مۇرادىلسوفت سودام بىرلەشمە باشقۇرۇش سېستىمىسى

  ئەسسالامۇ ئەلەيكۇم تورداشلار
  مۇرادىلسوفت يۇمشاق دېتال پەن-تېخنىكا چەكلىك شىركىتى كەڭ سودىگەر دوسلارغا چوڭ بىر سوۋغا ئېلىپ كەلدى~
  
  ئۇزۇندىن بۇيان باشقۇرۇش تىپىدىكى يۇمشاق دېتاللارنى تۈزۈش ۋە سېتىش بىلەن شوغۇللىنىپ، شىنجاڭ تەۋەسىدىكى نۇرغۇن سودىگەرلەرنىڭ بۇ خىلدىكى يۇمشاق دېتاللارنى ئىشلىتىپ ئۆز سودىسىنى ئاسانلاشتۇرۇش ئويىنىڭ بار ئىكەنلىكى ، لېكىن بەزى يۇمشاق دېتاللارنىڭ باھاسىنىڭ قىممەتلىكى ياكى ئىقتىدارىنىڭ تولۇق بولماسلىقى ۋە سېتىۋالغاندىن كېيىن ئۈگۈنۈپ بولالماي پۇلى سۇغا ئېقىپ كېتىشتىن ئەنسىرەپ ئىشلەتمەيۋاتقانلىقىنى بايقىدۇق، بۇ يىل 3 - ئايدىن باشلاپ شىركىتىمىز چوڭ بىر سېستىمىغا تۇتۇش قىلىپ شىنجاڭدىكى ئۇيغۇرچە باشقۇرۇش سېستىمىلىرىنىڭ ئوموملىشىشى ۋە تەرەقىقياتىنى نىشان قىلىپ، مۇرادىلسوفت سودام بىرلەشمە سېستىمىسىنى ئىشلەپ چىقاردۇق، مانا 8 ئايدىن كېيىنكى بۈگۈنكى كۈندە بۇ سېستىما كەڭ ئىشلەتكۈچىلەر بىلەن يۈز كۆرۈشمەكچى.

  نەچچە يىللىق ئىزدىنىش ۋە تەجرىبىمىزنى 8 ئاي ۋاقىت ئىچىدە پروگراممىغا ئايلاندۇردۇق، قانچىلىغان ئۇيقۇسىز كېچىلەر، قانچىلىغان چوڭ-كىچىك مۇزاكىرە يىغىنلىرى، قانچىلىغان سىناقلار...... ئاخىرى بۇ سېستىما پۈتۈپ چىقتى.

  مۇرادىلسوفت سودام بىرلەشمە باشقۇرۇش سېستىمىسى جەمئىي 4 چوڭ قىسىمدىن تەركىپ تاپقان بولۇپ، ئۇلار سودام (Sodam)سودا باشقۇرۇش سېستىمىسى، تائام(Taam) ئاشخانا باشقۇرۇش سېستىمىسى، يۇك(Yuk) تېز يەتكۈزۈش باشقۇرۇش سېستىمىسى ۋە ئۇچۇر (Uqur) ئۇچۇر مۇلازىمەت باشقۇرۇش سېستىمىسىدۇر.

  تۆت چوڭ سېستىما شىركىتىمىزنىڭ بۇرۇن ئىشلەپ چىقارغان ھەرخىل سېستىمىلىرىنىڭ ئارتۇقچىلىقلىرىنى ئۆزىگە مۇجەسسەملەشتۇرگەن ئاساستا ئەڭ يېڭى بۇلۇت ھېسابلاش ۋە بۇلۇت ساقلاش تېخنىكىلىرىدىن پايدىلىنىپ ھەرخىل سېستىمىلاردا نورمال خىزمەت قىلالايدىغان بۇ چوڭ باشقۇرۇش سېستىمىسىنى تۈزۈلدى.

