apktool ئىشلىتەمسىز؟ بەك ئاسان!

apktool نى ئىشلىتىشتە قىيىنچىلىققا يولۇقتىڭىزمۇ؟ ئۇ ئەپنى يېشىپ، بۇ ئەپنى يېشەلمىدىمۇ؟ بولاقلاش، ئىمزالاشتا خاتالىق كۆرۈلۈپ ئاۋارە قىلىۋاتامدۇ؟...

تۆۋەندىكى ئۇسۇلدىمۇ ئىشلىتەلمىسىڭىز ئۆزىڭىزدىن كۆرۈڭ، باشلىدۇق ئەمىسە:

1- تەييارلىق. ئالدى بىلەن كومپيۇتېرىڭىزغا Java مۇھىتى ھازىرلانغانلىقىغا ۋە توغرا تەڭشەلگەنلىكىگە كاپالەتلىك قىلىڭ. ئەگەر تېخىچە XP ئىشلىتىۋاتقان بولسىڭىز يەنە Microsoft .NET Framework 2.0 دىن يۇقۇرى نەشرى قاچىلانغان بولىشى لازىم. مۇناسىۋەتلىك دېتال ۋە تەڭشەش چارىلىرىنى مۇشۇ مۇنبەردىن كۆزىڭىزنى يوغان ئېچىپ ئىزدىسىڭىز تاپالايسىز.

2- مۇناسىۋەتلىك روم ۋە شۇ رومغا خاس سىستېما ئەپلىرى. سۆزۈمگە قاتتىق دىققەت قىلىڭ: بىر خىل يانفوننىڭ بىر خىل رومىنىڭ سىستېما ئەپلىرى (ئىشلەتكۈچى قوشۇۋالغان ئەپلەر بۇنىڭ سىرتىدا) پەقەت شۇ رومغىلا خاس بولۇشى مۇمكىن. يەنى مۇھىم سىستېما ئەپلىرى بىردەك ئىمزالانغان بولۇپ، ئۇنى ئۆزگەرتىپ باشقا قوراللار بىلەن ئىمزالاپ، ئەسلىدىكى رومغا قوشسىڭىز نورمال ئىشلىمەسلىگى مۇمكىن. شۇڭا framework-res قا ئوخشاش سىستېما ئەپلىرىنى ئادەتتىكى ئۇسۇلدا يەشكىلى ۋە قايتا ئىمزالىغىلى بولمايدۇ. شۇڭا سىستېما ئەپلىرى بىلەن ھەپىلەشكەندە شەرت شۇكى: چوقۇم شۇ رومنىڭ سىستېما ئەپلىرىنى شۇ رومنىڭ ئۆزىگە ئىشلىتىڭ، ئاۋارىچىلىقتىن ساقلىنالايسىز.
ئەمدىكى مەسىلە Winrar نىڭ نۆۋەتتىكى يۇقۇرى نەشىرلىرى بىلەن zip ھالەتتىكى رومنى بىر ھۆججەت خالتىسىغا يېيىپ تەييارلىۋالسىز ياكى رومنى Winrar بىلەن ئېچىپ، ئەپلەرنى بىۋاستە تارتىپ ئەپچىقىپ ئىشلىتىسىز.

3- ئەمىسە باشلىدۇق. يازما ئاستىدىن apktool نىڭ نۆۋەتتىكى ئەڭ يېڭى نەشرىنى چۈشۈرۈپ، D دىسكىڭىزغا يېشىڭ. قالغىنىغا تۆۋەندىكى رەسىملەرگە ئىنچىكىرەك قاراپ ئىشلەرسىز.

(1) apktool مۇندەرىجىسىنى ۋە رومنى بىرلا ۋاقىتتا ئېچىۋېلىڭ. ئاندىن رومنىڭ system/frameworks مۇندەرىجىسىدىكى frameworks-res.apk نى تارتىپ ئەكىرىڭ.



(2) ئەگەر frameworks-res.apk نىڭ ئۆزىنى يەشمەكچى (بولاقلىماقچى) بولسىڭىز، شۇ ھۆججەتنى ئۆز جايىدا كۆپەيتىپ ئىسمىنى 123 غا ئۆزگەرتىڭ. شۇنداقلا باشقا ھەرقانداق ئەپلەرنى ئۆزگەرتمەكچى بولسىڭىز ئىسمىنى 123 گە ئۆزگەرتىڭ، بۇ كېيىنكى ئاپتۇماتىك مەشغۇلاتنىڭ ئالدىنقى شەرتى.





