«چۈش ئوغۇرلاش بوشلۇقى» توغرىسىدا

ئاققىر · ۋاقتى: 2011-3-30 04:10:07

«چۈش ئوغۇرلاش بوشلۇقى» دىگەن فىلىم ئاخىرى تەرجىمە قىلىنىپ پۈتتى.بۇ كىنو توغۇرلۇق كۈندىلىك خاتىرەمدە ئۆزۈم دۇچ كەلگەن نۇختىلار ۋە بۇلارنى قانداق ھەل قىلغانلىقىم ھەققىدە ئازراق بىرنەرسە يازغان ئىدىم.كۆرۈرمەنلەرمۇ بۇ كىنودىكى بەزى دىئالوگلارنىڭ
قۇلاشمىغاندەك تۇرغانلىقىنى ھىس قىلغان بولۇشى مۈمكىن.مەنمۇ باشتا خاتا قىلىپ قالغاندىمەنمۇ دەپ خەنزۇچىسىغا يەنە قارىسام يەنە شۇ گەپ.تەرجىمەم خاتا ئەمەسكەن.(ئەلۋەتتە ئەسلى مەزمۇنغا تەسىر يەتكۈزمىگەن ئاساستا بەزى سۆزلەرنى ئۆزگەرتىشكە ،قىسقارتىشقا ۋە پىششىقلاشقا توغرا كېلىدۇ.چۈنكى ئەينەن تەرجىمە قىلغاندا بەك ئۇزىراپ كېتىپ ،يېتىشەلمەسلىكتەك ئەھۋال كۆرىلىدۇ) تەھرىرلەش جەريانىدا قايتا-قايتا كۆرۈش ئارقىلىق ئاندىن چۈشەندىم. دوستلارمۇ ئىككى-ئۈچ قېتىم كۆرگەندە ئاندىن چۈشۈنەلىشى مۈمكىن.

بۇ كىنو ئىككى بۆلەكتىن قۇرۇلغان بولۇپ 1-بۆلىكىدە (كىنونىڭ بېشىدىن تارتىپ ،كوب قاتارلىقلار ئايرىپىلانغا چىققانغىچە بولغان ئارلىق )چۈش،چۈش ئوغۇرلاش،چۈش ئورۇنتۇش، كۆلەڭگە، يوشۇرۇن ئاڭ ھەققىدە كۆرۈرمەنلەرگە چۈشەنچە بېرىشنى مەقسەت قىلغان.
2-بۆلىكىدە ئاساسى ۋەقەلىك يەنى فېيشىر شىركىتىنى پارچىلاشنى مەقسەت قىلغان ۋەقەلەر ئارقىلىق چۈشنىڭ رولىنى چۈشەندۈرمەكچى بولىدۇ.
بۇ بىر فانتانزىيە بۇنى ئېسىمىزدە تۇتىشىمىز كېرەك.

ئاساسى ۋەقەلىكى: فېيشىر شىركىتى ئەڭ چوڭ نېپىت گورۇھى بولۇپ ، سەيت بۇ گورۇھنى فېيشىر ئاتا- بالىنىڭ زىددىيتىدىن پايدىلىنىپ پارچىلىماقچى بولىدۇ ۋە كوب قاتارلىقلارنى ياللايدۇ. كوبلار كىچىك فېيشىرنىڭ مىڭىسىگە (يوشۇرۇن ئېڭىغا) ھەرخىل خىياللار (چۈش) نى ئورۇنتۇش ئارقىلىق (مۇنداقچە بولغاندا كىچىك فېيشىرنىڭ چۈشىگە كىرىش ئارقىلىق) ئاللىقاچان ئۆلگەن دادىسىنىڭ چۈشتىكى گېپى ۋە چۈشتىكى يالغان ۋەسىيەتنامە بىلەن شىركەتتىن بۆلۈنۈپ چىقىشنى مەقسەت قىلغان ھەركىتىنى باشلايدۇ. بۇ جەرياندا ناھايتى ئۇزۇن، مۇرەككەپ،نەچچە قەۋەتلىك چۈش(چۈش ئىچىدە چۈش ئۇنىڭ ئىچىدىمۇ يەنە چۈش) ئارقىلىق ئاللى قاچان ئۆلگەن قېرى فېيشىرنىڭ رازىلىقى ئارقىلىق كىچىك فېيشىرنى دادىسىنىڭ شىركىتىدىن ۋاز كەچتۈرىدۇ.رىياللىققا قايتقاندىن كىيىن ئۇ ۋاز كەچتىمۇ –كەچمىدىمۇ بۇنى مەنمۇ بىلمىدىم،ئەمما ئەڭ ئاخىرىدا فېيشىرنىڭ ئايرىدورومدا تۇرۇپ كوبقا بىرخىل نەزەردە قارىشىدىن ئۆزىنىڭ چۈش كۆرگەن-كۆرمىگەنلىكىنى
ئايرىيالمايۋاتقانلىقىنى پەرەز قىلغىلى. بۇ پەرەز راس بولسا ئۇنىڭ دادىسىنىڭ شىركىتىدىن ۋاز كەچكەنلىكىنى بىلگىلى بولىدۇ.(دوستىمىز رۇسلان چۈشتە قىلغان نەرسىلەر ئەمەلىيەتتە بولامدۇ دىگەندەك قاراشنى ئوتتۇرغا قويۇپتۇ.بۇ كىنودىمۇ ئۇنداق ئىش يوق. پەقەت چۈش ئارقىلىق فېيشىرنى دادامنىڭ شىركىتىدىن ئايرىلسام بولىدۇ دىگەن يەرگە كەلتۈرۈش ۋە مۇشۇنۇڭغا ئىشەندۈرۈش)

