گوگىل تىلماچقا ئۇيغۇر تىلى قېتىش ئۈچۈن بىلەت تاشلايلى!

nuridel · ۋاقتى: 2014-4-13 15:00:49

بۇ يازمىنى ئاخىرىدا nuridel تەھرىرلىگەن. ۋاقتى  2014-4-13 15:03

      مەن ئالدىنقى قېتىم گوگىل تىلماچ ناملىق ئەپنى تەرجىمە قىلىپ يوللىغاندىن كېيىن ،نۇرغۇن تورداشلار ماڭا لوغەتتە ئۇيغۇر تىلىنىڭ يوقلۇقىنى ئىنكاس قىلدى ، بۇ مەندىكى مەسىلە ئەمەس ،ئەلۋەتتە .
      مانا يېقىنقى بىر قانچە كۈندىن بۇيان بۇ تورداشلىرىمىزنىڭ تىلىكى ئەمەلگە ئېشىش ئالدىدا تۇرۇپتۇ ، يەنى گوگىل شىركىتى گوگىل تىلماچقا قېتىلىدىغان تىللار توغرىسىدا بېلەت ھېسابلاشقا باشلاپتۇ .ئەگەر ئۇيغۇر تىلىمىز بۇ تىلماچقا قېتىلىدىغان بولسا ، نەچچە قۇر جۈملە- ھەتتا نەچچە بەت مەزمۇننى بىر قانچە سېكۇنتتىلا 70 نەچچە خىل تىلغا ئۆز ئارا تەرجىمە قىلالايمىز . ئەگەر ئەپ تەرجىمە قىلىش دېتاللىرىنىڭ ئاپتۇماتىك تەرجىمە ئىقتىدارى بۇ تىلماچقا ئۇلانما قىلىپ قويۇلسا ، نەچچە مىڭ قۇرلۇق ئەپنى كۆزنى يۇمۇپ-ئاچقۇچىلىك ئارلىقتا تەرجىمە قىلغىلى بولىدۇ .يەنە تېخى چەتئەل تىللىرىدىكى توربەتلەرنى توربەت يۈزىدىن ئايرىلماي تۇرۇپلا ئۆز تىلىمىزغا ئايلاندۇرۇپ كۆرەلەيمىز......ۋە ھاكازالار.قانداق قانلىرىڭىز جۇش ئۇرۇپ ،يۈرەكلىرىڭىز ھاياجاندىن گۈپۈلدەپ ساماغا چۈشۈۋاتامدۇ؟! ئەمىسە قېنى مەرھەمەت:
20  سىكونت ۋاختىڭلانى چىقىرىپ http://contribute.dict.cc/?action=lang-wishlist مۇشۇ ئادىرسقا كىرىپ […please select ▼] دىگەن بالداقنى چىكىپ Uighur (or uyghur) - uigurisch دىگەنگە  بەلگىلەپ ئاندىن ئاستىدىكى رامكىغا ئېلخەت ئادىرسىڭلانى كىرگۈزۈپ submIT كۇنۇپكىسىنى بېسىۋەتسىڭىزلا ئىش تامام!ئەپسۇسلىنارلىقى بىر ipدا بىرلا  قېتىم بېلەت  تاشلىغىلى  بولىدۇ . باشقىلارغىمۇ تەۋسىيە قىلىپ قويۇڭ ،تىلىكىمىز ئەمەلگە چوقۇم ئاشقۇسى !

