ھالقىش فىلىملىرى ھەققىدە پاراڭلاشمايلىمۇ2

سۈرخان

ھالقىش فىلىملىرى ھەققىدە پاراڭلىشىپ باقمايلىمۇ؟
/forum.php?mod=viewthread&tid=5831
ماۋۇ تېمىنى باشلاپ قويۇپ ئۇ ئىش بۇ ئىش بىلەن ھېچبىر ئايىغىنى يازغۇدەك ئارامچىلىق بولمىدى. ئاز تولا بولسىمۇ بىرنەرسىنى جۆيلۈپ داۋامىنى يېزىپ باقاي قېنى
ھالقىش دېگەن نېمە؟ ئالاھىدە پەيتتە زامان ۋە ماكاندىن ھالقىپ كەلگۈسى ۋە ئۆتمۈش ئارىسىدا سەپەر قىلىش دەپ چۈشىنىپ تۇرساق بولامدۇ؟
يۈزەكى چۈشەنچەمدە ئۆتمۈشكە قايتىپ ئۆتمۈشتە يۈز بەرگەن ئىشلارنى كۆرۈشنى قوبۇل قىلالىشىم مۇمكىن. مەسىلەن سىزنىڭ بەدىنىڭىزگە چۈشۈپ قايتقان نۇر يوقاپ كەتمەيدۇ، ئەكىسچە سىكۇنتىغا 300مىڭ كېلومىتىرلىق سۈرئەت بىلەن ئالەمگە تارقاپ كېتىدۇ. مۇبادا مەن سىكۇنتلۇق سۈرئىتى 300مىڭغا يېتىدىغان ھەتتا ئۇنىڭدىن ئاشىدىغان بىر ئۇچقۇغا ئولتۇرۇپ سىزدىن قايتقان نۇرنىڭ كەينىدىن قوغلاپ ماڭسام، بىرقانچە سىكۇنت ھەتتا بىرقانچە يىل ئاۋۋالقى سىزنىڭ سىمايىڭىزنى ۋە ياكى ئىش ھەرىكىتىڭىزنى كۆرەلىشىم مۇمكىن. بىراق كەلگۈسىنى قانداق كۆرۈش مۇمكىن؟
يەنە بىر مىسال ئالايلى. مەن ۋە سىز ئۈرۈمچىدىن قەشقەرگە قاراپ يولغا چىقتۇق. مەن ئايروپىلانغا ئولتۇردۇم، سىز پويىزغا چىقتىڭىز. ئىككىسىنىڭ تېزلىكى ئوخشىمىغانلىقتىن مەن 2سائەتتە يېتىپ باردىم، سىز بولسىڭىز 18سائەتتە يېتىپ باردىڭىز. بۇنى ھالقىشقا تەققاسلىساق مەن سىكۇنتلۇق سۈرئىتى 400مىڭ كېلومىتىر بولغان ئۇچقۇغا ئولتۇرۇپ كەلگۈسىگە قاراپ ئاتلاندىم. سىز بولسىڭىز ئاۋۋالقىدەك تۇرمۇشىڭىزنى كەچۈرىۋەردىڭىز. لېكىن كەلگۈسىگە بارغاندا يەنىلا سىزنى كۆردۈم. بۇ ئادىل بولماي قالدىغۇ؟ ھالقىش ھەققىدە مېنىڭ كاللامدىن ئۆتمەيۋاتقان يېرى دەل مۇشۇ يەردە. بۇ فىزىكا قانۇنىيىتىگە زىت كېلىپ قالغاندەكلا بىلىنىۋاتىدۇ.
ئەمدى ھالقىش فىلىملىرىدىكى ئاساسلىق تېمىلار توغۇرلۇق توختىلايلى
1-ئۆتمۈشكە قايتىپ كەلگۈسىنى ئۆزگەرتىش
كەلگۈسىگە قايتىش، كېپىنەك ئېففىكتى، xجەڭچى كەلگۈسىنى بۇرمىلاش قاتارلىق فىلىملەر دەل مۇشۇ تىپقا كىرىدۇ. ئاساسلىق يۆلىنىشى باش پىرسوناژ ئۆتمۈشتىكى مەلۇم ۋاقىت ۋە مەلۇم ئورۇنغا قايتىپ بەزىبىر ئىشلارنى قىلىدۇ، ۋە شۇ ئىشلار كەلگۈسىدە يۈز بېرىدىغان مەلۇم ئىشلارنىڭ ئالدىنى ئالىدۇ ياكى باشقا بىر ئىشقا ئۆزگەرتىۋىتىدۇ.
2-ئۆتمۈشكە قايتىپ كەلگۈسىنى ئۆزگەرتەلمەسلىك.
12مايمۇن، ئەلىسنىڭ ساياھىتى2 قاتارلىق فىلىملەر مۇشۇ تىپقا كىرىدۇ. پىشانىگە  پۈتۈلگەن  دېگەن  گەپنىڭ  مەنىسى  نېمە؟  سىز  قانچە  تىرىشىڭ  سىز يەنىلا  پىشانىڭىزگە  پۈتۈلگەن  تەقدىردىن  قۇتۇلالمايسىز. سىز قانچىلىك تىرىشىڭ يەنىلا يۈز بەرمەكچى بولغان ئىشلارنى توسىۋالالمايسىز. بۇ تىپتىكى كىنولارنىڭ ئاساسى يۆلىنىشى بويىچە باش پىرسوناژ ئۆتمۈشكە قايتىدۇ، بىراق ئۇنىڭ قىلغان ھەربىر ئىشى كەلگۈسىدە يۈز بېرىدىغان ئىشلارنىڭ پىلتىسىگە ئايلىنىدۇ، مىڭ تىرىشچانلىق كۆرسەتسىمۇ كەلگۈسى ئۆزگەرمەيدۇ.