يەنە چۈشەنمىدىڭىزغۇ دەيمەن. ئۇنداقتا تۆۋەندىكى بەزى ئۇقۇملارنى (رىياللىقتا بۇنداق ئۇقۇملار مەۋجۇت ئەمەس) چۈشۈنۈپ بېقىڭ.

ئاققىر · ۋاقتى: 2011-3-30 04:18:54

4.كۆلەڭگە.
چۈشتىكى باشقا بارلىق نەرسىلەرنى كۆرسىتىدۇ. يەنى سىز چۈش كۆرىۋاتقان بولسىڭىز سىزدىن باشقا بارلىق ئادەملەر ۋە باشقا نەرسىلەرنىڭ ھەممىسى كۆلەڭگىدۇر. كىچىك فېيشىر چۈش كۆرىۋاتقان بولسا ئۇنىڭ قوغدىغۇچىلىرى پۈتۈنلەي ئۇنىڭ ئەسلدىكى ئويىنى قوغدايدىغان كۆلەڭڭە بولۇپ ئۇنىڭ چۈشىگە كىرىدۇ(بۇلارنىڭ ھەممسى فېيشىرنىڭ ئەسلىدىكى يوشۇرۇن ئېڭىدا بار).كوب قاتارلىقلار لاھىيە بويىچە فېيشىرنىڭ ئېڭىغا كۆلەڭگە شەكىلدە سوقۇنۇپ كىرىدۇ.ۋە ئۆز نىشانى ئۈچۈن ھەركەت قىلىدۇ. بۇ كۆلەڭگىلەر ئىلاستىكىلىققا ئىگە بولۇپ بەزىدە باشقا ئادەمنىڭ كۆلەڭگىسىگە ئايلانغىلىمۇ بولىدۇ.مەسىلەن: ئىيامېلنىڭ كىچىك فېيشىرنىڭ تۇتۇق ئاتىسىنىڭ شەكلىگە كىرىپ مەخپى شىفىرنى تاپماقچى بولۇشى، «نايناق» شەكلىگە كىرىپ فېيشىرنىڭ قوغدىغۇچى كۆلەڭگىلىرى( بۇنى فېيشىر بىلمەيدۇ) نى ئازدۇرۇشى قاتارلىقلار.

5.ئارىيادېن بىلەن كوبنىڭ بىرلىكتە چۈش كۆرىشى: بۇ بىر قىستۇرما بولۇپ چۈش ھەققىدە چۈشەنچە پەيدا قىلىشنى مەقسەت قىلغان.

6.تۇتېم:
بۇ بىر كىچىككىنە يۇمۇلاق نەرسە بولۇپ پەقەت ئۇستا چۈشچىلەردىلا بولىدۇ.بۇ ئارقىلىق شۇ كىشى ئۆزىنىڭ چۈشتە ياكى رىياللىقتا ئىكەنلىكىنى پەرقلەندۈرىدۇ.(پىنرۇس پەلەمپىيى ئارقىلىقمۇ پەرقلەندۈرگىلى بولىدۇ. قايسى قەۋەتتە بولمىسۇن دىقەت قىلساق ئوخشاش ئۆي،ئوخشاش پەشتاق) بۇ خىل تۇتىم توختىماي چۆگلەۋەرسە شۇ كىشىنىڭ چۈش كۆرىۋاتقانلىقىنى ،يىقىلىپ چۈشسە رىياللىقتا ئىكەنلىكىنى بىلدۈرىدۇ.

