uq5ئاقيول تور بىكىتى

جۇڭگو سودا مىنىستىرلىقىنىڭ يېقىندا ئىسپاتلىشىچە، شاڭخەي ئەركىن سودا رايونى ئاپتوموبىللارنى «پاراللېل ئىمپورت» قىلىش سىناق نۇقتا لايىھەسىنى ئوتتۇرىغا قويغان بولۇپ، ئەگەر لايىھە تەستىقلىنىپ قالسا، چەتئەل نۇسخىسىدىكى ئىمپورت ئاپتوموبىللار قانۇنلۇق سالاھىيەتكە ئىگە بولىدىكەن. uq5ئاقيول تور بىكىتى

خەۋەردار كىشىلەرنىڭ ئاشكارىلىشىچە، ئەگەر شاڭخەي ئەركىن سودا رايونىنىڭ سىناق نۇقتىسى ئوڭۇشلۇق بولسا، پۈتكۈل ئىمپورت ئاپتوموبىللارنىڭ باھاسى %15 چۈشىدىكەن، مىليوننىڭ ئۈستىدىكى ئالىي دەرىجىلىك ئاپتوموبىللارنىڭ باھاسى %20 تىن %30 گىچە ئەرزانلىشىدىكەن.uq5ئاقيول تور بىكىتى

شاڭخەي ئەركىن سودا رايونى ئاپتوموبىللارنى «پاراللېل ئىمپورت» قىلىش سىناق نۇقتا لايىھەسىنى ئوتتۇرىغا قويۇپ ئارقىدىنلا بېيجىڭمۇ ئوخشاش لايىھە ئوتتۇرىغا قويغان بولۇپ، 9-ئاينىڭ 25-كۈنى بېيجىڭ ئاسىيا تەنھەرىكەت يىغىنى كەنتى ئاپتوموبىل بازىرى جۇڭگو خەلق سۇغۇرتا شىركىتى بىلەن «ئاپتوموبىللارنى پاراللېل ئىمپورت قىلىشنى ئىلگىرى سۈرۈش 3 ھۆددە ئىستراتېگىيەلىك ھەمكارلىق رامكا كېلىشىمى» ئىمزالىغان.uq5ئاقيول تور بىكىتى

بۇ يىل 7-ئايدا ئاپتوموبىل ساھەسىدىكى مونوپولىيەگە قارشى تۇرۇش ھەرىكىتى باشلانغاندىن بۇيان، دۆلىتىمىز ئىمپورت ئاپتوموبىل بازىرىنىڭ ئېشىش سۈرئىتى كۆرۈنەرلىك ئاستىلىغان بولۇپ، سانلىق مەلۇماتتا كۆرسىتىلىشىچە، 7-ئايدا دۆلىتىمىز ئىمپورت ئاپتوموبىللىرىنىڭ سېتىلىشى پەقەت %10 ئاشقان بولۇپ، ئالدىنقى 5 ئايدا بۇ سان %25.9 ئىدى. ئومۇمىي جەھەتتىن قارىغاندا، جۇڭگو نۇسخىسىدىكى ئىمپورت ئاپتوموبىللار سۈپەت كاپالىتى ۋە مۇلازىمەت جەھەتتىن ئەۋزەللىككە ئىگە بولۇپ، چەتئەل نۇسخىسىدىكى ئىمپورت ئاپتوموبىللار سېتىشتىن كېيىنكى مۇلازىمەت جەھەتتە يېتەرسىز بولغاچقا، پەقەت ئەرزان باھاغا تايىنىپ بازار ئىگىلىگەن. بازار ئارقىلىق تەڭشەپ، جۇڭگو نۇسخىسىدىكى ۋە چەتئەل نۇسخىسىدىكى ئىمپورت ئاپتوموبىللار ئوتتۇرىسىدا مۇۋاپىق باھا پەرقى شەكىللەندۈرگەندە، نۆۋەتتىكى ئىمپورت ئاپتوموبىللار باھاسىنىڭ زىيادە قىممەت بولۇشتەك ھالەتنى ئۆزگەرتكىلى بولىدىكەن. uq5ئاقيول تور بىكىتى

ئىلاۋە:uq5ئاقيول تور بىكىتى

«پاراللېل ئىمپورت»—جۇڭگودىكى باش سېتىش شىركىتىدىن سىرت، باشقا ئىمپورت شىركەتلىرىمۇ ئاپتوموبىل ئىشلەنگەن دۆلەتتىن بىۋاسىتە ئىمپورت قىلىدۇ. ئىمپورت قىلىش يوللىرى دۆلەت ئىچىدىكى سېتىش ھوقۇقىغا ئېرىشكەن شىركەتلەر بىلەن «پاراللېل» بولىدۇ.uq5ئاقيول تور بىكىتى