يانفونغا توك قاچىلاشتىكى توغرا ئۇسۇل

alip

كۆپىنچىمىز يېڭى سېتىۋالغان يانفوننى ئۈچ قېتىمغىچە توكىنى تولۇق تۈگىتىپ، ئاندىن تولۇق توك قاچىلىسا باتارىيە ئۇزۇن پايلايدۇ دەپ قارايمىز. بۇنى يانفون ساتقۇچىلار شۇنداق دەپ چۈشەندۈردۇ.
نېمىشقا بۇنداق بولىدۇ؟ چۈنكى يېڭى زاۋۇتتىن چىققان لىتىيلىق باتارىيەنىڭ ئەستە تۇتۇش ئىقتىدارى بار بولۇپ، دەسلەپتە قانچىلىك توك قاچىلانغانلىقىنى ئەستە تۇتۇۋېلىپ، كېيىنمۇ شۇنچىلىك توك قاچىلايدۇ.
لېكىن، بۇنى بىزنىڭ قىلىشىمىزنىڭ ھاجىتى يوق. ھازىر باتارىيە ئىشلەپچىقىردىغان زاۋۇتلار، باتارىيە زاۋۇتتىن چىقىشتىن ئىلگىرىلا نەچچە قېتىم قايتا-قايتا توك قاچىلاپ باتارىيەنى ئاكتىپلىۋېتىدۇ. شۇڭا بىزنىڭ ئۈچ قېتىمغىچە تولۇق توك قاچىلىشىمىزنىڭ زۆرۈرىيىتى يوق.
تولۇق توك قاچىلايمەن دەپ 12 سائەتلەپ توكقا چېتىپ قويساق باتارىيە قىززىپ كېتىدۇ. ۋاقىت ئۇزارغانسىرى ئىچىدىكى خېمىيىلىك ماددا ئېرىپ، سەمىرۋالىدۇ. توك ئۇزۇن تۇرماس بولۇپ قالىدۇ.
ئادەتتە 1300mAH ئەتراپىدىكى باتارىيەگە 500mA لىك زەرەتلىگۈچ بىلەن 2-3 سائەت توك قاچىلىسىلا توشىدۇ. توك توشقاندىن كېيىنلا توكتىن ئايرىۋېتىش كېرەك. باتارىيە توكقا قانچە ئۇزۇن چېتىلىپ تۇرسا، ئۆمرى شۇنچە قىسقىرايدۇ.
ئامال بار ئونۋېرسال زەرەتلىگۈچنى ئىشلەتمەڭ، ئونۋېرسال زەرەتلىگۈچ باتارىيەنى ئۆلتۈردىغان بىرىنجى قاتىل. يانفوننىڭ ئۆزىنىڭ بىللە كەلگەن زەرەتلىگۈچىنى ئىشلىتىڭ. ئەقلىي ئىقتىدارلىق يانفونلارنى USB سىمى ئارقىلىق كومپىيۇتېرغا چېتىپ توك قاچىلىسىڭىزمۇ بولىدۇ.

ئەقلىي ئىقتىدارلىق يانفونلاردا ۋاقىتنچە ئىشلەتمەيدىغان مۇلازىمەتلەرنى تاقاپ قويسىڭىز توكى ئۇزۇن يېتىدۇ.
مەسلەن: تور، GPS, كۆك چىش، WiFi دىگەنلەرنى سىز ئىشلىتىدىغان ۋاقىتتىلا ئېچىپ، باشقا ۋاقىتتا تاقاپ قويسىڭىز يانفوننىڭ توكى خېلى تىجىلدۇ.

adl2052103

بۇنى  بىلۋالسام بولغىدەك    مەن يانفۇنىمنى  داۋاملىق   كېچىسى  زەرەتلەيمەن  شۇڭا  7~8    ئاي بولغان باتارىيەم  سەمىرىپ قاپتىدە

muj@hit

چۈشەندىم،بۇندىن كېيىن ئۆزىنىڭ سىملىق زەرەتلىگۈچىسىدە قاچىلاي

ataman005

ماۋۇ خېلى بولىدىغان ئاماللاركەن جۇمۇ

شام1980

مەنمۇ شۇنداق قىلسام بولغۇدەك.