خۇيۈ (虎鱼) ‏uyntv قاتارلىق بەتلەردىن فىلىم چۈشۈرۈش

uyghurdetal · ۋاقتى: 2016-3-8 18:11:58

بۇ تېمىنى بۇرۇن يېزىپ بىر قىسىم مۇنبەرلەرگە يوللاپ قويغان ئىدىم، بۇ مۇنبەردىكىلەرگىمۇ پايدىسى بولار دەپ يۆتكەپ كەلدىم.
ئەسسالامۇ ئەلەيكۇم تورداشلار، پات-پات ھەر قايسى تور بەتلەردە خۇيۈ (虎鱼) ‏uyntv ۋە cctv ئۇيغۇرچە بېتىدىكى فىلىملەرنى (‏cctv ئۇيغۇرچە بېتىدىكى فىلىم ئۇلىنىشىنى چەكسىڭىز uyntv فىلىم بېتىگە ئۇلىنىدۇ) چۈشۈرۈش ياكى تولۇق چۈشۈرۈش (بەزى دېتاللار پارچىلاپ چۈشۈرۈپ بېرىدۇ) ھەققىدە ياردەم تېمىلىرىنى ئۇچرىتىمىز. بۈگۈن مۇشۇ ھەقتە بىلگىنىمنى سۆزلەپ باقتىم. بىلىدىغانلار زاڭلىق قىلماڭلار، كەم قالغان جايلىرى بولسا بىلىدىغانلار تولۇقلاپ قويارسىلەر.
بىلگەننى يوللاڭ، بىلمەيدىغانلار بىلىۋالسۇن. بىلمىگەننى سوراڭ، بىلگەنلەر دەپ بەرسۇن – ئىنتىل سەيناسى شوئارى.
ئاۋۋال خۇيۈ (虎鱼) دىكى فىلىمنى تولۇق چۈشۈرۈشتىن باشلاي.
ئۇيغۇرچە تور  بەت ئادرېسى: http://www.xjtvs.com.cn/uyghurwy/
مۇشۇ بەت شۇ. كۆرۈنۈشى مۇشۇنداق چىقىدۇ.

بۇ بەتكە كىرىپ، ئۇيغۇرچە لازىملىق فىلىم بار ئۇلىنىشقا كىرىمىز.
بۇ تور بەتتىكى فىلىملەرنى چۈشۈرۈش ئۈچۈن تەۋسىيە قىلىدىغان دېتالىم بولسا خەلقئارادا يۈز تاپقان چۈشۈرگۈچ Internet Download Manager(IDM)
بۇ دېتال ھەقلىق، قۇربىتى يېتىدىغانلارنىڭ سېتىۋېلىپ ئىشلىتىشىنى تەۋسىيە قىلىمەن. لېكىن شۇ جۇڭگوچىلىقتا ھەقسىزلىرىنى تېپىشنى دېمىسەممۇ بىلىسىلەر. شۇلارنىڭ ئىچىدىنمۇ ئىشەنچلىك بىرىنى تەۋسىيە قىلاي.
دېتال نامى: (Internet Download Manager(IDM
ئىقتىدارى: ھەر قايسى تور بەتلەردىن ھەر خىل فورماتتىكى ھۆججەتلەرنى تېز سۈرئەتتە چۈشۈرۈش
تىلى: كۆپ تىللىق، مەن تەۋسىيە قىلغىنى خەنزۇچە، باشقا تىللارنى ئۆزىڭىز چۈشۈرۋالسىڭىز بولىدۇ.
نەشرى: 6.2.2 ھەقسىز نەشرى (بۇ مەن تەۋسىيە قىلغىنى). ئەسلىي ھەقلىق نەشرىنىڭ 6.3 نەشرىمۇ چىقىپ بولدى.
ئىجرا مۇھىتى:  windows) winall نىڭ ھەممە نەشرى.) مەن winxp/7/8 لەردە سىناپ باققان.
ئىجرا ھالىتى: 32 ۋە 64 بىت. مەن ھەر ئىككىسىدە سىناپ باققان.
ئىگە تەرەپ بېتى: http://www.internetdownloadmanager.com/
خۇيۈ تورىدىن مەزكۇر دېتالدا فىلىم چۈشۈرۈش سۈرەتلىك دەرسى:
مەزكۇر دېتالنى تەمىنلىگەن ئادرېستىن چۈشۈرۈپ قاچىلايسىز ھەم قوزغىتىسىز. (ئەسكەرتىش: يېڭىلامسىز دەپ چىقسا يېڭىلىماڭ، بولمىسا 30 كۈندىن كېيىن ئىشلىتەلمىسىڭىز مەن ئىگە ئەمەس)
كومپيۇتېرىڭىزدىكى IE تور كۆرگۈچ (ئېكراندىكى e دەپ سىنبەلگىسى بار شۇ) ياكى گۇگۇل تور كۆرگۈچتە خۇيۈ تورىدىكى فىلىم ئادرېسىنى ئاچىسىز. (باشقا تور كۆرگۈچلەردە ئىشلەتمەكچى بولسىڭىز دېتال تەڭشىكىدىن تاللايسىز، بۇ تېما ئاساسلىقى فىلىم چۈشۈرۈش ھەققىدە بولغانلىقى ئۈچۈن دېتال ھەققىدە تەپسىلىي توختالمىدىم.)
گۇگۇل تور كۆرگۈچتە بۇ دېتالنى ئىشلىتىش ئۈچۈن دېتال قىستۇرمىسىنى ئېچىۋىتىشىڭىز كېرەك. ئۈستىدىكى تىزىملىكنى چېكىپ، ئۇنىڭدىن تېخىمۇ كۆپ قوراللار (更多工具) تاللاپ، يەنە كېڭەيتىلگەن پىروگرامما (扩展程序) نى تاللىسىڭىز بۇ چۈشۈرگۈچنىڭ قىستۇرمىسىنى كۆرىسىز.

