دېتال چەكلەش دېتالى RunBlock قا ئۇيغۇرچە قوشۇلۇپتۇ

ئەسسالامۇ ئەلەيكۇم تورداشلار، يېقىندا بىر دېتالنى ئۇيغۇرچىلاشتۇرۇپ، تىل ھۆججىتىنى ئىگە تەرەپكە يوللاپ بەرگەن. ئەتىسى خەت ساندۇقىمغا خەت كەپتىكەن دېتالغا ئۇيغۇر تىلىنى قوشتۇق دەپ. ئىگە تەرەپ بېتىگە قارىسام ئاستىدىكى چۈشەندۈرۈشكە ۋە دېتالغا ئۇيغۇرتىلى قوشۇلۇپتۇ. بۇنى خەۋەر قىلىش بۈگۈن نىسىپ بولغان چېغى.
دېتال ئىسمى: دېتالنىڭ ئىجرا بولۇشىنى چەكلەيدىغان دېتال Simple Run Blocker
چۈشەندۈرۈش: بەزى چاغلار بىرەرسى كومپيۇتېرىڭىزنى ئىشلىتىپ چ چ ئېچىۋالاي، تورغا چىقىۋالاي دېگەندەك ئىشلاردىن بىزار بولامسىز؟ سىز يوق چاغدا بىرەرسىنىڭ كومپيۇتېرىڭىزدىكى مەلۇم دېتالنى ئىشلىتىۋېلىشىدىن بىزار بولدىڭىزمۇ؟ ئۇ دېتاللارنى يۇيۇۋېتەي دېسىڭىز تېخى. قانداق قىلغۇلۇق؟ مانا بۇ دېتال ئارقىلىق ئاشۇ دېتاللارنىڭ ئىجرا بولۇشىنى چەكلەپ قويسىڭىزلا ئىش تامام. ئۆزىڭىز ئىشلىتىدىغان چاغدا چەكلەشنى بىكار قىلىپ قويسىڭىزلا بولدى.
تىلى: كۆپ تىللىق، ئۇيغۇر تىلىمۇ بار.
نەشرى: 1.2
ئىجرا مۇھىتى: winXP/Vista/win7/win8/win8.1 مەن win8 دا سىنىدىم.
ئىجرا ھالىتى: 32 ۋە 64 بىت، مەن 32 بىتتا سىنىدىم.
ئىقتىدارى: مەلۇم دېتالنىڭ ئىجرا بولۇشىنى چەكلەش، يوشۇرۇن ھۆججەتلەرنى كۆرسىتىش، دىسكا قۇلۇپلاش ۋە باشقىلار.
ئىگە تەرەپ بېتى: http://www.sordum.org/8486/simple-run-blocker-v1-2/
ئىشلىتىش ئۇسۇلى ۋە كەسمە يۈزى: يىشىل دېتال، پىرىستىن يىشىپلا ئىشلەتسىڭىز بولىدۇ. دېتالنى ئاچقاندا دەسلەپتە ئىنگلىزچە كۆرۈنىدۇ. تاللانمىلار تىزىملىكىدىن تىل تاللاشنى بېسىپ، ئاستىغىراق قارىساق ئۇيغۇر تىلى بار. شۇنى تاللاپ قويساق بولىدۇ.


ئۇيغۇرچە قىلىپ بولغاندىن كېيىن ھەر قايسى بەلگە ۋە تىزىملىككە مائوس ئىستىرىلكىسىنى توغرىلاپ بىردەم تۇرساق چۈشەندۈرۈشى چىقىدۇ.


ئەمدى ئاساسىي مەشغۇلاتنى چۈشەندۈرۈپ قوياي. ئاۋۋال ئىجرا بولۇشىنى چەكلەيدىغان دېتالنى تىزىملىككە قوشىمىز. ئاۋۇ ئۈستىدىكى قوشۇش بەلگىسى ئارقىلىق دېتالنىڭ قىسقا يول بەلگىسىنى تاللاپ قويساقمۇ ياكى ئەسلىي مۇندەرىجىگە كىرىپ exe ئىجرا ھۆججىتىنى تاللاپ قوشساقمۇ بولىدۇ. ۋە ياكى ئېكراندىكى قىسقا يول بەلگىسىنى ئاۋۇ تىزىملىك رايونىغا سۆرەپ تاشلاپ قويساق ئۆزى ئاپتوماتىك exe ئىجرا ھۆججىتىنى تاپىدۇ.



