گىگانتلار زەربىدە- خۇلاسە

شۇنداق قىلىپ... بۇ كارتوننىمۇ تۈگەتتۇق. 2013- يىلى قويۇلغان كارتونلار ئىچىدە مۇشۇ ھەممىدىن بەك داغدۇغا قوزغىۋەتتى، ھازىر تېخى 2013- يىللىق كارتونلارغا بېلەت تاشلاش ئاخىرىلاشمىغان بولسىمۇ «گىگانتلار زەربىدە» نىڭ ئالدىنقى ئورۇندىن چۈشۈپ قالمايدىغانلىقى جەزىملىشىپ بولدى. بۇ كارتوننى تەرجىمە قىلىشنى سەككىزىنچى ئايدا باشلاپتىكەنمەن، 10- ئاينىڭ 12- كۈنىتۈگىتىپتىمەن، تەھرىرلەش كىرىشتۈرۈش قاتارلىق خىزمەتلەر ئىشلىنىپ 12- ئاينىڭ 13-كۈنى ئاق بۈركۈتتە قويۇلۇشقا باشلىغان ئىدى، مانا 1- ئاينىڭ 17- كۈنى قويۇلۇپبولدى...  ئىشقىلىپ تورداشلار تېپىشىپبەرگەن بىر دۆۋە خاتالىقلارنى ھېسابقا ئالمىغاندا بۇ كارتوننىڭ تەرجىمىسىنى ھەرھالدا ئۆزۈم رازى بولغىدەك ئاياقلاشتۇردۇم. بىرىنچى بۆلۈم تۈگىگەنمۇ بولدى، ئەممائاخىرىدا يەنە نۇرغۇن يېشىلمىگەن سىرلارنى تاشلاپ قويۇپ تۈگىدى، بۇ سىرلارنىڭكېيىن ئىشلەنگەن بۆلۈملەردە يېشىشكە قالدۇرۇلغانلىقى ئېنىق، ئەمما كېيىنكىبۆلۈمنىڭ ئىشلىنىشى ھەققىدە ئورگان تەرەپ ھېچقانداق ئۇچۇر بەرمىدى، شۇڭا يەنىلاكۈتەيلى، ئەمەلىيەتتە كارتون فىلىم كۆرۈشمۇ سەۋرچانلىقنى تەلەپ قىلىدىغان ئىش...شۇنداقتىمۇ بۇ كارتونغا قىزىققۇچىلار ئۈچۈن كىچىككىنە تەسەللى بولغىدەك بىر ئىشبار. ئۇ بولسىمۇ مەزكۇر كارتوننىڭ OAD نۇسقىسى. ھازىر OADدىن بىر قىسىم تارقىتىلىپ بولدى، يەنە بىر قىسىم 4- ئايدا تارقىتىلىدۇ. بۇتېلىۋىزىيەدە قويۇلمىغاچقا دۆلىتىمىزگە سەل كېچىكىپرەك كەلدى، سۈزۈك خەتسىزنۇسقىسى تېخى يېقىندا قولۇمغا چۈشتى، ئەمما... ئۇيغۇرچە خەتلىك تەرجىمىسى سەلكېچىكىپ قېلىشى مۇمكىن.

ئۇندىن باشقا ئۆتكەن يىلنىڭ بېشىدا مەزكۇر كارتون كىنو قىلىپ ئىشلىنىشى توغرىسىدا ئۇچۇر بېرىلگەن، يىل ئاخىرىدا ئورگان بېتىدە فىلىم بۇ يىل باھاردا سۈرەتكە ئېلىنىشقا باشلىنىپ 2015- يىلى قويۇلىدىغانلىقى، باش نازارەتچىنىڭ خىگۈچى شىنجى ئىكەنلىكى ئاشكارىلاندى. ئەمما روللارغا تاللانغان ئارتىسلار توغرىسىدا تېخى ئۇچۇر يوق (ناۋاكەندە ئېرېننىڭ رولىغا فۇجىۋارا تاتسۈيا تاللىنىپ قالسا قانداق بولار )

بۇ رەسمىي مۇقاۋا ئەمەس، پەقەت بىر تورداشنىڭ ئېلان قىلغان ئەسىرى خالاس

  تۆۋەندىكىسى ئورگان بېتىنىڭ كىنو نۇسقىسى خەۋەرلەر بېتىدە ئېلان قىلىنغان رەسىم.

ئەمدى مەزكۇر كارتون توغرىسىدا ئازراقتوختىلايلى...

