دۇنيا سەھىيە تەشكىلاتىنىڭ ساغلاملىق توغىرسىدىكى 10تۈرلۈك ئۆلچىمى

ayqut

دۇنيا سەھىيە تەشكىلاتىنىڭ ساغلاملىق توغىرسىدىكى 10تۈرلۈك ئۆلچىمى
ساغلام بولاي دېسىڭىز ،ئالدى بىلەن ساغلاملىقنىڭ ۋە ساغلاملىق ئۆلچىمىنڭ نېمە ئىكەنلىگىنى بىلىشىڭىز كېرەك .
دۇنيا سەھىيە تەشكىلاتىنىڭ ساغلاملىققا بەرگەن تەبىرى: ساغلاملىق دېگىنىمىز-كېسەللىك بولمايلا قالماستىن،بەلكى جىسمانى، روھى ۋە ئىجىتمائى جەھەتتە تۇلۇق ماسلىشالايدىغان مۇكەممەل ھالەتنىڭ بولۇشىنى كۆرسىتىدۇ. بۇنىڭغا ئاساسەن، دۇنيا سەھيە تەشكىلاتى ساغلاملىقنىڭ 10تۈرلۈك ئۆلچىمىنى ئوتتۇرغا قويدى:
1. زېھنى قۇۋۋىتى ئۇرغۇپ تۇرۇش، كۈندىلىك تۇرمۇش ۋە خىزمەتتكى بېسىمغا بىمالال تاقابىل تۇرالايدىغان ھەم زىيادە جىددىيلىشىش ھىس قىلمايدىغان بولۇش.
2. ھەر قانداق ئىشتا ئۈمىدۋار بولۇش، ئاكتپ پوزتسيەدە، مەسئۇلىيەتنى ئۈستىگە ئالالايدىغان بولۇش،ئىشنى چوڭ –كىچىك دەپ ئايرىماسلىق .
3. ياخشى دەم ئېلىش، يېتەرلىك ئۇخلاش.
4. ۋەزىيەتكە ماسلىششچانلقى كۈچلۈك بولۇش،مۇھىتنىڭ ھەر خىل ئۆزگىرىشىگە ماسلىشالايدىغان بولۇش.
5. ئادەتتكى زۇكام ۋە يۇقۇملۇق كېسەللەرگە قارشى تۇرالايدىغان بولۇش.
6. بەدەن ئېغىرلقى مۇۋاپىق بولۇش،قەددى-قامىتى كېلىشكەن بولۇش،ئۆرە تۇرغاندا باش،مۈرە،بىلەكلىرى ئۆز-ئارا ماسلاشقان بولۇش.
7. كۆزى روشەن،ئىنكاسى تېز بولۇش، كۆز قاپىقى ياللۇغلانمغان بولۇش.
8. چىشى پاكىزە، قۇرۇت يىمىگەن ۋە ئاغىرمىغان بولۇش؛ چىش مىلىكىنىڭ رەڭگى نورمال بولۇش ،قانىماسلىق.
9. چېچى پارقىراق بولۇش،كېپەك بولماسلىق.
10. مۇسكۇل،تېرىلەر مول ئېلاستىكىلىققا ئىگە بولۇش،يول يۈرگەندە يېنىك مەزمۇت قەدەم تاشلاش.
بىز كۈندىلىك تۇرمىشىمىزدا يۇقىرىقى 10تۈرلۈك ئۆلچەمنى ئاساس قىلىپ، ھەر ۋاقىت ياشاش ئۇسۇلىمىزنى تەڭشەشكە دىققەت قىلساق، ساغلاملىقىمىزغا كاپالەتلىك قىلشنىڭ ياخشى ئۇسۇلىنى تاپقان بولىمىز.