ئۈچ خىل تەسەللى

جۇلالىق

	ئۈچ خىل تەسەللى تۇرسۇن تۇردى بىر ئامېرىكىلىق، بىر فىرانسىيىلىك، بىر گېرمانىيىلىك بىلەن نەسىرىددىن ئەپەندى پويىزدا سەپەرداش بوپقاپتۇ.ئۇلار تاغدىن-باغدىن پاراڭلىشىپ ئولتۇرغاندا ئامېرىكىلىق: ــ قوشنامنىڭ بىر قېتىملىق كۆز ئوپىراتسىيىسىدە ئىككىلا كۆز كۆرمەس بوپقالغان. بىر كۈنى ئۇ ھاسا تايىقى بىلەن پىيادىلەر يولىنىڭ گىرۋىكىگە ياتقۇزۇلغان سېمۇنت تاختىنى ياقىلاپ تىمىسىقىلاپ كېتىۋاتقاندا، توساتتىن كونتىروللىقىنى يوقاتقان بىر تاكسى يولدىن قاڭقىپ چىقىپ ئۇنى سوقۇپ، ئىككى پۇتىدىنمۇ ئايرىۋەتتى. لېكىن ئۇ بۇ كېلىشمەسلىككە پىسەنت قىلماي قەيسەرلىك بىلەن ياشاپ كەلگەن ئىدى. ئۇ ئۆزىگە ئىچ ئاغرىتقۇچىلارغا  گەرچە مەن كۆزۈم بىلەن پۇتۇمدىن ئايرىلغان بولساممۇ، لېكىن ئىككى قولۇم ساق، بىر ئامال قىلىپ ياشىيالايمەن دەيتتى. بىراق تەقدىر ئۇنىڭغا يەنە بىر قېتىم رەھىمسىزلەرچە  چاقچاق  قىلدى. ئامېرىكىنىڭ ئورلېئان شىتاتىغا ھۇجۇم قىلغان قارا بوران كاترىننا  ئۇنىڭ ئىككى قولىنىمۇ كاردىن چىقاردى... ئويلاپ بېقىڭلار› ئۇنىڭ ئەمدى ئۈمۈدلەنگىدەك نېمىسى قالدى؟ــ دەپ سۆزلەپ كېلىپ يىغلاپ ساپتۇ. ــ كۆڭلىڭىزنى بۇزماڭ،ــ دەپتۇ فىرانسىيىلىك ئامېرىكىلىققا تەسەللى بېرىپ،ــ گېپىڭىزدىن قارىغان ئۇ بالىنىڭ تېخى كاللىسى ساقكەن، ئۇنىڭ ئۈستىگە بەكمۇ قەيسەركەن. شۇڭا ئۇ كاللىسىدىكى ئوي-خىياللىرى، تەپەككۇر-تەسەۋۋۇرىغا تايىنىپمۇ يەنىلا ھاياتتىن مەنە تاپالايدۇ. ــ خيالىي دۇنيادا ياشىغاننىڭ نېمە ئەھمىيىتى؟ ــ دەپتۇ گېرمانىيىلىك فىرانسىيىلىكنىڭ قارشىنى كەسكىن رەت قىلىپ، ــ ئەڭ ياخشىسى، ئۇنىڭ مېيىپ بولغان ئەزالىرىنى ئوپىراتسىيە قىلىپ ئەسلىگە كەلتۈرۈش كېرەك! ــ ھېي ئاغىنىلەر، ئۇ بىچارىنىڭ ئارانلا قالغان جېنىنى قىيناپ نېمە قىلىسىلەر دەيمەن؟ ــ دەپتۇ ئەپەندىم دېمىقىنى قېقىپ، ــ مەن دەپ قوياي، ئوپىراتسىيىگىمۇ ئاز پۇل كەتمەيدۇ جۇما! ئۇنىڭدىن كۆرە، ئۇ بىچارىنى ماڭىلا تاپشۇرۇپ بېرىڭلار. مەن ئۇنى ئۈرۈمچىگىلا ئېپكېتەي. ئۈرۈمچىگە بارسا ئوپىراتسىيىنىڭ پۇلىمۇ ھەل بولىدۇ ھەم ئۆزىمۇ بەگزادىلەردەك باياشات تۇرمۇشقا ئېرىشىدۇ! ــ نېمىدەپ يۈرىدىغانسىز بۇرادەر، ــ دەپتۇ ئامېرىكىلىق تەئەججۈپلىنىپ، ــ سىز ئۇنى قانداق قىلىپ بەگزادىلەردەك تۇرمۇشقا ئېرىشتۈرمەكچىسىز؟ ــ ماڭا ئىشىنىڭ دەيمەن، ــ دەپتۇ ئەپەندىم ئالقىنىنى بىر-بىرىگە سۈركىگىنىچە ئېڭىكىنى تاسقاپ تۇرۇپ، ــ ئۇنىڭدەك كاللىسىلا ئامان قالغان مېيىپلارنى ئۈرۈمچىنىڭ  خەلقئارا چوڭ بازار›› دېگەن يېرىگە ئاپىرىپ تىلەمچىلىككە سالىدىغان بولساق ــ زە، ۋاھ - ۋاھ - ۋاھ! پۇل-پىچەككە كۆمۈلۈپ كېتىدۇ دەيمەن!... شىنجاڭ مەدەنىيىتى ژۇرنىلى. مەشغۇلاتتا: جۇلالىق.

خەندان

	ــ ئۇنىڭدەك كاللىسىلا ئامان قالغان مېيىپلارنى ئۈرۈمچىنىڭ  خەلقئارا چوڭ بازار›› دېگەن يېرىگە ئاپىرىپ تىلەمچىلىككە سالىدىغان بولساق ــ زە، ۋاھ - ۋاھ - ۋاھ! پۇل-پىچەككە كۆمۈلۈپ كېتىدۇ دەيمەن!... نىمىدىگەن ئاچچىق كىنايە بۇ

Aydar

	نەسىردىن ئەپەندىنىڭ شەنىگە قىلىنغان ھاقارەت بوپتۇ.

saye

	راستىنى ئېيتسام شىنجاڭ مەدەنىيىتى ژورنىلى قۇبۇل قىلىدىغان ئەسەرلەرگە بولغان چەكنى كۈچەيتىشى كېرەك ئىكەن. ئازراقمۇ ھۇزۇرلانمىدىم. ھازىرقى ھېسياتىم يۇمۇرغىمۇ تەۋە ئەمەس، ئەپەندىمنىڭمۇ كىنايىسىگە تەۋە ئەمەس، مۇجمەللا بىرخىل ھېسيات !

جۇلالىق

	بۇ تېمىدا ئىپادىلىمەكچى بولغىنى بىزدىكى ساپا مەسىلىسى. باش پىرسۇناژغا ئەپەندىمنى ئالماي يازسىمۇ بولار ئىكەن.