فىلىم مۇندەرىجىسى:

1‏- قىسىم                  ئىككى مىڭ يىلدىن كېيىنكى سىزگە               شىگانشىنا قولدىن كەتكەن كۈن 1
2‏- قىسىم                  شۇ كۈنى  شىگانشىنا قولدىن                        كەتكەن كۈن 2
3‏- قىسىم                  زۇلمەت ئىچىدىكى غۇۋا نۇر                          ئىنسانلار قايتا باش كۆتۈرگەندە 1
4‏- قىسىم                  خوشلىشىش زىياپىتى                                          ئىنسانلار قايتا باش كۆتۈرگەندە 2
5‏- قىسىم                  تۇنجى جەڭ                                               توروستوك جەڭ مەيدانى 1
6‏- قىسىم                  بىر قىزنىڭ كۆزىدىكى دۇنيا                          توروستوك جەڭ مەيدانى 2
7‏- قىسىم                  سۇنۇق تىغ                                                توروستوك جەڭ مەيدانى 3
8‏- قىسىم                  يۈرەك تىۋىشى                                           توروستوك جەڭ مەيدانى 4

9‏- قىسىم                  سول بىلەكنىڭ دېرىكى                                توروستوكجەڭ مەيدانى 5
10‏- قىسىم               سادا                                                         توروستوك جەڭ مەيدانى 6
11‏- قىسىم                ئۈمىد يۇلتۇزى                                            توروستوك جەڭ مەيدانى 7
12‏- قىسىم               جاراھەت                                                   توروستوك جەڭ مەيدانى 8
13‏- قىسىم               دەسلەپكى ئارمان                                       توروستوك جەڭ مەيدانى 9

13.5‏- قىسىم            شۇ كۈندىنكېيىن   
14‏- قىسىم               قاراڭغۇ قىسمەت                                         قايتۇرما زەربە ھارپىسىدا 1
15‏- قىسىم               ئالاھىدە ھەرىكەت ئەترىتى                           قايتۇرما زەربە ھارپىسىدا 2
16‏- قىسىم               ئەمدى يولۇم قاياندۇر                           قايتۇرما زەربە ھارپىسىدا 3

17‏- قىسىم               ئايال گىگانت                                      57‏- نۆۋەتلىكسېپىل سىرتى سەپىرى3

18‏- قىسىم               گىگانت دەرەخزارلىق                            57‏- نۆۋەتلىكسېپىل سىرتى سەپىرى4

19‏- قىسىم               قايتۇرما زەربە                                     57‏- نۆۋەتلىكسېپىل سىرتى سەپىرى5

20‏- قىسىم               تۆمۈر بازغان                                      57‏- نۆۋەتلىكسېپىل سىرتى سەپىرى6

21‏- قىسىم               مەغلۇبىيەتچىلەر                                   57‏- نۆۋەتلىك سېپىل سىرتى سەپىرى7
22‏- قىسىم               تەبەسسۇم                                          ستوكخېستىكى تۇيۇقسىز ھۇجۇم 1
23‏- قىسىم               شەپقەت                                              ستوكخېستىكى تۇيۇقسىز ھۇجۇم 2
24‏- قىسىم               سېپىل                                                ستوكخېستىكى تۇيۇقسىز ھۇجۇم 3

OAD1 (3.5- قىسىم) ئايرېسنىڭخاتېرىسى (ما ئىسىم تېخى ئېنىق ئەمەس)

فىلىم مەزمۇنى توغرىسىدا ئويلىغانلىرىم:

سىز ئۆزىڭىز ياشاۋاتقان بۇ دۇنيانى مۇتلەقتىنچ ھەم بىخەتەر دەپ قارىماڭ، سىز بەختلىك تىنچ تۇرمۇشنىڭ پەيزىنى سۈرۈۋاتقانۋاقىتتا بەلكىم خەتەر سىزنى پايلاپ تۇرۇۋاتقان بولۇشى مۇمكىن. چۈنكى، سۇ ئۇخلىسائۇخلايدۇ دۈشمەن ئۇخلىماس ...

فىلىمدىكى ئىنسانلار گىگانتلاردىن ئۆزىنىقاچۇرۇپ ئۈچ دانە مۇستەھكەم سېپىل ئىچىگە ئۆزىنى بەنت قىلغان. ئەسلى ئۆزىگەتەئەللۇق بولغان كەڭرى زىمىنغا ئىنتىلىشنى قورقۇنچ بىلىپ سېپىل ئىچىدىكى بىغەم،ئاسائىش تۇرمۇشىدىن مەست بولۇشۇپ ھەتتا سېپىل سىرتىدىكى گىگانتلارنىڭ ئۆزلىرىنىقوتاندىكى مالغا ئوخشىتىپ قويغانلىقىنىمۇ ھېس قىلمىغان. پۇخرالارنى باشقۇرۇش،تەرتىپ يۈرگۈزۈشنى زىممىسىگە ئالغان يورتۇغ قوشۇن چىرىكلىشىپ، سېپىل ساقلىغۇچىتۇرغۇن قوشۇن جەڭگىۋارلىقىنى يوقىتىپ بىخۇتلىشىپ كەتكەن، پەقەت ئاز بىر قسىىمكىشىلەر توپلانغان يەزەك قوشۇنلا سېپىل سىرتىدىكى ئەسلى ئۆزىگە تەۋە بولغان، ئەمماھازىر ئاشۇ يەجۈجى-مەجۈجىلەر ئىگىلىۋالغان زىمىننى قايتۇرۇۋېلىش ئىستىكىدە يۈرگەن،ئەمما سېپىل ئىچىدىكى بىغەم خەلق ئۇلارنى ئەخمەق دەپ ئويلايدىغان... بۇ يەردە مەنئاپتورغا بارىكاللا ئېيتماي تۇرالمايمەن، خۇددى چارلىز چاپلىن كومىدىيە ئارقىلىقرېئاللىقتىكى تىراگىدىيىنى بايان قىلغانغا ئوخشاش، ئاشۇ قاننى ئۇرغۇتىدىغانۋەقەلىكلەر سىموۋول ئارقىلىق رېئال دۇنيانىڭ ماھىيىتىنى ئېچىپ بەرگەن.

