«ئېكراندىكى مىھرىبان ئانا» مەرھۇم ئۇستاز زۇنۇنقىز ئېلاخۇن

ئىسىم-فامىلىسى: زۇنۇنقىز ئېلاخۇن

تۇغۇلغان يۇرتى: غۇلجا

تۇغۇلغان كۈن: 1936-يىلى 6-ئاي

بوي ئېگىزلىگى: 1.59 مېتىر

ئېغىرلىقى: 65 كىلوگرام

مۆچىلى: توشقان

ئائىلە كىلىپ چىقىشى: قول-ھۈنەرۋەن

ئەڭ ھۆرمەتلەيدىغان ئادىمى: ئاتا-ئانىسى

مىجەزى: مۇلايىم، ئوچۇق-يورۇق

ئەڭ ياقتۇرىدىغان رەڭ: ھاۋا رەڭ

ئەڭ ياقتۇرىدىغان تامىقى : پولو

ئەڭ ياقتۇرىدىغان پەسىل: ياز

ئەڭ ياقتۇرىدىغان ئارتىس:  شېرلىي تېمپىل ۋە بەيياڭ

ئەڭ ياقتۇرىدىغان ناخشا چولپىنى: رىسالەت ھاپىز

ئەڭ ياقتۇرىدىغان ئۇسۇل چولپىنى: دىلنار ئابدۇللا

ئەڭ ياقتۇرىدىغان كىتاب: ئانا يۇرت

ئەڭ ياقتۇرىدىغان ھەمكارلاشقۇچى: غەيرەت ئۆمەر

قىزىقىشى: دوستلىرى بىلەن پاراڭلىشىش

تۇنجى ئېكران ئوبرازى: ‹بوستانلىققا تەنتەنە› فىلىمىدىكى نىساخان مۇدىر

ئەلگە تونۇلغان داڭلىق سەنئەتكار مەرھۇم زۇنۇنقىز ئېلاخۇن غۇلجىدا تۇغۇلغان. ئۇ ئۆزىنىڭ ناخشا ئېيتىشتىكى تەبىئىي تالانتى بىلەن 1951-يىلى تولۇقسىز ئوتتۇرىدا ئوقۇۋاتقاندىلا ئۆلكىلىك ناخشا-ئۇسسۇل ئۆمىكىگە قوبۇل قىلىنغان. شۇنىڭدىن ئىتىبارەن ئۇنىڭ مول-ھۇسۇللۇق ۋە ئەگرى توقاي سەنئەت ھاياتى باشلانغان.

ئۇ ئىلگىرى-ئاخىرى بولۇپ، ‹غېرىب-سەنەم›، ‹گۈلنىسا›، ‹توي›، ‹يېتىملار يېشى›، ‹غۇنچەم› قاتارلىق ئوپېرا-دراممىلاردا باش رول ئېلىپ كەسپتە ناھايىتى تېز ئىلگىرلىگەن.

ئەپسۇس، زۇنۇنقىز ئاپپاي 1960-يىللارنىڭ ئوتتۇرلىرىدىن 1970-يىللارنىڭ ئوتتۇرلىرىغىچە داۋاملاشقان ‹سول›چىللىق شامىلىنىڭ زىيانكەشلىكىگە ئۇچراپ 10 يىلدىن ئارتۇق كەسىپتىن ئايرىلىپ قالغان. 1979-يىلى ئۇنىڭ نامى ئەسلىگە كەلتۈرۈلۈپ شىنجاڭ ئوپىرا ئۆمىكىدە ئىشلەشكە باشلىدى.

شۇنىڭدىن باشلاپ زۇنۇنقىز ئاپپاي سەنئەت ساھەسىگە قايتىدىن قايتىپ كەلگەن. ئۇنىڭ رول ئالغان كىنو-فىلىملىرىدىن ‹مەلىكە ئاماننىساخان›،‹تىمتاس گۇگۇم›، ‹كەچۈر ئانا›، ‹يىراققا تارالغان قوڭغۇراق ئاۋازى›، ‹يىراق يېزىغا مۇھەببەت›، ‹سەرسان روھ›، ‹چىن سۆيگۈ›، ‹ئۆچكەن يۇلتۇز›، ‹كۆزۈمدە لىق ياش›، ‹ئالىمجان بولۇمسىزمۇ؟›، ‹تەڭرى گۇۋاھ› قاتارلىقلار بار؛

زۇنۇنقىز ئاپپاي مىھرىبان، كۆيۈمچان ئۇيغۇر ئانىلىرىنىڭ ئوبرازى بىزنىڭ پەخرىمىز، ئەپسۇس بۇ سۆيۈملۈك ئۇستازىمىز 2010-يىلى بىزدىن مەڭگۈلۈك خوشلاشتى، ئەمما ئۇنىڭ كۈلۈمسىرىگەن سىماسى مەڭگۈ خەلقىمىزنىڭ قەلبىدە ساقلىنىدۇ.