7.كىنودىكى يەنە بىر ھالقىلىق شەخس مەيل:
كىنودا مەۋجۇت بولمىغان ئادەم يەنە كۆلەڭگە شەكىلدىلا مەيدانغا چىقىدۇ.(يەنى ئاللىقاچان ئۆلگەن) مەيل بىلەن كوب ئەسلى ئامراق ئەر –خوتۇنلار بولۇپ، ئىككى پەرزەنتى ۋە
بەختلىك ئائىلىسى بارئىدى.مەيلىنىڭ دادىسى بىر ئالى مەكتەپتىكى مەخسۇس چۈش ئوقۇتقۇچىسى بولۇپ (ئۇ زامانلاردا چۈش كۆرۈش مودا بولغان) ئۇنىڭ ئەڭ ياراملىق ئوقۇغۇچىسى كوب قىزى مەيل بىلەن توي قىلىپ ئىككى پەرزەنتلىك بولىدۇ.مەيل ۋە كوب ھەر ئىككىس ئەڭ ئۇستا چۈش لايىلىگۈچى. ئۇلار بىرلىكتە كۆپ قەۋەتلىك چۈشنى تەتقىق قىلىدۇ. بۇ جەرياندا ئۇلار چۈشنىڭ ئىچىدە ناھايتى كۆپ تۇرغانلىقى ئۈچۈن رىياللىق بىلەن چۈشنى پەرق ئېتەلمەيدىغان دەرجىدە بولۇپ قالىدۇ. ۋە
چۈش ئىچىدە يەككە يىگانە ھالدا نىمىنى خىيال قىلسا شۇنى ياساپ، مەسىلەن: ئۆزى كىچىك چېغىدا تۇرغاى ئۆي، كۆپ قەۋەتلىك غەلىتە قۇرلۇش،مېھمانخانا... 50 يىلنى ئۆتكىزىدۇ. (چۈشتىكى 50 يىل رىياللىقتىكى بىرنەچچە كۈنگە تەڭ).مانا بۇ ئۇ ئىككىسى ئازغىشىپ 50 يىل بىرگە تۇرغان ئېزىتقۇ رايۇندۇر.(بۇ ئىسىمنىڭ بۇنداق قويىلىشىدىكى سەۋەپ ، ئۇلار 50 نەچچە يىلغىچە رىياللىق بىلەن چۈشنى
پەرق ئېتەلمەي تۇرۇپ قالغانلىقى ئۈچۈن شۇنداق ئاتالغان) مەيل بولسا بەختنىڭ ھوزۇرىدا رىياللىقنى ئۇنتۇپ كېتىدۇ. كوب بولسا بۇنداق تۇرمۇشتىن زېرىكىدۇ ۋە رىياللىققا قايتىشنى تاللايدۇ.ۋە مەيلگە قايتا-قايتا چۈشەندۈرسىمۇ مەيل قايىل بولمايدۇ. كوب ئاخىرى مەيلنىڭ يوشۇرۇن ئېڭىغا «بۇ دۇنيا ھەقىقى دۇنيا ئەمەس»، «پەقەت ئۆلۈملا چىقىش يولى» دىگەن خىيالنى ئورۇنتىدۇ. تۆمۈر يولىغا بېرىپ پويىزغا باستۇرلۇش ئاقىلىق رىياللىققا قايتىدۇ.(چۈشتە ئۆلسە چۈشتىن ئويغىنالايدۇ).ئەمما مەيلنىڭ مىڭىسىدىن « بۇ دۇنيا ھەقىقى دۇنيا ئەمەس» ،«پەقەت ئۆلۈملا چىقىش يولى» دىگەن خىيال تارقاپ كەتمىگەنلىكى ئۈچۈن، ھەقىقى دۇنيانى، بالىلىرىنى، ئېرىنى پەقەت كۆلەڭگە،ئۆزىنى بولسا يەنىلا چۈش ...

بۇ يازمىنى ئاخىرىدا ئاققىر تەھرىرلىگەن. ۋاقتى 2011-3-30 04:35

ئاققىر · ۋاقتى: 2011-3-30 04:15:37

1.چۈش(خىيال) ئورۇنتۇش. كوب،ئارتۇر، سەيتلەرنىڭ دىئالوگى:

سەيت:-بولمىسا باشقىلارنىڭ خىيالىنى ئوغۇرلىغىن

سەيت:-نىمە ئۈچۈن
ئوي پىكىرنى يەنە كۈچۈرگىلى بولمايدۇ؟

ئارتۇر: -بولىدۇ
ھازىر سېنىڭ خىيالىڭنى كۆچۈرۈپ چىقاي

«پىلنى ئويلىما»
(كۆچۈرگەن خىيالى مۇشۇ شۇ. چۈشۈڭدە سەن قەتئى پىلنى كۆرمەيسەن دىگىنى)

ئارتۇر: -نىمىنى ئويلاۋاتىسەن؟

سەيت: -پىلنى
(كۆچۈرگەن چۈشۈڭ ئەپلەشمىدى دىمەكچى)

ئارتۇر: -ياخشى
بىراق بۇ سېنىڭ خىيالىڭ ئەمەس،چۈنكى ئۇنى ساڭا كىرگۈزۋەتكىنىمىنى بىلىسەن،چوڭ مىڭە خىيالنىڭ كېلىش مەنبەسىنى دائىم سۈرۈشتە قىلىپ تۇرىدۇ. ھەقىقى خىيالنىڭ كېلىش مەنبەسىنى ياسىۋالغىلى بولمايدۇ .( ئەگەر سەن ئۇخلاۋاتقان بولساڭ، ياكى ساڭا چۈش ئورناتقانلىقىمىزنى بىلمىگەن بولساڭ، پىلنى خىيال قىلمايتىڭ ياكى چۈشۈڭدە پىلنى كۆرمەيتىڭ دىمەكچى)
مانا بۇ چۈش ئورۇنتۇش. بۇنداق چۈشلەر شۇ ئادەمنىڭ مىڭىسىنىڭ چوڭقۇر يېرىگە ( يوشۇرۇن ئېڭىغا) ئورۇنتۇلغاندا چۈشتىكى شۇ ئادەمنىڭ پۈتكۈل ھەركىتى،ئوي-پىكىرىنى ئورۇنتۇلغان ئاشۇ چۈش(خىيال) كونتۇرۇل قىلىدۇ ياكى شۇ تەرەپكە يېتەكلەيدۇ.