3-كەلگۈسىگە بېرىپ قېلىپ يەنە ئۆتمۈشكە قايتىپ كەلگۈسى ئۈچۈن تەييارلىنىش
كەلگۈسىگە سەپەر فىلىمى دەل مۇشۇ تىپقا كىرىدۇ. بۇ تىپتىكى كىنولاردا باش پىرسوناژ ئۆزى سەۋەبلىك ياكى سىرلىق كۈچ تۈرتكىسىدە كەلگۈسى زامانغا بېرىپ قالىدۇ، ۋە كەلگۈسىدە يۈز بەرمەكچى بولغان ئىشلارنى كۆرۈپ ئەسلىدىكى زامان ۋە ماكانغا قايتىپ شۇ ئىشنىڭ ئالدىنى ئېلىشقا ھەرىكەت قىلىدۇ.

ئەمدى فىزىكا قانۇنىيىتىنى قويۇپ تۇرايلى. كەلگۈسىگە قانداق بېرىش مۇمكىن؟ يەنە قانداق ئىھتىماللىق بار؟

پەن چۈشەندۈرۈپ بېرەلمەيۋاتقان نۇرغۇن ھادىسسىلەر بار. مەسىلەن چۈش، روھ، ئەرۋاز، يەنە كونا تېمامدا دەپ ئۆتكەندەك تۇيۇقسىز غايىپ بولۇش دېگەندەك ۋەقەلەر.

بۇ كائىناتنىڭ سىرى چەكسىزدۇر. ھەممىسنى مەلۇم قانۇنىيەتكە سېلىپلا چۈشەندۈرگىلى بولىشى ناتايىن. خېمىيەدە سىرتقى قەۋىتىدىكى ئېلىكتىرون سانى 4دىن ئاز بولسا بىز ئۇنى مېتال دەيمىز دېگەن بىلەن بۇ قانۇنىيەت ھىدروگىن ئېلىمىنتىغا ماس كەلمىگەندەك ھالقىش ھادىسسىنىمۇ چۈشەندۈرۈش تەسكە توختىشى مۇمكىن.