(3) ئەگەر Win7 ئىشلىتىۋاتقان بولسىڭىز، توپ بىر تەرەپ قىلىش ھۆججىتى ئىجرا بولۇشتا خاتالىق چىقىشتىن ساقلىنىش ئۈچۈن تۆۋەندىكىدەك ئۇسۇلدا باشقۇرغۇچى ھالىتىدە ئىجرا قىلىڭ.



(4) دىققەت: سىستېما ئەپلىرىنى ئۆزگەرتىش ئۈچۈن چوقۇم ئالدى بىلەن شۇ رومنىڭ قۇرۇلما ھۆججىتى بولغان frameworks-res.apk نى تارتىپ ئەكىرىش كېرەك. بۇنىڭ ئۈچۈن تىزىملىكتىكى 5-بۇيرۇقنى ئىجرا قىلىش كېرەك. يەنە كېلىپ frameworks-res.apk ھۆججىتى چوقۇم D:\apktool مۇندەرىجىسىدە بولۇشى كېرەك. باشقا ئادەتتىكى ئەپلەرگە نىسبەتەن قۇرۇلما ھۆججىتىنى تارتىپ ئەكىرىشنىڭ ھاجىتى يوق.



(5) باياقى 123 نى يېشىش. 1 رەقىمىنى باسقاندىن كېيىن نۆۋەتتىكى d:\apktool\apk مۇندەرىجىگە يېشىدۇ.





(6) ئىھتىياجلىق ئۆزگەرتىشلەرنى كىرگۈزۈپ بولغاندىن كېيىن بۇيرۇق كۆزنىكىدە 2 رەقىمى ۋە قايتۇرۇش كونۇپكىسىنى باسساق باياقى يېشىلگەن ئەپنى قايتا بولاقلايدۇ (دىققەت: ئىمزا قويماي بولاقلايدۇ). ئەگەر ئىمزالاپ بولاقلىماقچى بولسىڭىز بىۋاستە 3 رەقىمى ۋە قايتۇرۇش كونۇپكىسىنى بېسىڭ.





(7) ئەپنى تەييارلاپ بولغاندىن كېيىن باشقا يەرگە كۆچۈرىۋېلىپ، قالدۇق ئەخلەتلەرنى ئۆچۈرۈشكە 7 نى، چېكىنىشكە 0 نى باسسىڭىز كۇپايە.

سەل قاتتىق كەلسىمۇ دەپ قوياي: گەپ- سۆزلەرگە، رەسىملەرگە ئوبدان قاراپ، تازا مۇلاھىزە قىلىپ چۈشىنىۋېلىپ، بولسا قول سېلىپ ئىشلەپ بېقىپ ئاندىن سوئال سوراڭ، ئىملاغا قاتتىق دىققەت قىلىڭ!


ApkTool.rar (4.9 MB, چۈشۈرۈش سانى: 13536)

2012-10-20 16:54 چىقىرىش

ھۆججەت ئىسمىنى بېسىپ قوشۇمچىنى چۈشۈرۈش

سىناپ باقماي تۇرۇپلا رەھمىتىمنى بىلدۈرىۋىتەي. ئەڭ دەسلەپ apk tool نى ئىشلىتىشنى ئۆگەنگەندە كومپىيوتېرىمدا windows xp بار ئىدى،شۇنداق نۇرمال ئىشلەپ بەرگەن.كىيىن windows7قاچىلاپ java قاچىلاپ تەڭشەكلىرىنى تەڭشىگەن بولساممۇ ئەپلەرنى يىشىپ قايتا بۇلاقلىيالمىغان ئىدىم. ئەمدى java نىڭ ئەڭ يېڭى نەشىرىنى چۈشۈرۈپ قاچىلاپ بىر سىناپ باقاي.

مەن بۇرۇن نەچچە قېتىم سىناپ يىشەلمىگەن ئىدىم.
بۇ دەرىسلىكنى كۈرۈپ مۇۋاپىقيەتلىك يەشتىم.
ئۆزگەرتىش: تىل بولىقى قۇشۇپ بولغاندىن كىيىن ئەپنى بولاقلىماي تۇرۇۋالدى.
بۇ قەيەردىكى مەسىلە بولغىيتى.

yahxiukax يوللىغان ۋاقتى  2012-10-20 18:59
مەن بۇرۇن نەچچە قېتىم سىناپ يىشەلمىگەن ئىدىم.
بۇ دەرىس ...

