Android4 نى ئۇيغۇرچىلاش باشلاندى! پىكىر بىرىڭلار.

ماۋي تېمىنى كۆمەپتىمەن بايا.
Android4.0نىڭ ئەسلى كودىنى تېخى تۈنۈگۈن ئاشكارلاشنى باشلىدى دەيدىغۇ؟ بۇرۇنلا چىقىپ بولغانما؟

خەت نۇسخىسى مېنىڭچە 9100،9000غا ئىشلەتكىنى بولىدۇ. ئاددى ھەم كۆركەم.
مۇمكىن بولسا، 4.0 گە كەلگەندە، ئالدىنقى نەشىردىكى بەزى بىر نوقسانلارنى تۈزەتكەچ ماڭساڭلار. مەسىلەن:
1. بەزى سۆزلۈكلەر تەرجىمىسى بەك ئۆلۈك بولۇپ قالغاندەك بىلىندى(‹سۈرەت يىققۇچ› دېگەنگە ئوخشاش).
2. تەڭشەك ئىچىدىكى ئۇيغۇرچە بىر قۇرغا پاتمىغان يەرلىرىنى مۇمكىن بولسا ئىككى قۇرغا تەڭشەپ باقساڭلار، ھازىرقىسىدا سۆزنىڭ ئاخىرى پاتماي ئۈزۈك چىقىپ قالىدىكەن.
3. سېستىما تەڭشىكى ياكى باشقا تەڭشەكلەر ئىچىدە ئېنگىلىسچە قالغان تۈرلەرنى مۇمكىن بولسا قوشۇپ ئۇيغۇرچىلاشتۇرۋەتسەڭلار
4. خەنچە بولۇپ بولغان يۇمشاق دىتالنى قاچىلاپ، يانفوننى ئۇيغۇر يېزىق ھالەتتە ئىشلەتكەندە، قاچىلىغان دىتاللار ئىنگىلىزچە چىقىۋالىدۇ. مۇشۇنى دىتالنى ئۇيغۇرچىلاشتۇرماي تۇرۇپمۇ خەنچە كۆرۈنىدىغان قىلغىلى بولسا...(ئەلۋەتتە، دىتالنى ئۇيغۇرچىلاشتۇرۋەتسەڭ ئەڭ ياخشى، ئەمما بەزىدە بۇ ئىشمۇ قىينغا توختاپ قالىدۇ)
5.« com.xxx.android,xx توختاپ قالدى» نى تۈزەتكىنى بولسا......
6.تىزىملىك ئىچىدىكى پىروگىراممىلارنىڭ نامى تۇرۇپلا خەنچە بولىۋالىدىغان ئەخۋال بار، يانفوننى قايتا قوزغاتسا ئوڭشىلىدۇ. مۇشۇنىمۇ تۈزەتكىنى بولسا...
7. يانفون قوزغالغاندا چىقىدىغان Androidقونچىقىنىڭ سالام بېرىش ھەركىتىنى يوقىتىۋەتمەيسىلەرغۇ....شۇنىڭ بىلەن تەڭ، ئۈندەش بەلگىسىنى يوقاتقىلى بولسا.......
8.چىسلانى ئىپادىلەش شەكلىنى بىر ئۆزگەرتسەك، پەقەت ئەرەپچە سان بىلەنلا ئىپادىلەيلى، ياكى ئۇيغۇرچە ئاي نامىلىرىنى ئىشلىتەيلى. نويابىر-پويابىر لاردىن دەششەت زىرىكتىم....

تەرجىمىدە ئىشلىتىدىغان ئاتالغۇلارنى بىر تېما قىلىپ يوللاپ قويساڭلار، بىزمۇ كۆرۈپ ئۆز پىكىرىمىزنى ئوتتۇرىغا قويۇپ باقساق. ناۋادا مۇنازىرنىڭ ئاخىر چىقمىسا شۇ چاغدا ئۆزەڭلار توغرا دەپ قارىغاننى ئىشلەتسەڭلار.
يەنە بىرى، پۈتۈن تەرجىمە قىلىپ بولۇپ، سىستىمىنى يوللىغاندا، تەرجىمە قىلغان ئاتالغۇلارنىڭ تىزىملىكىنى خەنچە ئەسلى تەرجىمىسى بىلەن قوشۇپ بىر تەمىنلەشكە مۇمكىن بولارمۇ؟ بەزى يېڭى ئاتالغۇلارنىڭ ئۇيغۇرچە ئاتىلىشىنى تۇنجى كۆرگەندە قانداق نەرسە ئىكەنلىكىنى بىلىپ بولغىلى بولمايدىكەن(كەڭ ئورتاقلىشىپ بولالمىغاچقا)

ئىسىمدە بارلىرىنى دەپ تۇردۇم، ئەسلىدە ئۇيغۇرچە romنى قاچىلاپ ئىشلەتكەندىن كېيىنكى تەسىراتىمنى بىر تېما قىلىپ يوللىغۇم بار ئىدى، ئەمما يېقىندىن بىرى خىزمەت ئالدىراشلىقىدا ئەمەلگە ئاشماي قالدى...

