ئۆزىڭىزگە ئىشىنەمسىز ؟

خۇشچىراي

	ئۆزىڭىزگە ئىشنەمسىز....؟ <<ئۆزىگە ئىشىنىش>> بولسا مۇۋەپپەقىيەتكە ئېرىشىشنىڭ تۇنجى قەدىمى، ۋە تۇنجى ئىلھاملاندۇرغۇچ كۈچنىڭ بىرى... ئۆزىگە ئىشىنىشنىڭ كەملىكى ۋە ئەندىشنىڭ باشلىنىشى بولسا   مەغلۇپ بولۇشتىكى سەۋەبلەرنىڭ تۈپ يېلتىزى....     بىر قېتىم ئىشەنچىسىنى يوقاتقان بىر دىرېكتور ئامېرىكىلىق مەشھۇر مۇۋەپپەقىيەتشۇناس ناپولېئون خېئولدىن ياردەم سوراپتۇ. ناپولېئون خېئول ئۇنى قېلىن دېرىزە پەردىسىنىڭ كەينىدە تۇرۇشقا بۇيرۇپتۇ ۋە «ئەمدى بۇ دۇنيادا سىز يېڭىۋاشتىن ئىشەنچ تۇرغۇزالايدىغان، شۇنداقلا قىيىنچىلىقنى يېڭەلەيدىغان ئادەمنى كۆرىسىز»دەپتۇ. ئەمەلىيەتتە، پەردىنىڭ ئالدىغا بىر ئەينەك قويۇپ قويۇلغان ئىكەن. ناپولېئون خېئول پەردىنى ئاچقاندا، دىرېكتور ئەينەكتىن ئۆز ئەكسىنى كۆرۈپتۇ.     ئۇ ساقال بېسىپ كەتكەن يۈزىنى سىلاپ، ئەينەكتىكى ئەكسىگە باشتىن – ئاياغ سەپسالغاندىن كېيىن، ئويغا پېتىپتۇ – دە، بىردەمدىن كېيىن، ناپولېئون خېئولغا رەھمەت ئېيتىپ قايتىپ كېتىپتۇ.     نەچچە ئايدىن كېيىن ھېلىقى دىرېكتور ناپولېئون خېئولنىڭ ئالدىغا يەنە كەپتۇ. بىراق، ئۇ بۇ قېتىم تۇنجى قېتىم كۆرۈشكەندىكى كىشىگە زادىلا ئوخشىماي قاپتۇ، ئۇ تولىمۇ روھلۇق قىياپەتتە ناپولېئون خېئولغا: «شۇ كۈنى ئىشخانىڭىزغا كىرگەندە، ئۆزۈمنىمۇ بىلمەيدىغان بەندە ئىدىم، ئەينەككە قاراپ ئۆزۈمگە بولغان ئىشەنچنى تېپىۋالدىم. ھازىر ئوبدانلا ياشاۋاتىمەن. ئىشىنىمەنكى، ئىلگىرىكى مۇۋەپپەقىيىتىم يەنە ئاستا – ئاستا قايتىپ كېلىدۇ...»     بۇ ھېكايىدىن بىزگە شۇ ئايانكى، ئۆزىنىڭ قىممىتىگە ئىشىنىش ئىنتايىن مۇھىم. بىر ئادەم ئۆزىنىڭ قىممىتىگە ئۆزى ئىشەنمىسە، باشقىلارنىڭ ئىشىنىشىنى قولغا كەلتۈرۈش تېخىمۇ قىيىن. ئادەم ئەينەك ئارقىلىق ئۆز روھىي دۇنياسىنى كۆرەلمەيدۇ، ئەلۋەتتە. ئەمما، جەمئىيەتتىكى بىر قىسىم سەمىمىي «ئادەم ئەينەك»لىرىمىز ئارقىلىق ئۆزىمىزدىكى نۇقسانلارنى سېزەلەيمىز. بۇ نۇقسانلارنى ھەل قىلىشنىڭ ئاچقۇچى قولىمىزدا. بۇ دەل بىزدىكى ئۆزىگە ئىشىنىش تۇيغۇسىدۇر.     كۈندىلىك تۇرمۇشتا بىر قىسىم كىشىلەر ئوڭۇشسىزلىق ئالدىدا خۇدىنى يوقىتىپ، مايمۇن بىلەن چىراي تالىشىپ ئۆزىنى تاشلىۋېتىدۇ. ئىرادىسى سۇسلىشىپ، ئۆزىنىڭ قىممىتىنى نەزەردىن ساقىت قىلىۋېتىدۇ. ھەتتا مەۋجۇتلۇقىنى يوقىتىۋېتىدۇ. بۇنى ھەل قىلىشنىڭ ئۇسۇلى يەنىلا ئۆزىنىڭ قىممىتىگە ئىشىنىشتۇر.     ھاياتلىق بەزىدە قاراڭغۇ بولىدۇ. لېكىن ھەر قانداق ئىشقا ئۈمىد بىلەن قاراش خۇشاللىق ۋە بەختكە ئېرىشتۈرىدۇ. بۇ ئۆزىڭىزگە باغلىق. ئەينەك ۋە «ئەينەكلەر»ئارقىلىق دائىم ئۆزىڭىزنى كۆزىتىپ، ئۆزىڭىزنىڭ قىممىتىنى ھېس قىلالىسىڭىز، قىممەت تولۇقلاشقا ئەھمىيەت بەرسىڭىز خۇشاللىققا ئېرىشىسىز. بىرەر ئىشنى باشقا چىقىرىشتا ئىشنى بىر قەدەم، بىر قەدەمدىن باشلاش كېرەك. ئۆزىنىڭ قىممىتىنى تولۇقلاشتا مەسئۇلىيەتچانلىق بىلەن تەلەپچانلىقنى قىممەت تولۇقلاش كارتىسى قىلىش لازىم.     ئومۇمەن ئېيتقاندا، ئۆزىگە ئىشەنگەندىلا، ئۆزىنىڭ كەلگۈسىنى قولغا كەلتۈرگىلى بولىدۇ. ئۆزىنىڭ قىممىتىگە ئىشىنىش خاسلىققا ئىگە. ئەگەر ئۆزىڭىزگە ئىشەنمىسىڭىز، ئۆزىڭىزنى ھۆرمەت قىلمىسىڭىز، ئەلۋەتتە، باشقىلارنىڭ سىزگە ئىشەنمەسلىكىدىن، سىزنى ھۆرمەتلىمىگەنلىكىدىن ئاغرىنمىسىڭىزمۇ بولىدۇ. ئەمەلىيەتتە، ئۆزىڭىزگە ئىشىنىشنى بىلىش مۇۋەپپەقىيەت قازىنىشىڭىزدىكى ئەڭگۈشتەردۇر. مەنبە : شىنجاڭ گېزىتى

