قىزىم، سىزگە گېپىم بار

مەرۋەرى

	مېنىڭ ھاياتلىقىمنىڭ سېمىۋۇلى بولغان، ئون ئىككى يىلدىن بۇيانقى خۇشاللىقىمنىڭ مەنبەسى بولغان، كۈلسەم مەن بىلەن تەڭ كۈلگەن، يىغلىسام يېشىمنى كىچىككىنە قوللىرى بىلەن سۈرتۈپ، ماڭا تەسەللىلەرنى بەرگەن، يېشىنىڭ كىچىكلىكىگە باقماي تۇرمۇشنىڭ ئىسسىق سوغۇقىغا مەن بىلەن تەڭ يۈزلەنگەن، ماڭا ھەم بالا ھەم سىرداش دوست بولغان، قېرىنداشلىرىغا ھەم ھەدە ھەم ئانا بولۇپ كېلىۋاتقان، دادىسىنىڭ پەخىرلىك قىزى، سۆيۈملۈك، ئوماق قىزىم، يۈرەك پارەم<<قەدىرىيە>>، تۇغۇلغان كۈنىڭىزگە مۇبارەك بولسۇن!! مەن گەرچە سىزگە سىز ئارزۇ قىلغان نۇرغۇن نەرسىلەرنى بېرەلمىگەن بولساممۇ، گۆدەك قەلبىڭىزنى يارا قىلغان بولساممۇ، ئەمما شۇ بوشلۇقلارنى تولدۇرۇش ئۈچۈن تىرىشتىم ھەم تىرىشىۋاتىمەن. مەن سىزگە بولغان ئانىلىق مېھرىمنى ئايىغىنىم يوق ھەم مەڭگۈ ئايىمايمەن، مانا بۇ بارلىق ئانىلاردىكى ئورتاقلىق. قىزىم مانا بۈگۈن ئون ئىككى ياشقا كىردىڭىز، مەن ئۇلۇغ ئاللاھتىن سىزگە ئىمان، ئىنساپ، دىيانەت ۋە چەكسىز بەخت تىلەيمەن! ئۇلۇغ ئاللاھ ئەقلىڭىزنى زىيادە قىلسۇن! قىزىم سىزنىڭ بۇنىڭدىن كېيىنكى ھاياتلىق سەپىرىڭىزدە تېخىمۇ تىرىشىپ، تېخىمۇ چىداملىق ۋە قەيسەر بولۇپ ئانىڭىز ۋە دادىڭىز قىلالمىغان چوڭ- چوڭ ئىشلارنى قىلىشىڭىزنى ۋە بىزنىڭ ئۈمۈدىمىزنى يەردە قويماسلىقىڭىزنى ئۈمىد قىلىمەن! بوۋا- مومىلىرىڭىزنىڭ ياخشى نەۋرىسى، مېنىڭ ۋە دادىڭىزنىڭ ياخشى پەرزەنتى، قېرىنداشلىرىڭىزنىڭ ياخشى ھەدىسى ۋە ئۈلگىسى بولىشىڭىزنى چىن قەلبىمدىن ئۈمىد قىلىمەن! مەن سىزگە ھېچقانداق سوۋغا تەييار قىلالمىدىم، پەقەت بۇ يەردە قەلب سۆزلىرىم بىلەن سىزگە بەخت تىلىدىم بالام! تۇغۇلغان كۈنىڭىزگە يەنە بىر قېتىم مۇبارەك بولسۇن!!!! تۆۋەندىكى ئۆزۈم ئېيتقان ناخشىنى سىزگە سوۋغا قىلىمەن!!