GUZALKAXKAR0991 يوللىغان ۋاقتى  2011-11-15 18:42
ئە سسالامۇ  ئەلەيكۇم  مەن ئادۇرىد تىلىفۇن ئالايدىگەن  س ...

بۇنىڭ ئۇيغۇرچە رومى چىقمىدى، دىققەت بۇ يانفۇن cdma كارتا يەنى تىلگىراف كارتىسىنىلا تونۇيدۇ.

xamxar117 يوللىغان ۋاقتى  2011-11-15 22:41
بىر  سۇئال  سوراپ  باقاي ،  4.0 ئۇيغۇرچىنى تىگىدىن  قوللايدۇ شۇنداقمۇ  ؟  ئۇنداقتا تىل بولىقى  ياساپلا ئورنىتىش   ئارقىلىق  ئۇيغۇرچىلاشتۇرۇش  مۇمكىنمۇ ؟؟ ...

مۇمكىن ئەمەس.

مۇزەپپەرنىڭ ئەستايىدىل مۇئامىلە قىلىپ، تەپسىلىي پىكىر بەرگەنلىكىگە رەھمەت. قالغانلارمۇ ئۆز پىكرىڭلارنى ئوتتۇرغا قويۇڭلار.

android نىڭ تەرجىمىسگە ئۇيغۇرچە ئايناملىرىنى ئىشلەتسەك بولارمۇ؟ ئەگەر شۇنداق بولسا قايسىسىنى ئۆلچەم قىلىمىز ؟ كۆپچىلىك پىكىر قاتناشتۇرۇپ بىقىڭلا.

مۇزەپپەرنىڭ پىكىرىنى قوللايمىز.
سىز تىلغا ئالغان سۈرەت يىغقۇچ دىگەندەك سۆزلەرگە ئامال بار مۇۋاپىق ئاتالغۇ ياساشقا تىرىشۋاتىمىز. مەسلەن بۇ گەپنى Chrome ئەپەندى سۈرەتدان دەپ ئالايلى دېگەن تەكلىپنى بېرىۋاتىدۇ. چايدان، ساندان دېگەندەك قاملىشىپ كەتكەندەك تۇرىدۇ.
بەزى دېتاللاردا خاتالىق كۆرۈلدىغان مەسىللەر بەلكىم ئاندرويىد 4 تە ئۆزلىكىدىن ھەل بولۇپ كېتىشى مۇمكىن.
سىزنىڭ بەرگەن ئاخىرقى تەكلىپىڭىزدىكى نويابىر دېگەندەك ئاي ناملىرىنى ئۆزگەرتەيلى دېگەن پىكىرگە سوغۇققانلىق بىلەن مۇئامىلە قىلمىساق بولمايدۇ. گەرچە ئۇ ئېنگىلىزچە ئاتىلىش بولسىمۇ بىزنىڭ لۇغەت تەركىبىمىزدە بار، ھەم كۆپ يىللاردىن بويان ئىشلىتىلىپ ئومۇملىشىپ قالدى. ئۇنى ھازىرچە بىۋاستە ئەمەلدىن قالدۇرۋەتكىلى بولمايدۇ.
ھازىر بىز ئىشلىتىۋاتقان ئۇيغۇرچە ئاندوريىدلاردا ئۇيغۇرچە ھەم ئېنگىلىزچىنى تەڭ ئىشلىتىپتۇ. بۇندىن كېيىنمۇ شۇنداق قىلىپ، ئۇيغۇرچىسى ئومۇملاشقاندا ئاندىن يەنە بىرسنى ئەمەلدىن قالدۇرۋەتسەك بولىدۇ.

ئەسسالامۇ ئەلەيكۇم!!! مەن ھازىرغىچە سىمبىيان ئىشلىتىۋاتىمەن، ئاندىروئىدنىڭ ئۇيغۇرچىلاشتۇرۇلغان  بىرقىسىم  ئىسلامى دىتاللىرىنى سىمبىياندا چۇۋۇپ كۇرۇپ باقسام ئۇ دىتاللارغا alkatip tor.ttf خەت نۇسقىسى قۇشۇلۇپتۇ، بۇخەت نۇسقىسىنىمۇ ئويلىشىپ بېقېڭلار.

ياخشى ئىشقا تۇتۇش قىلىپسىلەر، مەنمۇ ھەسسە قوشاي.