شۇ يەردىن تاللاپ قويسىڭىز بولىدۇ.

IE تور كۆرگۈچتە ھېچقانداق تەڭشەش ئېلىپ بارمىسىڭىزمۇ بولىدۇ.
بۇ ئىشلارنى قىلىپ بولۇپ، چۈشۈرمەكچى بولغان فىلىم ئۇلىنىش بېتىنى چۈشۈرۈش دېتالى ئوچۇق ھالەتتە يۇقىرىدا دېيىلگەن ئىككى تور كۆرگۈچتە ئاچىمىز. (دېتال قوزغىتىلمىغان بولسا ئۆزى سەكرەپ قوزغىلىدۇ فىلىم بېتىنى ئاچسىڭىز)
مەسىلەن: بۇ شېرىن شېرىن چۈش پىروگراممىسىنىڭ يېڭى سانىنى ئاچقاندىكى كۆرۈنۈش

قارىسىڭىز بىرەر بۇلۇڭ-پۇچقاقتا مەزكۇر دېتال بۇ فىلىمنى چۈشۈرۈش (下载该视频)، دېتال تىلى ئىنگلىزچە بولسا Download this vedio دەپ چىقىدۇ. مائۇس ئستېرىلكىسىنى شۇ يەرگە ئاپارسىڭىز فىلىم چوڭلۇقى چىقىپ تۇرىدۇ. شۇ خەتنى چېكىپ، ساقلاش ئورنىنى بەلگىلەپ بەرسەك تولۇق چۈشۈرۈش مەقسىتىگە يېتەلەيمىز.
ساقلاش ئورنىنى بەلگىلەپ بولۇپ، چۈشۈرۈشنى باشلاش (开始下载) (start download) نى باسسىڭىزلا بولىدۇ. چۈشۈپ بولغاندا ئەسكەرتىش چىقىدۇ.

(Internet Download Manager(IDM سىغىمى: 4.40 مېگابايت
چۈشۈرۈش ئادرېسى:
سومكامدىن: http://www.somkam.com/3d5
باشقا تور دىسكا: http://vdisk.weibo.com/s/t7S2hBsZS2rsn
قەيەردىن نورمال چۈشسە شۇ يەردىن چۈشۈرۈڭ.
ئەسكەرتىش: بۇ دېتالنى يېڭىلاش ئەسكەرتمىسى چىقسا يېڭىلىماڭ. بولمىسا 30 كۈندىن ئىشلىتەلمەيسىز.