-بۇ خىيال ئۇنىڭ ھەركىتىنى بەلگىلەيدۇ

-بۇ ئۇنىڭ پۈتكۈل ھاياتىنى ئۆزگەرتىۋىتىشى مۈمكىن

مانا بۇ دىئالوگلار خىيالنىڭ
رولىنى كۆرىستىپ بېرەلەيدۇ. بۇنداق ئورۇنتۇلغان خىياللاردىن

كوبلارنىڭ كىچىك فېيشىرنىڭ مىڭىسىگە ئورناتقان خىياللىرى

«دادام
ئۆزۈمنىڭ كارخانىسى بولۇشنى ئۈمۈد قىلىدۇ»

« ئۇ ئۆزىگە ئەگىشىۋېلىشىمنى خالىمايدۇ»

مۇشۇ خىياللار ئارقىلىق كىچىك فېيشىرنى شىركتەتتىن ئايرىپ چىقماقچى بولىدۇ(شىركەتنى پارچىلىماقچى بولىدۇ.)

2.چۈش لايىھەلەش: بۇنى پىلان دەپ چۈشەنسەك بولىدۇ. چۈشنىڭ غەلبىلىك بولۇش-بولماسلىقى لاھىيەگە ۋە بۇ لاھىيەنىڭ مەخپىيەتلىكىگە باغلىق
مەسىلەن : سەيتنىڭ بىخەتەر ئىشكاۋىدىكى مەخپى ھۆججەتنى ئوغۇرلاش ھەركىتىدە. (ئەمەلىيەتتە چۈشتە ئوغۇرلىغان نەرسە رىياللىقتا مەۋجۇت
بولمايدۇ. پەقەت مەخپىيەتلىكنى بىلىۋالماقچى مۇنداقچە ئېيتقاندا چۈشتە كۆرگەن كۆپ قىسىم نەرسىلەر ئادەمنىڭ ئېسىدە قالىدۇ) لاھىيە ئاشكارلىنىپ قېلىپ (مەيلنىڭ ياردىمىدە سەيت بىلىۋالغان. چۈنكى مەيلمۇ ئۇستا چۈش ئوغرىسى) گىلەم ئالماشتۇرلىۋېتىلىپ بۇ ھەركەت مەغلۇپ بولىدۇ. يەنە ئارىيدىن لايىھىلىگەن چۈش نەچچە قەۋەت بولغاچقا مۇقۇم بولماي نۇرغۇن ئاۋارچىلىقلار بولىدۇ.(ھەممە ئىشقا مەيل توسقۇنلۇق قىلىدۇ.
كوبنىڭ ئۇستا چۈش ئوغرىسى تۇرۇپ ئۆزى چۈش لايىھەلىمەي ،باشقىلارنى تەكلىپ قىلىشىمۇ مەيلنىڭ ئىشىنى بۇزۇپ قويىشىنىڭ ئالدىنى ئېلىش ئۈچۈن)

3.چۈش قەۋىتى:
بۇنى دىمىسەممۇ ئارىيادىننىڭ دىگەنلىرى، ئىيامىلنىڭ كىچىك دوسكىنىڭ ئالدىدا باشلانغۇچنىڭ بالىلىرىغا دەرس ئۆتكەندەك سۆزلەشلىرىدىن بۇنى بىلىۋالالايسىلەر.پەقەت بىلىۋىلېلىشقا تېگىشلىكى چۈش قەۋىتى كۆپەيگەنسىرى مۇقۇم بولماي، پۇتلىكاشاڭلار كۆپ بولىدۇ.كىرگەندىمۇ 1-2-3- قەۋەت مۇشۇ تەرتىپ بويىچە كىرسە چىققاندىمۇ 3-2-1- مۇشۇ تەرتىپ بويىچە چۈشتىن ئويغىنىدۇ.بۇ قەۋەتلەرنى چۈش لايىلىگۈچى ئۆزىنىڭ مەقسىدىنى چىقىش قىلىپ تۇرۇپ لايىھەلەيدۇ.ئەڭ ئاخىرقى قەۋەت دوختۇرخانا. قېرى فېيشىر كىچىك فېيشىرغا ۋەسىيەتنامىنى بەرگەندىن كىيىن دوختۇرخانىنى پارتىلىتىش ئارقىلىق قېرى فېيشىرنى ئۆلتۈرۈپ (رىياللىقتا ئاللىقاچان ئۆلۈپ بولغان، بۇ يەردە ئۆلىدىغىنى ئۇنىڭ كۆلەڭگىسى). كىچىك فېيشىرنى شىركەتتىن بۆلۈنۈپ چىقارماقچى. يەنە بىر قەۋەت بولسا ئېزىتقۇ رايۇن. بۇ كوب بىلەن مەيل چۈشىدە ياسىغان يەنە بىر خىيالى دۇنيا.