ئەگەر ئۆزگەرتكىنىڭىز سىستېما ئەپلىرى بولسا:
1- يۇقۇرىدا سۆزلەنگەن (4) باسقۇچنى بىر قېتىم تەكرارلىۋىتىپ ئاندىن قايتا بولاقلاپ سىناپ بېقىڭ (قايتا بولاقلاشتىن بۇرۇن Buil مۇندەرىجىسىنى ئۆچۈرىۋىتىڭ).
2- كومپيۇتېرىڭىزنىڭ Java مۇھىتى تەڭشەكلىرىنى تەكشۈرۈڭ. ئەگەرXP ئىشلىتىۋاتقان بولسىڭىز يەنە Microsoft .NET Framework 2.0 دىن يۇقۇرى نەشرىنى قاچىلاپ سىناپ بېقىڭ.

serqut يوللىغان ۋاقتى  2012-10-20 19:11
ئەگەر ئۆزگەرتكىنىڭىز سىستېما ئەپلىرى بولسا:
1- يۇقۇرى ...

كەچۈرۈڭ قايتۇرۇش كۇنۇپكىسى دىگەن قايسى شۇ   بەك سەت بولدى ھە

بۇرۇنرق يازىدىغان ئشتى مۇنداق قوللىنىشچان تىمىلارنى، رھمەت.

بىلىم بەرگىنىڭىزگە رەھمەت!!!....

¤Wijdan~ يوللىغان ۋاقتى  2012-10-20 19:59
كەچۈرۈڭ قايتۇرۇش كۇنۇپكىسى دىگەن قايسى شۇ   بەك سەت بو ...

Enter دېگەن كونۇپكا شۇ.

ئاللاھ رەھمەت قىلسۇن قېرىندىشىم!!! سىزدىن سورايدىغىم، مەن بۇ دىتال ئارقىلىق xp ,win7 قاتارلىق سىستىمىلاردا ناھايتى نورمال ئىشلەتكەنتىم ھەم بىر نەچچە دىتالنى تەرجىمە قىلغانتىم،لېكىن win8 غا كۈچۈپ بۇ دىتالنى پەقەت ئىشلىتەلمىدىم، ئەپنى نورمال يىشەلەيدۇ،لېكىن بۇلاقلىيالمايدۇ، بۇ قەيەردىكى مەسىلىدۇ؟ مۇشۇ ھەقتە بلىمىڭىزنى ئايىمىسىڭىز...

ھە ئەمدى بىلىۋالدىم

ئەمدى مەنمۇ ئولتۇرۇپ بىر سىناپ، قول سېلىپ ئىشلەپ باقاي

windows7نىڭ GHOSTنۇسىخىسىنى ئىشلەتكەن بولساق Microsoft .NET Framework 2.0 نى قاچىلىمىساقمۇ بۇلامدۇ؟

serqut يوللىغان ۋاقتى  2012-10-20 22:43
Enter دېگەن كونۇپكا شۇ.

كۆپ رەھمەت سىزگە

ئاقساقاللىق بولسىمۇ بىر ئىشنى دەپ قويغۇم كەلدى ؛
بولاقلىغىلى بولماسلىقنىڭ يەنە بىر ئاساسلىق سەۋەبى Java نىڭ توغرا تەڭشەلمەسلىكىدىغۇ دەيمەن ، شۇنداق بولغاچقا Java نى قۇرۇش ھەققىدە تەپسىلىي بىر توختىلىۋەتكەن بولسىڭىز تېخىمۇ ئېسىل تېما بولاتتىكەن......
چۈشەنمىگىنىم؛ ئەپنىڭ ئىسمىنى 123 كە ئۆزگەرتىشنىڭ زۆرۆرىيىتى يوقتۇ ؟......   يىشىلگەن بولاقنىڭ ئىسمىنى ئۆزگەرتىۋەتسە بولاقلىغىلى بولمايدىكەن ...... ئەمما بۇ؟

cj038 يوللىغان ۋاقتى  2012-10-21 12:45
ئاقساقاللىق بولسىمۇ بىر ئىشنى دەپ قويغۇم كەلدى ؛
بولاق ...

دېگىنىڭىز تامامەن توغرا! شۇڭا مەن باشتا ئەسكەرتكەن: «كۆزۈڭلارنى يوغان ئېچىپ مۇشۇ مۇنبەردىن ئىزدەڭلار» دەپ...

ئاۋۇ توپ بىر تەرەپ قىلىش ھۆججىتىدە مەشغۇلاتنى ئاپتۇماتلاشتۇرۇش، ئاددىي بۇيرۇق بىلەن مۇرەككەپ مەشغۇلاتنى ئورۇنلاش ئۈچۈن ئاشۇنداق قىلىش زۆرۈر.