پۇل دېگەن شۇنداق نەرسە ناملىق كىنونىڭ ئەڭ يېڭى كۆرۈنۈشلىرى ۋە كىنو قويۇلغاندىن كىيىن كۆرۈرمەنلەر ۋە ئارتىسلار بىلەن ئۆتكۈزگەن زىيارەت فىلىمنى پەستىكى قويۇش بەلگىسىنى بېسىپ كۆرسىڭىز بۇلىدۇ.
2014-يىلى 9-ئاينىڭ 15-كۈنى كەچتىن باشلاپ ئۈرۈمچى شەھىرى ئىتتىپاق يولىغا جايلاشقان خان ساراي كىنوخانىسىدا دىيارىمىز شىنجاڭ ئۇيغۇر ئاپتونۇم رايونىنىڭ كىنوچىلىقىنى دىيارىمىز خەلقىگىلا ئەمەس،دۆلەت ئىچى ۋە خەلقئاراغا نامايەندە قىلىش مەقسىتىدە تەڭرىتاغ كىنو سىتودىيەسى2013-يىلى 10-ئايدىن باشلاپ 2014-يىلىنىڭ بېشىغىچە ۋاقىت سەرپ قىلىپ، 30يىلدىن بۇيان تۇنجى قېتىم تەييارلىغان، تىپىك ئۇيغۇرلار تۇرمۇشىنى ئاساسىي كۆرۈنۈش قىلغان ئابدۇكېرىم ئابلىز،دىلشات بارات،مەمەتجان روزى سايىتلار باش رول ئالغان كومىدىيەلىك فىلىم <<پۇل دىگەن شۇنداق نەرسە>>ناملىق كىنو قويۇلۇشقا باشلىدى.
بۇ كىنو ئۇيغۇرچە ئاۋازلىق نۇسخىسى ،خەنزۇچە ئاۋازلىق نۇسخىسى ۋە قازاقچە ئاۋازلىق نۇسخىسىدىن ئىبارەت ئۈچ نۇسخا ۋە ئېنگېلىزچە،خەنزۇچە خەتلىك قىلىپ تەييارلانغان بولۇپ،،ئۈرۈمچى شەھىرىدە ئۇيغۇرچە ئاۋازلىق نۇسخىسىنى پەقەت خان ساراي كىنوخانىسىدىلا كۆرگىلى بولىدۇ.
تۈنۈگۈن كەچتە كىنو رەسمىي قويۇلۇشقا باشلىغاندىن كىيىن خان ساراي كىنوخانىسىنىڭ ئۈچ يۈز كىشىلىك كىنو كۆرۈش زالى لىق تولۇپ،كىشىلەر ئىنتايىن قىزغىنلىق ئىچىدە بېلەت سېتىۋېلىپ بۇ كىنونى كۆردى،كىنو ئاياغلاشقۇچە زالدىن بىردەممۇ كۈلكە ئاۋازى ئۈزۈلمىدى.
ئەلكۈيى تورى <<پۇل دېگەن شۇنداق نەرسە >>ناملىق كىنو سۈرەتكە ئېلىشقا باشلىغاندىن باشلاپ تەڭرىتاغ كىنو ستودىيەسى بىلەن بىرلىشىپ ، بۇ كىنونىڭ تەشۋىقات خىزمىتىنى ئىشلەپ كىلىۋاتقان بولۇپ،تۈنۈگۈن كەچتە <<پۇل دېگەن شۇنداق نەرسە>>ناملىق كىنو كۆرۈرمەنلەرگە خان ساراي كىنوخانىسىدا قويۇلۇش ئارقىلىق رەسمىي قويۇلۇشقا باشلىدى،ئۇيغۇرچە نۇسخىسىنى ئۈرۈمچىدە پەقەت خان ساراي كىنوخانىسىدىلا كۆرەلەيسىز.بۇ مۇناسىۋەت بىلەن ئەلكۈيى تورى كىنوغا ئالاقىدار بىر قىسىم زىيارەتلەر،كىنوغا قاتناشقان داڭلىق ئارتىسلارنىڭ يۈرەك سۆزلىرى،تاماششىبىنلارنىڭ كىنونى كۆرگەندىن كىيىنكى ھاياجانلىق ھىس-تۇيغۇلىرى ۋە كىنونىڭ كۆرۈش بېلەت باھاسى ۋە بۇ كىنوغا ئائىت ئەڭ يېڭى كىنو كۆرۈنۈش ۋىدىئو تەپسىلاتلىرىنى مەخسۇس زىيارەت فىلىم ئىشلەپ ئەلكۈيى تورىدا ئېلان قىلدى.
