«چالا ساۋات» ئەپ تەرجىمانلىرىغا

     ئوچۇق كودلۇق ئاندرويد سىستېمىسىنىڭ تېز سۈرئەتتە تەرەققىي قىلىشى، مىللىتىمىزدىن چىققان ئىلمىي ئەمگەكچىلەر سانىنىڭ شۇنىڭغا ماس كۆپىيىپ بېرىشى بىلەن، ئادەمنى سۆيۈندۈرىدىغان ئۇيغۇرچە ئاندرويد ئەپلىرى كۆپلەپ بارلىققا كېلىشكە باشلىدى. مەسىلەن: شىركەت ياكى شەخسلەر ئىزدىنىشلىرىنىڭ مەھسۇلى بولغان «ئېلىپبە»،  «ئاۋازلىق ھېساب مەشقى»، «كۆپ تىللىق قۇرئان كەرىم»، «تاق-تاق ئېشەك»... قاتارلىق ئىجادىي ياكى يېرىم ئىجادىي ئەپلەر، شۇنداقلا باشقا سۈپەتلىك تەرجىمە قىلىنغان تەرجىمە ئەپلەر يانفونىمىز ئېكرانىدا سۆيۈملۈك ئۇيغۇر يېزىقىمىزنى جەۋلان قىلدۇرۇپ، باشقا مىللەت كىشىلىرى كۆرسىمۇ كۆزلىرىدە قايىللىق ئارىلاش ھەسەت ئۇچقۇنى چاقنىغۇدەك ۋەزىيەتكە ئۇلاشتۇق.
     بۇ تېمىنى يېزىشتىكى ئاساسىي مەقسەتكە ئۆتۈشتىن ئاۋۋال، يۇقىرىقىدەك ئىجادىي، يېرىم ئىجادىي، تەرجىمە ئەپلىرى بىلەن ئانا تىل-يېزىقىمىزنىڭمۇ زاماننىڭ قەدىمى بىلەن تەڭ ماڭالايدىغانلىقىنى، ھېچقاچان زامانىۋى ئۈسكۈنىلەر تەرىپىدىن يەكلەنمەيدىغانلىقىنى ئىسپاتلاپ بەرگەن ئىجادكارلارغا چوڭقۇر ئېھتىرامىمنى بىلدۈرىمەن!
ئاساسىي مەقسەتكە كەلسەك، بىرەر ئەپنىڭ باشقا يېزىقتىكى خەتلىرىنى ئۇيغۇرچىغا، توغرىسى «ئۇرغۇيچىغا» تەرجىمە قىلىپلا، قەدەمدە سەككىز ئۇچراپ تۇرىدىغان ئىملا خاتالىقلىرى (خەت ئىملاسى، تىنىش بەلگە ئىملاسى قاتارلىقلارنى ئۆز ئىچىگە ئالىدۇ)نى تۈزەتمەيلا، «ئۆزەم تەرجىمە قىلغان ئەپ» دەپ تورغا چىقىرىپ قويىدىغان «چالا ساۋات ئەپ تەرجىمانلىرى»غا ئىككى ئېغىز گەپ قىلىپ قويۇش زۆرۈر بولۇپ قالدى.
     «چالا ساۋات» تەرجىمانلار، سىلەردىمۇ مىللەت سۆيۈش روھى بارلىقىدىن گۇمان قىلمايمەن،  لېكىن، مىللەتنى قانداق سۆيۈش كېرەك؟ ھېلىمۇ قەدىرسىزلىنىپ پاخال بولۇپ كېتەي دەپ قالغان ئانا تىل-يېزىقىمىزنى تېخىمۇ بۇزۇش سىلەرنىڭچە كىچىك ئىشمۇ؟ ھازىر كىشىلەرنىڭ ئۇچۇرغا ئېرىشىش شەكلىدە، نەشر بۇيۇملىرىدىن پايدىلىنىشقا قارىغاندا كومپيۇتېر، يانفون تورىدىن پايدىلىنىش كۆپرەك بولۇۋاتىدۇ. بۇنىڭ بىلەن، ئەسلىدە ئوقۇرمەننى توغرا ئىملاغا يېتەكلەش رولىنى ئويناپ كېلىۋاتقان كىتاب، گېزىت-ژۇرنال بارغانسېرى ئېتىبارسىز قېلىۋاتىدۇ. مانا مۇشۇنداق شارائىتتا سىلەرنىڭ ئىملا خاتالىقىغا تولغان يانفون ئەپلىرىڭلار تور ۋاسىتىسى بىلەن كىشىلەرنىڭ يانفونلىرىدىن ئورۇن ئالسا، كۆپ ساندىكى كىشىلەرنىڭ ئەسلىدىنلا ئاجىز بولغان ئىملا چۈشەنچىسى تېخىمۇ خاتا يولغا كىرىپ قالماسمۇ؟
دۇرۇست، مەنمۇ ئەپ تەرجىمە قىلىپ باققان بولغاچقا، ئەپ تەرجىمە قىلىشنىڭ قانچىلىك مۈشكۈللۈكىنى ئوبدان بىلىمەن. سىلەرنىڭ ئىزدىنىش روھىڭلارغا ئاپىرىن ئېيتىمەن. سىلەرگە تەكلىپىم شۇكى، شۇنچە جاپا تارتىپ بىر ئەپنى تەرجىمە قىلىپ بولغاندىن كېيىن، يەنە ئازراق ۋاقىت چىقىرىپ، ئەپتىكى سۆزلەملەرنى رەسمىي نەشر بۇيۇملىرىدىكى يېزىلىشى بىلەن سېلىشتۇرۇپ ياكى يۇلغۇن ئىملا تۈزىتىش تورىغا كۆچۈرۈپ چاپلاپ، خاتالىقلارنى بىر قۇر تۈزىتىپ چىقساڭلار تولىمۇ ياخشى بولاتتى. ئەگەر، سىلەر ناخشا-مۇزىكا، ئويۇن تىپىدىكىدىن باشقا ئەپ تەرجىمە قىلىپ، ئىملاسىنى تۈزىتىشكە ھەقىقەتەن ئىلاج قىلالمىساڭلار، مەن بىلەن ئالاقىلىشىڭلار، ئىملاسىنى تۈزىتىشكە قولۇمدىن كېلىشىچە ياردەمدە بولىمەن.