باش قەھرىمان باشقا كىشىلەرگە ئوخشاش ساختاتىنچلىققا گول بولۇپ ياشاشنى خالىمايدۇ، ئۇنىڭدا ھەقىقى ھۆرلۈككە ئىنتىلىدىغانيۈرەك، ئېنىق بولغان مەقسەت نىشان ۋە شۇ نىشانغا يېتىشكە بەل باغلىغان تىز پۈكمەسئىرادە بار. ۋەقەلىكنىڭ تەرەقىياتىغا ئەگىشىپ باش قەھرىماننى گىگانتلار يەۋېتىدۇ،ئارقىدىنلا ئۆزى گىگانتقا ئۆزگىرىپ ئىنسانلارنىڭ غەلبىسى ئۈچۈن ئاچقۇچلۇق رولئوينايدۇ، ئاپتور مۇشۇنداق بىر باش قەھرىماننى تەسۋىرلەش ئارقىلىق مۇشۇرېئاللىقتىكى مۇشۇنداق بىر ھالەتنى ئۆزگەرىشكە تۈرتكىلىك رول ئوينىيالايدىغانبىرسىنىڭ ياكى بىر تەشكىلاتنىڭ چىقىشىنى ئۈمىد قىلغان. ۋەقەلىكنى گىگانتلارسېپىلنى بۆسۈپ كىرىپ ئىنسانلارغا ھۇجۇم قىلغاندەك بىر تۈگۈندىن راۋاجلاندۇرۇپ،ئىنساننىڭ بېشىغا ئاپەت كەلگەندە ئوخشىمىغان كىشىلەرنىڭ ئوخشىمىغان ئىنكاسلىرىنىتەسۋىرلەپ ئىنساندىكى ئالىيجانابلىق، پەسلىك، قورقۇنچاقلىق ھەم باتۇرلۇقتەكئىنسانىي تەبىئەتنى نامايەن قىلغان...«شەمشەرتورى» دىكى ۇرۇپ ئورۇن ئالماشتۇرۇپ تۇرىدىغان جىددىيلىك، ھاياجان، تىنچ مۇھىت، شېرىن ھېسسىياتلارغا ئوخشىمايدىغان يېرى،  پۈتكۈل ئەسەردە ھۆكۈم سۈرگەن ئېغىركەيپىيات، قان بىلەن تولغان كۆرۈنۈشلەر، رەھىمسىزلىك كەينىگە يوشۇرۇنغان ئاقىللىق ئىنساننىئەقىل كۆزى بىلەن دۇنياغا قاراشقا، كۆز ئالدىدىكى ساختا تىنچلىقنىڭ ئۆز غورۇرىنىيەرگە ئۇرۇش بەدىلىگە كەلگەنلىكىنى ۋە بۇ دۇنيانىڭ قاراڭغۇ تەرىپىنى تونۇشقا، مۇھىمىبارچە كىشى خاتا دېگەن يولنىڭ توغرىلىقىنى تونۇغان ھەم ئاشۇ يولدا ئاخىرىغىچەمېڭىشقا جۈرئەت قىلالىغان قەيسەرلىككە ئۈندىگەن، خۇددى مۇقەددىمە ناخشىسى «قىزىلئوقيا» دا دېيىلگەندەك:

نامۇ نىشانسىز گۈلنىڭ تەقدىرى چەيلەنمەك ياۋقولىدا

قاناتلارى بوغۇشلانغان قۇش، شاماللارنى ئېتەرئىكەن ياد

كۆڭۈلدە قانچە ئويلىغان بىلەن، ئەمەلگەئاشماس قۇرۇق خىياللار

ئۆزگەرتىمەن دېسەڭ تەقدىرنى، تىك جېنىڭنىئالغىن ئالقانغا

دەسسەپ ئۆتۈپ تاغدەك جەسەتلەر

كۈلۈپ قويغىن يارىماس پىتنىخورنىڭمازاقلىرىغا

ئالدانما قوتاندىكى مالغا ئوخشاش ئاسائىشلىققا

بۆرە كەبى جانىڭ بىلەن ئەركىنلىك قوغلا

مەھبۇس كەبى كۈنۈڭنى ئويلا، ئايلانسۇن غەزەبلەرگوياكى ئوقيا

ئاتلاپ ئۆت بۇ ئېگىز تامدىن، ئوۋچى كەبى دۈشمىنىڭئوۋلا

ئېتىلىپ چىقسۇن جاسارەت، تەنلىرىڭ ئايلانسۇنئوتقا

ئوت بولۇپ بۆسكەي گۇگۇمنى، شۇ قىزىل ئوقيا

بولدى، پۈتۈن كارتوندىن ھېس قىلغانلىرىمنىمۇشۇنچىلىك سۆزلەي... بەلكىم باشقىلارغا بەرگەن تەسىرى باشقىچىرەكتۇ، خۇددىئەپەندىمنىڭ «نان دېگەن قانداق نەرسە» دېگەن سوئالىغا ئون ۋەزىر ئون خىل جاۋاببەرگەندىن كېيىن ئەپەندىم «نان دېگەن يەيدىغان نەرسە» دەپ گەپنى تۈگەتكىنىدەك ھەركاللىدا ھەر خىيال، بەلكىم مەن بۇ كارتون توغرىسىدا كۆپ ئويلاپ كەتكەن بولۇشۇممۇمكىن، ئەقىل ئېگىلىرىنىڭ مېغىزنى شاكالدىن ئايرىپ ئالالىشىغا ئىشىنىمەن...

مۇشۇ يازما ئارقىلىق «گىگانتلار زەربىدە» نىڭئۇيغۇرچە خەتلىك نۇسقىسىغا بىر چېكىتلىك پەش قويۇلدى، ئەمدى OADنىڭ تەرجىمىسىدىن كېيىن، بايقالغان خاتالىقلار بىر-بىرلەپ تۈزىتىلىپ كارتون فىلىمبىر باشتىن قايتا تەھرىرلەپ كىرىشتۈرۈلگەندىن كېيىن ئەسلى چۈشۈرۈش ئادرىسى ئورنىغايوللىنىدۇ. كېيىنكى خىزمەتلەر ئىككىنچى بۆلۈم ئېلان قىلىنغاندا قايتاباشلانغۇسى...

بۇندىن كېيىنكى پىلان ۋە ئارمان:

ئۆتكەن يىلى «شەمشەر تورى-خۇلاسە» ناملىقيازمىدا «تېزلەتمە دۇنيا» ۋە «پولات كىمياگەر» ناملىق ئىككى كارتوننى تەرجىمەقىلىش پىلانىم بارلىقىنى ئېيتقان، ئەلۋەتتە پىلان پىلان پېتى تۇرۇپ قالغىنى يوق،پات ئارىدا «تېزلەتمە دۇنيا» نىڭ تەرجىمىسىگە قايتا تۇتۇش قىلىمەن. شۇنى ئالدىندەپ قويسام، بۇ كارتوننى ماڭا ياققانلىقى ئۈچۈن تەرجىمىگە تاللىغان بولساممۇ ماڭايارىغىنىنىڭ ھەممەيلەنگە يارىشى ناتايىن، ئۇنىڭ ئۈستىگە بۇ كارتوندا بەزىقاملاشمىغان كۆرۈنۈشلەر بار، شۇڭا ۋاقتى كەلگەندە بۇ كارتون دىتىغا ياقمىغانتورداشلارنىڭ ئىچىدە بىلىشىنى سورايمەن.

ئۇندىن باشقا «پولات كىمياگەر» نىڭ 2009-يىلى ئىشلەنگەن نۇسقىسى تەرجىمىگە تاللىنىپ (ئوخشاش بىر گەپنى ئۆتكەن يىلىمۇقىلغاندەك ئېسىمدە...) سىن ۋە خەت ھۆججەتلىرى چۈشۈرۈلۈپ بولۇندى، پېرسوناژئىسىملىرى، يەر-جاي ناملىرى، خاس ئاتالغۇلارنىڭ تەرجىمىلىرى ھەم بېكىتىلىپ بولدى،ئاز-ئازدىن تەرجىمە قىلىنىپ، ھازىر خىزمەت 15- قىسىمنىڭ تەرجىمىسى ئۈستىدە توختاپقالدى، «تېزلەتمە دۇنيا» دىن كېيىن بەلكىم «شەمشەر تورى» نىڭ ئىككىنچى بۆلۈمىچىقىشى مۇمكىن، شۇڭا مەزكۇر كارتون يەنە كەينىگە سۈرۈلۈپ كېتىدۇ، ئەمما توختاپقالمايدۇ.