  سېستىمىنىڭ كۆرۈنمە يۈزى پاكىزە ، ئاددى بولۇپ ، تېز سۈرەتتە ئۈگىنىش قوللانمىسى قاتارلىق رەسىملىك قوللانمىلار ئارقىلىق سېستىمىنى قىسقا ۋاقىت ئىچىدە ئۈگەنگىلى بولىدۇ. سېستىمىنىڭ مالىيە قىسمى سودىدىن ئايرىلغان مۇستەقىل قىسىم بولۇپ ، مالىيە ھېساب خاتىرلەش ئۆلچىمىگە ماس ھالدا لاھىيىلەنگەن بولۇپ، مەيلى كىچىك سودىگەر ۋە ياكى چوڭ شىركەتلەرنىڭ مالىيە بىر تەرەپ قىلىشىغا ماس كېلىدۇ.

  بۈگۈن ئېلان قىلغىنىمىز سودام بىرلەشمە باشقۇرۇش سېستىمىسىنىڭ بىر قىسمى بولغان سودام سودا باشقۇرۇش سېستىمىسى.

بۇ سېستىما كەڭ خېرىدارلارغا ھەقسىز ئېچىۋېتىلگەن بولۇپ، سېستىما خېرىدارلارنىڭ تەكلىپ-پىكىرلىرىگە ئاساسەن ئۈزلۈكسىز يېڭىلىنىپ ماڭىدۇ.
سېستىما توردا ئىشلىتىلىدىغان بولۇپ، ھەرقانداق جايدا بىمالال سودا ئېلىپ بارالايسىز، سانلىق مەلۇماتلىرىڭىزنىڭ يوقاپ كېتىشىدىن ئەنسىرىشىڭىزنىڭ ھاجىتى يوق.

سودام سودا باشقۇرۇش سېستىمىسى كومپىيۇتېر سودىسى، تېلىفون سودىسى، توپ تارقىتىش، كىيىم-كېچەك ، كىتاپخانا قارتارلىق كۆپ خىل ساھەلەرگە ماس كېلىدۇ، سېستىمىنىڭ ھەرخىل سودىلارغا ماسلىشىشچانلىقىنى ئۈزلۈكسىز يوقۇرى كۆتۈرۈپ ماڭىمىز.

  بۇ سېستىما ھەقىقىي 0 تەننەرخ بىلەن باشقۇرۇش ئىشلىرىڭىزنىڭ ياردەمچىىسى بولالايدۇ، سېستىمىغا قارىتا ھەر-قانداق تەكلىپ-پىكىرلىرىڭىز بولسا بىز  بىلەن ئالاقىلىشىشىڭىزنى ئۈمىد قىلىمىز.

  تۆۋەندە سېستىمىنىڭ تەشۋىقات ۋە ئىشلىتىش قوللانما رەسىملىرى يوللاندى:













سودام بىرلەشمە باشقۇرۇش سېستىمىسى ئورگان تورى : Msodam.com

سودام سودا باشقۇرۇش سېستىمىسى كىرىش ئېغىزى:s.Msodam.com

مۇلازىمەت QQ : 1509921978

مۇرادىلسوفت يۇمشاق دېتال پەن-تېخنىكا چەكلىك شىركىتى

2014-يىلى 11-ئاينىڭ 13-كۈنى 21:48:00

مەنبە: مۇرادىلسوفت سودام بىرلەشمە باشقۇرۇش سېستىمىسى

مەن تىزىملاتقان. لېكىن خەت ساندۇقۇمغا تەستىق نومۇرى كەلمىدى.qelixqi@qq.com

ئانا تىلىمىزنىڭ ئۇچۇر-تېخنىكا ساھەسىگە كىرىشى ئۈچۈن ئۈنتۈنسىز ئىزدىنىۋاتقان شۇ ئىجادكارلارغا ئاپرىن!

qelixqi يوللىغان ۋاقتى  2014-11-13 23:15
مەن تىزىملاتقان. لېكىن خەت ساندۇقۇمغا تەستىق نومۇرى كە ...

تىزىملاشنى باسقاندىن كېيىن جەزىملەش بېتىگە سەكرىدىمۇ؟

qelixqi يوللىغان ۋاقتى  2014-11-13 23:15
مەن تىزىملاتقان. لېكىن خەت ساندۇقۇمغا تەستىق نومۇرى كە ...

qq ئەخلەت ساندۇقىغا خاتا ھالەتتە كىرگۈزۈۋەتكەن بولۇشى مۇمكىن، ئېلخەتنىڭ ئەخلەت ساندۇقىغا قاراپ بېقىڭ

دېتال كۆرۈنمە يۈزىدىن بىر قانچە ئىملا خاتالىقىنى بايقىدىم. ئىملاغا دىققەت قىلىڭلار

MSM يوللىغان ۋاقتى  2014-11-13 23:47
دېتال كۆرۈنمە يۈزىدىن بىر قانچە ئىملا خاتالىقىنى بايق ...