4.
كۆلەڭگە.
چۈشتىكى باشقا بارلىق نەرسىلەرنى كۆرسىتىدۇ. يەنى سىز چۈش كۆرىۋاتقان بولسىڭىز سىزدىن باشقا بارلىق ئادەملەر ۋە باشقا نەرسىلەرنىڭ ھەممىسى كۆلەڭگىدۇر. كىچىك فېيشىر چۈش كۆرىۋاتقان بولسا ئۇنىڭ

بۇ يازمىنى ئاخىرىدا ئاققىر تەھرىرلىگەن. ۋاقتى 2011-3-30 04:20

ئاققىر · ۋاقتى: 2011-3-30 04:28:37

كۆرىۋاتىمەن دەپ قارايدۇ. ۋە ھېلقى تۇتىمى بىلەنمۇ كارى بولماي ئېرى بىلەن بىرلىكتە ئۆلىۋالماقچى بولىدۇ.ئەمما كوب بۇنۇڭغا قوشۇلمىغاندىن كىيىن ئۆزىنى بىنادىن تاشلاپ ئۆلىۋالىدۇ.كوب بولسا ئۆز ئايالىنى ئۆلتۈرگەن دىگەن گۇماندا قولغا ئېلىنماقچى بولغاندا يۇرتىدىن قېچىپ چىقىپ يۇقارقىدەك ئىش ھەركەتلەر بىلەن شۇغۇللىنىدۇ. مەيل (ئەمەلىيەتتە كوبنىڭ يوشۇرۇن ئېڭىدىكى مەيلنىڭ كۆلەڭگىسى) بولسا ھەر ۋاقىت كوبنى ئۆزىنىڭ دۇنياسىغا (ئېزىتقۇ رايۇنغا) قايتۇرۇپ كېلىش ئۈچۈن ھەركەت قىلىپ ،رىياللىقتىكى ئۇنىڭ بارلىق ئىشلىرىغا پۇتلىكاشاڭ بولىدۇ ۋە ئاۋارچىلىق تېپىپلا يۈرىيدۇ.

ئاخىرىدا كوب ھەقىقى رىياللىقتا كۆرمەكچى بولغان بالىلىرى بىلەن كۆرىشىدۇ. ئەمما بۇمۇ چۈش ئىدى. چۈنكى ھېلقى تۇتىم توختىماي چۆرگىلەۋاتاتتى . كىنو مۇشۇنداق ئاياقلىشىدۇ.

مەن مۇشۇنچىلىك چۈشەندىم.دوستلار قانداق چۈشەندىكى...

alip · ۋاقتى: 2011-3-30 11:08:03

ئاۋۇ تېمىدا بۇ كىنونى چۈشەندىڭلارمۇ دېسەم بەزىلەر كىنونى ياكى تەرجىمىسنى ناچار شۇڭا چۈشەنگىلى بولمايدىغان ئوخشايدۇ دەپ ئويلىۋاپتۇ. مەقسىدىمنى چۈشەنمەپسىلەر
بۇ كىنونىڭ ئېسىللىكىدىن، كىنودا ئىپادىلەنگەن ئىدىيىنىڭ بىزنىڭ تەسەۋۋۇرىمىزدىن ھالقىپ كەتكەنلىكىدىن چۈشەندىڭلارمۇ دېگەن ئىدىم.
خاككىر ئىمپېرىيىسى، ئاۋاتار دېگەن كىنولارنى كۆرگەنلەرنىڭ ئىسىدە بولسا كېرەك، تەن بىر دۇنيادا تۇرۇپ روھى يەنە بىر دۇنيادا پائالىيەت قىلىدۇ. خاككىر ئىمپېرىيىسىدە ئاندېرسىن ئەپەندى ياشاۋاتقان، ئۆزى رىئاللىق دەۋالغان دۇنيا ئەمەلىيەتتە بىر Matrix، يەنى باشقىلار تەرىپىدىن پىروگىرامما ئارقىلىق يېزىپ چىقىلغان خىيالى دۇنيا. ھېلىقى دورىنى يەپ ئۆلۈپ، كېمىنىڭ ئىچىدە كۆزىنى ئېچىپ ئىسمى نېئو بولغان ھالىتى ھەقىقى دۇنيا.
ماۋۇ كىنودىمۇ ئۆزى رىئاللىق دەۋالغىنى بىر چۈش ئىكەن، ئۆلگەندىن كېيىن ئويغىندىكەن، ھەقىقى دۇنياغا قايتىدىكەن.
ئىسلام دىندىمۇ ئادەم ئۆلگەندىن كېيىن ئاللاھنىڭ ھوزۇرىغا بارىمىز. يەنى ئۇ دۇنيا (باشقا بىر دۇنيا) مەۋجۇت. (ئالىپ تورىدا مۇشۇ ھەقتە تەپسىلى بىر ماقالە بار ئىدى. ھازىر مۇلازىمېتىردىن كاشلا چىقىپ ئېچىلمايۋاتىدۇ، قالغىننى مۇلازىمېتىر ئوڭشالغاندا نەقىل ئېلىپ يازاي)
تەسەۋۋۇپ پەلسەپىسىدە ئادەم بۇ دۇنيانىڭ بارلىق ھوزۇر-ھالاۋىتىدىن كېچىپ، جىسمى، روھى بىلەن ئاللاھنى ياد ئەتسە ۋەھدەتكە (ئاللاھنىڭ ۋەسىگە) يېتىدۇ دەيدىغان قاراش بار. سۇپىزىمچىلار بۇنى تېخىمۇ بەك بېيىتىپ ئەينى زاماندا ئۆزىنىڭ كۆزىنى كور قىلىپ، تىلىنى كېسىپ چەكتىن ئېشىپ كەتكەن ئىشلارنىمۇ قىلىپتىكەن.

