ئەر ئايال توغرىسىدا

otkankunlar

	ئەرلەر ماگېزىن ئارىلىغانسېرى روھىي چۈشۈپ كېتىدۇ. ئاياللار ماگىزىن ئارىلىغانسېرى ھاياجانلىنىپ كېتىدۇ؛ ئەرلەر ئوخشاش جىنىستىكىلەرنىڭ يانچۇقىتىكى پۇلىغا ھەۋەس قىلىدۇ، ئاياللار ئوخشاش جىنىستىكىلەرنىڭ فىگورىسىغا ھەۋەس قىلىدۇ؛ ئەرلەر ماگىزىنغا كىرسە تاماكا سېتىۋېلىشنى ياخشى كۆرىدۇ، ئاياللار ماگىزىنغا كىرسە ئەتىر سېتىۋېلىشنى ياخشى كۆرىدۇ؛ يىگىتلەر گۈزەللىكنى دەپ مۇھەببەتنى قوغلىشىدۇ، قىزلار بولسا مۇھەببتنى دەپ گۈزەللىكنى قوغلىشىدۇ. ئەرلەرگە باشقىلار گەپ قىلسا، كۆپىنچە سول قۇلىقىدىن كىرىپ ئوڭ قۇلىقىدىن چىقىپ كېتىدۇ، ئاياللارغا باشقىلار گەپ قىلسا، ھەر ئىككى قۇلىقىدىن كىرىپ بىر قۇلىقىدىن چىقىپ كېتىدۇ؛ ئەرلەرنىڭ يېشى چوڭلىغانسېرى ئاياللارنىڭ ئىشى بىلەن شۇنچە كارى بولمايدۇ،ئاياللارنىڭ يېشى چوڭلىغانسېرى ئەرلەرنىڭ ئىشىغا شۇنچە ئارىلىشىۋالىدۇ؛ ئەرلەر توي قىلىشتىن ئىلگىرى تولىمۇ ئىتائەتچان بولۇپ كېتىدۇ. تويدىن كېيىن «ئاكاڭ قارىغاي بىرىنچى» دەپ بۇيرۇق چۈشۈرىدۇ، قىزلار توي قىلىشتىن ئىلگىرى خۇددى قارلىغاچتەك ئۇچقۇسى كەلسە ئۇچۇپ كېتىدۇ، تويدىن كېيىن ئۆردەكتەك ئۇچاي دېسىمۇ ئۇچۇپ كېتەلمەيدۇ؛ ئەرلەر كۆرۈش سېزىمى تىپىگە كىرىدۇ، چىرايلىق ئاياللارغا قاراشقا ئامراق كېلىدۇ، ئاياللار ئاڭلاش سېزىمى تىپىگە كىرىدۇ، شېرىن – شېكەر سۆزلەرنى ئاڭلاشقا ئامراق كېلىدۇ؛ ئەرلەر بىرەرسىنى تېپىپ پو ئېتىشنى ياخشى كۆرىدۇ؛ ئەرلەر ئەر – خوتۇنلۇق تۇرمۇشقا كۆپىنچە ھالدا ئاددىي قارايدۇ، ئاياللار ئەر – خوتۇنلۇق تۇرمۇشنى كۆپىنچە مۇرەككەپ ۋە سىپايە دەپ قارايدۇ؛ ئەرلەر ئاياللارنىڭ تەبەسسۇمىنى ياخشى كۆرىدۇ؛ ئەرلەر ئاياللارنى قولغا كەلتۈرۈش ئۈچۈن شېرىن سۆزلەرنى قىلىدۇ، ئاياللار مۇھەببەتى ھېس قىلىش ئۈچۈن، مۇنداق سۆزلەرنى ئاڭلاشنى ياخشى كۆرىدۇ؛ ئەرلەر دەرەخكە ئوخشايدۇ، ئاياللار گۈلگە ئوخشايدۇ، ئەرلەر ھەمراھ بولمىسا ئاسانلا سولىشىپ قالىدۇ؛ ئەرلەر دۇنياغا، ئاياللار ئائىلىگە ھۆكۈمرانلىق قىلىدۇ؛ ئائىلە – پاناھ جاي. ئەرلەر كىرىمنى يوشۇرىدۇ، ئاياللار دائىم يېشىنى يوشۇرىدۇ؛ ئەرلەر ماختىنىشقا، ئاياللار ئەركىلىتىشكە ئامراق؛ ئەرلەر ئايالىنىڭ ئۇماق بولۇشىنى، ئايالار ئېرىنىڭ ئىشەنچىلىك بولۇشىنى ئارزۇ قىلىدۇ؛ ئەر ئايالنى ياخشى كۆرسە، يۈرىكى دۈپۈلدەيدۇ، ئايال كىشى ئەر كىشىنى ياخشى كۆرسە، قىزىرىپ كېتىدۇ؛ ئەرنىڭ ئالتۇن ئۈزۈكى ئايالنى بىر مەھەل ئۆزىگە قارىتالايدۇ، ئاياللارنىڭ تەبەسسۇمى ئەرنى بىر ئۆمۈر ئۆزىگە قارىتالايدۇ؛ ئەرلەر ئەمەلىي ۋە  مائاشى ئۆسكەن كۈننى ئۇنتۇپ قالمايدۇ، ئاياللار تۇغۇلغان كۈن ۋە توي قىلغان خاتىرە كۈنىنى ئۇنتۇپ قالمايدۇ. مەنبە: ئىلقۇت تورى [ otkankunlar بۇ يازمىنى  2011-يىلى 1-ئاينىڭ 25-كۈنى 10:44  دە تەھرىرلىگەن. ]

خۇشچىراي

	ئەرلەر ماختىنىشقا، ئاياللار ئەركىلىتىشكە ئامراق؛ بەزى ئەرلەر ھەقىقەتەن بەك ماختىنىشنى ياخشى كۈرىدۇ .

سامسىپەز

	مۇشۇ "خاپىلىق" ئەپەندىم ئەر-ئاياللارنى بەك تەتقىق قىلىدىغان بوپ كەتتى دېسە... ئارىمىزدىكى ھەممە سىرنى ئاشكارىلاپ....      ئەر-خوتۇنچىلىقتا، گېزى كەلگەندە، بىرىمىز گاس، بىرىمىز قارغۇ بولۇپراق ئۆتمىسەك ئۆي ئۆي بولمايدۇ جۇمۇ؟ ھەممىنى بۇنداق ئاشكارىلىۋەتسەك... "ۋاي سېنىڭ بۇنداق دېگىنىڭ مۇنداق دېگىنىڭغۇ؟ بىلمەيدۇ دەمسەن؟؟؟" دەپ ياقا سىقىشىپلا ئۆتمەيلى.... ھى ھى ھى~!

otkankunlar

	سامسىپەز ئەپەندىمنى  تۇرمۇشنىڭ ئەگرى-توقاي يوللېرىدا"خاپىلىق"تارتىپ قالمۇسۇن دەپ،مۇشۇنداق تەربىيىۋى ئەھمىيەتكە ئىگە تېمىلارنى يوللاپ تۇردۇق.....سىز تەتۇر تەپەككۇر قىلسىڭىزلا ئىش پۇتمەمدۇ .