ياغلىق قاپاق

جۇلالىق

	ياغلىق قاپاق ئابلىزئىبراھىم دولان ــ ئاداش بولدى قىلايلىچۇ، ئۆيدە ئادەم بار ئىكەن، ئېغىلغا كىرىپ قويلارنى سۆرەشتۈرۈپ يۈرسەك تۇتۇلۇپ قالغىدەكمىز. ــ ئەخمەق، نېمىدىن قورقىسەن، خاتىرجەم بول. پەم بىلەن كىرىپ گاچچىدە ئوغرىلاپ چىقىمىز. سېزىلىپ قالساقمۇ، بۇ ئۆينىڭ ئىگىسىمۇ ئاتالغان ئوغرى بولغاندىكىن، ھېچكىم ئۇنىڭ گېپىگە ئىشەنمەيدۇ. ــ بىراق، بۇ ئۆينىڭ ئىگىسى يامان ئىشتىن قول ئۈزۈپ ياخشى ئادەم بولغىلى خېلى ئۇزۇن بولدىغۇ؟ ــ ھا،ھا،ھا... كاللاڭ ئىشلىمەيدىكەن ئاغىنە سېنىڭ. ئۇ ئۆزگىرىپ پەرىشتە بوپ كەتكەن تەقدىردىمۇ،‹‹ساراڭ ساقايماس، قارا قازان ئاقارماس›› دېگەندەك، بەرىبىر كىشىلەر ئۇنىڭغا ئىشەنمەيدۇ. قوي ئىگىسى ئەتتىگەندە ئۈچ قويىنىڭ ئوغرىلانغانلىقى ھەققىدە ساقچىغا دېلو مەلۇم قىلدى. ساقچىلار ئەھۋال ئىگىلەشكە كىرىشتى: ــ قويلىرىڭ قاچان ئوغرىلاندى، گۇمانىڭ بارمۇ؟ ــ تۈنۈگۈن ئاخشام تەڭ كېچىدە ھويلامدا ئىككى ئادەمنىڭ شەپىسى ئاڭلانغاندەك قىلدى، غەپلەت بېسىپ ئۇخلاۋېرىپتىمەن. ئەتىگەن قارىسام قويلار يوق تۇرىدۇ. مېنىڭچە، قويلىرىمنى مەھەللىدىكى ئەمەت ئوغرى بىلەن سەمەت ئوغرى ئوغرىلىدىمىكىن دەيمەن. ــ ئوبدانراق ئويلىنىپ كۆر، باشقىلارغا قارا چاپلىساڭ جازالىنىسەن جۇمۇ؟ ــ چوقۇم ئاشۇ ئىككىسى، بولمىسا، كىم ئوغرىلايدۇ؟ ــ خەقتىن بىھۇدە گۇمان قىلما. ئۆزۈڭچە قاغىدىن ئاق، سېغىزخاندىن ساق››ئوخشىمامسەن؟ بۇنداق گەپلىرىڭگە كىممۇ ئىشىنىدۇ؟ ۋاقتى-سائىتى كېپقالسا ئوغرىمۇ ئوغرىلىغىلى ھېچ نەرسە تاپالمىسا ، ئۆزىنىڭكىنى ئوغرىلايمىش. شۇڭا سەنمۇ ئۆزۈڭنىڭكىنى ئۆزۈڭ...؟ شىنجاڭ مەدەنىيىتى ژۇرنىلى. 2010-يىل 1-سان. مەشغۇلاتتا: جۇلالىق.

saye

	"جىگدە ياغىچى بادىر بولماس،  دېھقان بالىسى كادىر بولماس" دىگەندەكلا گەپ قىلىپتىغۇ... ئەمما ما ماتېمىدىكى ئاساسىي ئىدىيىۋى مەسىلە ئوغرى ئاتالغان كىشىنىڭ ياغلىق قاپاق بولغىنىدىن بەكرەك، خىزمەتتە پاراسەتسىز، ھاماقەت ھىسابلىنىپ قالغان ساقچىغا بەكرەك تاقىلىپ قالىدىكەن ھە.