بەزىدە مەندىمۇ شۇندا بىر تۇيغۇ بار. مەلۇم بىر يەرگە بېرىپ بۇ يەرگە خۇددى بۇرۇن چۈشۈمدە ياكى خىيالىمدا كېلىپ باققاندەك، ئەتراپتىكى مۇھىت، ئاۋاز شۇنداق تۇنۇشتەك، مەلۇم بىر كۆرۈنۈش تەكرارلىنۋاتقاندەك تۇيغۇغا كېلىپ قالىمەن. ئەمەلىيەتتە ئۇ يەرگە مەن تۇنجى قېتىم كەلگەن.
بۇ يازمىنى ئاخىرىدا alip تەھرىرلىگەن. ۋاقتى 2011-3-30 11:12

hababam · ۋاقتى: 2011-3-30 12:32:47

تەسەۋۋۇر دىگەن شاختا بولمايدۇ،بۇ ئەجنەبىيلەرمۇ بەكلا يامان خەقكەن.
ھىلىقى خارى پوتىرنىڭ 5-بۆلىمىدىمۇ مۇشۇنداق ۋەقەلىكلەر بار.ئاجايىپ دەيمەن،توۋا.

alip · ۋاقتى: 2011-3-30 12:36:22

ئىسلام ئالىملىرى كائىناتنى چۈشەندۈرۈشتە قۇرئاننىڭ نۇقتىنەزىرىنى قوللىنىپ كائىناتنىڭ ماھىيتىنىڭ ماددا ئەمەسلىكىنى نەچچە ئەسىر بۇرۇنلا تۇنۇپ يەتكەن، ھەمدە اللە ياراتقان مەخلۇقلارنىڭ ماھىتى توغرىسىدا ئىنتايىن ئېنىق ھۆكۈم ئۇتتۇرىغا قۇيغان. ئىسلار تارىخىدىكى مەشھۇر پەيلاسۇپلارنىڭ بىرى ئىمام رەببانى ئۆز كۆز قارشىنى تۆۋەندىكىدەك ئوتتۇرغا قۇيغان: « اللە ھەرخىل شەيئىلەرنى تاللاش ئارقىلىق ئۆز سۈپىتىنى نامايەن قىلىدۇ ۋە بۇ شەيئىلەردە ئۆز سۈپىتىنى كۆرسىتىدۇ. اللە ئۆز سۈپەتلىرىنى كۆرسىتىش ئۈچۈن تاللىغان بۇ شەيئىلەرنىڭ ماھىتىدە نامايەن قىلىنغىنى بولسا مەۋھۇملۇق( يۇقلۇق). اللە ئۆزىنىڭ ھەر بىر سۈپىتى ئۈچۈن مەۋھۇملۇقتا ئوخشىمىغان شەيئىلەرنى تاللىدى ۋە ئۇ شەيئلەرنى سەزگۈلەر ۋە خىياللار دائىرىسدە ياراتتى. اللە خالىغىنىنى قىلغۇچىدۇر.
سەزگۈلەر ۋە خىياللار دائىرىسدە مەۋجۈت بولغان بۇ كائىنات ماددى ئەمەس. بۇنداق ئەھۋالدا سەزگۈلەر ۋە خىياللار دائىرىسىدە بىر خىل تۇراقلىق ھالەت مەيدانغا كىلىدۇ ۋە كائىنات قۇدرەت ئىگىسى بولغان اللەدىن كۈچ-قۇۋەتكە ئىرىشدۇ. شۇنىڭ بىلەن كائىنات ياشايدىغان، بىلىدىغان، ھەركەت قىلىغان، خالايدىغان، كۆرىدىغان، ئاڭلايدىغان ۋە سۆزلەيدىغان نەرسىگە ئايلىنىدۇ. سىرىتقى دۇنيادا ئۇنىڭ نامى ۋە ئالامىتى ئەكىس ئىتىش ۋە سايە ئارقىلىق نامايەن بولىدۇ. رىئاللىقتا، اللەنىڭ سۈپەتلىرى ۋە كۈچ قۇدرىتىدىن باشقا ھىچنىمە يۇق.
رىئاللىقتا كۆرۈنۈشلەرنىڭ ھەممىسى بۈيۈك اللەنىڭ رۇشەن مەۋجۈدىيتىدىن ئىبارەت. سىرىتتا بۇ كۆرۈنۈشلەردىن باشقا ھىچنىمە يوق. بۇنىڭلىق بىلەن بۇ كۆرۈنۈشلەر سىرتقى دۇنيادا سۈرەتكە ئىگە بولىدۇ. ئۇلار خۇددى ھەقىقى مەۋجۈتتەك كۆرىنىدۇ. ھەقىقەتتە، سىرىتتا اللەدىن بۆلەك ھىچنىمە يوق. (مەكتۇباتى رەببانى، p.517-519)