دىلەيسەم

	بەزىدە ئۆزۈمگە بولغان ئىشەنچىم قەتئىلا نۆل

arman-taxkin

	ھەر قانداق مۇۋەپپىقيەتنىڭ يىرىمى ئىشەنىچ دىگەن گەپ بار ، مەن ئۆزۇمگە بەكلا ئىشىنمەن ،

خۇشچىراي

	ئۈزىگە ئىشىنىش مۇاپىقىيەت قازىنىشنىڭ ئاساسى.

ayqiz

	ئۆزىگە ئىشەنگەن ئادەم باشقىلارغىمۇ ئىشىنەلەيدۇ ھەم باشقىلارنىڭ ھۆرمىتىگە ئېرىشەلەيدۇ . ئۆزىگە ئىشىنەلەيدىغان ئادەم ئەڭ بەختلىك ئادەمدۇر .

قەھۋە

	مەن ئۆزەمگە بەك ئىشىنىمەن! مېنىڭچە ئۆزىگە ئىشىنىش ياخشى ئادەت.

خۇشچىراي

	ئۈزىگە ئىشەنمىگەندە ئادەمنى ئۈمۈتسىزلىك قاپلايدۇ ، ئۈمۈتسىزلىك ئادەمنى ھالاكەت يولىغا تاشلايدۇ .

danix

	سىز ھەرقانداق ۋاقىتتا ئوزىڭىز گە ئىشىنىڭ  ، ھەرقانداق جايدا ئوزىڭىزنىڭ يۇشۇرۇن كۇچىنى ئىشقا سىلىشقا تىرشىڭ  ،  شۇنىسى ئىسىڭىزدە بولسۇنكى سىزدە ھەرقانداق بىر ئادەمدە بولمىغان بىرخىل يۇشۇرۇن كۇچ بار  پەقەت ئوزىڭىزگە ئىشەنسىڭىزلا ........

ayqiz

	ئۆزىگە ئارتۇقچە ئىشەنچ قىلىپ كەتكەن ئادەم ئاجىز ، تەۋرىنىشچان ئورۇنغا چۈشۈپ قالىدۇ .                                                                                  _____  سپېنسېر