يۇقارقىسى ئۆزۈمنىڭ پىلانلىرى. دوستىمىزبۆرەخان زور غەيرەت بىلەن كۆپ قىسىملىق كارتون فىلىم 犬夜叉 (ئىنۈياشا) نىڭ تەرجىمىسىنى باشلىدى ھەمئىككى يۈز قىسىمدىن ئاشىدىغان بۇ كارتوننى تولۇق تەرجىمە قىلىش نىيىتىنى بىلدۈردى،مۇشۇ غەيرىتىگە ھۆرمىتىم سۈپىتىدە مەنمۇ بۇ كارتوننىڭ تەھرىرلىكىنى ئاخىرىغىچەئۈستۈمگە ئېلىشقا بەل باغلىدىم، ھازىر ئىككى قىسىمى تەھرىرلىنىپ بولدى.

ئەلۋەتتە خىزمەت ۋە تۇرمۇش (تۇرمۇش دېگەنگەچىقارغان ۋاقىت يوقنىڭ ئورنىدىلا ھازىر...) ھەلەكچىلىكىدە تەرجىمە ئىشلىرىنىڭتەسىرگە ئۇچرىشى تۇرغانلا گەپ، بەزى كۆزلىرىم تېلىپ ئېچىشىپ كەتكەندە ئۆزۈمگەئۆزۈم جاپا سېلىپ نېمە كەپتۇ دەپ قالىمەن، بەزىبىر ئىنكاسلارنى ئوقۇپ نەچچەۋاققىچە چىۋىن يەۋالغاندەك بولۇپ قالىدىغان ئىشلارغىمۇ كۆپ يولۇقتۇق... ئەممامۇشۇنىڭغا بولغان ئىشتىياق كۇنۇپكا تاختىسىنى باسقان قوللارنى توختاتمايدىكەن،ۋاقتى كەلگەندە بىر ئېغىز تەشەككۈر ۋە رىغبەتتىن كۆڭۈل سۆيۈنۈپ  دىللار يايراپ كېتىدۇ... قىسقىسى بىر فىلىمنىكۆپچىلىككە ياققىدەك تەرجىمە قىلىپ ھوزۇرۇڭلارغا سۇنسام، قېلىپقا چۈشۈپ قالغاندەكھەر كۈنى بىر خىللا ئۆتۈۋاتقان تۇرمۇشۇم ئۈچۈن بىر گۈزەل ئەسلىمە ۋە رەڭدارلىققوشۇلغاندەك ھېس قىلىمەن.

ئاخىرىدا مەزكۇر كارتون فىلىمنى تولۇق كۆرۈپتۈگەتكەن ھەم خاتالىقلارنى بايقىشىپ بەرگەن تورداشلارغا قۇرۇق بولسىمۇ رەھمىتىمنىبىلدۈرىمەن، (ئەپسۇس ئاخىرىقى قىسىملاردىن خاتالىق بايقىغانلارغا بەرگىدەك نېمەقالمىدى...) ھەم كېيىن قالغان بولسىمۇ ئاق بۈركۈتنىڭ 2014- يىلىغا ئۇتۇق تىلەيمەن.

ئاخىرى تۈگىتىپسىز، 2-بۆلىمىدىن خەۋەر بارمۇ؟

دىۋاندا ئۆزۈم ئولتۇرۇپ، قىزىق چاينى يەنىلا ئۆزۈم قوياي. جاپايىڭلىنى بىلىمەن ئاداش! ھەقىقەتەن ئاسان ئەمەس. ئاللاھ خالىسا، ئەمىلىيەتتىمۇ بىر ھاردۇق چېيى قويۇش نىيتىم بار. پات ئارىدا نېسىپ بولار! تېنىڭلار سالامەت بولسۇن! كۆزۈڭلىنى ئاسىراشقا دىققەت قىلىڭلار...

مەن كارتوننى ئانچە كۆرۈپ كەتمەيمەن، شەمسىنىڭ تىل بايلىقى، تەرجىمە سۈپىتى، تىرىشچان ۋە ئىنچىكىلىكىگە قايىل بولغاچ ئۇ تەرجىمە قىلغان «گىگانتلار زەربىدە» دېگەن بۇ كارتوننى تولۇق كۆرەرمەن دېگەن نىيەتتە چۈشۈرۈشنى باشلاپ ئالدىنقى 10 قىسمىنى چۈشۈردۈم، ئەمما كۆرۈشكە ۋاقىت چىقىرالمىغاچ ئاخىرىنى چۈشۈرۈشتىن يالتايغان ئىدىم..ئەمما ھەر بىر يوللانغان تىما مەزمۇنى، تورداشلىرىمىزنىڭ ئىنكاسلىرىدىن كاللامدا ئاجايىپ قەھرىمانلارنىڭ سىماسى كۆز ئالدىمغا كېلىپ تۇرىدۇ، تەسەۋرۇرۇمدا بەختىيار زامان دېگەن ناخشىنى ئوڭچە توۋلاتقۇزۇپ، ئەركىنلىكنى بوغقۇچى ياۋۇزلارغا قارشى ئۆز ھۆرلۈكى، ئەركىنلىكى ئۈچۈن كۆرەش قىلىۋاتقان ھەقىقى ئادەم تەسۋېرلەنگەن ئەسەر نامايەن بولۇپ تۇرىۋاتىدۇ، يۇقارقى شېئىر پۈتكۈل فىلىمنىڭ خۇلاسسى بولسا كېرەك..
ئەمدى تەتىلدە ئاللاھ خالىسا تولۇق كۆرۈپ چىقىمەن..