ئەمدى uyntv ۋە cctv ئۇيغۇرچە بېتىدىكى فىلىملەرنى (‏cctv ئۇيغۇرچە بېتىدىكى فىلىم ئۇلىنىشىنى چەكسىڭىز uyntv فىلىم بېتىگە ئۇلىنىدۇ) تولۇق چۈشۈرۈش ھەققىدە توختىلاي.
بۇ تور بەتلەرنىڭ ئادرېسى:
Uyntv: http://uyntv.cntv.cn/
cctv ئۇيغۇرچە بېتى: http://uyghur.cntv.cn/
بۇ بەتلەردىكى فىلىملەرنى يۇقىرىدا دېگەن دېتالدا چۈشۈرگىلى بولىدۇ. لېكىن بۇ دېتال پارچىلاپ چۈشۈرۈپ بېرىدۇ. ئۆزىڭىز بىرىكتۈرۈش خوش ياقمايدۇ ھە قاچان. شۇڭا «كېسەلگە قاراپ دورا بېرىش» رېتسېپى بويىچە تور بەتكە قاراپ باشقا دېتال تەۋسىيە قىلدىم.
دېتال نامى: vidown 维棠视频下载器  فىلىم چۈشۈرگۈچ
چۈشەندۈرۈش: ئاساسلىقى تور بەتلەردىن فىلىم چۈشۈرۈشكە ئىشلىتىلىدۇ.
تىلى: كۆپ تىللىق، كۆپرەكىمىز بىلىدىغان تىلدىن خەنزۇچە ۋە ئىنگلىزچە بار.
نەشرى: 1.3.2
ئىجرا مۇھىتى: winxp/7/8، مەن بۇ سىستېمىلارنىڭ ھەممىسىدە سىناپ باققان.
ئىجرا ھالىتى: 32 ۋە 64 بىت. مەن ئىككىلىسىدە سىناپ باققان.
ئىقتىدارى: فىلىم بەتلىرىدىكى قويۇلۇۋاتقان فىلىملەرنى چۈشۈرۈش.
ئىگە تەرەپ بېتى: http://www.vidown.cn/
دېتالنى قاچىلاش ۋە يۇقىرىقى ئىككى بەتتىن فىلىم چۈشۈرۈش ئۇسۇلى:
قاچىلىغاندا دىققەت قىلىڭ، بۇ دېتالغا بىر قانچە دېتالنىڭ ئېلانى قىستۇرۇلغان بولۇپ قاچىلاش جەريانىدا شۇلارنى توسۇپ قويمىسىڭىز كېيىن ئېلان قىستۇرۇلغان دېتالنى يوللاپتۇ دەپ مەندىن رەنجىمەڭ. بولۇپمۇ كۆزىنى يۇمۇپلا كېيىنكى قەدەمنى بېسىۋىرىدىغانلار دىققەت قىلىڭ.
بۇ ئاۋۇ بەتنى باش بەت قىلىش ئېلانى

بۇ بەيدۇ ۋىروسخۇرى بىلەن UC تور كۆرگۈچنىڭ ئېلانى

مۇشۇ ئىككىسىنىڭ توغرا بەلگىسىنى ئېلىۋېتىپ قاچىلاڭ.
ئەمدى ئاۋۇ ئىككى تور بەتتىن ئۆزىمىزگە لازىملىق فىلىم بار ئۇلىنىشقا كىرىمىز.
مەسىلەن: بۇ uyntv تورىدىكى «كۆۋرۈك» دېگەن فىلىمنى ئاچقاندىكى كۆرۈنۈش.

بۇ فىلىمنىڭ ئۈستىدىكى ئادرېسنى كۆچۈرۋالىمىز. ئاندىن بۇ ئادرېسنى vidown دېتالىدا چۈشۈرىمىز.
ئادرېسنى كۆچۈرۈپ بولغاندىن كېيىن دېتالنى ئېچىپ، يېڭىدىن قۇرۇش (新建) دېگەننى باسىمىز. ئادەتتە دېتال كۆچۈرۈلگەن ئادرېسنى ئۆزى چاپلاپ بولىدۇ. بولمىسا سىز چاپلاپ قويسىڭىز بولىدۇ.

