ئەسسالامۇ-ئەلەيكۇم مۇنبەر ئەھلى ،
مانا ھەش-پەش دېگىچە ئالىپقا تېما يوللىمىغىلىمۇ خېلى بولۇپ قاپتۇ . بۇ قېتىم يوللىغان تېمام بەلكى ئەڭ ئاخىرقى تېمام بولىشى مومكىن ، بۇنداق دېسەم قۇرقۇپ كەتمەڭلار يەنە ، بۇ بالىغا بىر بولمىغاندۇ دەپ -ھە ؟!ماڭىغۇ ھېچ ئىش بولغىنى يوق شۇ مەكتەپ پۈتتۈرگەندىن كېيىن خىزمەت ئىشىنىڭ ئالدىراشچىقى بىلەن بۇ ئىشلاردىن ۋاقىتلىق ئايرىلىپ تۇرىدىغان بولدۇم . ناھايىتى خىجىلمەن .
ئەمدى گەپنىڭ پوسكاللىسىغا كەلسەك ، مۇنداق بىر سەۋەپ بىلەن يېزىپ ئولتۇردۇم بۇ تېمىنى . بەلكىم بىلىسىلەر ياكى بىلمەيسىلەر ، يېقىننىڭ ياقى توردا yy دەيدىغان بىر يېڭى دېتال خېلى ئوموملىشىپ قالدى . (بۇ yy دېگەن دېتال چىققىلىغۇ خېلى يىللار بولغان ،خەنلەر ئارىسىدا ئاللىبۇرۇن ئوموملىشىپ بولغان . شۇ بىزنىڭ ئۇيغۇرلار ئارىسىدا ئوموملاشقىنىغا بەك ئۇزۇنمۇ بولمىدى بۇلارغا سېلىشتۇرغاندا). بۇ دېتالنى مەنمۇ ئىشلىتىپ بېقىپ خېلى كۆنۈپ ھەم ياقتۇرۇپمۇ قالدىم .ئەڭ يارىغان يېرى بىزنىڭ ئۇيغۇرچە خەتنى نورمال ئەۋەتىپ ، نورمال سۆزلەشكىلى بولىدىكەن . يەنە كېلىپ كۈيچى كۇلۇبى ، تەلەي يۇلتۇزى كۇلۇبى قاتارلىق كۇلۇپلاردا (قاناللاردا) تۈرك تىلى ، ئىنگىلىز تىلى ، كومپىيوتېر ، قانۇن ....دېگەندەك دەرسلىكلەرنى خېلى ئاڭلاپ ئاز بولمىغان مەنپەئەتلەرگىمۇ ئېرىشتىم . توساتتىنلا بۇ دېتالنى ئۇيغۇرچىلاشتۇرۇش ئىستىگى قوزغالدى . ھەم %40 دە ئۇيغۇرچىلاشتۇرۇپمۇ بولغان . لېكىن مۇشۇ خىزمەت ھەلەكچىلىكىدە بۇنى باشقا ئېلىپ چىقىشقا پەقەتلا ئىمكان بولمايۋاتىدۇ . بۇ دېتالنى مۇشۇنداقلا تارقىتاي دېسەم ، %100 ئۇيغۇرچە بولمىغاچقا ، كۆڭلۈم تازا تارتمىدى .(تېخنىكىلىك مەسىلە يوق ، شۇ ۋاقىت مەسىلىسى تۈپەيلى ) .بولدىلا قۇرۇق گەپنى قويۇپ ئازىراق ئەمەلىي نەرسىلەرنى كۆرەيلى .
دېتالنىڭ بىر قىسىم ئۇيغۇرچىلاشتۇرۇپ بولۇنغان قىسمىنىڭ رەسىملىرى
باش تىزىملىتىش كۆزنىكىنىڭ رەسىمى
تىزىملاتقاندىن كېيىنكى كۆرۈنىشى
تىزىملاتقاندىن كېيىنكى كۆرۈنىش 2
تىزىملاتقاندىن كېينكى كۆرۈنۈش 3
دېتالنىڭ تەڭشەش كۆزنىكى
دېتانىڭ تەڭشەش كۆزنىكى 2
دېتالنىڭ تەڭشەش كۆزنىكى 3
قانالغا كىرگەندىن كېيىنكى كۆرۈنۈش
دوست ئىزدەش
دوست ئىزدەش 2
دېتالنىڭ توپتا سۆزلىشىش ئىقتىدارىدىن بىر كۆرۈنۈش
ئۇھ ، ئاخىرى يېزىپ بولدۇم بۇنى . يەنە دېسەم يەنە شۇ ، ئەمدىكى مەسىلە مۇشۇنىڭ ئاخىرىنى چىقىرىشقا ۋاقتى يېتىدىغان تورداشلار ياكى ھەۋەسكارلار بولسا ، ۋاقتىڭلارنى ئاجرىتىپ قالغان قىسمىنى ئۇيغۇرچىلاشتۇرىۋەتكەن بولساڭلار ، ئۇيغۇرچە يۇمشاق دېتاللار قاتارىغا بىر نادىر يۇمشاق دېتال قوشۇلۇپ قالغان بولسا دېگەن ئۈمۈتتە مۇشۇ يازمىنى يوللاپ ئولتۇرۇپتىمەن . ئۈمۈتسىز قويمايدىغانلىقىڭلارغا ئىشىنىمەن . (ئەلۋەتتە ، تېخنىكىلىك مەسىلىلەر جەھەتتە ياردەم كېرەك بولسا ، يېقىندىن ياردەمدە بولىمەن ) . قىلغۇسى بارلار تارتىنمايلا ئوتتۇرىغا چىقىڭلار ... دېتالنى ئۇيغۇرچىسىنى %100 پۈتتۈرۈپ ئۆزۈڭلارنىڭ نامىدا تارقاتساڭلار بولىدۇ . پىكىرىم يوق جۇمۇ . | 
دېۋان تالىشىش
دېتال تەرجىمە قىلىش ، ئەپ تەرجىمە قىلىش دەرسلىكى دېسىڭىز مۇشۇ ئالىپ تورىدا بارغۇ ! شۇلارنى كۆرسىڭىز ئاسانلا ئۆگۈنىۋالالايسىز . ئەلۋەتتە ، بۇ دېتالنىڭ تىل ھۆججىتى ئالاھىدىرەك ، شۇڭا ئاۋارچىلىقى سەل كۆپ ، ۋاقىتنى بەكلا ئالىدۇ .