مۇندا ئويلاپ باقساقچۇ؟ غايەت زور بىر ئارخىپ ئامبىرى بار، ئۇنىڭدا ئۆتمۈشتىن تاكى كەلگۈسىگىچە بارلىق ئىشلار خاتىرلەنگەن، ۋاقىتتىن ھالقىغۇچىلار بولسا تۇيۇقسىز شۇ ئارخىپ ئامبىرىنىڭ بۇ تارتمىسىدىن چىقىپ باشقا بىر تارتمىسىغا كىرىپ كەتكەن بولسىچۇ؟

كۆز ئالدىڭلارغا كەلمىگەن بولسا ئەيلىسنىڭ ساياھىتى2 فىلىمىدىكى ئەيلىسنىڭ ۋاقىت شارچىسىغا ئولتۇرۇپ ھېلىقى دېڭىزغا ئوخشايدىغان ۋاقىت تونىلىدىن ئۆتكەن مەنزىرىنى ئەسلەپ بېقىڭلار. نۇرغۇن نەرسىلەرنى ھازىرقى ئىلىم پەنمۇ چۈشەندۈرۈپ بېرەلمەيدۇ، يەنە نۇرغۇن نەرسىلەرنىڭ سىرى ئىنسانلارنىڭ ئېچىشىنى كۈتۈپ تۇرماقتا. ئەگەر پەننى نۇقتىدىن زاماندىن ھالقىشقا ئېنىقلىما بېرەلمىسەك، ئەلۋەتتە سىرتقى كۆرۈنۈشى غەيرى بولغان ماشىنىدىن بىرنى ئەكىلىپ، سائەتلىك سۈرئىتىنى 80مېلغا يەتكۈزۈپ كەلگۈسىگە سەپەر قىلىدىغان فىلىمدىن بىرنى ئىشلىسەك باشقىلارنىڭمۇ پىكىرى چىقماس ئەلۋەتتە

تۇغتېكىن

سۈرخان مۇشۇ كۈنلەردە باكا قاپسىز ھە... ئۆينىڭ كەينىدىكى 10 مو يەرنى ھەيدىشىپ بەرسىڭىزمۇ بوپتىكەن؟

سۈرخان

تۇغتېكىن يوللىغان ۋاقتى  2017-4-27 01:10
سۈرخان مۇشۇ كۈنلەردە باكا قاپسىز ھە... ئۆينىڭ كەينىدىكى ...

نەگە ھەيدەيدىغان ئىشتى 10مو يەرنى

ياچاق

نەگە ھەيدەيتى كەلگۈسىگە ياكى ئۆتمۈشكە ھەيدەپ دۇنيادىكى چوڭ باي ياكى ئەڭ ئەقىللىق ئادەمگە ئايلىنىپ كەلمەمدۇ، ۋاي كىلىپ نىمە قىلىدۇ؟  بەلكىم ھازىرقى ھالەتنى ئۈزگەرتە.

خانتاجى

مۇنبەرنىڭ ئەينى ۋاقىتتا كەلگۈسىگە قايتىپ قېلىشىمۇ مۇشۇ تىپقا كىرەمدۇ يوق !

