[فىلىم] XJCFAN شىنجاڭ تېلېۋىزىيەسىنىڭ زىيارىتىدە

Qismet

	.    ئىنتېرنېت مىسىلسىز تەرەققىياتلارغا ئېرىشىۋاتقان، خەلقئارا ۋە دۆلەت ئىچىدىكى ھەرساھە ئىنتېرنېتتىن ئۆزىگە يېتەرلىك ئورۇن ئىزدەۋاتقان مۇشۇ دەقىقىلەردە (2011-يىلى 1-ئاينىڭ 12-كۈنى، چارشەنبە) شىنجاڭ تېلېۋىزىيە ئىستانسىسى ئۇيغۇرچە 2-قانىلى (2 XJTV) «پەن ۋە مائارىپ» پروگراممىسى ئارقىلىق، شىنجاڭ كومپيۇتېر ھەۋەسكارلىرى گۇرۇپپىسىنى زىيارەت قىلدى. زىيارەتكە رايونىمىز كومپيۇتېر ساھەسىدىكى غوللۇق شەخس ئالىم ئەھەد ئەپەندى ۋە قىسمەت باشچىلىقىدىكى شىنجاڭ كومپيۇتېر ھەۋەسكارلىرى گۇرۇپپىسى قاتناشتى..    زىيارەتنىڭ ئاساسىي نىشانى مىكرو بلوگ ھەققىدە بولدى.    ئالىم ئەھەد ئەپەندى ۋە شىنجاڭ كومپيۇتېر ھەۋەسكارلىرى گۇرۇپپىسى خادىملىرى مىكروبلوگنىڭ پەيدا بولۇشى، تەرەققىياتى ۋە ھازىرقى ئەھۋالى ھەققىدە يېتەرلىك چۈشەنچە بەردى. مىكروبلوگنىڭ تېخنىكىلىق ئامىللىرى، ھەقسىز مىكروبلوگ ئىلتىماس قىلىش، ئىشلىتىش ھەققىدە دەرس سۆزلىدى.    شىنجاڭ تېلېۋىزىيە ئىستانسىسىنىڭ ئارقا-ئارقىدىن ئىككى قېتىم بلوگ ۋە مىكروبلوگ ھەققىدە زىيارەت ئۇيۇشتۇرۇشى (ئالدىنقى قېتىملىق زىيارەتنى بۇ يەردىن كۆرۈڭ) ئۇيغۇر بلوگچىلىقى ۋە مىكروبلوگچىلىقىنىڭ جەمئىيەتنىڭ دىققىتىنى تارتىۋاتقانلىقىدىن بىشارەت بېرىپ تۇرۇپتۇ. بۇ پۇرسەتتىن قانداق پايدىلىنىش، قاچان پايدىلىنىش ھەرقايسىمىزنىڭ ئالدىغا قويۇلغان بىر سوئال بەلگىسى.    زىيارەت تەپسىلاتىنى كۆرۈشنى ئىستىگۈچىلەر 2011-يىلى 1-ئاينىڭ 18-كۈنى (سەيشەنبە) كەچ سائەت 8:20 دە، شىنجاڭ تېلېۋىزىيىسى 2-قانىلىدا بېرىلىدىغان «پەن ۋە مائارىپ» پروگراممىسىغا دىققەت قىلغاي .     بۇ زىيارەت خاتىرىسىنى يەتتە قىزلىرىم خانم-قىزلار تورىغا يوللاشنىڭ بائىسى تۆۋەندىكىچە:    1. شىنجاڭ كومپيۇتېر ھەۋەسكارلىرى تور بېكىتى يەتتە قىزلىرىم تورىنىڭ ئورگان تور بېكىتىدۇر.    2. بۇ زىيارەتتە يەتتە قىزلىرىم تورىمۇ ئارقا كۆرۈنۈش قىلىندى.     تەپسىلاتىنى ئەسلى مەنبەدىن كۆرۈڭ...

مەرۋەرى

	بۈگۈنكى بۇ سۆھبەت يەتتە قىزلىرىمنىڭ بۇنىڭدىن كېيىنكى تەرەققىياتىغا ئازراق بولسىمۇ تۈرتكىلىك رول ئوينىسا دېگەن ئۈمىدتىمەن!

dilroh

	كەچتە مىقتەك ئولتۇرۇپ كۆرەيچۇ  يېقىندا مۇشۇ مىكرو بىلوگلار ئۈستىدە بەك توختىلىدىغان بوپ كەتتى بۈگۈنكى سۆھبەتلەردىمۇ``

جۇلالىق

	شىنجاڭ كومپيۇتېر ھەۋەسكارلىرى تور بېتى ۋە يەتتە قىزلىرىم تور بېتىنىڭ بۇ يېڭى ئۇتۇقىنى تەبرىكلەيمەن! كەچتە كۆرەي، قىسمەت ئاكام تېلېۋىزىيىگە قانداقراق چىققاندۇ؟ شۇنى خىيال قىلىپ قالدىم. ھەقىچان قارا كاستۇم ئىچىگە ئاق كۆينەك كىيىپ، گالىستۈكنى راۋرۇس تاقاپ، كېلىشكەن قامىتى بىلەن چىقتىغۇ دەيمەن.

قەھۋە

	مەنمۇ شۇنىڭغا قىزىقىپ قالدىم. بولدى، بۈگۈن بارىدىغان يەرنى بىكار قىلدىم.   قىسمەت باشلىق كومپيۇتېر ھەۋەسكارلىرى گۇرۇپپىسىنىڭ ئۇتۇقلىرىغا تىلەكداشمىز!

جۇلالىق

	قەھۋە جانىم، يەتتە قىزلىرىم تور بېتىمىز تېلېۋىزۇردا چىقىدۇ دەۋاتسا كەچتە ئوينايدىغاننىڭ پىلانىنى قىلغان گەپ. جىم ئولتۇرۇپ كەچتە، ما بىزنىڭ پروگراممىنى كۆرىدىغاننىڭ ئىشىنى قىلىڭ ھە!

jahandar

	ئېچىپ باقمىغىلى بىر يىل بولغان تېلىۋىزورنى بۈگۈن كۈرىدىغان بولدۇمدە!

tiwix

	مەنمۇ  بۈگۈن  بىر  ئولتۇرۇپ  كۆرىۋىتەيچۇ .........

مەرۋەرى

	مەن تۈنۈگۈن كەچتە دىجۇرنى تۇرغان يۈگرۈپ يۈرۈپ تۈزەكمۇ كۆرەلمىدىم، قايتا قويۇلۇش ۋاقتى قاچانكىن تەپسىلى بىر كۆرگەن بولسام

دىلەيسەم

	پىروگرامما ۋاقتى گەرچە سەل قىسقا بولسىمۇ مېكرو بىلوگ ھەققىدە نۇرغۇن بىلىملەرگە ئىگە بولۇپ قالدۇق. ئارلىقتا يەتتە قىزلىرىم مۇنبىرىنى بىر نەچچە قېتىم كۆرسەتتى، شۇنداق ئىسسىق كۆرنۈپ كەتتى كۆزۈمگە