ئالغان كىندىل كەلدى!

Dreamcatcher

كىتاب ئوقۇشقا بۇرۇندىن ئىشتىياقىم بار ئىدى. ئەمما مەن ئىچكىرىدە بولغاچ ئۇيغۇرچە كىتابلار يوق دىيەرلىك، باشقا تىلدىكى كىتابلارمۇ بەكلا قىممەت بولغاچقا ئادەتتە دەرسلىك كىتابلار بىلەن مەكتەپ كۈتۈپخانىسىدىكى كىتابلارنى كۆرۈپ كەلگەن. كومپىيۇتېرىمدا پ د ف نۇسخىسىدىكى ئېلكىتابلارنى كۆپىنچە يانفونغا قاچىلىۋېلىپ، 4 سۇڭ ئىكراندا چوڭايتىپ، كىچىكلىتىپ دېگەن قىلىپ، كۆزنى ئالقانغا ئېلىپ قويۇپ كۆرۈپ كەلگەن. شۇڭىمۇ سىنىپتا دوسكىدىكى خەتلەر بارغانچە غۇۋا كۆرۈنىدىغان بولۇپ كەتكەن.
ئالدىنقى ھەپتە بۇ يەرگە كىرسەم ئېلېكتىرلىك قەغەز، سىياھ  ئېلكىتابىنى توپ سېتۋالساق...
/thread-11101-1-1.html
ماۋۇ تېما تۇرىدۇ، تازا بىر قارىسام مەردانجاننىڭ ‹ مەن ھەر بىر ئۇيغۇر قېرىنداشلارنىڭ بىردىن ئىلىپ قويىشىنى مۇراجەت قىلىمەن،چۈنكى كىتاپ ئەڭ خاسىيەتلىك تۇرمۇش كارتنىسى،500 يۈەن جىق پۇل ئەمەس،بىلىم ئۈچۈن  پۇل خەجلەش مەڭگۈ ئەرزىيدىغان بىر ئىش!› دېگەن سۆزلىرىنى كۆرۈپ قالدىم، بۇ بالىنى ئەسلىدىنلا ھۆرمەتلەيتتىم، مېنىڭچە ئۇ بالا ھەرگىزمۇ ئامباردا بېسىلىپ قالغان كىندىلنى بىر تەرەپ قىلىش ئۈچۈن بىزگە بۇنى تەۋسىيە قىلمىدى. شۇنىڭ بىلەن توردىن ئىزدەپ، مەردانجاندىن سوراپ كىندىل دېگەن نەرسىنى تېخىمۇ چۈشەندىم.
مېنىڭ بۇ مەھسۇلات توغرۇلۇق تۇنجى ئېرىشكەن ھاسىلاتىم:
كىندىل Kindle بولسا ئامازون شىركىتىنىڭ كىتاپ ئوقۇغۇچ تۈرىدىكى مەھسۇلاتى ئىكەن. بۇنىڭغا ئېلىكتىرونلۇق سىياھ تېخنىكىسى ئىشلىتىلگەن بولۇپ، ئادەتتىكى قەغەز كىتابلاردىكى سىياھ بىلەن ئوخشاش كۆرۈش ئۈنىمىگە ئېگە ئىكەن. كۆزگە ئارتۇق زېيىنى يوقكەن. پەقەت، كۆز بىلەن ئوقۇغۇچنىڭ ئارىلىقى يىقىن بولۇپ كەتمىسىلا، ياكى يېتىپ تۇرۇپ كىتاب كۆرمىسىلا كۆزگە زىيىنى يوقكەن. دۆلىتىمىزنىڭ ئوخشاش مەھسۇلاتلىرى بولسىمۇ ئەمما، كىندىل يەنىلا ئىقتىدارىنىڭ يەككىلىكى ۋە كەسىپىيلىقىنىڭ يۇقىرىلىقى بىلەن دۇنيا ۋە دۆلەت ئىچى كىتاب ئوقۇغۇچ ساھەسىدە بايراقدار ئورۇندا ئىكەن. ھازىرقى ئەڭ يېڭى نۇسخىسى كىندىل 5 ۋە كىندىل ئاق قەغەز Kindle Paperwhite بولۇپ، بۇلارنىڭ ئاساسلىق پەرقى ئاق قەغەز نۇسخىسى سېزىمچان يورۇيدىغان ئىكرانلىقكەن. سېزىمچان ئىكرانغا كۆنەپ كەتكەنلەرگە خىل كېلىدىكەن.  كېچىدە، كۈن نۇرى ئاجىز ئورۇنلاردا كىتاب كۆرۈشكە تازا ماس كېلىدىكەن، ئەمما ئازراق قىممەتكەن. باشقا چوڭ پەرق يوقكەن.
بۇلارنى كۆرۈپ راسا ھاياجانلىنىپتىمەن. ياشلىقتا قېنى قىزىق كېلىدۇ دېگەن جىڭ گەپمۇ، ئۇياندىن كۆرۈپ بۇياندىنلا مەردانجانغا دەپ كىندىل ئاق قەغەز  دىن بىرنى زاكاس قىلدىم.
شۇنىڭ بىلەن مال كەلدى. تۆۋەندىكىسى مۇناسىۋەتلىك رەسىملەر:

