ئۈندىداردا ھۆججەت چۈشۈرۈش ئۇسۇلى

uyghurdetal · ۋاقتى: 2016-3-29 23:59:01

ئەسسالامۇ ئەلەيكۇم تورداشلار، ئەسلى بۇنچىلىك ئاسان ئىشلارنى تېما قىلىپ يوللاپ يۈرمىسەممۇ بولاتتى. لېكىن بىلمەيدىغانلار يەنىلا بار ئىكەن. شۇ بىلمەيدىغانلار بىلىۋالسۇن دەپ يوللىدىم، بىلىدىغانلار ئاتلاپ ئۆتۈپ كەتسەڭلار بولىدۇ.
ئادەتتە بەزىدە ئۈندىداردا تور بەت ئاچقاندا چۈشۈرىدىغان ھۆججەت ئۇچراپ قالىدۇ، ياكى سالونلارغا يوللىغان ھۆججەتلەرنىڭ چۈشۈرۈش ئادرېسىنى ئەۋەتكەندە ئۈندىداردا چەكسەك چۈشۈرگىلى بولمايدۇ. ئۈندىدارنىڭ ئۆزىدىكى تور كۆرگۈچتە زىيارەت قىلىشقا بولغان بىلەن ھۆججەت چۈشۈرۈشكە چەكلىمە قويغاچقا، ئۈندىداردىن ھۆججەت چۈشۈرىدىغان ئىشتا يانفونىمىزدىكى تور كۆرگۈچتىن پايدىلىنىشقا توغرا كېلىدۇ.
مەن مىسال ئۈچۈن android سىستېمىلىق يانفوندا ئۈندىدارنىڭ ھازىرقى ئەڭ يېڭى نەشرى (6.3.15) نى، ۋە uc تور كۆرگۈچ android نەشرىنى سىنىدىم.
ئاۋۋال ئۇلانمىنى ئاچىمىز (تور بەت ياكى سالوندىن ئەۋەتكەن ئۇلانما ئادرېس).

ئاندىن ئۈندىدار ئوڭ تەرەپ ئۈستى بۈرجەكتىكى تىزىملىكنى چېكىپ، ئۇنىڭدىن ئۇلانما كۆچۈرۈش (复制链接) بېسىپ بەت ئۇلانمىسىنى كۆچۈرۈپ تور كۆرگۈچكە چاپلايمىز ياكى تور كۆرگۈچتە ئېچىش (使用浏览器打开) دېگەننى تاللاپ، بىۋاسىتە تور كۆرگۈچتە ئاچىمىز. (رەسىمدىكى رامكىغا ئېلىنغان ئىككى شۇ)

مەن تور كۆرگۈچتە ئېچىشنى (使用浏览器打开) مىسال قىلدىم.
تور كۆرگۈچتە ئېچىشنى تاللاپ، ئۆزىمىزدە بار بولغان، دائىم ئىشلىتىدىغان تور كۆرگۈچتىن بىرەرنى تاللاپ ئادرېسنى ئاچىمىز.

ئاندىن چۈشۈرۈش ئادرېسىنى چەكسەك ياكى كۆچۈرگەن ئۇلانما ئادرېس بولسا ئادرس رامكىسىغا كىرگۈزۈپ جەزملەشتۈرسەك تامام.

چۈشۈرىدىغان ئورۇننى تاللاش ۋە جەزملەشتۈرۈپ چۈشۈرۈشنى دېمىسەممۇ بولار.
ئەسكەرتىش: تېمىنى تەپسىلىي ئوقۇپ مەشغۇلات قىلىڭ. چالا ئوقۇپلا ياكى ئوقۇمايلا مەشغۇلات قىلىپ يولۇققان مەسىلىگە مەزكۇر تور بەت ۋە مەن ئىگە ئەمەس.
مەنبەسىنى ئەسكەرتكەن ھالدا تارقاتسىڭىز بولىدۇ، لېكىن ھەقلىق تارقىتىدىغان، مۇنبەر تەڭگىسىگە ساتىدىغان، ئىنكاسقا ساتىدىغان ئىشنى قىلماڭ.

del · ۋاقتى: 2016-3-30 01:05:29

ياخشى يوللاپسىز . بۇ تىمىنى مەن نەچچە كۇننىڭ ياقى كومپىيوتىردىكى ۋېيشىندا مۇشۇنداق ئۇلانمىلارنى ئاچالماي يۇرەتتىم . رەھمەت

barchuq · ۋاقتى: 2016-3-30 09:29:34

مەنمۇ ئۇزاق بولدى مۇشۇ ئۇسۇلنى قوللىنىۋاتقىلى.

يېڭسارى · ۋاقتى: 2016-3-30 16:30:11

بولسا سالونغا يوللانغان سۈرەتسىز ناخشىلارنى چۈشۈرشنى بىلدىغان بار بولسا كۆرسەتمە بەرسەڭلار
كومپىيوتىردا ئېچىپمۇ نۇرغۇن ئاماللار بىلەنمۇ چۈشۈرەلمدىم ئىنتىنىت ماناگىر دىگەنلەردىمۇ

ۋاپاسىز · ۋاقتى: 2016-3-30 22:00:48

كومپىيۇتىردا ئاچقىلى بولدىغان ئۈن دىدار بولسا قالدۇرۇپ قويساڭلار

uyghurdetal · ۋاقتى: 2016-3-31 13:28:24

ۋاپاسىز يوللىغان ۋاقتى 2016-3-30 22:00
كومپىيۇتىردا ئاچقىلى بولدىغان ئۈن دىدار بولسا قالدۇرۇ ...

http://weixin.qq.com/cgi-bin/rea ... =index&t=weixin
مۇشۇ ئىگە تەرەپ بېتى، كىرىپ كومپيۇتېر نۇسخىسىنى چۈشۈرۋالسىڭىز بولىدۇ.

2528569850 · ۋاقتى: 2016-3-31 19:53:41

لەغمەننى چۇكىدا يىگىلى بۇلىدۇ دىگەنگە ئوخشاش تېما بۇپتۇ بۇ

uyghurdetal · ۋاقتى: 2016-4-1 01:20:10

2528569850 يوللىغان ۋاقتى 2016-3-31 19:53
لەغمەننى چۇكىدا يىگىلى بۇلىدۇ دىگەنگە ئوخشاش تېما بۇپ ...

ئەمىسە قوشۇقتا يەۋېرىڭ.

		ساقلاش	پارول قايتۇرىۋېلىش
پارول			تىزىملىتىش