تىرىشچانلىقىڭزغا ئاپىرىن. دېمىسىمۇ ھەرقايسى گۇرۇپپىلار ئارىسىدا سىزنىڭ تەرجىمىڭىز تېزراق ئىكەن، ھەم تەرجىمە قىلغان فىلىمىڭىز كونىراق خەتلىك فىلىم مۇنبىرىنىڭ ھەممىسىدە دېگۈدەك بارئىكەن. ئۆزەمنىڭ ئويلىشىمدا تەرجىمە قىلغان فىلىمىڭىزنىڭ سانى ۋە سۈرئىتى بىلەن شۇنچىكى ئىملا خاتالىقلىرىنىڭ سانى ئوڭ تاناسىپ. مەنمۇ ئىلگىرى كارتون كۆرەتتىم. لېكىن كارتونسازلار ئىككى مىڭ ئىككىنچى يىلدىن ئىزچىل تارتپ كومپىيۇتېرغا تايىنىۋېلىۋاتقاچقا، شۇنداقلا ھېلىھەم شۇ تەرىقىدە راۋاجلىنىۋاتقاچقا زېرىككەن ئىدىم. ناۋادا قولدا سىزغان كارتونلارنىمۇ تەرجىمە قىلغۇڭىز بولسا ھەمكارلىشىشنى خالايمەن. ئۇنداق بولمىغان تەقدىردىمۇ تەرجىمە فىلىملىرىڭىز ئىلگىرىكى چاغلاردىكىدىن جىقىيىپ كەتسە كەتسۇنكى، ئازلاپ قالماقلىقىنى ئۈمىد قىلىمەن.

رەھمەت، ئەسلى گەپ جىق ئىدى، لىكىن ئۆيگە ئالدىراپ قالدىم، قىسقىلا قىلاي گەپنى:
1. شەمىسى تەرجىماننىڭ تەرجىمە قابىليتىگە قايىل بولدۇم.
2. شەمسىنىڭ كىنو كۆرۈش ئۇسۇلىغا قايىل بولدۇم، مەندەك كۆرىدىكەنلىكىن مەندىن ياخشى قىلىدىكەن قىلغان ئىشنى، ئايىغىغا چىقىرىپ...
3. كىنونىڭ ئۈزۈلۈپ قالماي چىققىنى ياخشى بولدى، باشقىلار بولغان بولسا يېرىم يولدا نەچچە توختىغان بۇلاتتى.
4. ئاققىر ئەپەندىنىڭ ئۈستىدىكى ئىنكاسىنى ئوقۇپ بىر گۈزەل سۆزلۈك ھېكىمەت كىتاب ئوقۇغاندەك بولدۇم.
5.Ablazewolf ئەپەندى بىلەن شەمىسىنىڭ توختاپ قالماسلىقىنى ئۈمۈد قىلىمەن.

رەخمەت

ئەمدىغو گەپ قىلىش نوۋىتى ماڭا كەلگەندۇ...
فىلىمنى تۇلۇق كۆرۇپ بۇلۇپ ئىنكاس يازاي دەپ ،فىلىم تۈگۈگىچە ئىنكاس يازمىغان ئىدىم
فىلىم تەرجىمىسى چۈشۈنۈشلۈك راۋان چىقىپ كۆڭۇللەرنى خۇرسەن قىلدى
بۇرادەر شەمسى جاپا چەكتىڭلار

سىزدەك تەرجىمانلاربەك ئازجۇمۇ، تەرجىمە ئىشلىرڭىز ئوڭوشلوق بولسۇن!

بۇ  كىنونىڭ  ئايىغى  تېخى  باما  ئۇنداقتا  ئىككىنچى بۆلىمى

رەھمەت .. مەن كارتونغا بەك ئامراقتىم .. سىزنىڭ دۆلىتىڭىزدە كۆزۈم ئېچىلىپ قالدى ھى ھى .... ماۋۇ تىزلەتمە دۇنيانى  ئالدىنقى يىلى سىز تەۋسىيە قىلغاندىلا كۆرگەنتىم بولىدىغان فىلىم بۇ .. مەن قوللايمەن ...
قېنى سىلەر كارتون ھەۋەسكارلىرى ... سەپ تىزلىڭلار ...ھۆرمەت بىلدۈرىمىز ..

