2010 – يىللىق 10 چوڭ Blog قا بېلەت تاشلاڭ!

جۇلالىق

	ئۇدا 1 ئايغا سوزۇلغان << 2010 – يىللىق 10 چوڭ بلوگ >> قا نامزات كۆرسىتىش باسقۇچى ۋە تولۇق 10 كۈن سەرپ قىلىنغان كۆرسىتىلگەن بلوگلارنى ئۆلچەملەر بويىچە نومۇر قويۇپ، باھالاپ رەتكە تۇرغۇزۇشلار ئاخىرلىشىپ، ئەڭ ئاخىرىدا 20 بلوگ تاللىۋېلىنىپ، 2010 – يىللىق 10 چوڭ بلوگنى بېلەت تاشلاپ بېكىتىشكە رەسمىي نامزات قىلىپ تۇرغۇزۇلدى. 12 – ئاينىڭ 9 – كۈنى يەنى بۈگۈندىن باشلاپ بۇ 20 بلوگقا بېلەت تاشلاپ ، 10 چوڭ بلوگنى تاللاش پائالىيىتى رەسمىي باشلاندى. بۇ 20 نامزات بلوگنى بېلەت تاشلاش قاتارىغا تىزىشتا، بلوگلارنىڭ باھالىغۇچىلار تەرىپىدىن ئېرىشكەن نومۇرىنىڭ يۇقىرىسىدىن تۆۋەنگە قاراپ قاراپ تىزىلدى. بېلەت تاشلاشتا دىققەت قىلىشقا تېگىشلىك ئىشلار :1. بېلەت تاشلاش ۋاقتى : جەمئىي 22 كۈن ( 9- دېكابىردىن 31 دېكابىرغىچە ) بولۇپ ، بېلەت تاشلاش پەقەت ۋە پەقەت يۈكسەل بلوگىدا ئېلىپ بېرىلىدۇ. 2. بىر ئادەم پەقەت بىر قېتىم بېلەت تاشلىسىلا بولىدۇ. شۇ بىر قېتىملىق بېلەت تاشلاشتا جەمئىي 10 بلوگقا بىرلا ۋاقىتتا بېلەت تاشلاشقا بولىدۇ. 3. بېلەت تاشلاشتىن ئاۋۋال تۆۋەندىكى تىزىملىك ئارقىلىق نامزات بلوگلار بىلەن تونۇشۇپ، قالدۇرۇلغان ئۇلانما مەنزىلى ئارقىلىق زىيارەت قىلىپ كۆرۈپ، بىر قەدەر ئەستايىدىل پوزىتسىيىدە بېلەت تاشلاشنى تەۋسىيە قىلىمىز! 4. ئەڭ ئاخىرقى نەتىجە بېلەت تاشلاش تامام بولغان ھامان خۇلاسە قىلىنىپ، يېڭى يىل كۈنى رەسمىي ئېلان قىلىنىدۇ. 5. بېلەت تاشلاش ئورنى :  يۈكسەل بلوگ ئوڭ ئاسما بۆلەك << راي سىناش كۆزنىكى >> دە. ( مەشغۇلات تولىمۇ ئاددىي بولۇپ، بېلەت تاشلىماقچى بولغان بلوگ ئىسمى يېنىدىكى كاتەكچىنى يېنىككىدە بىر چېكىپ تاللاپ، ئەڭ ئاستىدىكى بېلەت تاشلاش دېگەننى بېسىپ قويساقلا كۇپايە! ) . 6. بېلەت تاشلاشتا تورداشلار سەمىمىي ، ھەققانىي ، ئادىل بولۇشى كېرەك. پەقەت بىر قېتىم بېلەت تاشلاشقا بولىدۇ . ھەرگىز تەكرار بېلەت تاشلاشقا بولمايدۇ. بىز 2008 – يىلى بېلەت تاشلاش جەريانىدىكى ساۋاقلارنى يەكۈنلەپ ، بۇ قېتىم بېلەت تاشلىغۇچىنىڭ IP سى، جۇغراپيىلىك ئورنى، بېلەت تاشلىغان ۋاقتى قاتارلىق بارلىق ئۇچۇرلارنى خاتىرىلەپ قالدۇرۇشتەك ئىقتىدارى كۈچلۈك ، ساختا بېلەت تاشلاشقا قارشى تۇرۇش ئىقتىدارى ئەڭ ياخشى بولغان بېلەت تاشلاش قورالىنى ئىشلەتتۇق. بېلەت تاشلاش جەريانىنى تېخنىكىلىق جەھەتتىن بىلىك تورىدىكى كۆك كەپتەر، نۇرقۇت ئەترىتىدىكى نۇرقۇت، شىنجاڭ كومپيۇتېر ھەۋەسكارلىرى گۇرۇپپىسىدىن قىسمەت قاتارلىق ھەيئەتلەر نازارەت قىلىپ تۇرىدۇ. ساختىلىق بايقالغان ھامان بلوگ ئىسمىنى ئاتاپ ئەلگە سازايى قىلىپ، نامزاتلىق ھوقۇقى شۇ ھامان ئېلىپ تاشلىنىدۇ ( ئالاھىدە ئەسكەرتىش بېرىلدى ). 