بايقىغان خاتالىقنى كۆرسىتىپ بەرگەن بولسىڭىز، كۆپ تەشەككۈر

ئۇيغۇرۇمنىڭ پەنتىخنىىك تەااقىيغتىغا چوڭ ئۈمىتۋار قارىدىم

ئاپىرىن  ، تېخىمۇ تىرىشىڭلار

سوراپ باقسام، بۇ تور يۈزىدە ئىشلىتىدىغان سىستېمىمۇ؟
كومپيۇتېرغا قاچىلاپ ئىشلەتكىلى بولمامدۇ؟

قەيەردىن تىزىملىتىمىز بۇ سېستىمىغا

مەن مۇشۇنداق بىر سىستىمىغا بەكلا ئىھتىياجلىق ئىدىم ئەجرىڭىزگە كوپ تەشەككۇر قىرىندىشىم.سىزدىن بىر-نەچچە مەسلىنى سوراپ بىلۋالسام.
1-ھەر ئىھتىمالغا قارشى سانداننى زاپاسلاپ ماڭماقچى بولساق قانداق قىلمىز؟
2-تاياقسىمان كوتنىڭ رەقەملىرنى نىمىگە ئاساسەن تۇزىمىز؟
3-مەن بۇنى ئەمىلى سودا ۋە ئامبار باشقۇرۇش ئىشلىرغا ئىشلەتمەكچى ،ئۇنداقتا بۇ سىستىما ئارقىلىق سودا تالۇنى بىسىپ چىقىرىشقا بولامدۇ
سىزگە كوپ رەھمەتقەشقەر نۇرلان چىنەخىش ماتىرياللىرنى توپ-پارچە تارقىتىش ئورنىدىن)

MSM يوللىغان ۋاقتى  2014-11-14 09:01
سوراپ باقسام، بۇ تور يۈزىدە ئىشلىتىدىغان سىستېمىمۇ؟
ك ...

كومپىيۇتېرغا قاچىلاشنىڭ ئورنى يوق ، تور كۆرگۈچنىڭ ئۆزىدىلا ئىشلىتىمىز

ئالىمجان يوللىغان ۋاقتى  2014-11-14 09:59
قەيەردىن تىزىملىتىمىز بۇ سېستىمىغا

http://s.msodam.com/apply.php
تىزىملىتىش بېتى

nakix يوللىغان ۋاقتى  2014-11-14 13:11
مەن مۇشۇنداق بىر سىستىمىغا بەكلا ئىھتىياجلىق ئىدىم ئە ...

ۋەئەلەيكۇم ئەسسالام.
تالون بېسىپ چىقىرىشنى بىر ھەپتىگىچە ئېچىۋېتىمىز، جەمئىي ئىككى خىل تالون بېسىپ چىقىرغىلى بولىدۇ،
1.ئادەتتىكى سودا تالونى
2.مالىيە ھېسابات تالونى

تاياقسىمان كود ھەر بىر مەھسۇلاتنىڭ ئۈستىدە بولىدۇ ، ئەگەر سىزنىڭ مەھسۇلاتىڭىز ئۆزىڭىز ئىشلەپچىقارغان مەھسۇلات بولسا تاياقسىمان كودنى ئۆزىڭىز بېكىتىسىڭىز بولىدۇ

سېستىما بۇلۇت سۇپا ئاساسىدا قۇرۇلغان ، بىر ۋاقىتتا نەچچە يۈز جايدا زاپاس ساقلىنىپ ماڭىدۇ، ئەگەر ئەنسىرىسىڭىز ئۇزۇنغا قالماي سانلىق مەلۇماتنى كومپىيۇتېرغا زاپاساش ئىقتىدارىنى ئېچىۋەتكەندە چۈشۈرۈۋالسىڭىز بولىدۇ
سودام نومۇرىڭىزنى قالدۇرۇپ قويسىڭىز ، چۈشەنمىگەن جايلىرىڭىزنىنى چ چ دا چۈشەندۈرۈپ قويىمىز