈچۈن كۈچ قوشۇۋاتقان ئۇستازلارغا كۆپ تەشەككۈر....

zirek99

بەك ياخشى ئىش بوپتۇ مەن ھەر كۇنى قاتنىشىمەن .

qedem

ئەستا! كومپىيوتېرنىڭ نوچىسىنى ئېلىۋالغىنىم بىلەن ئۆيۈمدە تور يوق.مۇشۇ سەھراغا تور قاچانمۇ كىلەر دەيمەن.سىمسىز تور كارتىسى ئالسام سۈرئەتنىڭ ئاستىلىقىدىن جىلە بۇلۇپ كىتىمەن،تورخانىغا باراي دىسەم ئۈيۈمگە ئەڭ يېقىن تورخانا 12 كىلومىتىر يىراقلىقتا.  بولمىسا دەھشەت ياغدەك گەپ بۇلۇپتىكەن، ئەپ تۈزۈشنى ئۆگىنىشكە ئىشتىياقىمنىڭ زورلىقىدا.….

بالدار

مىنىڭ  شۇنداق قاتناشقۇم  ھەم دەرس ئۆتكۈم بار ئىدى (ئەلۋەتتە بىلىدىغانلېرىمنى ) .
شۇ ۋاقىت مەسلىسى مەن دائىم يانفۇندا تورغا چىقىمەن ئۆيدىكى كومپىيۇتىرنى تورغا ئۇلىمىغان(شۇنىڭ ئۈچۈن yyنى ئىشىلتەلمەيدىكىنمەن ،يا ئىش ئورنىمدا كومپىيوتىر يوق ئىشتىن يىنىپ تورخانىغا باراي دىسەم بەك كەچ  بۇلۇپ كىتىدۇ 9دا ئىشتىن چۈشىمەن) ،شۇ سەۋەپلىك سورىغۇم كەلدى ئۈتۈلۈپ بولغان سىن دەرىسلىكنى كىيىن ۋاقىت چىققاندا كۆرۋالغىلى بۇلامدۇ؟

huawei520

ئالدىنقى قېتىم  دەرس ئۆتىدىغان چاغدا بىرەر سىڭلار مۇنبردە ئىلان قىلۋەتكەن بولساڭلار بىلىپ قاتناشقان بولاتتۇق  ئۇ چاغدا بىلەلمەي قاتنىشالمىدۇق  ئەممابۇ قېتىم ھەرگىز ئۇنداق بولمايدۇ ھەم ۋاي ۋاي  نى چ چ دەك كۈندە ئېچىپ كۆنمىگەچكە تولا ئاچمىغاچقا بىلمەيقالدىكەنمىز شۇڭا  تەكلىپىم  بۇدا دەرس سۆزلەيدىغان چاغدا  مۇنبەر دە ئىلان قىلۋەتساڭلار

ئەلى886

abduwayt يوللىغان ۋاقتى  2013-6-9 14:00
مىنىڭ كۇندە قاتناشقۇم بار ئىدى لىكىن ئۇيۇمدە كۇمپىيۇت ...

بۇ بەك ياخشى ئىش بوپتۇ .مەن قاتىشىمەن دەرىس ئاڭلىغانغا.

xamal

دەرىس ئۆتۈلدىغان ۋاقىتنى بىلمەي قاتنىشالمىدىم بولمىسا yyغا ئاتايىتەن تىزىملىتىپ ئاچقانتىم

ئەلى886

981140  بۇ توپتا ئارانلام ئون ئادەم تۇردىغۇ .دەرىس سۆزلەيدىغان توپ مۇشىدۇ؟   ھە راس مۇشۇ دەرىس سۆزلەش ۋاقتىنى بىر ئاشكارلىۋەتكەن بولساڭلار بوپتىكەن .قانچىدە دەرىس باشلىنىدىغىنى بۇلەلمىگەنلەرمۇ خېلى جىق ئوخشايدۇ.

abduwayt

qedem يوللىغان ۋاقتى  2013-6-9 14:21
ئەستا! كومپىيوتېرنىڭ نوچىسىنى ئېلىۋالغىنىم بىلەن ئۆيۈ ...

قىرىندشىم ئىككەيلەن ئۇخشاشكەنمىز مىنىڭ ئۇيۇمنىڭ ئەتراپىدا تۇر يۇق بىرە يىلغىچە چىقىدۇ دەيدۇ خەخلە

abduwayt

تىما ئىگسى بىلەت تاشلاش نىڭ ئاز كۇپلوكىگە قاراپ دەرىس ئۆتىدغان ۋاقىتنى بەلگىلەمسىز

anjurfon

بۇ ئىنتايىن ياخشى ئىش بولسىمۇ، ئەپسۇس مەن كۆپ ۋاقىتلاردا يانفۇن ئارقىلىق تورغا چىقىمەن. قاتنىشالمىغۇدەكمەن. ئاشۇ ئانا تىلىمىز ئۈچۈن كۈرەش قىلىۋاتقان قېرىنداشلارنىڭ ئىزلىرىغا ئاللاھتىن بەرىكەت تىلەيمەن.