ruslan0998

ئۆتمۇشكە بىرىش مېنىڭچىمۇ مۇمكىن. بۇنى پەنتەخنىكىدىمۇ چۈشەندۇرگىلى بۇلىدۇ. تارتىش كۈچىنىڭ تەسىرى دەيمىزمۇ ياكى ئادەم بەدىنىگە چۈشۈپ قايتقان نۇرنى سىكونتىغا 300 مىڭ كىلومىتىرلىق سۈرئەت بىلەن قوغلاپ يىتىشىۋالىمىزمۇ. ۋەياكى جانلىقلارنىڭ ئىشلىتىپ قالدۇرغان ئىنىرگىيە تەسىردىن دەيمىزمۇ. ئىشقىلىپ ئۆتمۇشكە بىرىش كەلگۇسىدە ئەمەلگە ئىششى مۇمكىن. لېكىن كاللامدىن ئۆتمەيدىغان مەسىلە شۇكى. كەلگۇسىگە قانداق بىرىش كىرەك. كەلگۇسى تېخى يۇز بەرمىگەن ئىشلار تۇرسا. ئۆتمۇشكە بىرىش جانلىق ۋە ھەركەت قانۇنىيتىنىڭ ئىزقالدۇرشىدىن بايقىغىلى بۇلىدۇ دىسەك كەلگۇسىگە تېخى ئىزقالدۇرمىغان تۇرساق. كەلگۇسىدە تېخى بەدىنىمىزگە چۈشۈپ قايتقان نۇرمۇ مەۋجۇت بولمىغان تۇرسا كەلگۈسىگە بىرىپ تېخى قالدۇرمىغان ئىزلارنى قانداق بايقىغىلى بۇلىدۇ. تۈنۈگۈن ئۆتمۇش بىز ئۆتمۇشتە تۈنۈگۈن ئىز قالدۇرۇپ بولدۇق. ئۇ ئىزلار تامامەن مەۋجۇت يوقاپ كەتمىدى. ئەتەچۇ؟ ئەتىگە بىزتېخى ئەتە مىڭىپ ئىز قالدۇرمىز. ئەتىگە بىز تېخى ئىز قالدۇرماي تۇرۇپ ئەتىكى ئىزلارنى بۇگۇن قانداق تاپالايمىز؟ بىز ئەتە قالدۇرماقچى بولغان ئىزنى بۇگۇن كۆرەلەمدۇق. ئەگەر شۇنداق بۇلۇپ قالسا ئۇ ئىزلار بۇرۇندىن مەۋجۇتمىدى. شۇنداق دىيىلسە ھەركەت قىلىۋاتقان ماددىلار قايتىلىنىپ مىڭىۋاتامدۇ. ئىش قىلىپ كەلگۇسىگە بىرىش دىگەن تەلىماتلارمىنى ھازىرغىچە قايىل قىلىپ باقمىدى. ھەم كاللامدىنمۇ ئۆتكۈزەلمەيمەن.
ئەگەر راسلا كەلگۈسىگە بىرىپ ھازىرقى ئىشلارنى ئۆزگەرتكىلى بۇلىدۇ دىيىلسسە. ئۇ كەلگۇسى ھەرگىزمۇ بۇ ئالەم يەنى بىز ياشاۋاتقان زامان ئەمەس. كەلگۇسىدە ئىنسانلار يەنىمۇ كەلگۇسىگە باردى دىگەندىمۇ ئۇ باشقا بىر پارارىل ئالەم بۇلىشى مۇمكىن. مەسىلەن ئىلمى فانتازىيە فىلىمىدىكى كىرزىس گىردابى فىلىمىدە تەسەۋۋۇر قىلىنغان يەنە بىر پارارىل ئالەم. ئۇ پارارىل ئالەم ئاساسى بىز ياشاۋاتقان زامانغا ئوخشاپ كىتىدىكەن. ئوخشاش ئادەم ئوخشاش مەۋجۇدات. پەقەت ئازىراق بەزى يەرلىرى ئوخشىمايدىكەن. ئەلۋەتتە بۇمۇ مىنىڭ ئەقلىمدىن ئۆتكۈزۈپ باققان تەساۋۇر. شۇڭا كەلگۇسى توغۇرسىدا تېخىمۇ تولۇق چۈشەنجىسى بارلار قايىل قىلالىغىدەك نەزىريەلىرىڭلار بولسا قالدۇرۇپ قويارسىلەر. كاللىمىز ئىچىلىپ قالار.

يەنە مۇشۇنداق ئىلمى فانتازىيەلىك تېمىلار ماقالىلەر ۋە مۇنازىرلارنىڭ داۋاملىق يوللۇنۇپ تۇرشىنى بەكمۇ ئۇمۇد قىلىمەن. سۈرخاننىڭ مۇشۇنىڭدەك ئالەم سىرلىرى جانلىق موجىزىللىرى بايان قىلىنغان بىلىملىرنى ئايىماي قالدۇرۇپ كۆزىمىزنى ۋە ئەقلىمىزنى ئىچىشىمىزغا ياردەم قىلىشىنى تېخىمۇ ئۇمۇد قىلىمەن. خەيىر كۆزقارىشىمنى مۇشۇنچىلىك قالدۇرۇپ تۇراي.
تاققا-تۇققۇ زۆزلەپ قويغان بولسام كەچۈرگەيسىلەر.