<<پۇل دىگەن شۇنداق نەرسە>>ناملىق كىنونىڭ سىنارىيە ئاپتورى ۋە باش رېژىسسورى ئارسلان ئابدۇكېرىم كىنو سۈرەتكە ئېلىۋاتقاچ ئەلكۈيى تورىنىڭ زىيارىتىنى قوبۇل قىلماقتا
بۇ كىنو ھەركۈنى ئۈرۈمچى ۋاقتى كەچ سائەت 7:30دىن باشلاپ ئۈرۈمچى شەھىرىدە خان ساراي كىنوخانىسىدا قويىلىدۇ،كەڭ تورداشلارنىڭ پۇرسەتنى غەنىمەت بىلىپ ئابدۇكېرىم ئابلىز،دىلشات بارات،مەمەتجان روزى،ئابدۇللا ئابدۇرېھىم،ماھىرە ئەمەت،خۇرشىدە تۇردى ۋە نۇرغۇنلىغان داڭلىق ئارتىسلار قاتناشقان بۇ كىنونىڭ خۇشاللىقىدىن بەھرىمان بۇلىشىنى شۇنداقلا كىنوغا ئالاقىدار ئەڭ يېڭى تەپسىلاتلارنى ئەلكۈيى تورىغا ئارقىلىق بىلىۋېلىشىغا تىلەكداشمىز.
رېژىسسور ئارسلان ئابدۇكېرىم كىنو سۈرەتكە ئېلىش نەق مەيدانىدا
كىنو ۋەقەلىكىدىن رەسىم كۆرۈنۈشلىرى
كىنو ۋەقەلىكىدىن رەسىم كۆرۈنۈشلىرى
كىنو ۋەقەلىكىدىن رەسىم كۆرۈنۈشلىرى
ئابدۇكېرىم ئابلىز،دىلشات بارات،مۇھەممەدجان رۇزى سايىت قاتارلىقلار كىنودا
بۇ فىلىمدە تەكلىماكان قۇملۇقىنىڭ گىرۋىكىدىكى كىچىككىنە بىر كەنتتە ياشاۋاتقان ئالىم، كېرەم، سەلىمدىن ئىبارەت ئۈچ دېھقان، دوستى مۇسانىڭ يېرىدە ئىشلەۋىتىپ، بىر ساندۇق پۇل تېپىۋالغانلىقدەك ۋەقەلىك بايان قىلنىدۇ. بۇ 1953- يىلى ئىككىنچى قېتىم بېسىلغان 30 مىڭ يۈەن خەلق پۇلى بولۇپ، بۇنىڭ بىلەن بۇ ئۈچ دېھقاننىڭ جىمجىت تۇرمۇشىدا داۋالغۇش پەيدا بولىدۇ. ئائىلە شارائىتى بىر قەدەر ياخشى بولغان ئالىم بۇ پۇلنى ئىگىسىگە قايتۇرۇپ بېرىشنى تەشەببۇس قىلىدۇ؛ سودىغا ئېپى بار، مىجەزى شوخ كەلگەن كېرەم بۇ پۇلنى ئۆزلىرى بۆلىشىپ ئىشلىتىشنى ئېيتىدۇ؛ گۈزەل قىز گۈلشەنگە ئاشىقى بىقارار بولۇپ يۈرگەن سەلىم قانداق قىلىشىنى بىلەلمەي تەمتىرەپ قالىدۇ... بۇ جەرياندىكى ۋەقەلىكلەر قىلىمدە كومىدىيىلىك ئۇسۇللار بىلەن ئىپادىلىنىپ، ئەڭ ئاخىرىدا پۇلنىڭ ھەممىگە قادىر ئەمەسلىكى، كىشىلەر ئوتتۇرىسىدىكى مېھىر- مۇھەببەتنىڭ قىممىتىنى پۇل بىلەن ئۆلچىگىلى بولمايدىغانلىقى ئىسپاتلاپ بېرىلىدۇ.