ياخشى گەپ بوپتۇ  مەن قوللايمەن

نەچچە يۈز جۈملىنى تەرجىمە قىلىپ بىر نەچچە ئىملا خاتالىقىنى تۈزەتمەيلا ئېلان قىلسا تۆھپىكار ئەمەس جىنايەتچى بولۇپ قالىدىغان گەپ .. شۇڭا ئىملا خاتالىقى تۈزىتىشكە سەل قاراشقا بولمايدۇ .

ياخشى تېما بوپتۇ!

ئەپ تەرجىمە قىلىدىغان دېتالنى چۈشۈرۈپ بىكار ۋاقىتتا سىناپ باقاي دېسەم چۈشۈرۈش ئادرىسى ئۈنۈمسىز بولۇپ قاپتۇ، چۈشۈرىۋالغانلار قايتا يوللاپ قويغان بولساڭلار بوپتىكەن.
يەنە، ئەپ بازىرى دەپ تولا ئاڭلاپ كەتتۇق، بىلىدىغان خەنزۇچە، ئۇيغۇرچە ئەپ بازارلىرىنىڭ ئادرىسىنىمۇ قالدۇرۇپ قويغان بولساڭلار.

ئۇف ما گەپلەرنى  مۇنبەرگە چىقمىغىلى 1 كۈن بوپتىكەن ماڭا  چىقىپلا مۇشۇ تىمىغا كۆزۈم چۈشتى گەپنىڭ راستىنى قىلسام ماڭىلا تەگدى بۇ گەپلەر   ھىلىققى (روم تەرجىمە قىلىش تىل بولىقى قوشۇش دەرىسلىكى ) دىگەن تىمىنى يوللىغىنىمغا بەك خىجىل بولۋاتىمەن چۈنكى مەن خەنزۇتىلى بىلمەيمەن خەنچىنى بىلمەي تۇرۇپ دەرىسلىك يوللاپتىمەن تىخى！  لىكىن مەن شۇنداق دىيەلەيمەنكى ئاشۇ تىمامدا ئىملا خاتالىقى يوق  ئىملا خاتالىقى بولسا راسلا بولمايدۇ لىكىن ماۋۇ تىما بەك ئىشىپ كىتىپتۇ ئەمەلىيەتتە ئالايىتەن مەخسۇس تىما يىزىپ  تەرجىمانلىرىمىزنى ئەيىپلەش زۆرۈرمۇ؟ چىرايلىقچە پىكىر بەرسەك بولاتتى ئەمەسمۇ؟ ئالايىتەن بىر تىما يازمىسىمۇ
بولۇپمۇ تىما يوللىغاندا بولسۇن مەيلى ئەپ تەرجىمە قىلغاندا بولسۇن ئىملا خاتالىقىغا ئالاھىدە دىققەت قىلىش كىرەك لىكىن بۇ تىما سەل ئىشپ كىتىپتۇ  
ئەمدى شۇ تەرجىمانلىرىمىزنىڭ قىزغىنلىقى يوق بولدى  
