Windows Phone ئۈچۈن پۈتۈك ئېلان قىلىندى

تۈنۈگۈن 21:53 چىقىرىش
چۈشۈرۈش (42.36 KB)




     ئەپ نامى: پۈتۈك (Putuk)
     خىزمەت مۇھىتى: +Windows Phone 8.0
     نەشرى: 1.0.0.0
     سىغىمى: 810KB
     رولى: Windows Phone دا ئۇيغۇرچە يېزىق بىر تەرەپ قىلىش
     ئەپ چۈشەندۈرۈلۈشى:
     «پۈتۈك» پەقەت بىرلا مەقسەت – Windows Phone دا ئۇيغۇرچە يېزىق بىر تەرەپ قىلىش ئۈچۈن تۈزۈلگەن.
     «پۈتۈك» ناملىق بۇ ئەپ Windows Phone نىڭ 8.0 ياكى ئۇنىڭدىن يۇقىرى نەشرىلىرىدە ئىشلەيدۇ.
     «پۈتۈك» ناملىق بۇ ئەپ Windows Phone مۇھىتىدا ئۇيغۇرچە يېزىق بىر تەرەپ قىلىش، پۈتۈكنى ئۈندىدار (Wechat) دىكى دوستلارغا، دوستلار چەمبىرىكىگە، قىسقا ئۇچۇرغا ۋە ئېلخەتكە ھەمبەھرىلەش قاتارلىق ئىقتىدارلارغا ئىگە.
     تۇنجى نەشرىدىكى بۇ ئەپتە پۈتۈك پۈتكەندە نۇر بەلگىسى چىقماسلىق خاتالىقى بار. بۇ مەسىلىنى ھەل قىلىشقا ئۇزۇنراق ۋاقىت كېتىپ قالىدىغانلىقى ئۈچۈن، كېيىنكى نەشرىدە ھەل قىلىشنى ئويلىشىپ، تۇنجى نەشرىنى ئېلان قىلدۇق.
     بۇ ئەپتە بىز ھېس قىلمىغان ئۇنداق ياكى مۇنداق خاتالىقلار ساقلانغان بولۇشى تەبىئىي. كېيىنكى نەشرىلىرىنىڭ تېخىمۇ ئىقتىدارلىق بولۇشى ئۈچۈن، ئىشلىتىش جەريانىدا خاتالىق بايقىسىڭىز ياكى ئەپكە نىسبەتەن تەكلىپ-پىكىرلىرىڭىز بولسا، xjcfan@sina.com غا يوللاپ بەرگەيسىز. شۇنىڭ بىلەن بىللە ئەتراپىڭىزدىكى Windows Phone ئىشلىتىۋاتقان دوستلىرىڭىزغا تەۋسىيە قىلىشنى ئۇنتۇمىغايسىز.
     چۈشۈرۈش ئادرېسى 1: http://www.windowsphone.com/zh-cn/store/app/putuk/9f06eb3e-34f7-403a-a5be-833606e3266f
     چۈشۈرۈش ئادرېسى 2: Windows Phone ئەپ بازىرى http://www.windowsphone.com دىن Xjcfan ياكى Putuk دەپ ئىزدەپ، چۈشۈرۈۋالسىڭىزمۇ بولىدۇ.

     تۆۋەندە ئەپتىن كەسمە رەسىملەر بېرىلدى.

كومپيۇتېر ھەۋەسكارلىرى چەكلىك شىركىتى

2014-يىلى 8-ئاينىڭ 20-كۈنى

تېما مەنبەسى: http://bbs.xjcfan.com/thread-4118-1-1.html

ۋىپ ئىشلەتكۇچىلەر ئۇچۇن خۇشاللىنارلىق ئىش بوپتۇ ،

تىرىشقىنىڭلار يەردە قالماس   سىلەرگە چىن كۆڭلىمدىن رەھمەت ئېيتىمەن   …رەھمەت  

تىرىشقىنىڭلار يەردە قالماس   سىلەرگە چىن كۆڭلىمدىن رەھمەت ئېيتىمەن   …رەھمەت  

رەھمەت سېلەرگە!
ۋىندوۋسفون، مەن پات ئارىدا يېنىڭغا بارىمەن.

رەھمەت تىرىشچانلىقىڭلارغا مەنمۇ  خەيشىننىڭ نانا Windows Phone تېلفۇنىدىن بىرنى ئالماقچى

خەيشىننىڭ نانا تېلفۇنى تەنمەي تورىدا تالىشىپ سېتىۋېلىش پائالىيتىنى يولغا قۇيۇپتۇ
مانا ئادرىسى

http://hisensesj.tmall.com/
599  يۈئەنلىك تېلفۇن 499  يۈئەندىن سېتىلىدىكەن  

مىكروسوفىت دېگەن چوشقىلار بىزنىڭ تىلىمىزنى ۋە كىرگۈزگۈچىمىزنى قوشقان بولسا بىزگە مۇشۇ جاپا يوق !

ئالامەتلا ئىش بوپتۇيا .......

رەھمەت سېلەرگە!

بايقىغان مەسىلىلەر :
1.تېمىدا دىيىلگەندەك ، خەت كىرگۈزگەندە نۇر بەلگىسى كۆرۈلمەيدىكەن .
2. چىكىنگىلى بولمايدىكەن . چىكىنىش مەۋھۇم كۇنۇپكىسىنى ھەرقانچە باسساممۇ چىكىنمىدى . ئەمما بۇ ھېسابتا ياخشى بوپتۇ !  چىكىنىپ نىمىش قىلىمىز    خەت يازغان ۋاقىتتا ئىكراننى ئالماشتۇرۇپ كىرىپلا يازىمىز ئەمەسمۇ !
ئەمما مەن ئىشلەتكەن كىرگۈزگۈچلەرنىڭ ئىچىدە ئەڭ ياخشىسى بوپتۇ ، ئىنكاسى بەك تېزكەن !

رەھمەت ياخشى تېما ئىكەن رەھمەت ياخشى ئەپلەرنى يوللاپ تۇرارسىز.

رەھمەت، قېرىنداشلار!

تەھرىرلەش جەريانىدا تېما بۇزۇلۇپ كەتكەندەك تۇرىدۇ. مۇمكىن بولسا http://bbs.xjcfan.com/thread-4118-1-1.html بويىچە تەھرىرلەپ قويۇلسا.

romwaz يوللىغان ۋاقتى  2014-8-21 10:15
مىكروسوفىت دېگەن چوشقىلار بىزنىڭ تىلىمىزنى ۋە كىرگۈزگ ...

"مىكروسوفىت دىگەن چوشقا" نىڭ ئىشلىگەن ۋىندوۋس 8 گە "مىكروسوفىت دىگەن چوشقا"  تەرەپنىڭ ئورگان تورىدىن ئۇيغۇرچە تىل بولىقىنى چۈشۈرۈپ تاختا كومپىيۇتېرىمدا بەھۇزۇر ئىشلىتىۋاتىمەن!