جۇلالىق

	ئوماق سىڭلىم، قەدىرىيەنىڭ تۇغۇلغان كۈنىگە مۇبارەك بولسۇن! مەرۋەرى ھەدەمنىڭ سىزنى تۇغقان كۈنىگە، ئاچچىق تولغاقلار ئىچىدە سىزنى بۇ دۇنياغا كۆز ئاچقۇزغان كۈنىگە مۇبارەك بولسۇن! قەدىرىيە سىڭلىم، تۇغۇلغان كۈنىڭىزنى بۈگۈنچە قۇرۇقلا تەبرىكلەپ تۇراي، ئاللاھ خالىسا كۆرۈشكەندە سىز ياقتۇرىدىغان سوۋغىلار بىلەن تۇغۇلغان كۈنىڭىزنى مۇبارەكلەيمەن. بۈگۈننى خۇشال ئۆتكۈزۈڭ، ئاكام ۋە ھەدەمنىڭ سىزدىن كۈتكەن ئۈمۈدلىرىنى يەردە قويماڭ. ئاللاھ سىزنىڭ بۇنىڭدىن كېيىنكى ئىشلىرىڭىزنى ئۇتۇقلۇق قىلسۇن!

soyqut

	سىڭلىم قەدىرىيە،كۆيۈمچان ئانىڭىزنىڭ سىزنى تۇغقان ھەم تۇغۇلغان كۈنىڭزگە مۇبارەك بولسۇن!!! ئاللاھىم،ئاتا-ئانىڭىزنىڭ ئۈمىدىنى ئاقلاپ،پەرزەنىتلىك بۇرچىڭىزنى ئادا قىلىپ،ئىمان-ئىنساپلىق ھالەتتە ياشاشقا نېسىپ ئەتسۇن. تۇرمۇشىڭىز بەخىت ئىچىدە،ھاياتىڭىز ئۇتۇق ۋە شەرەپ ئىلكىدە ئۆتسۇن.

ئاھۇ

	قەدىرىيە،مەڭگۈ قەدىرلىك بولغاي

tiwix

	قەدىرىيە سىڭلىمىزنىڭ  مەڭگۈ قەدىرلىك  بولىشىنى  تىلەيمەن ~تۇغۇلغان  كۈنىڭىز  قۇتلۇق  بولسۇن جېنىم  سىڭلىم !!!ئاتا  ئانىڭىزنىڭ  ئارزۇ  ئارمانلىرىنى  ئاقلاپ  چىقىدىغان  چىدام  ، غەيرەت ، ئەقىل  مەڭگۈ  سىزگە  يار  بولغاي ...........

Aydar

	قىزىم: بەخىتلىك بولۇڭ. جاسارەتلىك بولۇڭ. ئانىڭىزنىڭ سىزنى تۇغقان كۈنىگە مۇبارەك.

Qismet

	سۆيۈملۈك ئايالىم مەن ئۈچۈن، پەقەت مەن ئۈچۈنلا ئاپىرىدە قىلغان، مۇلايىم، ئەمما قەيسەر، مىس-مىس، ئەمما ئەستايىدىل، سەت، ئەمما قەلبى چىرايلىق قىزىم، سىرداش دوستۇم قەدىرىيەنىڭ 12 يېشىنى قۇتلۇقلايمەن! جانابىي ئاللاھ سىزگە دىيانەت، بەخىت، ئۇزۇن ئۆمۈر ئاتا قىلغاي! كەمىنە قىسمەتنىڭ ئىزىنى بېسىشقا، سىز ئۈچۈن مىراس سۈپىتىدە قالدۇرىدىغان ئۇدۇملىرىمىنڭ ھەقدارى بولۇشىڭىزغا نېسىب بولغاي، ئامىن !

jahandar

	ئۇماق سىڭىلىمىز قەدىرىيەنىڭ تۇغۇلغان كۈنىنى تەبرىكەيمەن!

ayqiz

	ئوماق قوزام قەدىريە كېچىكىپ بولسىمۇ تۇغۇلغان كۈنىڭىزگە مۇبارەك بولسۈن ! ئۇلۇغ ئاللا دىن سىزگە :دۇئانىڭ ياخشىسىنى ،مۇۋەپپەقىيەتنىڭ ياخشىسىنى ، ئىشنىڭ ياخشىسىنى ، ھاجەتنىڭ ياخشىسىنى ، ئەمەلنىڭ ياخشىسىنى ، ساۋابنىڭ ياخشىسىنى ، ھاياتنىڭ ياخشىسىنى تىلەيمەن !

ulughbik

	تۇغۇلغان كۇنىڭىزگە موبارەك بولسۇن !