چاپلاپ بولۇپ، ھېچقانداق تەڭشەككە چېقىلماي ساقلاش ئورنىنى كۆرسىتىپ بەرسىڭىزلا بولىدۇ.
ئاندىن نورمال چۈشۈرۈشكە باشلايدۇ.

چۈشۈرۈپ بولۇپ ئەسكەرتىش چىقىدۇ، چۈشۈرگەندە ئاۋۋال پارچىلاپ چۈشۈرۈپ كېيىن ئاپتوماتىك بىرىكتۈرۈپ بېرىدۇ.
سىغىمى: 5.30 مېگابايت
چۈشۈرۈش ئادرېسى:
ئىگە تەرەپتىن بىۋاسىتە چۈشۈرۈش: http://www.vidown.cn/download.php
سومكامدىن: http://www.somkam.com/3d6
باشقا تور دىسكا: http://vdisk.weibo.com/s/t7S2hBsZS2rfo
قەيەردىن نورمال چۈشسە شۇ يەردىن چۈشۈرۈڭ.
قوشۇمچە: يۇقىرىدا دېيىلگەن ئىككى چۈشۈرۈش دېتالىنىڭ يەنە نۇرغۇن ئىقتىدارلىرى بار. قىزىقسىڭىز ئۆزىڭىز ئىزدىنىپ كۆرۈڭ.
مەزكۇر تېمىنى مەنبەسىنى ئەسكەرتكەن ھالدا تارقاتسىڭىز بولىدۇ، لېكىن ھەقلىق تارقىتىدىغان، مۇنبەر تەڭگىسىگە ساتىدىغان، ئىنكاسقا ساتىدىغان ئىشنى قىلماڭ.

پولات. · ۋاقتى: 2016-3-8 18:25:49

بۇ يازمىنى ئاخىرىدا پولات. تەھرىرلىگەن. ۋاقتى 2016-3-8 18:28

تىمىغا مۇناسىۋەتسىز بولسىمۇ بىر سۇئال سورىۋالاي ...... بىز بۇرادەرلەر بىلەن ئالما تىلفۇندا ئازراق مىكرو فىلىم سىنغا ئىلىپ باققان ، رەڭ ئۈنىمى دىگەندەك ياخشى ئەمەس ، قايسى دىتالدىن رەڭ ئۈنىمىنى ياخشى بەرگىلى بولىدۇ

uyghurdetal · ۋاقتى: 2016-3-8 18:42:58

پولات. يوللىغان ۋاقتى 2016-3-8 18:25
تىمىغا مۇناسىۋەتسىز بولسىمۇ بىر سۇئال سورىۋالاي ...... ب ...

كومپيۇتېر دېتالى دېمەكچىما؟

زۇليار330 · ۋاقتى: 2016-3-8 20:49:03

كۆپ رەھمەت ،ياشاڭ يىگىت.

زەفەر01 · ۋاقتى: 2016-3-8 20:54:08

مەنمۇ ئۇستىدىكى دىتالنى ئىشلىتىۋاتقىلى ئۇزۇن بولدى ھەم شۇنى تەۋسىيە قىلىمەن .

uyghurdetal · ۋاقتى: 2016-3-8 21:24:34

پولات. يوللىغان ۋاقتى 2016-3-8 18:25
تىمىغا مۇناسىۋەتسىز بولسىمۇ بىر سۇئال سورىۋالاي ...... ب ...

Adobe Premiere
EDIUS
Adobe After Effects
قاتارلىقلار
会声会影 بۇنى بىلىسىزغۇ دەيمەن.

toghraq731 · ۋاقتى: 2016-3-8 21:45:57

چوڭ رەخمەت.

بۆرەخان · ۋاقتى: 2016-3-8 21:51:01

http://uyntv.cntv.cn/filim/ ما تۇربەتنى تاپالماي يۈرگەن رەھمەت .

تۇغتېكىن · ۋاقتى: 2016-3-9 00:22:34

بۆرەخان يوللىغان ۋاقتى 2016-3-8 21:51
http://uyntv.cntv.cn/filim/ ما تۇربەتنى تاپالماي يۈرگەن رەھمەت ...

بۇرادەر كوت كوت نۇمۇرۇڭلارنى قالدۇرۇپ قويساڭلار بولاتتى؟سىلەرنى ئىزدەيدىغان ئىش بار ئىدى.