سۈرخان

ruslan0998 يوللىغان ۋاقتى  2017-4-27 22:40
ئۆتمۇشكە بىرىش مېنىڭچىمۇ مۇمكىن. بۇنى پەنتەخنىكىدىمۇ  ...

ئاخىرىدىكى ئارخىپ ئامبىرى دېگەن يەرگە قاراپ باقسىڭىز غۇۋا ھېس قىلالىشىڭىز مۇمكىن. بەزى گەپنى ئېنىق دەپ يۈرمىدىم. بەلكىم زامان ھالقىش دېگەن نەرسە ھەممە ئىنساننىڭ تەقدىرى پۈتۈلگەن دەپتەرنىڭ بىر ۋارىقىدىن سەكرەپ يەنە بىر ۋارىقىغا كېلىپ قېلىش دېگەندەك ئىش بولىشىمۇ مۇمكىن. بۇنداق ئىشنى بار دەي دېسە تېخى، يوق دەي دېسە بىرمۇنچە سىرلىق ھادىسسىلەر تۇرغان...

sidik007

تازا مەن قىزىقىدىغان تېمىكەن .
باشلانغۇچتىن تولۇقسىزغا چىققان ۋاقىتلىرىمدا 17دولقۇنلۇق رەڭسىز تېلۋېزوردىن نۇرغۇن كارتون ،فانتازىيىلىك
فىلىملەرنى كۆرۈپ مەندىمۇ بىرخىل قىزىقىش پەيدا بولغان ئىدى. كىتابخانىدىن تەبىئەت سىرلىرىغا ئائىت كىتاپلارنى
بىرمۇ بىر ئوقۇپ چىققان ، ئىلگىركى تېمىڭىزدىكى ‹‹داگلاس›› ناملىق يولۇچىلار ئايروپىلانىنڭ ۋەقەلىگىنى مەنمۇ شۇ كىتاپتىن ئوقۇغان ، شۇ يىلى يوقاپ كەتكەن ئايروپىلاندىكىلەرنى باشقا بىر زاماندىن كەلدى ياكى بۇرۇنلا ئۆلۈپ كەتكەن ديىشىكە بولامدۇ يوق؟   ئاخىرلاشتۇرغۇچى  ئەسىر يارىتىشتا  كېيلى رېس :ئاتا-ئانام ماڭا بۇ دۇنيانىڭ بۇرۇنقى قىياپىىتىنى سۆزلەپ بەرگەن، بۇلار مەن تۇغۇلۇشتىن بۇرۇنقى ئىشلار دەيدۇ. لېكىن ئۆتمۈشكە قايتقاندا ئۆزىنىڭ 13ياش ۋاقىتتىكى يەنى  2017-يىلدىكى ئەسلىمىسىنى كۆرىدۇ ، ئاسمان تورى1997- يىلىلا ئاسمان تورى ئويغىنىپ بولغان،  بىراق كەلگۈسىدىكى ئۆزى ھەم ئوغلى جون سەۋەپلىك ئاسمان تورىنىڭ قوزغىلىشىنى كېچىكتۈرگەن ئەمما توسۇپ قالالمىغان ،كېيلى رېسنىڭ كىچىك چېغىدىكى تۇغۇلغان كۈن ئۆتكۈزگەندىكى خاتېرىسى دەل شۇ يەردىن كەلگەن. ئۆتمۈشكە قايتىپ كەلگۈسىنى ئۆزگەرتتى لىكىن يەنىلا يۈز بېرىش مۇمكىنچىلىكى بار ئىشلار يۈز بەردى، بۇنىڭغا ئوخشاش ئەزرائىل كەلدى فىلىمىمۇ باش پېرسۇناژ 6-سەزگۈسى ئارقىلىق
كەلگۈسىدە يۈز بېرىدىغان ئىشلارنى ئالدىن بىلگەن ھەم ئۇنى توسىغان، بىراق ئاقىۋەتتە قۇتقۇزغان ئادەملەرمۇ
بىر- بىرلەپ ئۆلگەن . ھېلىقى بىر يۇمۇر باتتىغۇ ؟ بىر ئادەم پالچىغا ئۆزىنىڭ قانداق ئۆلىدىغانلىقىنى سورىسا، پالچى پىچاق يەپ ئۆلىدىكەنسىز دېسە
ھېلىقى ئادەم ئۆيدىن چىقماي ئەنسىرەپ ئاخىرى كېسەل بىلەن دوختۇرخانىدا ئوپىراتسىيەدە ئۆلگەندەك.

