wp8 ئەپ دۇكىنىدا يەنە بىر ئۇيغۇرچە ئەپ كۆپەيدى

ئەسسالامۇئەلەيكۇم، مۇنبەر ئەھلى.
بۇ ئەپنىڭ ئىسمى "perfect recorder". يەنى مۇكەممەل ئۈنئالغۇ. دۇكانغا چىققىلى تېخى ئۇزاق بولمىدى، لېكىن ئەپنىڭ ئېسىللىقىدىن بىر-ئىككى ھەپتىدىلا مىڭغا يېقىن ياخشى باھالار چۈشۈپ بوپتۇ. ئەگەر بۇ ئەپ ئۇيغۇرچە بولمىغان تەقدىردىمۇ كۆپچىلىككە تەۋسىيە قىلغان بولاتتىم. wp ئەپ دۇكىنىدىكى مەن ئۇچراتقان ئەڭ ياخشى ئۈن ئالىدىغان ئەپ.
ئالاھىدىلىكى: كۆرۈنمە يۈزى تولىمۇ يېقىشلىق.
                   ئېكران قۇلۇپلاقلىق ھالەتتىمۇ ئۈن ئالالايدۇ.
                   onedriveغا بىۋاستە يۈكلىگىلى بولىدۇ.
                  ئەپكە شىفىر بېكىتكىلى بولىدۇ.
                 ئېلانسىز، ھەقسىز.
                 ئەڭ مۇھىمىنى ئۇنتۇپتىمەن، ئەپكە ئۇيغۇر تىلى قوشۇلغان.
نەچچە كۈن بۇرۇن بۇ ئەپنى چۈشۈرۈپ، بىر ئىشلىتىپلا ياراپ قالدى، تەڭشەكلىرى بىلەن ھەپىلىشىپ قارىسام"بىزگە ياردەملىشىپ ئانا تىلىڭىزغا تەرجىمە قىلىڭ" دەپ تۇرىدۇ. شۇنىڭ بىلەن ئېلخەت ئادرېسىغا خەت يېزىپ، بۇ ئەپنى ئۇيغۇرچىغا تەرجىمە قىلىش نىيىتىم بارلىقىنى ئېيتتىم، ھايالشىمايلا تەرجىمە بولىقىنى قوشۇپ ئەۋەتىپ بەردى. تەرجىمە قىلىدىغان سۆزلۈكمۇ كۆپ ئەمەسكەن، بىرەر سائەتتە پۈتتۈرۈپلا ئەۋەتىپ بەردىم.  ئىككى كۈندىن كىيىنلا ئەپنى يېڭىلاپتۇ، خۇشاللىقتا ئېچىپ قارىسام، تەرجىمە تىزىملىكىدە ئۇيغۇرتىلى  دەپ تۇرىدۇ، لېكىن تىل تەڭشەيدىغان يېرى يوق، ئەپنىڭ خەتلىرى يەنىلا چاسا خەت پېتى. شۇنىڭ بىلەن يەنە خەت يېزىپ، ئەھۋالنى ئېيتتىم. جاۋاب خېتىدە بۇ ئەپنىڭ يانفون تىلىغا ئاساسەن ئاپتوماتىك ئۆزگىرىدىغانلىقىنى، شۇڭا ئۇيغۇرچە قىلىش ئۈچۈن يانفون تىلىنى ئۇيغۇرچىغا تەڭشەشنى ، كىينچە تىل تاللاش ئىقتىدارىنى قوشىدىغانلىقىنى ئېيتىپتۇ. شۇنىڭ بىلەن ئۇنىڭغا بۇ سېستىمىغا تېخى ئۇيغۇرچە تىل بولىقىنىڭ قېتىلمىغانلىقىنى، بولسا "كەلگۈسىدە" دېمەي، تېزراق تىل تەڭشىكىنى قوشۇشنى ئۆتۈنۈپ خەت يازدىم. بىردەمدىن كىيىن جاۋاب قايتۇرۇپ، كىيىنكى يېڭىلانمىدىلا بۇ ئىقتىدارنى قوشۇپ بېرىدىغانلىقىنى ئېيتىپتۇ، رەھمىتىمنى بىلدۈردۈم.  بايا قارىسام يېڭىلاش ئۇچۇرى كەلدى، قارىسام راستلا تىل تەڭشىكى قوشۇلۇپتۇ. شۇنىڭ بىلەن بۇ ئېسىل ئەپنى كۆپچىلىك بىلەن تەڭ بەھىرلىنەي دەپ بۇ تېمىنى يازدىم.
بۇ ئەپنىڭ سۈرەتلىرى:







دۇكاندىن perfect recorder دەپ ئىزدىسەڭلار بولىدۇ.
قېنى ئەمىسە ۋىندوۋسفونچىلار، ئەپكە باقىلى!!