تىزىملىككە قوشۇپ بولۇپ دىققەت قىلىڭ. دېتالنىڭ ئوڭ تەرەپ ئۈستىدە تاللاش تىزىملىكى بار. شۇ يەردىن قىلماقچى بولغان مەشغۇلاتنى توغرا تاللاڭ.

تىزىملىككە قوشمىغانلىرىنى چەكلەشنى تاللاپ قويسىڭىز مۇشۇ دېتال تىزىملىكىگە قوشۇلمىغان دېتاللارنىڭ ھەممىسىنىڭ ئىجرا بولۇشىنى چەكلەپ قويىدۇ. تىزىملىكتىكىنىلا چەكلەشنى تاللىسىڭىز مۇشۇ دېتال تىزىملىكىگە قوشۇلغان دېتاللارنى چەكلەيدۇ. چەكلەشنى توختىتىشنى تاللىسىڭىز توسۇشتىن توختايدۇ.
ئەڭ مۇھىم باسقۇچ ھەر قانداق مەشغۇلاتتىن كېيىن تەڭشىگەننى ساقلاشنى ئۇنۇتماڭ. بولمىسا قىلغان ئىشىڭىز بىكار بولىدۇ.

ساقلاپ بولۇپ دېتالدىن چېكىنىڭ ياكى كىچىكلىتىپ قويۇڭ ئوخشاشلا ئۈنۈمىنى كۆرىسىز، يەنى سىز چەكلەشكە بۇيرۇق بەرگەن دېتالنى ئىجرا قىلىمەن دەپمۇ ئىجرا قىلالمايسىز. چىرايلىق ئەسكەرتىشتىن بىرسى چىقىدۇ.

ئەمدى چەكلەشنى توختاتماقچى بولسىڭىز مۇشۇ دېتالنى قايتا ئېچىپ، ئاۋۇ ئۈستىدىكى ئېلىش بەلگىسىنى بېسىپ تىزىملىكتىن چىقىرىۋەتسىڭىزمۇ ياكى ھەممە دېتالنى چەكلەشنى بىكار قىلماقچى بولسىڭىز ئوڭ تەرەپ ئۈستىدىكى تىزىملىكتىن چەكلەشنى توختىتىۋەتسىڭىزمۇ بولىدۇ. يەنە دەيدىغىنىم تەڭشىگەننى ساقلاشنى ئۇنۇتماڭ.

ئەمدى باشقا ئىقتىدارلىرىغا كەلسەك، ئاۋۇ تاللانمىلارنى چەكسىڭىز بىر تىزىملىك چىقىدۇ.

ئىئانە، باش بەت، ئالاقە دېگەن تىزىملىكلەرنى چۈشەندۈرۈپ يۈرمىسەممۇ بولار. تورغا ئۇلاپ مەشغۇلات قىلىسىز بۇ تاللاشلاردا. ھەققىدە دېگەننى باسسىڭىز دېتال ئۇچۇرلىرى چىقىدۇ شۇ. (مۇكاپات چىقامدىكى دېگەنما ھى ھى ھى)
قوزغاتقۇچنى يوشۇرۇش ياكى قۇلۇپلاش تىزىملىكىنى باسسىڭىز يەنە بىر كۆزنەك ئېچىلىدۇ.

بۇ يەردىن تاللاپ تۇرۇپ كومپيۇتېرىڭىزدىكى دىسكىلارنى قۇلۇپلاپ قويغىلى، يوشۇرۇپ قويغىلى بولىدۇ. (ئۇيغۇرچە بىلگەندىكىن ئاۋۇ رەسىمگە قاراپمۇ بىلگەنسىلەر قانداق مەشغۇلات قىلىشنى ھەممىنى دەپ بەرمىسەممۇ)
بايىقى تىزىملىكتىكى يوشۇرۇن ھۆججەتلەرنى كۆرسىتىشنى ئوقۇپلا بىلگەنسىلەر نىمىش قىلىدىغان ئىقتىدار ئىكەنلىكىنى. مەنبە باشقۇرغۇچنى قايتا قوزغىتىش دېگەننى دىسكا قۇلۇپلاپ ياكى يوشۇرۇپ بولۇپ ئاندىن بۇ مەشغۇلاتنى قىلسىڭىز كومپيۇتېرىڭىزدىكى مەنبە باشقۇرغۇچنى قايتا قوزغىتىدۇ ۋە ئۈنۈمىنى كۆرىسىز.