يەنە پلانىتىلا ئارا دىگەن كىنودا ۋاقىت تونىلىنى ئارقىلىق باشقا قۇياش سېستىمىسىغا بارغان كۆرىنىشى بار . ئۇنىڭدا ۋاقىت تونىلىنى مۇنداق ئىپادىلىگەن.
رەسىمدىكىدەك

ئا نۇقتىدىن ب نۇقتىغا بارماقچى بولساق ئارلىق يىراق،لېكىن ۋاقىت تونىلى
بوشلۇقنى ئىككىنچى رەسىمدىكىدەك قاتلىۋەتكەن. (كىنودىكى بۇ چۈشەندۈرۈش مېنى ئازراق قايىل قىلدى.)

  ئاخىرىدا ئەڭ ئاخىرقى ھايات قالغان ئادەملەرنى قۇتقۇزۋالىدۇ .ئەگەر بۇرۇنقى ئشىلارنى ئۆزگەرتمەكچى بولسا
زامان ماكاندىن ھالقىيالايدىغان تارتىش كۈچى بىلەن يىراق ئۆتمۈشنى بىراقلا ھەممىنى ئۆزگەرتەلمەيدۇ ؟
چۈنكى بۇ ئشىلار ئاللىقاچان يۈز بەرگەن شۇڭا ئامالى يوق. كەلگۈسىنىمۇ شۇ.

abdusala

مەنمۇ زامان ماكان ھالقىش فىلىملىرىنى بەكمۇ ياختۇرىمەن بۇنداق فىلىملەردە چاقماق ياكى قارا ئۆڭكۇر زامان ماكان ھالقىشتىكى مۇھىم ئامىلار بولىدىكەن
بىرقىسم كىنولاردا قارا ئۆڭكۈر يىقىن يول دەپ ئاتىلىدىكەن  يەنە بىر قىسىم  كىنولاردا  ۋاقىت تونىلى دەپ ئاتىلىكەن
http://www.nur.cn/news/2017/01/359045.shtml
بىرقىسم پاراخوت ئايروپىلانلار چاقماق سوقۇۋېتىپ يوقاپ كەتتى ئەلۋەتتە چاقماق سوقۇۋېتىپ ئۆلەپ
كەتكەندىن يوقاپكەتكەن ياخشى

ئاخىرىدىكى ئارخىپ ئامبىرىغا كەلسەك بۇ كىنونى كۆرسەڭلار چۈشىنىسىلەر星际穿越
ئۇيغۇرچە ئاۋازلىقىنى سەلكىن مۇنبىرى ھەقسىز تارقاتقان تاپالمىساڭلار بەيدۇ نومۇرۇم abdusalam625

yakup1232

ئەلىسنىڭ ساياھىتى2 نىڭ خەتلىك نۇسخىسىنى قەيەردىن تاپقىلى بولار

alip

ماۋۇ يازمىنى ئوقۇساڭلار بەزى نەرسىلەرنى چۈشىنسىلەر.

http://www.aliptori.com/forum.php?mod=viewthread&tid=48094