سالامەتلىككە پايدىلىق سەككىز خىل ھەرىكەت

دىلەيسەم

	كۈندە پېشانىنى ئوڭ-سول، يۇقىرى -تۆۋەن يۆنىلىشتە 50 قېتىمدىن سىلاپ بەرسە چوڭ مېڭە سەگەكلىشىپ، قورۇق پەيدا بولۇشنىڭ ئالدىنى ئالغىلى بولىدۇ. 　　ھەر كۈنى قولنىڭ دۈمبە ئالقىنىنى بىر-بىرىگە 50 قېتىمدىن قول قىزارغىچە سۈركىسە، چوڭ مېڭە ۋە بەدەننى جانلاندۇرۇپ، قولنىڭ ئىلاستىكىلىقى، سوغۇققا تاقابىل تۇرۇش كۈچىنى ئاشۇرۇپ، قولنىڭ قېرىشىنى كېچىكتۈرگىلى بولىدۇ. 　　ھەر كۈنى ئىككى قولنىڭ بىگىز بارمىقى ئارقىلىق قاڭشارنىڭ ئىككى تەرىپىنى ئۇۋۇلاپ بەرگەندە دىماقنى راۋانلاشتۇرۇپ، زۇكام ۋە بۇرۇن ياللۇغىنىڭ ئالدىنى ئالغىلى بولىدۇ. 　　ھەر كۈنى قۇلاقنى يۇقىرى-تۆۋەن يۆنىلىشتە 50 قېتىم ئۇۋۇلاپ بەرگەندە، قۇلاقتىكى پەللىلەرنى غىدىقلاپ، سالامەتلىكنى ياخشىلىغىلى ھەمدە ئاڭلاش ئىقتىدارىنى يۇقىرى كۆتۈرگىلى بولىدۇ. 　　ھەر كۈنى ئوڭ ۋە سول بېقىننى 50 قېتىمدىن ئۇۋۇلىسا ۋە دائىم كۆكرەكنى ئۇۋۇلاپ بەرسە، يۈرەكنى تىنچلاندۇرۇپ، ئىممۇنىتېت كۈچىنى ئاشۇرغىلى بولىدۇ. 　　ھەر كۈنى قورساقنى 50 قېتىمدىن ئۇۋۇلاپ بەرگەندە، ھەزىم قىلىشنى ياخشىلىغىلى، تاماق سىڭمەسلىك ۋە قەۋزىيەتنىڭ ئالدىنى ئالغىلى بولىدۇ. 　　ھەر كۈنى بەلنى 50 قېتىم ئۇۋۇلاپ بەرسە، بۆرەكنى قۇۋۋەتلەپ، بەلنى ساغلاملاشتۇرغىلى، ئىممۇنىتېت كۈچىنى ئاشۇرغىلى بولىدۇ. 　　ھەر كۈنى سول قولدا ئوڭ پۇتنىڭ تاپىنىنى، ئوڭ قولدا سول پۇتنىڭ تاپىنىنى 50 قېتىم ئۇۋۇلاپ بەرسە قان ئايلىنىشنى تېزلىتىپ ئىچكى ئاجراتما سىستېمىسىنىڭ فۇنكىسىيەسىنى جانلاندۇرىدۇ. مەنبە: ماتىريال

خۇشچىراي

	ۋاي ھەممىسىلا ئادەمگە راس پايدىلىق ھەركەتلەركەن ، رەخمەت سىزگە دىلەيسەم .

ayqiz

	رەھمەت دىلەيسەم ! كۈندە پېشانىنى ئوڭ-سول، يۇقىرى -تۆۋەن يۆنىلىشتە 50 قېتىمدىن سىلاپ بەرسە چوڭ مېڭە سەگەكلىشىپ، قورۇق پەيدا بولۇشنىڭ ئالدىنى ئالغىلى بولىدۇ. ئىشخانىدا ئولتۇرۇپ توختىماي قىلسام بولامدۇ نىمە !؟

جۇلالىق

	ھەر كۈنى ئىككى قولنىڭ بىگىز بارمىقى ئارقىلىق قاڭشارنىڭ ئىككى تەرىپىنى ئۇۋۇلاپ بەرگەندە دىماقنى راۋانلاشتۇرۇپ، زۇكام ۋە بۇرۇن ياللۇغىنىڭ ئالدىنى ئالغىلى بولىدۇ. --------------------------------------- ماڭا ئەڭ پايدىلىق بىلىمكەن.

esil

	ئورۇقلايدىغىنى يوقما ؟