تىمىڭىزنىڭ ئەڭ ئاخىرقى قۇرلىرىنى ئوقۇۋاتقىچە كۆزلىرىمگە ياش كىلىپ كەتتىغۇ ،ئۆزۈممۇ كىنو تەرجىمە قىلىپ باققاچقا كىنو تەرجىمە قىلىشنىڭ جاپاسىنى ئازراق بولسىمۇ بىلىمەن، كىشىلەر مەنپەئەتكە بىرىلىپ كىتىۋاتقان مۇشۇ دەۋىردە سىزدەك بۇنداق خالىس ئەمگەك قىلماق ، ھەم ئۇزۇنغىچە بەل قويىۋەتمەي بەرداشلىق بەرمەك ھەقىقەتەن ئاسان ئەمەس، مەن بەزى كەچلىرى ياتاقتا ئولتۇرۇپ كىنو تەرجىمە قىلغان ۋاقىتلاردا ياتاقداشلىرىمنىڭ ھەممىسىنىڭ ئوخشاش بىرخىل سۇئالىغا دۇچ كىلىمەن،«بۇنداق كىنو تەرجىمە قىلساڭ ساڭا قانداق پايدىسى بار؟» ، «سەن كىنو تەرجىمە قىلغان توربەتتىن ساڭا ھەق بىرەمدۇ؟» بۇ گەپلەرنى ئاڭلىغان ۋاقىتتا ئۇلارغا توغرا چۈشەندۈرگۈم ۋە شۇنداق ئاچچىقىم كەلگەن بولسىمۇ يەنىلا كۈلۈپ قويۇپ ئۆتكۈزۋىتىمەن ، يەنە بەزىدە سىز دىگەندەك بەزى ئەزالارنىڭ ئىنكاسىنى كۆرۈپ بولدى توختاپ قالايمۇ دەپ قالىمەن بىراق مۇنبەردىكى سىز ئاققىرئاكام ۋە شۇنىڭدەك باشقا تىرىشچان تەرجىمانلارنى ئويلىغىنىمدا بۇلارنى ئۇنتۇپ قايتا جانلىنىپ كىتىمەن . (ۋوي ئۆزۈمنىڭ ھىكايىسىنى سۆزلەپ كەتتىمغۇ)
بولدى بۇ گەپلەرنى قويۇپ كارتون فىلىمگە كىلەيلى ، ئاخىرقى قىسىملىرىنى بەك تىز يوللىۋەتكەچكە كىچىچە تورخانىدا تۈنەپ بىرياقتىن چۈشۈرۈپ بىرياقتىن كۆرۈپ دىگەندەك ئاخىرى تۈگەتتىم ، بۇ كىچىدە كاللامنى قالايمىقان قىلىپ نۇرغۇن سۇئاللارنى تاشلاپ كەتتىغۇ بۇ كارتون ... ئىشنى قىلىپ بۇ كارتون فىلىمنى تۈگۈتۈپ قەيسەرلىك، ئىرادە ، ئىشەنچ ، مېھرى-مۇھەببەت،دوستلۇق ....قاتارلىق نۇرغۇن ۋاستىلەر بىلەن كارتوندىكى ئاشۇ گىگانىتلار بار دەۋىرنى كۆرسىتىش ئارقىلىق ھازىرقى زامان كىشىلىرىدىكى قورقۇنچاقلىق، بىكىمىچىلىك، باشقىلارغا تايىنىۋىلىشتەك ناچار قىلمىشلارنى ئىچىپ بەرگەندەك ھېس قىلدىم . گەرچە ئويلىغانلىرىم بەك كۆپ شۇنداق كۆپ گەپلەرنى دىگۈم بولسىمۇ نىشىمقىدۇر گەپلىرىمنى تاپالماي قىلىۋاتىمەن ، بەلكىم ئۇخلىمىغاچقا گەپلىرىم باغلاشمىغان بولسا كىرەك ، ئىنكاسنى تاقا- تۇققا يىزىپتۇ دەپ زاڭلىق قىلماسسىز ، ئىنشائاللا پۇرسەت بولسا سىز بىلەن بىر كۆرۈشۈپ ئۆزۈم ئايرىم بىر مېھمان قىلىۋالغۇم بار (بۇ ھەرگىز ئۈستىدىكى ئابلىز بۆرىنىڭ ئىنكاسىنى كۆرۈپ دىيىۋالغان گەپ ئەمەس ، بۇرۇندىنلا شۇنداق ئويۇم بارئىدى)   يەنە دەيدىغىنىم ئاللاھ ئۆمۈرۈمنىلا بەرسە سىز تەرجىمە قىلغان كارتون ۋە باشقا فىلىملەرنى قالدۇرماي كۆرۈپ ماڭىمەن ، شۇنداقلا كىيىنكى تەرجىمە ئىشلىرىڭىزغا ئۇتۇق تىلەيمەن .