ۋاقىت ۋە بوشلۇقمۇ ئوخشاشلا ھەممنىڭ ياراتقۇچىسى بولغان اللە تەرىپىدىن يارىتىلغان. ئىلگىرى ۋاقىت ۋە بوشلۇق مەۋجۈت ئەمەس ئىدى. ئەمىلىيەتتە ۋاقىت ۋە بوشلۇقتا چەكلمىگە ئۇچرىغان، نۆۋەتتىكى فىزىكىلىق قانۇنلارنى ئاساس قىلغان بىر بۆلەك ۋاقىتنى پايدىلىنىش جىسىمى قىلغان «ئىلگىرى»مۇ مەۋجۈت ئەمەس. لىكىن دىققەت قىلساق، ۋاقىت ۋە بوشلۇق پەقەت ھىس-تۇيغۇدىن ئىبارەت. قۇرئاندا ئوخشىمىغان ئايەتلە ۋاقىتنىڭ نىسبى ئۇقۇم ئىكەنلىكىنى تەكىتلەيدۇ:
« اللە (ئۇلارغا): « زىمىندا قانچىلىك تۇردۇڭلار ؟» دەيدۇ. ئۇلار: «بىر كۈن ياكى بىر كۈندىنمۇ ئاز تۇردۇق، (ئاي-كۈنلەرنى) ھىسابلىغۇچى (پەرىشتە)دىن سورىغىن» دەيدۇ(ئۇلار دۇزاقتا چېكىۋاتقان ئازاب تۈپەيلدىن،زىمىندا قانچىلىك تۇرغانلىقىنى ئۇنتۇيدۇ.) اللە: «ئەگەر بىلسەڭلار (دۇنيادا) ئازغىنا تۇردىڭلار » دەيدۇ.» (سۈرە مۇئمىنۇن، 112-ئايەتتىن114-ئايەتكىچە)
«بۇ سۈر چېلىنىدىغان كۈندۇر، بۇ كۈندە (شەكلى ئۆزگەرگەن) كۆك –كۆزلۈك (قارا-يۈزلۈك) گۇناھكارلارنى يىغىمىز.(قىيەمەتنىڭ دەھشىتىنى كۆرۈپ دۇنيادا تۇرغان ۋاقتى قىسقا بىلىنگەنلىكتىن) (ئۇلار ) «دۇنيادا پەقەت ئون كۈن تۇردۇڭلار» دىيىشىپ پىچىرلىشىدۇ. ئۇلارنىڭ دەيدىغانلىرىنى بىز ئوبدان بىلىمىز، ئەينى زاماندا ئۇلارنىڭ ئەڭ توغرا سۆزلەيدىغىنى:«سىلەر پەقەت بىر كۈن تۇردۇڭلار» دەيدۇ.» (سۈرە تاھا، 102-ئايەتتىن 104-ئايەتكىچە)
بۇئايەتلەر شۇنى كۆرسىتىدۇكى ئاخرەتتە بىز بۇدۇنيادىكى نەچچە يىللىغان ھاياتىمىز پەقەت چۈش كۆرگەندە ياكى ئۇخلىتىلغاندا ئۆتكەن بىر دەقىقە ۋاقىت داۋاملاشقانلىقىنى بايقايمىز. بىز چۈش كۆرگەندە چۈشىمىز بىر نەچچە سائەت ياكى بىر نەچچە كۈنگە سوزۇلدى دەپ پەرەز قىلىمىز. لىكىن ئىلىمى پاكىت چۈشنىڭ بىر نەچچە مىنۇتلا ھەتتا بىر نەچچە سىكونتلا داۋاملىشىدىغانلىقىنى كۆرسەتتى. شونىڭغا ئوخشاشلا، بۇ ئۇزۇن ئۇيقىدىن ئويغانغاندا بۇ دۇنيادىكى ھاياتىمىزدىكى ۋاقىتنىڭ تۇلىمىۇ قىسقا ئىكەنلىكىنى بايقايمىز.