2010 – يىللىق 10 چوڭ بلوگنى باھالاش گۇرۇپپىسىدىكى ھەيئەتلەر شىنجاڭ كومپيۇتېر ھەۋەسكارلىرى گۇرۇپپىسىدىن قىسمەت ئەپەندى. شىنجاڭ ئىزباسار ئۇنىۋېرسال تور بېكىتىدىن ئىزباسار ئەپەندى. بىلىك تورى ۋە كۆك كەپتەر بلوگىدىن كۆك كەپتەر ئەپەندى. نۇرقۇت دۇنياسى – نۇرقۇت ئەترىتىدىن نۇرقۇت ئەپەندى. بەكتۇر ئېنگلىز تىلى كۇلۇبىدىن بەكتۇر ئەپەندى. يەتتە قىزلىرىم تورىدىن جۇلالىق (قىز). يۈكسەل بلوگىدىن كەمىنە يۈكسەل. 10 چوڭ بلوگقا نامزات قىلىنغان بلوگلار بلوگ ئىسمى ۋە مەنزىلى ئومۇمىي ئېرىشكەن نومۇرى 1 تەدبىركار بلوگى www.tedbirkar.net 191.5 2 80خالتا بلوگى www.80halta.com 189 3 تورخۇمار www.torhumar.com 185 4 ئۇيغۇربەگ بلوگى www.uyghurbeg.net 184 5 جېك بلوگى www.jeckblog.com 175 6 ئابدۇرېشىت ئېلى ئەدەبىيات بلۇگى abdurxiteli.blogbus.com 172 7 ئىلقۇت بلوگى ئادرىسى blog.ilqut.com 171 8 ئۆركەش بلوگى www.orkax.net 163 9 شاھ ئۇيغۇر بلوگى shah.blogbus.com 160 10 ئابرال ئېلكىتاپ بىلوگى. ilkitap.blogbus.com 160 11 تارىم بلوگى tarim68.blogbus.com 158 12 ئىلىم-پەن بىلوگ www.ilimpen.com 148 13 باي دادام تور خاتىرىسى baydadam.blogbus.com 143 14 ۋۇلقان ئەمگەك سۇغۇرتا بىلوگى tanhaburkut.blogbus.com 138 15 تارىمى تور خاتىرىسى tarimi.blogbus.com 138 16 تەكلىماكان بلوگ baliq.blogbus.com 138 17 چەۋەندازلار بلوگى qawandazlar.blogbus.com 137 18 ئايشەم بلوگى ئادرېسى www.ayxam.com 136 19 ھونزادە تارىخ بلوگى honzada.blogbus.com 135 20 بىلىم-كۈچ بلوگى bilim-kuq.blogbus.com 134 مەزكۇر پائالىيەتنى ماددىي جەھەتتىن قوللىغان ئورۇنلار شىنجاڭ ئەلدوست بىئو تېخنىكا تەرەققىيات چەكلىك شىركىتى «ئىزچى» خۇرۇم ئاياقلىرى باش شىركىتى ئۈرۈمچى ئەقلىم خەلقئارا سودا چەكلىك شىركىتى XJCFAN شىنجاڭ كومپيۇتېر ھەۋەسكارلىرى گۇرۇپپىسى قەشقەر 80 خالتا ئۇيغۇر تېبابەت چاي ، ھەسەل دۇكىنى 890 ئېلان بىرلەشمىسى يۇقارقى ئورۇنلارنىڭ ئۈزۈپ چىققان 10 چوڭ Blog نى زادى قانداق مۇكاپاتلايدىغانلىقىنى بىلمەكچى بولسىڭىز ، ماۋۇ ‹‹2010 – يىللىق 10 چوڭ Blog نى باھالاش ئۆلچىمى ۋە باشقىلار ›› تېمىسىغا نەزەر سېلىڭ! يۈكسەل بلوگىدىكى يازما مەنزىلى: http://www.yuksel.me/1141.html جۇلالىق: ئۇيغۇر بلوگگىرچىلىقىنى قوللاش يۈزىسىدىن بلوگلارغا بېلەت تاشلاپ قويۇڭلار.

خۇشچىراي

	ھەممە بىلوگلارنى تەپسىلىي كۈرۈپ چىققاندىن كىيىن ، بىر نىمە دىسەك بولغۇدەك .

قەھۋە

	راست، تەپسىلى كۆرۈپ چىقىپ ئاندىن بېلەت تاشلايلى!