ھازىرقى زامان كىشىلىرىدىكى مودا كېسەللەر

شادىمان

	ئەسسالام يەتتە قىز مۇنبىرىدىكى قېرىنداشلار، تۆۋەندىكى تەرجىمە ئەسىرىمنى كۆڭۈل سوۋغىسى سۈپىتىدە مۇنبەرگە ئېلىپ كەلدىم. ئوقۇپ ھۇزۇرلانغايسىزلەر   ھازىرقى زامان كىشىلىرىدىكى مودا كېسەللەر 1    ئۇچۇرنى بىلىم ، بىلىمنى پاراسەت قىلىۋېلىش. نۇرغۇن كىشىلەر كىچە كۈندۈز تورغا چىقىپ ھەر خىل قىزىق خەۋەرلەرنى يىغىدۇ. دۇنيادىكى ھەممە چوڭ ئىشلارنى بىلدىغاندەك، ب د ت نىڭ باش كاتىپى ئۇنىڭغا ئىشلەيدىغاندەك ئاغزى ئاغزىغا تەگمەي سۆزلەپ كېتىدۇ. لېكىن ئوبدان ئاڭلاپ كۆرسىڭىز ھەممىسىنىڭ ئۇ يەر بۇ يەردىن ئاڭلىۋالغان گەپلەر ئىكەنلىكىنى بىلەلەيسىز. ئۇلار ئۇچۇرنى ھەزىم قىلىشقا قىزىقمايدۇ. ئۇلار پەقەتلا ئۇچۇر ئەتكەسچىلىكى قىلىپ، ئەرزان باھادا ساتىدىغان يايمىكەشلەر خالاس. 2) ماركىنى ساپا، پەرۋاسىزلىقنى تەربىيە كۆرگەنلىك دەپ قاراش. ئېسىل ماركىلىق كىيىملەرنى كىيىۋېلىپ چوڭ كوچىدا قالايمىقان تۈكۈرىدۇ، ئېغىزىدىن پوق ئاقىدۇ؛ ئاپتوبۇستا مودا ژۇرناللارنى كۆتۈرۈۋالغان بىلەن، ياشانغانلارغا ئورۇن بوشاتمايدۇ. 3) تۆگىدەك بويى بولغان بىلەن تۈگمىچىلىك ئەقلى يوق؛ ھازىرقى بالىلار بالدۇر يېتىلىۋاتىدۇ، يېشى كىچىك تۇرۇپلا بويى ئاتىسىنىڭ ئېڭىكىگە تاقىشىدۇ، باياشاتچىقلىقتا چوڭ بولغاچقا، ئوزۇقلۇق ئوشۇقچىلىقى تۈپەيلى بەزى بالىلار ھەتتا ئالىي مەكتەپكە كىرگەندىن كېيىن يوتقىنىنىمۇ يىغالمايدۇ، كىر يۇيۇش بىر ياقتا تۇرسۇن، ئاياغ بوغقۇچىنىمۇ چىگەلمەيدۇ. 4) ئوتتەك قىزىپ پوقتەك سوۋۇش، ھېچ ئىشنى باشقا ئېلىپ چىقالماسلىق. مەن بولمىسام جاھاننىڭ ئىشلىرى ئاقمايدۇ، بۇ يەر غۇجاكىسىنى ئالمىسا، پېقىرنى ئالىدىغان جاي بار دەپ ئويلاپ، ئەستايىدىل ئادەم بولمايدۇ، ئىشنى كۆڭۈل قويۇپ قىلمايدۇ، نەگە بارسا شۇ يەردىن قاقشايدۇ، كۆزىگە ھېچنېمە سىغمايدۇ، ھېچ ئىشنى ياراتمايدۇ. قاچىدىكىنى يەپ ئولتۇرۇپ قازانغا كۆز ئالايتىدۇ. قۇسۇر ئىزدەش ئادىتىگە، ھەتتا تۇرمۇش شەكلىگە ئايلىنىپ قالغان. 5) ئىناۋىتى تۆكۈلۈشتىن قورقماي، نام چىقىرىشنىلا ئويلاش. تېلېۋىزورغا چىقىشقا پۇرسەت تاپالماي، سەت تەلەتى، يۈز تۆكۈلىدىغان ئىشلارنىمۇ توردا ئاشكارا ئېلان قىلىپ، ئۆزىنى ئۆزى سازايى قىلىدۇ، نام چىقارغىلى بولسىلا، ھېچنېمىسىنى ئايىمايدۇ. 6) ئۆينى كۆز-كۆز قىلىش ئۈچۈن بېزەپ، بويۇنغىچە قەرزنى ئارتىۋېلىش. بىر كىمنى كۆرسە ئۈچ ئېغىز گەپنىڭ ئىككىسىدە ئۆيىنى ماختايدۇ. ئۆيى يوقلارنىڭ ئۆي ئالغۇسى، ئۆيى بارلارنىڭ چوڭىغا ئالماشتۇرغۇسى، چوڭ ئۆيى بارلارنىڭ يەنە بىرنى ئالغۇسى كېلىدۇ. يانچۇقىدا تۆت تىيىن يوق تۇرۇپ، يېڭى بىنا سېلىنغاندا نەپسى تاقىلداپ كېتىدۇ. سەن ئۆيۈڭنى خان ئوردىسىدەك بېزىسەڭ، مەن زۇڭتۇڭ مەھكىمىسىدەك بېزەيمەن دەپ ئۈزەڭگە سوقۇشتۇرىدۇ. مائاشى تايىنلىق بولغاچقا، ئۆيىنى نوچى ياسىۋالغان بىلەن قىسىپ كىيىپ، ئاز يېيىشكە مەجبۇر بولىدۇ، روھىي بېسىمى كۈندىن كۈنگە ئېغىرلىشىپ بارىدۇ. 7) قىستاڭچىلىق بىلەن كارى يوق، بەس-بەستە ماشىنا سېتىۋېلىش. ئۇنىڭدا بار، مەندە نېمىشقا يوق، باشقىلار مېنى تۆۋەن كۆرۈشمىسۇن دەپ، ئابرۇي ئۈچۈن ماشىنا سېتىۋالىدۇ؛ ھازىر قىزلارمۇ ماشىنىسى بار بولۇشنى تويلۇققا كىرگۈزدى. تاكسىدا ئولتۇرسا ئۆز ماشىنىسىنى ھەيدىگەنگە قارىغاندا پۇل تېجىلى بولسىمۇ، كىشىلەر بەس-بەستە ماشىنا ئېلىشىۋاتىدۇ. ماشىنا ئالمىسىمۇ بولىدىغانلارمۇ ماشىنا ئېلىۋېلىپ، شەھەردە قاتناش قىستاڭچىلىقى بارغانسېرى ئېغىرلىشىپ، پىيادىلەرمۇ ماشىنىدىن تېز ماڭىدىغان بولۇپ كەتتى.