ئەسلىدە چىرايلىق ئىنكاسلار بىلەن بۇ ئىشنى ھەل قىلغىلى بولاتتى   ئەمدى تىما يوللىغاندا ئويلىشىپراق يوللىسام بولغۇدەك بولمىسا مەنمۇ ئالاھىدە ئىنكاسلار بىلەن ئەيىپلىنىپ كەتمەي يەنە！
ئاشۇ تەرجىمانلىرىمىزنىڭ كۆڭلىگە سۇ سىپىلمىسۇن

sawdaqq يوللىغان ۋاقتى  2013-1-6 18:14
ئۇف ما گەپلەرنى  مۇنبەرگە چىقمىغىلى 1 كۈن بوپتىكەن ماڭا ...

كۆڭلىڭىزگە ئالماڭ قېرىندىشىم(دوست يىغلىتىپ ئېيتار ،دۈشمەن كۈلدۈرۈپ ) دەپتىكەن كونىلار

sawdaqq يوللىغان ۋاقتى  2013-1-6 18:14
ئۇف ما گەپلەرنى  مۇنبەرگە چىقمىغىلى 1 كۈن بوپتىكەن ماڭا ...

كۆڭلىڭىزگە ئالماڭ قېرىندىشىم(دوست يىغلىتىپ ئېيتار ،دۈشمەن كۈلدۈرۈپ ) دەپتىكەن كونىلار

بۇ يەردە كۆزدە تۇتۇلغىنى ھەرگىز تەرجىمانلىرىمىزغا قىلىنغان ھۇجۇم بولماستىن بەلكى تىل-يىزىقىمىزنىڭ ساپلىقىنى قوغداشتەك قىلىدۇ. شۇنداق ئەمەسمۇ!

ئىللەت تۈزەلمىسە مىللەت تۈزەلمەس

ghemkin يوللىغان ۋاقتى  2013-1-6 22:06
بۇ يەردە كۆزدە تۇتۇلغىنى ھەرگىز تەرجىمانلىرىمىزغا قىل ...

ئىللەت بىلەن مىللەتنىڭ مۇناسىۋىتى يوق. سىزنىڭ مىللىتىڭىز تېخى «ئىللىتى» بار دەرىجىگە بارمىدى.

sawdaqq يوللىغان ۋاقتى  2013-1-6 18:14
ئۇف ما گەپلەرنى  مۇنبەرگە چىقمىغىلى 1 كۈن بوپتىكەن ماڭا ...

خەنچىنى بىلمەسلىك ھەرگىز ئەيىپ ئەمەس . شۇڭا ئۇيغۇرچە ئىملايىڭىز توغرا بولسىلا يۇقارقى گەپلەرنى ئۆزىڭىزگە ئېلىپ كەتمەڭ ....ئىملا تۈزىتىشنى ئەسكەرتىشمۇ  تەرجىمانلېرىمىزغا سۇ سەپكىدەك  ئىش ئەمەس ، شۇڭا تەرجىمانلېرىمىز ئىملاغا تېخىمۇ دىققەت قىلغان ئاساستا تەرجىمە ئىشلېرىنى تېخىمۇ يۈكسەلدۈرگۈسى !

alip يوللىغان ۋاقتى  2013-1-6 22:27
ئىللەت بىلەن مىللەتنىڭ مۇناسىۋىتى يوق. سىزنىڭ مىللىت ...

