ھىندىستان ئاياللىرى نېمىشقا بۇرۇن ھالقىسى تاقايدۇ؟

جۇلالىق

	ئادەم بىلەن ئادەم ، رايون بىلەن رايون ئوخشىمايدۇ. تىنىچ ئوكياننىڭ قىرغىقىدىكى جۇڭگو بىلەن ھىندى ئوكياننىڭ قىرغىقىدىكى ھىندىستان گەرچە تاغ دەريالىرى تۇتاشقان بولسىمۇ، لېكىن مەدەنىيەت، ئۆرپ - ئادەتلىرىدە ناھايىتى زور پەرىقلەر مەۋجۇت. ھىندىستان كىنولىرىنى كۆرگەن ئادەم چوقۇم ھىندىستاننىڭ قاش- كۆزلىرى تۆكۈلۈپ تۇرىدىغان قىزلىرى، ئادەمنىڭ ئەقلىنى ئالىدىغان ناخشا - ئۇسۇللىرى ۋە ئاجايىپ ياسىنىش ئۇسۇللىرىغا مەھلىيا بولماي قالمايدۇ، بولۇپمۇ ھىندى ئاياللىرىنىڭ بۇرۇن ھالقىسى تېخىمۇ شۇنداق. بۇرۇن ھالقىسى ، قۇلاق ھالقىسى قاتارلىقلارنى تاقاش ئەسلى ئەرەب دۆلەتلىرىدىن تارقالغان مەدەنىيەت ھادىسسى بولۇپ، بۇ ھالقىلار بۇرۇن، ئۆزىگە تەۋە بولغان ھايۋان، ئۇلاق قارىلارغا بەلگە سېلىش ئۈچۈن ئىشلىتىلگەن. ئويلىمىغان يەردىن ھىندىستان ئەرلىرى بۇ خىل ئادەتتىن ناھايىتى ئۈنۈملۈك پايدىلانغان، ئۇلار ئۆزلىرىنىڭ ئاياللىرىنىڭ بۇرنىغا ھالقا تاقاشنى يولغا قويغان. بۇ خىل ئادەت ھازىرغا قەدەر داۋاملىشىپ، ھازىر بۇرۇن ھالقىسى توي قىلىپ بولغان ھىندىستان ئاياللىرىنىڭ بەلگىسىگە ئايلاندى. دەرۋەقە، ھىندىستان ئاياللىرى زىبۇ - زىننەتكە ئالاھىدە ئىتىبار بېرىدۇ. ھەممىسى دىگۈدەك ھالقا، زەنجىر، بىلەيزۈك، ئۈزۈك ۋە باشقا كۆكرەك قىسىم ، پۇتقا تاقايدىغان ھەر خىل زىننەت بويۇملىرىنى ئىشلىتىدۇ. بۇ قەدىمىي دۆلەت ئاياللارنىڭ زىننەت بويۇملىرىغا ئالاھىدە ئەھمىيەت بەرگەن، ئۇلار: <<زىبۇ - زىننەت بىر ئايال تۇرمۇشىنىڭ يېرىمى>> دەپ قارايدۇ. ھىندىستان ئاياللىرىنىڭ بۇرۇن ھالقىسى تاقىشى بىر خىل ئالاھىدە مىللىي مەدەنىيەت بولۇپ، بۇنى تاقاش ئارقىلىق ئۆزىنىڭ توي قىلىپ بولغان ياكى بولمىغانلىقىنى ئىپادىلەيدۇ. كېلىش مەنبەسى: ئەلكۈيى خەۋەر قانىلى.

سامسىپەز

	بۇرنىدا ھالقىسى بارلىرى ــ باشقىلار چۈلۈك ئۆتكۈزۈپ بولغــــــان دېگەن گەپكەندە...

جۇلالىق

	سامسىپەز بۇ يازمىنى 2010-يىلى 12-ئاينىڭ 10-كۈنى 17:07 دە يوللىغان بۇرنىدا ھالقىسى بارلىرى ــ باشقىلار چۈلۈك ئۆتكۈزۈپ بولغــــــان دېگەن گەپكەندە... ما گەپنىڭ سەتلىكىنى كۆرۈڭ.

ayqiz

	ھىندىستان ئاياللىرىنىڭ بۇرۇن ھالقىسى تاقىشى بىر خىل ئالاھىدە مىللىي مەدەنىيەت بولۇپ، بۇنى تاقاش ئارقىلىق ئۆزىنىڭ توي قىلىپ بولغان ياكى بولمىغانلىقىنى ئىپادىلەيدۇ. ئەسلى مۇنداق ئىكەندە ، رەھمەت جۇلالىق !

خۇشچىراي

	توۋا ، مەن تېخى بۇنى باشقا زىبۇ زىننەتلىرىگە ئوخشاشلا گۈزەللىك ئۈچۈن دەپتىمەن ، ئۇلارنىڭ پىشانىسىگە چىكىۋالىدىغان بەلگىسى بار تۇرۇپ يەنە نىمە بۇنداق ئالاھىدە بەلگە سېلىپ يۈرۈيدىكىنە ؟