باغرىم تۇغۇلغان كۈنىڭىزگە مۇبارەك بولسۇن~!

مەرۋەرى

	كەمىنە تور ھاياتىمنى باشلاپ بۈگۈنگە قەدەر مۇشۇ سىرلىق دۇنيادىن، سېھىرلىك ئەينەك ئىچىدىن نۇرغۇنلىغان قىممەتلىك نەرسىلەرگە، بىلىملەرگە ئېرىشىپتىمەن، ئەلۋەتتە بۇنىڭ ئىچىدە مەن ئەڭ،ئەڭ خۇش بولىدىغىنىم،سۆيۈنىدىغىنىم مېنىڭ يېقىن دوستلىرىم، سىرداشلىرىم، ھەمراھلىرىم. بۈگۈن ئەنە شۇ سىرداش دوستلىرىم ئىچىدىكى تەقدىرداش،مۇڭداش دوستۇم <<باغرىم>>نىڭ قۇتلۇق تۇغۇلغان كۈنى. بۇ قۇرلارنى يېزۋېتىپ دىماقلىرىم ئاچچىق بولدى، كۆزۈمگە ياش كەلدى، سەۋەبى بىز ئۆز مەزگىلىدە شۇنداق بىر دوستلاردىن ئىدۇق، مانا مۇشۇنداق خۇشاللىق كۈنلىرىمىز ئۈچۈن ئارلىقنى يىراق كۆرمەي، يىراقلاردىن كۆڭۈل ئىزدەپ كېلەتتۇق ھەم  باراتتۇق، ئەپسۇس بۈگۈن مۇنبەردىلا ئاددى كۆڭۈل سۆزلىرىم بىلەن بۇ قۇتلۇق كۈنىڭىزنى تەبرىكلەپ ئولتۇرۇپتىمەن، كەچۈرۈڭ! چۈنكى مەرۋەرى ھازىر چوڭ بىر ئائىلىنىڭ يۈكى زىممىسىگە يۈكلەنگەن، باشقىلارنىڭ كۆڭلىنى خۇش قىلىش ئۈچۈن ئەتىدىن-كەچكىچە چاپمىسا بولمايدۇ، چوڭنىڭ كۆڭلىنى ئالمىسا ئۇلار بۈگۈن بار ئەتە يوق. كىچىكلەرنىڭ كۆڭلىنى ئىزدىمىسە تېخى بولمايدۇ، چۈنكى بۇ بىر-بىرىدىن ئەقىللىق پەرىشتىلەر مەرۋەرىنىڭ مېھرىگە، كۆيىنىشىگە، كۆڭۈل قويۇپ تەربىيلىشىگە مۇھتاج، يەنە تېخى مەرۋەرىنىڭ ئۆمۈرلۈك ھەمراھى، بۇنىڭدىن كېيىنكى ھايات سەپىرىدىكى جاپا- مۇشەققەتتە تەڭ كۈرەش قىلغۇچى جاپاكەش يولدىشى تېخىمۇ ھەم كۆيىنىشكە مۇھتاج، شۇڭا ئەزىزىم مەن مۇشۇ مۇنبەر يۈزىدە ئاددى سۆزلىرىم بىلەن سىزگە تىلەكلىرىمنى بىلدۈرۈشكە مەجبۇرمەن. بۇ تەبىركنامىنى يېزۋېتىپ بىزنىڭ ياخشى ئۆتكەن دوستلىرىمىز، بىللە كۈلۈشكەن كۈنلىرىمىز كۆڭۈل ئېكرانىمدىن كېچىشكە باشلىدى. ئېسىڭىزدىمۇ بۇنىڭدىن ئىككى يىل بۇرۇنقى تۇغۇلغان كۈنلىرىڭلارنى <<سايە>> تولىمۇ داغدۇغۇلۇق ئۆتكۈزۈپ بەرگەن ئىدى، ئەلۋەتتە بۇنداق يىغىلىشلارنىڭ جاپاسىنى مەن تارتاتتىم (خويمۇ قۇتۇلدۇم بۇ ئاشپەزلىكتىن ). مانا ئارىدىن ھايت- ھۇيت دىگۈچە 5 يىل ئۆتۈپتۇ، بۇ بەش يىل جەريانىدا يوقاتقان نەرسىلىرىمىزمۇ يوق ئەمەس، ئارىمىزدىن يوقاپ كەتكەن دوستلىرىمىزمۇ يوق ئەمەس، لېكىن بىز بۇ دوستلىرىمىزنى ئۇنۇتۇپ قالغىنىمىز يوق، ئۇلارنى ئۈنسىز ئەسلەپ تۇرۋاتىمىز، يىغىلساق ئۇ دوستلىرىمىزنىڭ قايسى بىر چاغلاردىكى قىزىقارلىق ئىشلىرىنى دىيىشىپ كۈلۈشىۋاتىمىز، قاچانلاردىدۇر يېزىشقان سۆھبەت خاتىرىلەرنى، يازمىلارنى ئوقۇپ چوڭقۇر <ئۇف> تارتىۋاتىمىز، ۋادەرىخا كەتكەنلەرگە ئامال يوق، چۈنكى ھەركىمنىڭ ئويلىغىنى، تۇرمۇشقا ۋە تۇرمۇشتىكى نەرسىلەرگە، ئادەملەرگە تۇتقان يولى، قارىشى ئوخشاش بولمايدۇ، مەيلى كىم بولسۇن، قانداق يەردە بولسۇن ئامان بولسۇن، ئۇلۇغ ئاللاھ بارلىق بەندىلىرى قاتارىدا ئەشۇ دوستلىرىمىزغا بەخت ئاتا قىلسۇن، ئىشلىرىنى ئاسان قىلسۇن ۋە بەركەت بەرسۇن~~!!! دوستۇم ئاخىردا  بۇ گۈلدەستىلەرنى سوۋغا قىلىش ئارقىلىق، تۇغۇلغان كۈنىڭىزنى يەنە بىر قېتىم قىزغىن تەبرىكلەيمەن! ئانىڭىزنىڭ سىزدەك مۇلايىم، ئاقكۆڭۈل، كۆيۈمچان بىر قىزنى تۇغقان كۈنىگە مۇبارەك بولسۇن! مېھرىبان ئانىڭىزنىڭ تېنى سالامەت بولسۇن! ئۇلۇغ ئاللاھ  ئۆمرىنى ئۇزۇن قىلسۇن! مەڭگۈ مۇشۇنداق چىرايلىق، ياش تۇرۇڭ! (قەتئىيلا يۈرەك سۆزۈم ئەمەس ).