ماۋۇ گەپ ھەجەپ كۆڭلۈمگە ياقتى. بىز ئۆزىمىزنى شۇنداق دەۋەرسەك، راس شۇنداقتەك تۇيۇلۇپ، بارغانسېرى شۇنداق بولۇپ، ئاخىرى رەسمى شۇنداق بولۇپ قالىمىز.
بۇنداق دىگىنىم، ئۆزىمىزنى ماختىساق ياخشى بولىدۇ دىگىنىم ئەمەس. (پۇتاق تاپقۇچىلارغا ئالاھىدە ئەسكەرتىش)

sawdaqq يوللىغان ۋاقتى  2013-1-6 18:14
ئۇف ما گەپلەرنى  مۇنبەرگە چىقمىغىلى 1 كۈن بوپتىكەن ماڭا ...

يوقسۇ، ساۋداق قېرىندىشىم، بۇ گەپ ھەرگىزمۇ سىزگە قارىتىلغان ئەمەس، تەرجىمانلارنىڭ قىزغىنلىقىغا سوغۇق سۇ سەپكەنلىكىم تېخىمۇ ئەمەس. خەنچە بىلمەسلىك خىجىل بولغۇدەك ئىش تېخىمۇ تېخىمۇ تېخىمۇ ئەمەس! «ئايرىم تېما يوللىمىساقمۇ چىرايلىق ئىنكاسلار بىلەن ھەل بولۇپ كېتەر ئىدى» دەپسىز، ئىملا خاتالىقىغا تولغان «تەرجىمە ئەپ»لەرگە چىرايلىق قىلىپمۇ، سەترەك قىلىپمۇ ئىنكاسلارنى يازمىغان يەردە ئەمەس،  (ناھايىتى ئاز ساندىكى) بىر قىسىملار بۇنى پۇشتىغا ئېلىپمۇ قويمىدى، گويا بىرسى ئۇلارغا كۈنىگە بىردىن ئەپ تەرجىمە قىلىش ۋەزىپىسى قويغاندەك، ئىملا خاتالىقىنى كۆرسىتىپ ئىنكاس يېزىپ تۇرساقمۇ ئۇنىڭدىن بەتتەر خاتالىققا تولغان يەنە بىر ئەپنى ئېلان قىلىپ تۇردى... ئەمەلىيەتتە بىر ئەپتىكى سۆزلەملەرنىڭ توغرا يېزىلىشىنى ئېنىقلاپ چىقىش ئۇنچىۋالا تەس ئىشمۇ ئەمەس، ئىملا تۈزىتىدىغان تور بەتلەر، دېتاللار، نەشر بۇيۇملىرى كۆپ. ئەسلىي يازمىدىكى «پەقەت ئامال قىلالمىساڭلار مەن ياردەم قىلاي» دېگەن گېپىممۇ سىزدىكى «ئەپ تەرجىمانلىرىنىڭ قىزغىنلىقىغا سوغۇق سۇ سەپتى» دېگەن قاراشنى يوق قىلىۋېتەلمىگەن بولسا، بۇنىڭدىن بەك ئەپسۇسلاندىم.

五月之子(维-尉 يوللىغان ۋاقتى  2013-1-7 15:36
تەرجىمانلار كۆڭلۈڭلارغا ئالماڭلار،بۇ تېما ئەسلىدىن چ ...

گەپنى بۇنداق قاتتىق قىلماڭ .  بىر قانچە تەرجىمە ئەپتە ئىملا خاتالىقى كۆرۈلسە مىللەتنىڭ يۈزى تۆكۈلەمدىكەن ..!!؟؟  تۇتامى يوقلا بىر گەپكەنغۇ بۇ ......ئەگەر ئىملايىم ھەرقانداق ۋاقىتتا  100% توغرا دەپ مەيدىسىگە ئۇرالايدىغانلار بولسا چاقماق گورۇپپىسىغا كىرىپ ئىملا نازارەتچىسى بولۇپ بېرىشىڭلارنى قىزغىن قارشى ئالىمەن !

مېنىڭچە بۇ ھەممەيلەن دىققەت قىلىشقا تېگىشلىك مەسىلە. قوللايمەن.