بولسا يۇقۇرىدا دىيىلگەندەك ئۇيغۇرچىغا تەرجىمە قىلىنغان سۆز-ئاتالغۇلار ئۇيغۇرچە - ئېنگىلىزچە - خەنزۇچە جەدۋەللەشتۈرۈلۈپ مەخسۇس تېمىدا تارقىتىلغان بولسا. كۆپچىللىك پىكىر بەرسە بولاتتى.
ئەينى ۋاقىتتا ئۇيغۇر سوفتنىڭ MP4 قويغۇچىسىنىڭ ئاتالغۇلىرىمۇ بىلىك تورىدا ئوتتۇرىغا قويۇلغان. نەتىجىسىمۇ شۇنداق ياخشى بولغان ئىدى.

HTCdreamG1نىڭ رومىنى ئويلاشساڭلار بولاتتى،مۇشۇ توغرىسىدا تېما ئىنكاس قالدۇرساممۇ ھېچ بىر جاۋابى چىقىدىغاندەك ئەمەس

alshir يوللىغان ۋاقتى  2011-11-17 22:13
بولسا يۇقۇرىدا دىيىلگەندەك ئۇيغۇرچىغا تەرجىمە قىلىنغ ...

Android  تەرجىمە قىلىشقا تىگىشلىك قۇر 10000 غا يىقنلىشىدىغان بولۇپ، ئۇلارنى تورغا يوللاش سەل قولايسىز.

ئۇيغۇر تىلى ئىزاھلىق لۇغىتىگە 60مىڭدىن كۆپ سۆز كىرگۈزۈلۈپتىكەن. بۇ كىچىك تېلفون سېستىمىسىغا ھەجەپ ئون مىڭ سۆز ئىشلىتىلىپتا!؟

بەك ئېسىل ئىش بوپتۇ. مەن بۇ خەۋەرنى ئاڭلاپ بەك سۆيۈندۈم.

alip يوللىغان ۋاقتى  2011-11-16 10:22
مۇزەپپەرنىڭ پىكىرىنى قوللايمىز.
سىز تىلغا ئالغان سۈرە ...

يەسلىدىن باشلاپ تولۇق كۇرۇسقىچە ئوقۇپتىمەن. مۇشۇ ئايلارنىڭ ئېنگىلىزچە ئاتىلىشىدا ھازىرغىچە ساۋادىم يوق، راس گەپ. قەشقەردە ماي تىياتىرخانىسى دەپ بىر يەر بولغاچقا، ماينى بىلىمەن. سىنتەبىردە ئامرېكىنىڭ بىنارى ئۆرۈلگەن چوڭ ئىش بولغاچقا، سىنتەبىرنى بىلىدىكەنمەن. تولىسى ئىيول بىلەن ئىيوننى (ئىيون دېگىنىم توغرىمىدۇ دەپ بەيدۇنى بىر قېتىم زىيارەت قىلۋەتتىم) ئالماشتۇرۇپ قويىمەن. قالغاللىرىنى ئاساسەن تونىمايمەن.
مۇشۇ ئاي ناملىرىنى بىلىشىمچە پەقەتلا گېزىت-ژورنال، تېلىۋىزىيەلەردىلا ئوموملاشقان، بۇمۇ ئاشۇ نويابىر-پويابىرلارنى بىزنىڭ ئارىسىمىزغا ئەكىرىپ قويغان نانقىپى تىلشۇناسلىرىمىزنىڭ كاساپىتى. كومپيوتېر...لارغا ئوخشاش يېڭى ۋاقتىدا ئۆز تىلىمىزدا ئاتاش قىيىن كەلگەن بولسىغۇ مەيلى دەيتۇق،ئەمما ئۆز تىلىمىزدا بىر ئوبتان ئاتىغىلى بولىدىغان سۆزنى نېمىدەپ چەت تىلدا ئاتايمىز. ئەگەر يېڭى سېستىمىدا XئاينىڭXكۈنى ئۇزۇن كىلىدىغان ياكى ئۇيغۇرچە ئاي ناملىرىنى ئىشلەتسەك ئوموملىشىش تەس كىلىدىغان ئىش بولسا، پۈتۈن ئەرەپچە سان بىلەن ئىپادىلىسەكمۇ بولىدۇ. 11-19 ياكى 11/19 دېگەندەك...
راس گەپنى قىلسام، ئەگەر مەن ۋاقىتنىڭ ئاي كۈنىنى بىلمەي تۇرۇپ، ئۇيغۇرچە تىل ھالەتتە يانفونۇمنى كۆرسەم،  قانچىنچى ئاي ئىكەنلىكىنى بىلەلمەيمەن. (ئوقۇغان ئادەملەر ئارىسىدا، مەندەك ئېنگىلىزچە ئاي ناملىرىنى پىششىق بىلمەيدىغانلار پەقەت مەن، ياكى ئاز ساندا دېسە ئىشەنمەيمەن)