«دانگال»نىڭ ئەسلى ۋەقەلىكى ۋە قامچىلانغان رېئاللىق (ھۆججەتلىك فىل...

alpbeg · ۋاقتى: 2017-7-5 21:58:24

بۇ يازمىنى ئاخىرىدا alpbeg تەھرىرلىگەن. ۋاقتى 2017-7-5 23:16

دانگالنى كۆرمىگەن ئاق بۈركۈتداشلار بولمىسا كېرەك. كىنونى كۆرگەنلىكى ھەممە ئادەم ناھايىتى يۇقىرى باھا بەردى ۋە بېرىۋاتىدۇ. جۈملىدىن يولداش شى جىن پىڭ رەئىسمۇ ئالدىنقى ئايدىكى قازاقىستاندا ئېلىپ بېرىلغان خەلقئارالىق يىغىندا ھىندىستان باش مىنىستىرى مۇدى بىلەن كۆرۈشكەندە «دانگال»غا يۇقىرى باھا بېرىش بىلەن بىرگە «دانگال»دەك مۇنەۋۋەر فىلىملەرنىڭ دۆلىتىمىزگە كۆپلەپ كىرىشىنى ئۈمىد قىلىدىغانلىقىنى ئېيتقان ئىكەن. مۇشۇنىڭدىنلا «دانگال» نىڭ قانچىلىك مۇۋەپپەقىيەت قازانغانلىقىنى بىلىۋېلىش تەس ئەمەس. چۈنكى بىر چوڭ قۇدرەتلىك دۆلەتنىڭ ئەڭ چوڭ رەھبىرى مۇئەييەنلەشتۈرگەن كىنونى قايتا قايتا بولسىمۇ تېگىگە يېتىپ كۆرۈپ چىقىش كىنوخۇمارلارلا ئەمەس، باشقىلارنىڭ بۇرچى دەپ قارايمەن. بۇ ھەقتە مۇنبەردە باشقا كىنوخۇمارلارمۇ مۇلاھىزە قىلىپ ئۆتتى. بۈگۈن سىلەرگە [ «دانگال»نىڭ ئەسلى ۋەقەلىكى ۋە قامچىلانغان رېئاللىق (ھۆججەتلىك فىلىم) ] نى ئېلىپ كەلدىم. ھىندىستان ئىنسانىيەت مەدەنىيىتىنىڭ بۆشۈكلىرىنىڭ بىرى بولۇپ، نەچچە مىڭ يىللاردىن بېرى ئۆزىنىڭ پارلاق مەدەنىيەت جۇغلانمىلىرى بىلەن ئىنسانىيەت مەدەنىيىتىگە ئۆزگىچە تۈس قوشۇپ كەلدى. دەرھەقىقەت، فىئوداللىق، تەبىقىچىلىق قاتارلىق كونا زاماننىڭ چېركىن ئىدىيەلىرى ھىندىستاندا ھېلىھەممۇ داۋاملىشىۋاتقان بولۇپ، مەزكۇر ھۆججەتلىك فىلىمدە ھىندىستاندىكى ئاياللارنىڭ جەمئىيەتتىكى ئورنىنىڭ قانچىلىك دەرىجىدە ئىكەنلىكىنى تەسۋىرلەپ، جاھان ئەھلىگە ھازىرمۇ مۇشۇنداق چېركىنلىكنىڭ داۋاملىشىۋاتقانلىقىنى بىلدۈرمەكنى مەقسەت قىلىپتۇ. قىسقىچە قىلغاندا بىر بوۋاق تۇغۇلۇپ، قىز-ئوغۇللىقى بىلىنگەندىن تارتىپ، تۆۋىنى 10 ئايلىق بولغاندىلا قىز بوۋاقنى ياتلىق قىلىۋېتىش، تېخى قۇرامىغا يەتمىگەن قىزلارنىڭ تۇغۇتىنىڭ ئىنتايىن خەتەرلىكلىكىدىن تەبىئىي تۇغدۇرۇشقا ئامال بولماي، ئوپېراتسىيە ئۇسۇلىدا تۇغدۇرۇشتەك ئادەمنىڭ ئەقلىگە سىغمايدىغان چېركىنلىك پاش قىلىنغان. بۇ فىلىمنى كۆرۈپ دۆلىتىمىز قۇرۇلغاندىن بېرى فىئودال چېركىن ئىدىيەلەرنىڭ تۇرمۇشىمىزدىن ئىنتايىن يىراقتا قالغانلىقىنى ھېس قىلىپ يەتتىم. فىلىمدە زىيارەتچىلەر دانگالدىكى ھەقىقىي چېلىشچى دادا ۋە ئۇنىڭ مەشق بازىسىنى زىيارەت قىلغان بولۇپ، چېلىشچى بوۋاي دانگال فىلىمىدىكى ۋايىقەلىكلەرنىڭ %99.5 ھەقىقىي ئىكەنلىكىنى قەيت قىلىپتۇ، قالغىنىنى فىلىمدىن كۆرۈۋالغايسىلەر:
كۆرۈنمىسە تۆۋەندىكى ئادرېستىن كۆرۈڭ:
https://v.qq.com/x/cover/86dp1b1 ... 50p0.html?start=246

Neo · ۋاقتى: 2017-7-6 17:29:56

ھىقىقەتەن ياخشى فىلىم بۇ دانگال، ۋەقەلىكىمۇ ئەمەلىيەتنى ئاساس قىلىپ ئىشلەنگەنىكەن،ھەم ھىندىلارنىڭ قەدىمدىن تارتىپ داۋاملىشىپ ،كەلگەن قالاق ئەنئەنىلىرى قامچىلانغان. مېنىڭچە بۇ فىلىم ھىندىستاندىكى ئەرلەر ئەزىز ، ئاياللار خار بولىدىغان، لېكىن ئەركەك يوق بىر مىللەت كىشلىرگە نىسبەتەن ،بىر ئۈلگە دەپ قارايمەن.