ئەپ ئاچقۇچىنىڭ ئىسمى perfect thumb ئىكەن، مۇشۇ ئىسىم بويىچە ئىزدىسەڭلار يەنە بىر نەچچە ئەپلىرى چىقىدۇ. ھەممىسى قالتىس ئەپلەر،بولۇپمۇ perfect clock دېگىنى بەك پەچەت، ھەر خىل سائەتلەر بار، خالىغىنىڭىزنى ئۈستەل يۈزىگە چىقىرالايسىز، ھەر مىنۇتتا يېڭىلىنىپ، ۋاقىتنى توغرا كۆرسىتىپ بېرەلەيدۇ.  
بۇ ئۈنئالغۇنى چۈشۈرۈپ بولغاندىن كىيىن، بەش يۇلتۇز بىلەن باھالاشنى ئۇنتۇپ قالماسسىلەر. بولسا باھا سۆزىگە uighur دېگەن سۆزنى قوشۇپ قويۇڭلار.

ياخشى قىپسىز، ۋېندوۋىس تېلفۇن ئىشلىتىدىغانلارغا خوش خەۋەر ئىكەن

ۋەئەلەيكۇم ئەسسالام ناھايىتى  ياخشى ئىشدىن بىرنى قىلىپسىز .
گەرچە مەن ۋىندوۋىس ئىشلەتمىسەممۇ بۇ ئىشىڭىزدىن تولىمۇ سۈيۈندۈم ...
ئافىرىن ..

ئاندىرويىد تىلفۇنلارغا ماس كەگەن بولسا نىمە دىگەن ياخشى ھە!

كۆپ رەھمەت. ھازىرلا چۈشۈرۋالاي.

بەك ياخشىكەن مەن سىناپ baktim

رەھمەت سىزگە

ئەگەر تەرجىمىدە بىرەر خاتالىق بايقىساڭلار، ياكى پالانى سۆزنى مۇنداق تەرجىمە قىلساق ياخشى بولىدىكەن دېگەندەك مەسلىھەتلىرىڭلار بولسا ئىنكاس قالدۇرۇپ قويساڭلار بولىدۇ. "ئەگەر ئىملا خاتالىقى بايقىساڭلار" دەي دېسەم تاپالمايسىلەر ئېھتىمال.

rehmet sizge

ياخشى بوپتۇ ساۋاپلق ئىش قىپسىز

ئەسسالامۇئەلەيكۇم. دۇكاننى قانداق تاپىمىز قىرىندىشىم.

ھەي بەك پەيزى چىقىپتۇ مۇشۇنداق ئەپلە كۆپلەپ چىقسا نىمدىگەن ياخشى بۇلاتتى رەھمەت سىزگە قولىڭىزغا دەت كەلمىسۇن

چۈشۈرۋالدىم ئاناتىلىمىز دىكى ئەپلە نىمىدىگەن چىرايلىق

ئەسسالامۇ ئەلەيكۇم مەن لۇمىيا 1020ئشلىتەتتىم ئەمما 4   5كۈن بولدى تىلفۇن ئۇرسام ئاۋاز با ئەمما  ئۈندىدار چ چ  يەنە ماۋۇ ئۈنئالغۇدا ئاۋازئېلېنمايۋاتدۇ  كىش قىلغان ئاۋازلا با ئەمما  مەن قىلغان ئاۋازيوق   2قېتىم زاۋۇت ئەسلىكە قايتۇرساممۇ ئوڭشالماپتۇ بىلدىغانلا ياردەم قىلساڭلا بوپتىكەن  تىما يازسام تەستىقلىمىدى شۇڭا ئىنكاس شەكلىدە يوللۇدۇم ياردەم قىلساڭلا