arman-taxkin

	باغرىم- تۇغۇلغان كۈنىڭىزگە مۇبارەك بۇلسۇن ،  تىنڭىز سالامەت ، تۇرمۇشىڭىز خاتىرجەم ، ئىشلىرىڭىز ئۇتۇقلۇق بۇلسۇن . مەڭگۇ مۇشۇنداق چىرايلىق ، ياش تۇرغايسىز ...!!!

dilroh

	تۇغۇلغان كۇنىڭىزگە شۇنداقلا ئانىڭىزنىڭ سىزنى تۇغقان كۈنىگە مۇبارەك بولسۇن !!!  ئۆمۈرىڭىز ئۇزۇن بولسۇن !!

anar

	ۋاقىت نىمە دىگەن تېز ئۆتكەن ھە ؟ ئۇ 2 يىل ئاۋالقى تۇغۇلغان كۈن تۈنۈگۈنكىدەكلا ئېسىمدە .... باغرىم ، بۇ قېتىم كەلمەمسىز ؟ مەرۋەرىنىڭ ئۆيى ھازىر تېخىمۇ چىرايلىق، پەيزى  بوپ كەتتى ، كېلىڭچۇ بىللە ئۆتكۈزىمىز تورتنىمۇ پۈشۈرۈپ قويدۇم مانا ....

otkankunlar

	تۇغۇلغان كۈنىڭىزگە مۇبارەك بولسۇن!

مەرۋەرى

	ئانار....ئاناررررررررر بۈگۈن باغرىم دەم ئالىدىكەن ماۋۇ ئىنكاسنى كۆرۈپ قالسىلا

anar

	مەرۋەرى بۇ يازمىنى 2011-يىلى 1-ئاينىڭ 18-كۈنى 09:53 دە يوللىغان ئانار....ئاناررررررررر بۈگۈن باغرىم دەم ئالىدىكەن ماۋۇ ئىنكاسنى كۆرۈپ قالسىلا ئەمدى يېشى بىر يەرگە بارغاندا مانداقلا دەپ قويغان تەكەللۇپ گەپ بىلەن راست گەپنى پەرقلەندۈرەلە ؟

ئاھۇ

	باغرىم،تۇغۇلغان كۈنىڭىزگە مۇبارەك بولسۇن.باغرىڭىز تېخىمۇ كەڭ ھەم ئىسسىق بولغاي

saye

	قانداق بولار ۋاقىت چىقىرالارمەنمۇ ئۈرۈمچىگە بېرىشقا . ئەستا .    مەرىم كۆچۈپ كەتمىگەنسىز ھە . ۋوي. بىردانەمنىڭ تۇغۇلغان كۈنىنى ئۇنتۇپتىمەنغۇ ئۇچرىشىدىغاننى ئاڭلاپ . تۇغۇلغان كۈنۈڭگە مۇبارەك بولسۇن، ئەممازە ، ئېۋۇ جادىلارنى خوش قىلىپ، بىر ياش قېرىدىڭدە . ئەمما مېنىڭ قەلبىمدە سەن لېنىيەدىكىدەكلا ياش تۇرۇپسەن .

soyqut

	تۇغۇلغان كۈنىڭىزگە مۇبارەك بولسۇن،باغرىم.توغراق يېشىدا ياشاڭ.