ماۋۇ كىنودىكى ماشنىنىڭ كۆۋرۈكتىن سۇغا چۈشۈپ بولغۇچىلىك بولغان كىچىكىننە ۋاقىتتا ئۇلارنىڭ چۈشىدە قانچىلىك كۆپ ئىشلار بولۇپ كەتتى؟

يوقارقى بايانلار بىلەن ماۋۇ كىنونىڭ ئوخشاشلىقى بارمۇ؟ بۇ ماقالىنىڭ تۇللۇق نۇسخسى ماۋۇ ئادېرستا بار

qinar616 · ۋاقتى: 2011-3-30 13:41:23

ئەسكەرتىش: يوللىغۇچى چەكلەنگەن. مەزمۇننى كۆرەلمەيسىز .

SARAY · ۋاقتى: 2011-3-30 15:20:25

مەن بۇ فىلىمنى كۆرۇپ ھىچنىمىنى چۇشەنمىدىم، ھەم ئاخىرىمۇ چىقمىغان،بەلىكم بۇ فىلىم داۋاملىق ئىشلەنسە كىرەك.

سۈرخان · ۋاقتى: 2011-3-30 16:34:10

مەن خەنچىسىنى 3ئاينىڭ ئالدىدا چۈشۈرگەن، ھازىرغىچە كۆرەلمىدىم،(ۋاقىت يوق)

كۇلمەس · ۋاقتى: 2011-3-30 18:17:28

مەنمۇ خەنزۇچسنى كورۇپ تازا چۇشەنمگەن ئىدىم ئەمدى ئاقىقر ئەپەندىمنىڭ مۇلاھىزلىرى ئاساسدا يەنە بىر كورۇپ باقاي

salay · ۋاقتى: 2011-3-31 08:33:42

ئالىپ ئەپەندى ئېيتقاندەك مەنمۇ شۇنداق تۇيغۇدا بولىمەن . جىق ئىشلار ئىلگىرى بولۇنۇپ بولغاندەكلا .

ziltar · ۋاقتى: 2011-3-31 18:32:14

مەنمۇ شۇنداق تۇيغۇدا بولىمەن . جىق ئىشلار ئىلگىرى بولۇنۇپ بولغاندەكلا . لېكىن بەكمۇ غۇۋا
ھېلىقى تۇتىم چۆرگىلەۋاتامدۇ ياكى ، ئازراق تەۋرەنگەندەك قىلدى، لېكىن نەتىجىسى تازا ئېنىق ئەمەس

arkan2010 · ۋاقتى: 2011-4-2 23:19:56

مەنمۇ بۇ فىلىمنى كۆرۈپ ھېچنىمىسىنى چۈشەنمىگەنىدىم، ئەمدى قايتا بىر كۆرۈپ چىقسام بولغىدەك....

ruslan0998 · ۋاقتى: 2011-4-2 23:35:24

alip يوللانغان ۋاقتى 2011-3-30 12:36
ئىسلام ئالىملىرى كائىناتنى چۈشەندۈرۈشتە قۇرئاننىڭ نۇ ...

نىمانداق سىرلىق راسلا ھەممىسى كاللىمىزدىكى بىر خىيالى كۇرنۇشلەمىدۇ..ئەسلى يارشارنى ئالەمسىرتىنى ۋە ئەركەك چىشى ئۇغۇلقىز يىمەك ئىچمەك..ھەممىسى ئۇزىمىز كاللىمىزدا پەيدا قىلغان كۇرنۇش ۋە ئۇقۇملامۇ..ئەسلى ھىشنىمە يوق شۇنداقمۇ ..راسلام مۇشۇلانى مۇمكىن ئەمەس دىگىلى بۇلامدۇ..ئاللانىڭ قۇدىرەت كامالى ۋە سىرلىرنى..ئىنسانلا ھەرگىز چۇشەنمەيدۇ..ھەم يىشەلمەيدۇ..ھەممىگە قادىر ياراتقۇچىدۇر..

ئەجدىھا قوغلاش

ئەجدىھا قوغلاش 7.4

مايمۇنلا پلانېتىنىڭ باش كۆتۈرىشى3: ئاخىرقى جەڭ

مايمۇنلا پلانېتىنىڭ باش كۆتۈرىشى3: ئاخىرقى جەڭ 8.0

لوندوندىكى ھەل قىلغۇچ جەڭ

لوندوندىكى ھەل قىلغۇچ جەڭ 7.4

جەڭ بۆرىسى 2

جەڭ بۆرىسى 2 7.4

سامانيولى مۇھاپىزەتچىلىرى 2

سامانيولى مۇھاپىزەتچىلىرى 2 7.8

قاتىلنىڭ قوغدىغۇچىسى

قاتىلنىڭ قوغدىغۇچىسى 7.2

«چۈش ئوغۇرلاش بوشلۇقى» توغرىسىدا

باھالاش

ئىسىل پاراڭلار21

باھالاش

باھالاش

باھالاش