كېسەللىك پەيدا قىلىدىغان تاماق يىيىش ئۇسۇللىرى

خۇشچىراي

	1. ئۇزاق مەزگىل ناشتا قىلمايدىغان كىشىلەرنىڭ ئۆت سۇيۇقلۇقىنىڭ قويۇقلۇق دەرىجىسى ئېشىپ كېتىپ ، خولېستېرىننىڭ يىغىلىپ قېلىشىنى كەلتۈرۈپ چىقىرىدىكەن . نەتىجىدە ئۆتتە تاش پەيدا بولۇش، يۈرەك مۇسكۇل تىقلمىسى كېسىلىگە گىرىپتار بولۇش نىسبىتى يۇقىرى بولىدىكەن.   2. ئۇزاق مەزگىل زوڭزىيىپ ئولتۇرۇپ تاماق يەيدىغان كىشىلەر ئاسانلا ئاشقازان يارىسى كېسىلى بولۇپ قالىدىكەن.   3. دائىم قىززىق تاماق يەيدىغانلار ئاسانلا كېكىردەك ۋە ئاشقازان راكىغا گىرىپتار بولىدىكەن.   4. تاماقنى دائىم تېز يەيدىغان ياكى يۇمشاقراق چايناپ يېمەيدىغانلار ئاسانلا ئاشقازان ياللۇغى، ئاشقازان يارىسى  قاتارلىق كېسەللىكلەرگە گىرىپتار بولىدىكەن.   5. زىيادە تويۇنۇپ تاماق يېيىشكە ئادەتلەنگەنلەر ھەزىم قىلىش ئىقتىدارى ناچارلىشىش نەتىجىسىدە كېلىپ چىققان يۇقىرى قان بېسىم، تاجىسىمان ئارتېرىيىلىك يۈرەك كېسىلى قاتارلىق كېسەللەرگە گىرىپتار بولىدىكەن.   6. ئاز تاماق يەپ ئادەتلەنگەن كىشىلەردە ئوزۇقلۇق يېتىشمەسلىك كۆرۈلىدىكەن.   7. تۇزلۇق تاماق يەپ ئادەتلەنگەنلەر يۇقىرى قان بېسىم كېسەللىكىگە ئاسانلا گىرىپتار بولىدىكەن. ئۇنىڭدىن باشقا تۇزلۇق تاماق يۈرەك، جىگەر، بۆرەك قاتارلىق ئەزالارغىمۇ زىيانلىق ئىكەن.   8. تاتلىق تاماق يەپ ئادەتلەنگەنلەر يۈرەك قان تومۇر كېسەللىكى، سېمىزلىك، دىئابىت كېسەللىكلىرىگە گىرىپتار بولىدىكەن.   9. تاماقنى كەچ يېيىشكە ئادەتلەنگەنلەر ئاسانلا سۈيدۈك يولىغا تاش چۈشۈش، تاجىسىمان ئارتېرىيىلىك يۈرەك كېسىلى، ئۈچەي راكى، سېمىزلىك قاتارلىق كېسەللىكلەرگە گىرىپتار بولىدىكەن. ئادەتتە كەچلىك تاماق يەپ ئۈچ سائەتتىن كېيىن يېتىپ ئۇخلىسا مۇۋاپىق بولىدىكەن. مەنبە: پەن ۋە تۇرمۇش. [ Coffee بۇ يازمىنى  2010-يىلى 12-ئاينىڭ 12-كۈنى 19:43  دە تەھرىرلىگەن. ]

ayqiz

	7. تۇزلۇق تاماق يەپ ئادەتلەنگەنلەر مەن دىققەت قىلسام بولغۇدەك ، ئارانلا تۇرىمەن تاماقنى تۇزلۇق قىلىپ قويغىلى .

خۇشچىراي

	بۇنىڭغا دىققەت قىلمىسا بولمايدۇ زادى ، سىلەرنىڭ يۇرتۇڭلاردا تۇز بەك ئەرزانمىكىن دەيمەن ، ھەممىلا يەردە تۇزلۇقراقلا تاماق .

ayqiz

	خۇشچىراي بۇ يازمىنى 2010-يىلى 12-ئاينىڭ 11-كۈنى 21:15 دە يوللىغان بۇنىڭغا دىققەت قىلمىسا بولمايدۇ زادى ، سىلەرنىڭ يۇرتۇڭلاردا تۇز بەك ئەرزانمىكىن دەيمەن ، ھەممىلا يەردە تۇزل ... بىلىۋاپسىزدە    تۇز زاۋۇتى بار ئەمەسمۇ .

خۇشچىراي

	مۇنداق دەڭە ، مەيلى قايسىلا مىللەت بولسۇن يىگەن تامىقى تۇزلۇقلا ، تېخى ئاچچىقلىقىچۇ ...

جۇلالىق

	6. ئاز تاماق يەپ ئادەتلەنگەن كىشىلەردە ئوزۇقلۇق يېتىشمەسلىك كۆرۈلىدىكەن. ––––––––––––––––––– مەندە بۇ ئادەت بار، بەزى كۈنلىرى بىر ۋاخ تاماق بىلەن كۈن كەچ بولىدۇ.

Jilwe

	ئەتكەن چاينى تۇزسىز ئىچسە تېتىمايدىكەن  ، ئەمما بىزنىڭ ئۆيدىكىلەرنى قان بېسىم يوقۇرى دەپ شۇنداق بۇيرىغان ئامال يوق بىللە ئىچىۋاتىمەن ....

Erkman

	تاماقنى ئاز يېيىش ھەقىقەتەن ياخشى خىسلەت ، ئاز يېگەنگە كېسەل بولۇپ كېتىشى ناتايىن !

قەھۋە

	ھەممىسىلا چوقۇم دىققەت قىلىشقا تىگىشلىك جىددى مەسلىكەن. تاماقنىڭ تۇزى تېتىپ كەلمىسە يېگۈسى كەلمىگەن كىشىنىڭ.

danix

	مەن ئادەتتە ئەتگەندە ناشتا قىلمايتىم ، بولۇپمۇ مەكتەپتە ئوقۇغان مەزگىللەردە بىر ئىكىكى ئاي ناشتا قىلغاندىمەن ، دىقەت قىلسام بولغىدەك . تاماقنى قىززىق يىيىش دەرىجىسى قانچىلىك بولا ؟ ئادەتتە ئادەمنىڭ ئاغزى كۆيمىگىدەك دەرىجىدە بولسا بولامۇ ؟!