ئەڭ مۇھىم باسقۇچ ھەر قانداق مەشغۇلاتتىن كېيىن تەڭشىگەننى ساقلاشنى ئۇنۇتماڭ. بولمىسا قىلغان ئىشىڭىز بىكار بولىدۇ.
چۈشۈرگەندە ئىگە تەرەپتىن چۈشۈرۈشىڭىزنى تەۋسىيە قىلىمەن.

سىغىمى: 396 kb
قوشۇمچە: كومپيۇتېرىڭىزغا يۇنىكود خەت نۇسخىلىرى قاچىلانغان بولسۇن.
چۈشۈرۈش ئادرېسى:
ئىگە تەرەپ تەۋسىيە ئادرېس:
http://www.sordum.org/8486/simple-run-blocker-v1-2/
مۇشۇ بەتكە كىرىپ ئاستىغىراق سۈرسىڭىز ئۈستىدىكى رەسىمدە كۆرسەتكەندەك download (چۈشۈرۈش) دەپ بىر كۇنۇپكا بار. شۇنى باسسىڭىز چۈشىدۇ.
زاپاس ئادرېس:
سومكام: http://www.somkam.com/2U9
باشقا تور دىسكا: http://vdisk.weibo.com/s/t7S2hBsZ-LPwM
قەيەردىن نورمال چۈشسە شۇ يەردىن چۈشۈرۈڭ.
ئەسكەرتىش: مەزكۇر دېتال پەقەت شەخىسنىڭ قىزىقىشىغا ئاساسەن ئۇيغۇرچىلاشتۇرۇلدى ۋە ھەقسىز تارقىتىلدى، مەنبەسىنى ئەسكەرتكەن ھالدا تارقاتسىڭىز بولىدۇ، لېكىن ھەقلىق تارقىتىدىغان، مۇنبەر تەڭگىسىگە ساتىدىغان، ئىنكاسقا ساتىدىغان ئىشنى قىلماڭ.

ۋاي رەھمەت قېرىندىشىم ، ياخشى ئىشلىرىڭىز ئۈزۈلمىسۇن ، خەنچە يۇمشاق دېتاللارنى ئۇيغۇرچىلاشتۇرۇش ئىشلىرىدا كۆپ تىرىشچانلىقلارنى كۆرسىتىۋاتىسىز

»»»:ئالپ ئاندرويد تېرمىنالىدا يېزىلغان

ۋەئەلەيكۇم ئەسسالام قىرندىشىم
رەھمەت مۇشۇنداق ئانا تىل بۇلىقى قوشۇلغان دىتاللارنىڭ كۆپلەپ مەيدانغا كىلىشىگە تىلەكداشمەن ئاز بولسىمۇ 10جۇغلاما

»»»:ئالپ ئاندرويد تېرمىنالىدا يېزىلغان

باشقىلارنىڭ ئۆزى ياقتۇرغان تىمىلارغا جۇغلانما سوغا قىلغىننى كۆرەپتىم مەن قانداق يۆتكەيمە جۇغلانمىنى  يۆتكىيەلمىدىم  
بىلدىغانلا ياردەم قىلىڭلا

»»»:ئالپ ئاندرويد تېرمىنالىدا يېزىلغان

رەھمەت سىزگە مۇھىم نەرسىدىن بىرنى يوللاپسىز جىمۇ

رەھمەت  سىزگە  داۋاملىق  تىرشىڭ.