KaRa_iZ · ۋاقتى: 2016-3-9 01:25:43

بۇ يازمىنى ئاخىرىدا KaRa_iZ تەھرىرلىگەن. ۋاقتى 2016-3-8 23:28

رەھمەت ،ئىنكاسىم بىلەن ساقلاپ قوياي ، راس ئاۋۇ چۈشۈرگۈچنىڭ سىناقتىن ئۆتكەن ھەقسىز نۇسخىسى بولسا مۇقىم بوشلۇققا چىقىرىپ قويسىڭىز بوپتىكەن ، مەن نۇرغۇننى چۈشۈرۈپ كەتتىم 30 كۈن توشاۋاتىدۇ دەپ ئەسكەرتىش چىقىۋېلىپ زېرىكتۈرىۋەتتى ............. سېتىۋالىلى دېسەك يىللىقى خەلق پۇلىغا سۇندۇرغاندا 400 سوم ئەتىراپىدا توختايدىكەن .........

barchuq · ۋاقتى: 2016-3-9 02:09:02

رەھمەت ياخشى دىتال ئىكەن.

شۇڭقار · ۋاقتى: 2016-3-9 10:01:34

KaRa_iZ يوللىغان ۋاقتى 2016-3-9 01:25
رەھمەت ،ئىنكاسىم بىلەن ساقلاپ قوياي ، راس ئاۋۇ چۈشۈرگۈ ...

360 تور كۆرگۈچنىڭ كىڭەيتىلگەن قوراللار رايونىدا FVD Downloader دەيدىغان بىر قورال بار، مۇشۇنى سىناپ بىقىڭ، ۋاقتىمۇ توشمايدۇ، فىلىم چۈشۈرۈشمۇ بەك قولاي.

uyghurdetal · ۋاقتى: 2016-3-9 10:08:55

KaRa_iZ يوللىغان ۋاقتى 2016-3-9 01:25
رەھمەت ،ئىنكاسىم بىلەن ساقلاپ قوياي ، راس ئاۋۇ چۈشۈرگۈ ...

http://vdisk.weibo.com/s/t7S2hBsZvOuaq
ماۋۇ ھازىرقى ئەڭ يېڭى نەشرى. ئاۋۋال قاچىلايسىز. ئاندىن ئاچماي تۇرۇپ (ئېچىلغان بولسا چېكىنىپ تۇرۇپ) يەنە مۇشۇ بولاق ئىچىدىكى ئاكتىپلاش قورالىدا ئاكتىپلايسىز. سىزدىن ئۆزىڭىزنىڭ ۋە دادىڭىزنىڭ ئىسمىنى سورايدۇ. خالىغانچە كىرگۈزۈپ قويسىڭىز بولىدۇ. ئاكتىپلاپ بولۇپ ئىشلەتسىڭىز بولىدۇ. لېكىن يېڭىلاپ سالسىڭىز يەنە ئاۋارە قىلىدۇ. شۇڭا يەنە شۇ ھەقسىز نەشرىنى تاپالمىسىڭىز يېڭىلىماڭ.

Studios · ۋاقتى: 2016-3-9 15:03:42

پولات. يوللىغان ۋاقتى 2016-3-8 18:25
تىمىغا مۇناسىۋەتسىز بولسىمۇ بىر سۇئال سورىۋالاي ...... ب ...

بىلسىڭىز فوسىيوندا يالى داۋىنچىدا تەڭشەڭ، بىلمىسىڭز موجو لوكىس تاڭشىسىڭىز بولىدۇ، رەڭ تەڭشەش ئىقتىدارى كۈچلۈك دىتاللار

بۆرەخان · ۋاقتى: 2016-3-9 19:14:12

emetjan يوللىغان ۋاقتى 2016-3-9 00:22
بۇرادەر كوت كوت نۇمۇرۇڭلارنى قالدۇرۇپ قويساڭلار بولا ...

1723993774 ئۈندىدار ھەم كۇت كۇت ئىككىلىسى

		ساقلاش	پارول قايتۇرىۋېلىش
پارول			تىزىملىتىش

خۇيۈ (虎鱼) ‏uyntv قاتارلىق بەتلەردىن فىلىم چۈشۈرۈش

باھالاش