مانا ماۋۇ قېپى، مەن ئامراق رەڭدىكەن. ئاقسا

بىللە كەلگەن چاپلاق ۋە چاپان

بىسمىللا دەپ ئاغزىنى ئېچىپ بولۇپلا بىر پارچە سۈرەتكە تارتىۋالدىم. ئەمما يامان شاش كۆرۈندى.

دىققەت قىلىدىغان نۇقتا، كىندىل بىلەن بىللە چىققان نەرسە پەقەت بىر تال USB سىملا خالاس. ئەمما مۇشۇ سىم بىلەن توك قاچىلىغىلى بولىدىكەن. ئەلۋەتتە ھۆججەتنىمۇ مۇشۇنىڭدا يوللايدۇ.

قوزغىلىۋاتقاندىكى كۆرۈنۈشلەر، ئاۋۇ تىلنى خەنچە قىلىپ تاللىسىڭىز بولىدۇ، ۋاقتىنچە ئۇيغۇرچە يوق ئىكەن

رۇبائىلار دېگەن ئېلكىتاپ، ئەمما سەت ئاقسا چىقىدىكەن خەت، مۇزدەكلا

باشقا رەسىملەرنى تور سۈرئىتى ناچار بولۇپ قېلىپ قەتئىي يۈكلىگىلى بولمىدى، ئەمەلىيەتتە مەنمۇ ئانچە كۆپ تارتمىغان

مېنىڭ پىكرىم، كۆپچىلىك بۇ ئوقەتنى ئالساڭلار پۇشايمان قىلمايدىكەنسىلەر، كۆزۈڭلارغا نىسبەتەن ھەقىقەتەن بىر ئارامبەخش ئىكران ئىكەن. ئۆزىمۇ شۇنداق يەڭگىل ۋە ئەپچىل ئىكەن. مېنىڭچە، مەردانجان ئېيتقاندەك، ھەر بىر ئۇيغۇر بىرنى ئېلىپ قويسا بولغۇدەك ئوقەتكەن.

hezine

مەنچىمۇ كۆپ كىتاب كۆرىدىغانلارغا مۇشۇنداق بىر قورال كەم بولسا بولمايدۇ، بولۇپمۇ دىنىي بىلىملەرنى ئۆگەنمەكچى بولغانلار kindleدىن بىرنى ئېلىۋېلىپ، ئېلكىتابلارنى قاچىلىۋالىدىغان بولسىزە..
مەنمۇ ئەينى ۋاقىتتا كىتاب كۆرۈش ئۈچۈن ئېلكىتاب كۆرگۈچ سېتىۋالماقچى بولغاندا،ئەمما ئۇچاغلاردا بۇنداق قەغەز ئېكرانلىقلىرىنىڭ جۇڭگونىڭ ئەبجەق ماركىلىقلىرىنىڭ ئەڭ ئەرزىنىمۇ 800سودىن كەم ئەمەس ئىدى. كىيىنچە «كىتاب كۆرۈش ئىقتىدارى بولغاندىكىن تاختا كومپيۇتېرلا سېتىۋالمايمۇ» دەپ ئويلاپ 蓝魔ماركىلىقتىن بىرنى نەچچە يۈز سومغا سېتىۋالغان. سېستىمىسى ئاندرويد بولغاندىكىن باشقا دېتاللارنى، ئۇششاق ئويۇنلارنى قاچىلىغۇسى كېلىدىكەن. شۇنىڭ بىلەن كىتاب كۆرۈش بىرياقتا قالىدىغان گەپ. ئۇنىڭ ئۈستىگە قەغەز ئېكرانلىق بولمىغاندىكىن كۆزگىمۇ تەسىرى بولىدىكەن.
ئاندىن كىتابنى كومپيۇتېردىمۇ كۆرسە ئوخشاش دەپ قالماڭلار، كومپيۇتېرنى ئاچقاندىن كىيىن دىققەت چېچىلىدۇ، توربەتلەرنى يوقلاپ چىققۇسى، ئۇنى-بۇنى كۆرۈپ باققۇسى كېلىدۇ. ئۈنۈمى تۆۋەن بولىدۇ.  كۆپ كىتاب كۆرىدىغانلارنىڭ ئەڭ ياخشى تاللىشى يەنىلا قەغەز ئېكران.
سۆزلەۋېرىپ مەنمۇ قىزىپ قالدىما، ئىنشائاللاھ كىيىنچە بىرنى ئېلىپ قويمىسام.