ئەلكۈيى تورى بۇلتۇر بۇ كىنو ئىشلىنىۋاتقان مەزگىللەردە تەڭرىتاغ كىنو سىتودىيەسىنى ئىز قوغلاپ خەۋەر قىلىش ئارقىلىق،بۇ كىنونىڭ سۈرەتكە ئېلىش نەق مەيدانىدا كىنودىكى باش رولغا چىققان ئارتىسلار،كىنو رېژىسسورى ۋە كىنونىڭ ئىشلىنىش ئەھۋالى ھەققىدە مەخسۇس زىيارەت ئىشلىگەن بولۇپ،بۇ قېتىم تورداشلارغا بۇ كىنو ھەققىدە چۈشەنچىسىنى تېخىمۇ چوڭقۇرلاشتۇرۇش مەقسىتىدە <<تەڭرىتاغ كىنو سىتودىيەسى ئىشلىگەن تۇنجى ئۇيغۇرچە كومىدىيەلىك كىنو ‹‹پۇل دىگەن شۇنداق نەرسە››ناملىق فىلىمنىڭ تۇنجى كۆرۈرمەنلەر بىلەن يۈز كۆرۈشكەن كۈنىدە كىنوخانىغا بېرىپ كۆرۈرمەنلەرنى زىيارەت قىلدى ۋە كىنو ۋەقەلىكىدىن ئەڭ يېڭى كۆرۈنۈشلەرنى ئېلان قىلىپ ، بۇ كىنو ھەققىدىكى ئەڭ يېڭى مەخسۇس فىلىمنى بۈگۈن ئەلكۈيى تورىدا ئېلان قىلدى.
كىنو ۋەقەلىكىدىن رەسىم كۆرۈنۈشلىرى
ئەل سۆيگەن پەخىرلىك ئۇيغۇر ئوغلانى،داڭلىق ئىتوت ئارتىسى،سىنارىست،رېژىسسور ئابدۇكېرىم ئابلىز ئەلكۈيى تورى مۇخبىرىنىڭ زىيارىتىنى قوبۇل قىلماقتا
داڭلىق ئاۋاز ئارتىسى دىلشات بارات ئەلكۈيى تورىنىڭ زىيارىتىدە
تالانتلىق رىياسەتچى،داڭلىق ئارتىس مۇھەممەدجان روزى سايىت ئەلكۈيى تورى زىيارىتىدە
پولات ئەلەمدارنىڭ ئوغلى ئەلى نادىر شاشمازنىڭ رەسىمى ئاشكارلاندى
«سېھىرىلىك قارا ئورمانلىق» ناملىق فىلىم لوندوندا تۇنجى قويۇلدى
سوفى ماغسونىڭ ياش ۋاقتىدىكى سۈرەتلىرى
ئەنجىلىنا جۇلىنىڭ ئەڭ يېڭى سۈرەتلىرى
2015-يىلى قويۇلىدىغان قالتىس بوللىۋود فىلىملىرىغا نەزەر![پۈتۈن دۇنيا كىنوچىلىقىدا قانچە [-ۋود]بار؟](../../d/file/hawar/ent/small7a0e152fb647daf99321123db9c1a3761421157194.jpg)
پۈتۈن دۇنيا كىنوچىلىقىدا قانچە [-ۋود]بار؟
جۇڭگودىكى سېمىز ئون ئايال چولپانغا نەزەر
ئالتۇن شار مۇكاپاتى 12-يانۋار تارقىتىلىدۇ
«ئادانالىق» تىكى مىرزى ئەلىنىڭ رولىنى ئالغان مەھمەتنىڭ قىز دوستى
بۇراك ئۆزچىۋىت بىلەن نەسلىخان ئاتاگۈل يېڭى فىلىمدە رول ئالماقچى
خوشخەۋەر:ئاقيول تورىنىڭ يانفۇن تور بىكىتى ئىچىۋىتىلدى!پولات ئەلەمدارنىڭ ئوغلى ئەلى نادىر شاشمازنىڭ رەسىمى ئاشكارلاندى«سېھىرىلىك قارا ئورمانلىق» ناملىق فىلىم لوندوندا تۇنجى قويۇلدىسوفى ماغسونىڭ ياش ۋاقتىدىكى سۈرەتلىرىئەنجىلىنا جۇلىنىڭ ئەڭ يېڭى سۈرەتلىرى2015-يىلى قويۇلىدىغان قالتىس بوللىۋود فىلىملىرىغا نەزەرپۈتۈن دۇنيا كىنوچىلىقىدا قانچە [-ۋود]بار؟جۇڭگودىكى سېمىز ئون ئايال چولپانغا نەزەرئالتۇن شار مۇكاپاتى 12-يانۋار تارقىتىلىدۇ«ئادانالىق» تىكى مىرزى ئەلىنىڭ رولىنى ئالغان مەھمەتنىڭ قىز دوستى
