سوغۇق تام لىرىكىسى ( ي.ئىبراھىم)

yasin0909

	سوغۇق تام لىرىكىسى ياسىنجان ئىبراھىم ئەسىر قىلىپ تەگسىز خىيالغا، ھەمراھ بۈگۈن سوغۇقلا تۆت تام. ئىللىمىغان غېرىپ كۈلبىدە، مەيۈسلىنىپ پىلىلدايدۇ  شام. ئەشۇ تۆت تام ئىچرە نە ئۈچۈن، چېچىلمىدى سۆيگىدىن ئۇرۇق. سۆيۈلۈش يوق سۆيۈشسەكمۇ گەر، قەلبىم يەنە لېۋىمدەك قۇرۇق. ئەشۇ تۆت تام ئىچرە نە ئۈچۈن، بولدى زەھەر ھەسەل ئىچسەممۇ. ئۆلدى كۆڭۈل ئۆلدى مۇھاببەت، يۈرىكىمنى بەدەل دىسەممۇ. ئەشۇ تۆت تام ئىچرە مەنمۇ ھەم، بولالمىدىم پۇلدەك مۇقەددەس. پىچىرلىدىم ئۆزۈمگە شۇنداق: "تاياققا تاش تېڭىلغان ئەمەس... قەيەردە سەن دىلكەش دوستلىرىم، مۇڭداشقىم بار ئۇزاقتىن - ئۇزاق..." كىملەرنىدۇ ئەسلەيمەن يەنە، بۇللدۇقلايدۇ كۆزۈمدە بۇلاق. قەيەردىسەن بەخت كۈلكىسى، تەنھالىققا كىم سىرداش بۈگۈن. چىرايىمدا يالغان تەبەسسۈم، قەلبىمدە دەرت قەلبىمدە تۈگۈن. بىر قارىسام ئالدىمدا بەختىم، بىر قارىسام ھالىم خاراپتەك. تېتالمايمەن تەقدىرگە نىچۈن، ھەييام ئىچكەن ئاچچىق شاراپتەك. چۈشەنمىدىم تەقدىرنى ئەجەپ، چۈشەنمىدىم سۆيگىنى ئەسلا. ئاچچىق ئازاپ ئاچچىق ئۆكۈنۈش، يۈرىكىمگە تولغان پەۋەسلا. نومۇس دەيتتىم ئەرگە ياش تۆكۈش، يۈرىكىمدىن تامدى ياش بىراق. ئارمان بىلەن تىزغان ئۇگامدا، مۇھاببەتتىن ياقالماي چىراق. نىمە بولدى پاك سۆيگۈ دىگەن، چىرىپ كەتتى نە ئۈچۈن ۋىجدان. رەزىللىككە دىدىم مىڭ لەنەت، چىن ئەقىدە بولغاندا پايخان. بىر مورىدىن چىقسىلا تۈتۈن، قويۇپ ئۆتسە بىر ياستۇققا باش. بەخت ئەمەس قالسا كۆڭۈللەر، ئالەم سىغىپ كەتكىدەك ئاراش. ئالداندىممەن تەقدىرگە بەلكىم، ئالدانغاندەك تاتلىققا سەبى. ياشىدۇقمۇ يۈرەكنى ئالداپ، ئىككى ھەيكەل سۆيۈشكەن كەبى. چاقچىقىڭ كۆپ ھاياتقا تەقدىر، بىھاجەتتۇر دادلىماق ساڭا. چىن سۆيگىنىڭ ئىللىق قۇياشى، نۇر چاچىدۇ بىر كۈنى ماڭا...    مەنبە؛ ئۆزۈم

مەرۋەرى

	سالام ياسىنجان! مۇبارەك قەدەملىرىڭىزگە مەرھابا!  ئېسىل  شېئىرلىرىڭىز بىلەن بىزنىڭ شائىرلار قوشۇنىغا قېتىلغانلىقىڭىزنى قىزغىن قارىشى ئالىمىز! مۇشۇنداق ئېسىل شېئىرلارنى يازغان قوللىرىڭىزغا دەرت يەتمىگەي ۋە ئىلھام تۇلپارىڭىز ھارمىغاي!!!

مەرۋەرى

	شېئىرى تىلنىڭ راۋانلىقى، ئىملانىڭ توغرىلىقى بىلەن «ئالتۇن ئۈزۈككە ياقۇت كۆز» دېگەندەك ئىش بوپتۇ ئەمەسمۇ

deldax

	ياسىنجان مۇبارەك قەدىمىڭىز ئۈچۈن تەشەككۈر

tabassum333

	مۇبارەك قەدىمىڭىزگە، مەرھابا دوستۇم!!!سىزگە ئوخشاش تالانت ئىگىللىرى كۆپلەپ قىتىلغاي ئىلاھىم.............قەلىمىڭىزگەھەم ئىلھامىڭىزغا كۆزتەگمىسۇن  !!!!!111111

ئاھۇ

	ياخشى چىقىپتۇ بۇ شېئىر...ماڭا بەك ياقتى!"يۈرىكىمنى بەدەل دىسەممۇ "دېگەن مىسرانى ئازراقلا تۈزىۋەتسىڭىز قانداق بولار؟