amir

txt شەكىللىك كىتاپلارنى ئېچىپ كۆرۈپ باقتىڭىزمۇ،ئۇيغۇرچە نورمالمۇ؟
نەچچە پۇلغا توختىدى بۇ ئوقەت؟
ئالپ Android يانفون تېرمىنالىدا يېزىلغان ئىنكاس

Dreamcatcher

amir يوللىغان ۋاقتى  2013-6-2 00:03
txt شەكىللىك كىتاپلارنى ئېچىپ كۆرۈپ باقتىڭىزمۇ،ئۇيغۇرچ ...

تېكىست ھۆججىتىدا ھەرپ بەلگىلەر نورمال. ئەمما جۈملىدىكى سۆزلەر ئەسلى تەرتىپى بويىچە ئوڭدىن سولغا كۆرۈنمەي، سولدىن ئوڭغا كۆرۈلىدىكەن. " ئالدىم كىندىل مەن" دېگەندەك. ئەمما چۈشەنگىلى بولىدىكەن. باھاسى 750 ئەتراپىدا بولدى.

Dreamcatcher

hezine يوللىغان ۋاقتى  2013-6-1 23:46
مەنچىمۇ كۆپ كىتاب كۆرىدىغانلارغا مۇشۇنداق بىر قورال ك ...

توغرا، پەد ئالغان كىشىنىڭ ئۇنى بۇنى قىلىپ باققۇسى، ئالىپقا چىقىپ يېڭى ئەپلەرنى قاچىلاپ باققۇسى كېلىپ قالىدۇ. شۇنىڭ بىلەن ئەسلى مۇددىئا: كىتاب ئوقۇش بىر ياقتا قالىدۇ.ئەمما قولىڭىزدا كىندىل بولسا، پەقەت ۋە پەقەت كىتابلا كۆرۈدىكەنسىز، بۇ ئىنتايىن ياخشى ئىكەن.

bilge

مەن 欣博阅G6   غا ساتقۇچىغا ئۇيغۇرچە تېكىستنى يوللاپ كۆرسىتىپ باققان، ئوڭدىن سولغا بولۇپ چىقىدىكەن، لىكىن خەت سولغا توغىرلىنىپ چىقىدۇ.

elbilge

مەنمۇ بىرنى ئالارمەن

romwaz

بۇرادەر بۇ كېندىلنىڭ توكى نەچچە ۋاقىت يېتىدىكەن؟ خېلى ئۇزاق يېتەمدىكەن؟

Dreamcatcher

romwaz يوللىغان ۋاقتى  2013-6-2 09:36
بۇرادەر بۇ كېندىلنىڭ توكى نەچچە ۋاقىت يېتىدىكەن؟ خېلى  ...

8 ھەپتە دەپ يېزىپتۇ، مەن قارىساممۇ ئاز دېگەندە بىرەر ئاي يەتكۈدەك... مەن خېلى ئىشلەتتىم، توكى ھېچ بىر مىدىرلىغاندەك ئەمەس، يەنىلا ئالغان ۋاقتىدىكىدەكلا تۇرىدۇ

hezine

باھاسى 750يۇەنمىكەن؟ ئاۋۇ تېمىدا 550 دەپ يېزىپتىكەن، سىز ئېكرانى يورۇيدىغىنىنى ئالدىڭىزمۇ يە؟