قەھۋە

	ياغلىق قاپاقنىڭ ھامان ياغلىق قاپاق بولىدىغىنى راست. ئەمما بەزى ياغلىق قاپاقلار راستىنلا پاكىزە قاپاققا ئۆزگىرەلەيدۇ. ئەمما بۇ تېمىدىكى ساقچى قانداق ساقچى بولۇپ قالدىكىنە؟!...

saye

	ساقچىدىمۇ بەك مەسىلە يوق، پەقەت قەلەمنىڭ ئىشى، ئابلىز ئىبراھىم دولان ئاكىمىز نىمىنى خىيال قىلىپ قالدىكىنە. قەلەم نىشانى ئىپادىلەشكە تىگىشلىك نۇقتىدىن ئېغىپ كېتىپ قاپتۇ ئەمەسمۇ.

نالەن

	قەھۋە ھازىر بەزىلەرنىڭ ھازىرقى ئىش ئورۇنلىرىغا قانداق قىلىپ كىرىپ قالغانلىقىنى بىلىش بەكلا تەس، قارىسىڭىز زادىلا ماس كەلمىگەن، قوساقتىكى ئوماچمۇ چاغلىق ئەمما مۇھىم ئورۇنلاردا غىيداراپ يۈرگەن

saye

	تورداشلارنىڭ پىكىر نىشانى "ياغلىق قاپاق"تىن ئەسەردىكى قوشۇمچە پىرسۇناژ ساقچىغا ئۆتتى دىگەنلىك، بۇ ئەسەر ئىپادىلەش جەھەتتىن مەغلۇب بولغاندەك تەسىر بېرىدۇ. بۇ پېقىرنىڭ شەخسىي كۆز قارىشى. مەزكۇر تور بېكەتكە ۋەكىللىك قىلمايدۇ.

زەپەر

	بۇ ئەسەر  بۇ بېكەتكە ۋەكىللىك قىلماس سايە ئەپەندىم

saye

	ئەسەر ۋە تورداشلارنىڭ ئىنكاسلىرى مەزكۇر تور بېكەتكە ۋەكىللىك قىلمايدۇ. كەمىنىمۇ شۇنى ئەسكەرتتىم. ئەگەردە بىرەيلەن مېنىڭ ئىنكاسىمنى كۆرۈپ،" يەتتە قىز مۇنبىرى"  ئەسىرىم توغرىلىق مۇنداق دەپتۇ دەپ قانۇن جەھەتتىن مەنپەئەت قوغداپ قالسا، كەمىنىنىڭ ئىنكاسى پەقەت شەخسنىڭ كۆز قارىشى بولۇپ، مەزكۇر تور بېكەتكە ۋەكىللىك قىلمايدۇ. ھەر قانداق مەسئۇلىيەت بولسا ئۆزۈمنىڭ ئىنكاسىغا قارىتا ئۆزۈم ئىگە بولىمەن. " يەتتە قىز مۇنبىرى"نىڭ مەسئۇلىيىتى بولمايدۇ دىگەنلىك بولىدۇ. زەپەر ئۇستام چۈشەندىلىمۇ؟

anar

	بىزنىڭ ئۆيدە بارتى قاپاقتىن بىرى ...ئاتايىن ماي قۇيۇپ ئاندىن تازا پاكىزە يۇيۇپ سۇ قۇيۇپمۇ سىناپ باقتىم ، ياغ پېتى تۇرىۋەمەيدىكەن ...ئابلىز ئاكىمىزنىڭ ئۆيى نەدە ؟

جۇلالىق

	تېمىدا ئېيتىپ ئۆتكەندەك ياغلىق قاپاقنىڭ ئەسلى ھالىتىدىكى پاكىز قاپاق بولمىقى تەس. نۇرغۇنلىغان ياغلىق قاپاقلار پاكىز قاپاق بولالايدۇ، يەنە نۇرغۇنلىرى ئۆز پېتى. ئابلىز ئىبراھىم ئاكىمىز ياغلىق قاپاق بىلەن ساقچى ھەر ئىككىسىگە بىشارەت بەرگەندەك.