1-ئىيۇل ، تۆت قوغلىغۇچى پاراخوت ، ئىككى قوغدىغۇچى پاراخوت ۋە بىر ئۇنىۋېرسال تەمىنلىگۈچى پاراخوتتىن تەشكىللەنگەن جۇڭگو دېڭىز ئارمىيەسى پاراخوت ئەترىتى چىڭداۋدىن رۇسىيەگە جۇڭگو-رۇسىيە ‹‹ دېڭىزدىكى بىرلىشىش − 2013 ›› ھەربىي ئىشلار مانېۋىرىغا قاتناشقىلى يولغا چىقتى . بۇ جۇڭگو دېڭىز ئارمىيەسىنىڭ تۇنجى قېتىم چوڭ ئەترەت تەشكىللەپ بازىدىن ئايرىلىپ ، كاپالەت سىستېمىسىگە تايانمىغان ئەھۋال ئاستىدا ، يات ئەل تەۋەلىكىدە بىرلەشمە مانېۋىرغا قاتنىشىشى ھېسابلىنىدۇ .

شىنخۇا تورىنىڭ 1-ئىيۇل موسكۋادىن بەرگەن تېلېگراممىسىدىن قارىغاندا ، جۇڭگو ۋە رۇسىيە ھەربىي تەرەپنىڭ 1-ئىيۇل جاكارلىشىچە ، ‹‹دېڭىزدىكى بىرلىشىش − 2013›› ناملىق بۇ مانېۋىر 5-ئىيۇلدىن 12-ئىيۇلغىچە ياپون دېڭىزىنىڭ ئۇلۇغ پېتېر قولتۇقىدا ئۆتكۈزۈلىدىكەن ، 27-ئىيۇلدىن 15-ئاۋغۇستقىچە رۇسىيەنىڭ چېليابىنسكىدا ‹‹تىنچلىق ئەلچىسى − 2013›› جۇڭگو-رۇسىيە تېررورلۇققا قارشى بىرلەشمە ھەربىي مانېۋىرى ئۆتكۈزۈلىدىكەن