بىر يىلى يۇرتقا قايتىپ كېلىپ كوچا ئاپتوبۇسىدا بىر ياشانغان ئايالنىڭ جاندىن تويغان ئالتە  ئوغرى ھەممە ئادەمنى پاراكەندە قىلدى،  قوڭىنى قىسىپ سىڭگەن نېنىنى يېسە بولمامدۇ دېگىنىنى ئاڭلاپ   كۆڭلۈم بىرخىل بولۇپ قالدى
تۇنجى قىسمىنى كۆرۈپلا بۇ زادى بىزلا كۆرىدىغان كارتونكەن دەپ قالغان ئىدىم، بۇرادەر شەمسىنىڭ مۇشۇنداق ئېسىل كارتوننى بىزگە يەتكۈزگىنىگە كۆپ رەھمەت،.来自: Android客户端

سۈرخان يوللىغان ۋاقتى  2014-1-19 10:20
بىر يىلى يۇرتقا قايتىپ كېلىپ كوچا ئاپتوبۇسىدا بىر ياشا ...

ئېسىل كارتونكەن بۇ!
كارتون دېگەننى كىچىك بالا كۆرىدۇ دەيمىز، ئەمما مۇنداق كارتون فىلىملەردىكى ئىدىيەنى چوڭلار كۆرۈشكە تېخىمۇ مۇۋاپىق. شەمسىنىڭ چۈشەندۈرشىدىن، ئاققىركام ۋە باشقىلارنىڭ ئىنكاسىدىن بۇ نۇقتىنى تېخىمۇ ھېس قىلدىم. سىموۋۇللۇق مەنىسى چوڭقۇر ھەم يەشمىسى باشقىلارغا ئاسانلا چۈشۈپ قالىدىغان مۇشۇنىڭغا ئوخشاش ئېسىل كارتونلار ئۈزۈلمىسۇن!

Ablazewolf يوللىغان ۋاقتى  2014-1-19 12:23
ئېسىل كارتونكەن بۇ!
كارتون دېگەننى كىچىك بالا كۆرىدۇ  ...

ئەسلەن ئۇندا ئەمەس.
كارتوننىڭمۇ ھەرخىل تۈرى بار بولۇپ، كۆرۈرمەنلەرنىڭ يېشى بويىچە،  ئاساسەن مۇنۇ تۈرلەرگە بۆلۈنىدۇ.
بالىلار كارتونى:- مەسىلەن ماشىنا مۈشۈك.
ئوغۇل ئۆسمۈرلەر كارتونى:- ئالتە ياشتىن ئون سەككىز ياشقىچە ئوغۇل بالىلارغا قارىتىلغان بولۇپ،  گاھى يىگىتلەرمۇ ئوغۇل ئۆسمۈرلەر كارتونىنىڭ كۆرۈرمەنىدۇر.
قىز ئۆسمۈرلەر كارتونى:- ئالتە ياشتىن ئون سەككىز ياشقىچە قىز بالىلارغا قارىتىلغان بولۇپ،  بۇنداق كارتونلارنىڭ مۇتلەق كۆپىنچىسى قىز باش پېرسوناژلىق بولىدۇ.
ئاياللار كارتونى:- بۇنىڭ كۆرۈرمەنلىرى ئاساسلىقى يىگىرمە ياشتىن ئاشقان ئاياللار، ئائىلە خوتۇنلىرى ھەم خىزمەتچى ئاياللاردۇر.
نەۋجاۋانلار كارتونى:- بۇنىڭ ئاساسلىقى كۆرۈرمەنلىرى ئون سەككىز ياشتىن يىگىرمە بەش ياشقىچە يىگىتلەر بولۇپ،  بۇنى ئۆسمۈرلەر كارتونىغا سېلىشتۇرغاندا، مۇبالىغە ۋە رېئاللىقتىن چەتنەش نىسبىتى كەمراق بولىدۇ. مەزمۇنىدا ئومۇمەن ئىشچىلار سىنىپى ۋە ئۇنۋېرىستىت تۇرمۇشى ئەكس ئەتتۈرۈلىۋاتىدۇ.
چوڭلار كارتونى:- بۇ ئادەتتە مەخسۇس دۇكانلاردا، يالتىراق خالتىغا قاچىلىنىپ سېتىارمىش.
بۇ تۈرلەر خەق مىللەتنىڭ ئوقۇرمەنلەرگە قارىتا تەسىس قىلىپ كېلىۋاتقان تۈرى بولۇپ، كارتونسازلىق كەسپىيلەشمىگەن ئۇيغۇر مىللىتىمىزگە قارىتىلغان ئەمەس. شۇنىڭ ئۈچۈنمۇ قوچاق كۆرۈش ئۇششاق بالىنىڭ ئىشى بولغان دەسلەپكە باسقۇچتا تۇرىۋاتىمىز. بۇمۇ ھازىرقى تەرەققىياتىمىزغا مۇناسىپ.
كارتونسازلىق تېخىمۇ راۋاجلانغان ئەللەردە، كۆرۈرمەنلەرگە قارىتىلغان تۈرلىرى بۇنىڭدىنمۇ تەپسىلىي بولۇشى مۇمكىن. مەسىلەن مېيىپلار كارتونى، مويسىپىتلار كارتونى دېگەندەك.