بۇرۇت كاشىلىسى

جۇلالىق

	ئابدۇقادىر جالالىدىن ئادىشاۋوي نېمە بولدۇڭلار؟ - نېمە بوپتىمەن؟ - چىرايىڭ باشقىچە تۇرىدىغۇ، ئۇتتۇرىۋەتكەن قىمارۋازدەك؟ ئايالىڭ خېتىڭنى بېرىۋەتمىگەندۇ؟ - تولا چاقچاق قىلمىغىنە؟ «ئىشەك ئۆلۈۋاتسا، بىر نېمىسى غىجەك تارتىپتۇ» دېگەندەك؟ - ئەمىسە نېمە بولدۇڭ؟ - نېمە بولاتتىم؟ بۈگۈن ماۋۇ باشلىق دېگەن ئاداش «بۇرۇتۇڭنى ئالدۇرماپسەن، 100 كوي جەرىمانە تۆلەيسەن، ماۋۇ بۇرۇتۇڭنى دەرھال يوقاتمىساڭ جەرىمانە يەنە قاتلىنىدۇ» دەيدۇ! - شۇ گەپمىتى؟ ئېلىۋەتسەڭ بولمامدۇ، ھەممەيلەن ئالدۇرىۋەتكەندىكىن؟ - نېمە دەيدىغاندۇ ماۋۇ؟ يىگىرمە نەچچە يىللىق قەدىناس بۇرۇت ماۋۇ! ئەر كىشى دېگەننىڭ بۇرۇتى بولمىسا ئاجايىپلا بولۇپ قالىدىكەن. ئۇنىڭ ئۈستىگە ئۇيغۇر ئەركەكلىرىنىڭ بۇرۇت قويۇش ئادىتى بارلىقىنى پۈتۈن دۇنيا بىلىدىغان تۇرسا. ئىدىيە دەمدۇ، خىزمەت دەمدۇ ھەرقاندىقىدا بىزدە چاتاق يوق. يەنە نېمىگە ... بولدىلا ساڭىمۇ چۈشەندۈرۈپ بولالمىغۇدەكمەن. - قانچە قاقشىساڭمۇ بىكار ئاداش، بۇ دېگەن يۇقۇرىنىڭ بۇيرىقى ئىكەن. ئىجرا قىلمىساق بولمايدۇ. - ھوي، يۇقىرى دېگەن قەيەر؟ ئۇ يەردىمۇ بىزدەكلەر باردۇ؟ - ھا ھا ھا ، يۇقۇرىنىمۇ بىلمەمسەن؟ يۇقۇرى دېگەن ئۈرۈمچى. - ئۈرۈمچى؟ ئۈرۈمچىدىمۇ بىز بىلەن بىر يەرلىك ئادەملەر كۆپقۇ؟ مۇشۇنداق بۇيرۇقنى شۇلار چۈشۈرەمدۇ؟ ئۇ يەردىكى ئەرلەرنىڭ ھەممىسى ئەتىر سوپۇندەك يۈرمەيدىغاندۇ؟ - دەل شۇنداق يۈرۈيدۇ. دەنشىدە (تېلېۋىزور) كۆرمىگەنمىتىڭ؟ زاماننىڭ كەينىدە قاپسەن جۇمۇ؟ - بولدى، بولدى. سەن بىلەن ئۇرۇشۇپ قالماي يەنە. ئاچچىقىمنى ئاران بېسىۋېلىپ ئۆيگە كەلدىم. ئۆيدىكىلەرنىڭ گەپلىرىمۇ قۇلىقىمغا كىرمەيتتى. ئۆزەمنى بېسىۋېلىش ئۈچۈن تېلېۋىزۇرنى ئاچسام بىر ئاداش «خوتۇن مانا ساڭا ئوسما ئالغاچ كەلدىم» دەۋېتىپتۇ. قارىسام يۈزى پاكىز يۇيۇلغان ياڭيۇدەكلا تۇرىدۇ، يەنە بىر قانالغا يۆتكىسەم بىرسى ھەدەپ خەۋەر سۆزلەۋېتىپتۇ، يەنە بىرسىگە يۆتكىسەم ئاپتونۇم رايۇنىمىزنىڭ ئۆرپ-ئادەت ۋە ئېسىل ئەنئەنىلىرىنى تۇنۇشتۇرىۋېتىپتۇ، يەنە بىرسىگە يۆتكىسەم ئىتوت ئويناۋېتىپتۇ... ھەممىسى ياڭيۇكەن ئەمەسمۇ! تېلېۋىزورنى «پاسسىدە ئۆچۈردۈم-دە ئاچچىقىمدا ساتراشخانىغا ماڭدىم. ئىچىمدە « ئۈرۈمچىدە ئەر كشى يوقمۇ نېمە؟ » پىچىرلىدىم ئۆز-ئۆزۈمگە. جۇلالىق: بۇرۇن ياقتۇرۇپ ساقلىۋالغان ئەسەر.

خۇشچىراي

	بۇرۇت ماجراسى دەپ ئاڭلىغاندەك قىلىۋىدىم ؟

ayqiz

	2005 - يىلى ئىنىممۇ شۇنداق يارىشىملىق بۇرۇتنى خىزمەتكە تېگىشكەن ئىدى . (تاس قالغان شۇ بۇرۇت سەۋەنلىك خىزمەتكە قوبۇل قىلىنماي قالغىلى )

ketmenbay

	ساقال-بۇرۇتۇم ئۆسۈپ قالغان كۈنلەردە، ئۇيغۇر باشلىقىم ماڭا «كۆڭۈل بۆلۈپ» تۇرىدۇ. خەنسۇ باشلىقىمغۇ ھازىرغىچە «ساقال-بۇرۇتۇڭنى نىمىشقا ئۆستۈرۈۋالدىڭ؟» دەپ باقمىدى. بەلكىم، ئۇيغۇر باشلىقىم «كۆڭۈل بۆلۈۋاتقاندىكىن»، خەنسۇ باشلىقىم خاتىرىجەم بولغان چىغىۋا؟ مۇشۇ ساقال-بۇرۇتنىڭ بىزدىكى خۇدۇكسىرەشكە، ئەنسىزچىلىككە سەۋەپ بولۇپ قالغىنىغا ھەيرانمەن؟؟؟

saltanat

	مۇشۇ بۇرۇتنىڭ خىزمەت بىلەن نېمە مۇناسۋېتى بار دىسەم ، مەن يوقتە جاھاندا،،توۋۋا! بەزى يەرلەردە تېخى "بۇرتىڭنى ئېلۋەتمىسەڭ ئۇنۋان ئالالمايسەن" دەيدىغان ئاجايىپ قائىدە- پىرىنسىپلار باركەن،،،توۋۋا!