جۇلالىق

	ۋەئەلەيكۇم ئەسسالام، شادىماننىڭ يەتتە قىزلىرىمغا كەلگەن قەدىمىگە مەرھابا! مۇنبىرىمىزگە ئەسەر تەرجىمە قىلىپ، يېڭىچە تېمىلارنى ئەجىرلەر بىلەن يوللىغىنىڭىزغا كۆپ رەھمەت. نادىر تېمىلىرىڭىزنى يەتتە قىزلىرىمدىن ئايىمىغايسىز. بۇ خىل كېسەللىكلەر كۆپىنچە كىشىلەردە بار.

شادىمان

	رەھمەت،جۇلالىق قىزغىن كۈتىۋالغىنىڭىزغا ! ئاللا خالىسا بۇندىن كېيىن كۈندە دېگۈدەك مۇنبەر يۈزىدە كۆرىشىپ تۇرىمىز.  تەكلىپ-تەنقىدلىرىڭىزنى ئايىمىغايسىز. ئامان بولۇڭ

nazinin

	سەن ئۆيۈڭنى خان ئوردىسىدەك بېزىسەڭ، مەن زۇڭتۇڭ مەھكىمىسىدەك بېزەيمەن دەپ ئۈزەڭگە سوقۇشتۇرىدۇ. مانا بۇنىسى ھازىر ئارىمىزدائەڭ مودا بولۇۋاتقىنى ،ئەمىلىي گەپنى قىلىپتۇ . يېڭى مېھماننىڭ كۆڭۈل سوۋغىسىدىن سۆيۈندۈم ،ئەجرىڭىزگە رەھمەت .

جۇلالىق

	شادىمان بۇ يازمىنى 2011-يىلى 1-ئاينىڭ 17-كۈنى 14:25 دە يوللىغان رەھمەت،جۇلالىق قىزغىن كۈتىۋالغىنىڭىزغا ! ئاللا خالىسا بۇندىن كېيىن كۈندە دېگۈدەك مۇنبەر يۈزىدە كۆرىشىپ تۇرى ... سىزدەك يېڭىچە تېما يوللايدىغان دوستىمىزنى قارشى ئالماي كىمنى قارشى ئالىمىز. بىر-بىرىمىزگە ئەينەك بولۇپ كەمچىللىكلىرىمىزنى كۆرسۈتۈشۈپ ئۆتىمىز. ۋاقىتنىڭ ئىچىدىن ۋاقىت چىقىرىپ مۇنبەرگە نېمە دەپ كىرىمىز؟ شۇ ئۆگىنىش ئۈچۈن، دوستلار پىكىر ئالماشتۇرۇش ئۈچۈندۇر.

مەرۋەرى

	شادىمان سىڭلىم مۇبارەك قەدىمىڭىزگە ۋە ئېلىپ كەلگەن سوۋغىڭىزغا تەشەككۈر! مۇنبىرىمىزگە دائىم قەدەم تەشىرىپ قىلىپ تۇرۇشىڭىزنى ئۈمىد قىلىمىز!

قەھۋە

	قىستاڭچىلىق بىلەن كارى يوق، بەس-بەستە ماشىنا سېتىۋېلىش.   مۇشۇ كۈنلەردە بەك ئەۋج ئېلىپ كەتتى بۇ ئىشلار. ماشىنا سېتىۋالماي دېسىڭىز تۇرمۇشتا نۇرغۇن قولايسىزلىقلار بار، سېتىۋالاي دېسىڭىز قاتناش قىستاڭچىلىقى. ئۆينى ئادەتتىكىدەك بېزەي دېسىڭىز باشقىلار سىزدىن ئېشىپ كېتىپ كۆز قىزىرىدىغان گەپ. كۆز قىزارمايمۇ تۇرالمايدىغان بولۇپ كەتتى مۇشۇ كۈنلەردە. ئۇنىڭدىن باشقىمۇ نۇرغۇن ساقىيىش تۈگۈل، تېخىمۇ ئېغىرلىشىپ كېتىۋاتقان يۇقىرىدا دىيىلگەن كېسەللىكلەر بىزنىڭ مەنىۋىيىتمىزنى ئاجىزلاشتۇرىۋەتتى....ياشاشمۇ تەسلىشىپ كېتىۋاتىدۇ دە مانا! ھەي..........