شاپائەتچىلەر

جۇلالىق

	ئورفات(ئافغانىستان) قارغۇ يولدا تەمتىرەپ كېتىۋاتاتتى .بىرەيلەن كېلىپ ئۇنى تۈز يولغا چىقىرىپ قويدى .بىراق قارغۇ كىمنىڭ ئۆزىگە ياردەم قىلغانلىقىنى بىلەلمىدى . بىرەيلەن تاتلىق ئۇخلاۋاتاتتى . توساتتىن بىر يىلان ۋىشىلدىغىنىچە ئۇنىڭغا ئېتىلدى . دەل شۇ پەيىتتە بىرەيلەن ئېتىلىپ كىلىپ زەھەرلىك يىلاننى چېپىپ ئۆلتۈرۋەتتى .ئەپسۇس ، ئۇ ئادەم ھېلىمۇ شىرىن چۈشىنى كۈرۈپ يېتىۋەردى . ئېغىر ئەل ياتقۇ ۋاقتى ، مەسچىتتە تۈنەپ قالغان يولۇچى ئاغرىق ئازابىدىن ۋاي - ۋايغا چۈشتى . كىمدۇ بىرەيلەن تاڭ ئاتقىچە ئۇنىڭ ھالىدىن خەۋەر ئالدى . سەھەر پەيتىدە يولۇچى ئۈلۈپ قالدى . ئەپسۇس ،ئۇ كىمنىڭ ئۆز ھالىدىن خەۋەر ئالغانلىقىنى بىلەلمەي ئۆلۈپ قالدى . ئۇ يولدا كىتىۋېتىپ قولىدىكى مىۋە - چىۋىلەرنى بالىلارغا بۈلۈپ بەردى . چۆلدە كىتىۋېتىپ ، سۈيىنى ئۇسساپ ئۆلەي دەپ قالغان بىرەيلەنگە ، يىمەك - ئىچمىكىنى ئېچىرقاپ كەتكەن بىرەيلەنگە بېرىۋەتتى . بىراق ئۇلارنىڭ ھېچقايسىسى ئۇنىڭ كىملىكىنى سۈرۈشتۈرمىدى . ئۇ يولغا تاشلىنىپ قالغان چاتقاللارنى ، تاشلارنى يولنىڭ چېتىگە ئېلىۋېتىپ يولنى تازىلاپ قويدى . بىراق ئەتتىگەنلىكى بۇ يولدا ماڭغانلارنىڭ ھېچقايسىىسى بۇ يولنى كىمنىڭ تازىلاپ قويغانلىقىنى بىلمەيىتتى ۋە تۇنۇمايىتتى . شۇنداق ، بىز راستىنلا بىز ئۈچۈن ئىش قىلىپ بېرىۋاتقان كىشىلەرنى تۇنۇمايمىز . ئەمما ئاشۇ باي غوجاملارنى بولسا ، شۇنداق ياخشى ، شۇنداق ئېنىق تۇنۇيمىز . مەشغۇلاتتا: جۇلالىق.