دوسلار ۋىن8 سىستىمىسىمۇ ئۇيغۇرچە بولۇپ بەك قولايلىق بولدى ئەمدى بىز ئۆزىمىزمۇ ئەپ ياسىمىساقمۇ بەزىبىر ئەپلەرنى تەرجىمە قىلىپ يوللىساق قوشۇپ بىردىغان بولسا كۆپرەپ تەرجىمە قىلساق ياخشى بولاتتى ئاساسەن چەتئەللىكلەر ياسىغان دىتاللارنى تەرجىمە قىلسا ئتتىكرەك ئۈنۈم بولدىغان ئوخشايدۇ سىزگىمۇ رەھمەت بولسا يەنىمۇ كۆپرەك كومپىيۇتېر دىتاللىرىغا كۈچ چىقىرشىڭىزغا تىلەكداشلىق بۈلدىرمەن

تىما ئىگسىگە كۆپ رەھمەن ئەمدى مىنىڭ سورايدىغىنم مۇشۇ دىتالنى ئىشلىتىپ قاتىتىق دىسىكىلارنى قۇلۇپلاپ قۇيساق كومپىيۇىتردا تۇرغا چىقپ كىيىن تورغا چىقساق تور خاتىرسى ساقلانمايدۇ شۇنداقمۇ يە ؟ئەمەسمۇ ؟ماڭا دىسكىلارنى قولۇپلاپ نەرسە چۇشۇرگەندە مەخپى نۇمۇر سورايدىغان ۋە كومپىيۇىترنى قايتا قۇزغاتقاندا تور خاتىرسى ساقلانمايدىغان دىتال ياكى ئۇنۇملۇك ئۇسۇل بولسا يول كۆرسەتسەڭلا خەنچە بىلمىگەچكە ئىزدەشنى بىلمىدىم ھازىرقى ۋەزىيەتتە كومپىيۇىتر سەۋيەم ياخشى بولمىغاچقا كومپىيۇتىر ئىشلىتىش ۋە تورغا چىقىشتىن قورقاپ قالدىم

يەنە بىر گەپ مەن تور قوبۇللىغۇچ ئارقىلىق ئەتراپتىكى تورنى يىشىپ تورغا چىقىۋاتىمەن لىكىن بۇگۇن ئىلۋەتتىم ئىشلەتمەي ،ئەمدى شۇندا تورغا چىقساق قانۇنسىزلىق بولامدۇيە ؟قالايمىقان توربەتكە چىقمىغان ئاساستا

بەك ياخشى بوپتۇ تەشەككۈرلەر بولسۇن

♥كىرەم♥ يوللىغان ۋاقتى  2015-3-11 12:48
باشقىلارنىڭ ئۆزى ياقتۇرغان تىمىلارغا جۇغلانما سوغا قى ...

مۇشۇنى دەمدىغانسىز  ياكى باشقىمۇ؟

بۇ دىتالنى قوزغاتقاندا ۋە چېكىنگەندە مەخپى نۇمۇر بەلگىلەمدۇق ياكى؟ ... بولمىسا باشقىلارمۇ ...؟

xinjang2014 يوللىغان ۋاقتى  2015-3-11 13:39
يەنە بىر گەپ مەن تور قوبۇللىغۇچ ئارقىلىق ئەتراپتىكى تو ...

1- سوئالنىڭ جاۋابىنى ئىنتىل سەيناسىدا بەردىم، ئىنتىزار ئەپەندى روھلان، ئىنتىل، ئالپ، قۇتيار قاتارلىق مۇنبەرلەردە بار ۋە دەرسلىكى مۇشۇ مۇنبەرلەردە بار. ئۆزىڭىز مۇنبەر تاللاپ كۆرۈۋېلىڭ.
2- سوئالىڭىزنىڭ جاۋابىمۇ ئىنتىل سەيناسىدا، ھەممە مۇنبەرگە چاپلىغان ئىنكاسىڭىزغا مەنمۇ جاۋابىمنى چاپلاپ يۈرمەي.

ياخشى

»»»:ئالپ ئاندرويد تېرمىنالىدا يېزىلغان

uYuXيوللانغان21سائەت ئىلگىرى

ھەئە شۇ نى  دىمەكچى ئىدىم  رەسىمگە قارىسام  كومپىيوتىردا ئاچسام قىلغىلى بولغۇدەكدە

»»»:ئالپ ئاندرويد تېرمىنالىدا يېزىلغان