                        مەنبە .    ئالىپ  تورى

سۈرخان · ۋاقتى: 2014-4-14 14:30:14

كۆڭلۈڭلارغا ئازار بەرگىنىم ئەمەس، گوگۇل،مىكروسوفتتەك شىركەتلەر بۇنداق ئىشقا كەلگەندە ئالدى كەينىنى دەڭسەپ ئاندىن ئىش كۆرىدۇ، بىر تىلنىڭ سۆزلۈكىنى قوشتى دېگەنلىك مىليوندىن ئارتۇق سۆزلۈك ئامبرىغا ئىھتىياج چۈشتى دېگەنلىك، بۇنى جۇغلاشقا ئادەم كۈچى، ئىقتىساد كېتىدۇ، شىركەتلەر مۇشۇ تىلنى لۇغىتىمگە قوشسام، لۇغەت بازارغا سېلىنسا لۇغەتنىڭ مۇشۇ تىلنى قوللىنىدىغان رايونىدىن كەتكەن چىقىمنى تىرىلدۈرۈپ پايدا ئالالامدىم دېگەننى ئويلىشىدۇ، بىكارغا، ھەقسىزگە كۆنۈپ قالغان بىزلەر ۋاقتى كەلگەندە شۇ لۇغەتنى سېتىۋالامدۇق؟ ياكى يېشىۋەتكەن نۇسخىلىرىنى سېتىۋىلىپ ئىشلىتەمدۇق؟
بۇ بېلەت تاشلاشنىڭ نەتىجىسىگە بەك ئۈمىدۋار بولۇپ كەتمەڭلار، ئازار يەپ قالىسىلەر، ئۇيغۇر تىلىنىڭ پالانى يەرگە كىرىش ئۈچۈن دېگەندەك بېلەت تاشلاشلار، تەشەببۇسلار بەك كۆپىيىپ كەتتى، ھەممىمىز مىللى ھېسياتىمىز ۋە غۇرۇرىمىز بىلەن غالجىرلارچە بېلەت تاشلىدۇق، تەشۋىق قىلدۇق بەزىلىرى ئوڭۇشلۇق بولغانمۇ بولدى، بەزىلىرىدە كۆڭلىمىز ئازار يېگەنمۇ بولدى. ئەنە شۇ قوزغالغان مىللى غۇرۇرنى، مىللىي ھېسياتنى ئۆگىنىشكە سەرپ قىلىپ، ئەنە شۇنداق دۇنياۋى كارخانىلارنى بارلىققا كەلتۈرۈش ئۈچۈن تىرىشايلى، ئۈمىدنى خەققە باغلىماي، ئۆزىمىزنى يۈكسەلدۈرۈشكە ئەھمىيەت بېرەيلى. گوگۇل لۇغىتىگە ئۇيغۇر تىلى قوشۇلسىمۇ ئۇ يەنىلا سىرگى بېرىن دېگەن ئورۇسنىڭ شىركىتى، ۋىندوۋىسقا ئۇيغۇرچە تىل بولىقى قېتىلسىمۇ ئۇ بەرىبىر بىلگېيتىس دېگەن يەھۇدىنىڭ شىركىتى ھەرگىزمۇ ئۇيغۇرنىڭ بولمايدۇ. بىزدە قاچانكى مىللى ئىقتىساد، مىللى كارخانا ئېڭى ئويغانغاندا شۇ كۈندىن باشلاپ بىز كۈچلۈكلەر قاتارىغا قوشۇلۇش ئۈچۈن قەدەم ئالغان بولىمىز.
ۋاقتىڭلار ئوشۇق بولسا بۇنداق ئۈنۈمى بار بىلەن يوقنىڭ ئوتتۇرىدىكى بېلەت تاشلاشلارنىڭ ئورنىغا پروگرامما تىلى ئۆگىنىپ قويۇڭلار، ئەنە شۇنداق لۇغەتلەرنى، مەشغۇلات سىستېمىلىرىنى بىز ياسىساقمۇ بولىۋىرىدۇ، بىز ياساپ كۆك كۆزلەرگە ساتساقمۇ بولىۋىرىدۇ.

نەسرى · ۋاقتى: 2014-4-13 21:29:19

مانا بىر بىلەت كەتتى .

Udun · ۋاقتى: 2014-4-13 21:56:23

مەنمۇ بىر بىلەت تاشلىۋەتتىم مانا

مەردان428 · ۋاقتى: 2014-4-13 22:37:22

تېزراق ئەمەلگە ئاشسا بولاتتى، شۇنداق بولغاندا تەرجىمە فىلىملەر كۆپلەپ مەيدانغا كىلەتتى.

arkan2010 · ۋاقتى: 2014-4-13 23:34:19

ناھايىتى ياخشى خۇشخەۋەر بوپتۇ! مەنمۇ بىر بېلەت تاشلىۋەتتىم، بۇ تېما كۆپرەك بېكەتلەرگە يوللانسا ياخشى بولغۇدەك!

شۇڭقار · ۋاقتى: 2014-4-14 00:10:33

قالتىس ئىش بوپتۇ ، ھازىر بىرىنجى ئىكەن . كۈندە بىلەت تاشلىمىسام خەپ .

ياچاق · ۋاقتى: 2014-4-14 02:43:51

شۇنداق ، ھەر كۈنى ئوخشىمغان ئىلخەتتە بىلەت تاشلاپ قويساق بولغۇدەك

مەۋھۇم · ۋاقتى: 2014-4-14 12:31:56

بىلەت تاشلاپ بولغاندىن كىيىن بەت يېڭلىنىپلا يەنە ئەسلىگە كەپ قالدى،بىلەتنىڭ مۇۋاپىقيەتلىك تاشلانغانلىقىنى قانداق بىلىمىز؟

		ساقلاش	پارول قايتۇرىۋېلىش
پارول			تىزىملىتىش

گوگىل تىلماچقا ئۇيغۇر تىلى قېتىش ئۈچۈن بىلەت تاشلايلى!

باھالاش