ئەر - خوتۇنلار كۆڭۈل سىرلىرىنى بىر - بىرىگە قانداق ئېيتىشى كېرەك؟

ayqiz

	نىكاھ مەسلىھەتچىلىرىنىڭ كۆرسىتىشىچە، ئەر-خوتۇنلار ئوتتۇرىسىدىكى بەزى مەخپىيەتلىكلەر تامامەن ئۇلارنىڭ شەخسىي ئىشى ياكى قىزىقىشى بولۇپ، بىر-بىرىدىن سىر ساقلاشقا تامامەن ھوقۇقلۇق. ئەمما يەنە ھەر ئىكى تەرەپ ئەر-خوتۇنلۇق تۇرمۇشقا تەسىر يەتكۈزىدىغان بىرەر ئىش ھەرىكەتنى بىلىشكە ھوقۇقلۇق. مەسلەن، قەرز، سوزۇلما خاراكتېرلىك كېسەللىك ياكى ھېسيات تەرەپتىكى مەسىلىلەر، شۇنداقلا نۆۋەتتە دۇچ كېلىۋاتقان مۇھىم تاللاش، زىددىيەتلىك مەسلىلەر قاتارلىقلار. مەخپىيەتلىكنى ئاشكارىلاشقىمۇ ماھىر بولۇشىڭىز كېرەك. مۇبادا ئۇسۇل توغرا بولمىسا، ئەكىسچە ئۈنۈم بېرىپ قويىدۇ . مۇتەخەسسىسلەر ئەر-خوتۇنلارنى كۆڭۈل سىرلىرىنى ئېيتىشقاندا تۆۋەندىكى نۇقتىلارغا ئالاھىدە دىققەت قىلىشنى تەۋسىيە قىلىدۇ : 1. كۆڭۈل سىرلىرىنى توساتتىن ئاشكارىلاپ قارشى تەرەپنى چۆچۈتىۋېتىشكە بولمايدۇ . ئالدى بىلەن قارشى تەرەپكە ئەسكەرتىش بېرىش ، مۇۋاپىق پەيتتە كۆڭلىدىكىنى ئاستا -ئاستا ئېيتىش كېرەك . 2. كۆڭۈل سىرىنى ئاشكارىلايدىغان سورۇننى ياخشى تاللاش كېرەك . ياخشى ، بىخەتەر ، ئازادە ، كۆڭۈللۈك جاي ياكى جىمجىت باغچە بولۇشى ، ھەتتا بالىۋاقىلىرىمۇ بولماسلىقى كېرەك . 3. ئالدىن پۇختا تەييارلىق كۆرۈپ ، كەچۈرۈم سوراشقا ئىدىيە جەھەتتىن تەييارلىق كۆرۈپ قويۇش كېرەك . ئالدى بىلەن سەمىمىي كەچۈرۈم سوراپ ، ئاندىن قارشى تەرەپكە بۇ ئىشلارنى بۇرۇنلا ئېيتماقچى بولغانلىقىنى ، ئەمما خىجىللىق ھېس قىلىپ ئېيتالمىغانلىقىنى بىلدۈرگەندە ، قارشى تەرەپنىڭ ئەپۇسىغا ئېرىشكىلى بولىدۇ . 4. كۆڭۈل سىرىنى ئاشكارىلىغاندا ، بەك ئىنچىكە ھالقىلارنى ئېيتىپ ئولتۇرماسلىق كېرەك . بولمىسا قارشى تەرەپنىڭ كاللىسىغا بەزى ئىشلار چوڭقۇر ئورناپ ، ھېسياتقا تەسىر يېتىدۇ ، مۇھەببىتىگە دەز كېتىدۇ . مەنبە: ئىز مۇنبىرى

otkankunlar

	يولدىشىنىڭ گېپىنى كۆڭۇل قۇيۈپ ئاڭلايدىغان ئايال -------ئەڭ سۈيۈملۈك ئايالدۇر. ئايالىنىڭ گېپىنى كۆڭۇل قۇيۈپ ئاڭلايدىغان ئەر    ---------ئەڭ  لايەقەتلىك  ئەردۇر. شوڭا ،ئەر-خوتۇنلار مەڭگۈ بىر-بىرىنى ياخشى كۆرۈپ،يېقىن دوستلاردىن بۇلۇپ،ھاياتنىڭ ئەڭ گۈزەل چاغلېرنى مەنىلىك ئۆتكۈزگىنى ياخشىدۇر..

Aydar

	مەنغۇ تامغا قاراپ تىرنىقىم بىلەن تامنى تاتلاپ تۇرۇپ دەۋىرىمەن...ئاندىن تاياق يەپ كىتىمەنكى.....

مەرۋەرى

	Aydar بۇ يازمىنى 2010-يىلى 11-ئاينىڭ 25-كۈنى 22:48 دە يوللىغان مەنغۇ تامغا قاراپ تىرنىقىم بىلەن تامنى تاتلاپ تۇرۇپ دەۋىرىمەن...ئاندىن تاياق يەپ كىتىمەنكى..... يائاللااااااا...ئايدار بىر يەپ باقسىڭىز بولاتتى مۇشۇ تاياقنى

Aydar

	ھى ھى ھى ...ئەمما بىزنىڭ ئادەمنىڭ كاللىسىدىن بىر ئىشنى ئۆتكۈزۈش بەك تەس.

anar

	ئىشقىلىپ مەنچە ئەر ئاياللار ھەر ھەپتىدە بىر كۈننى بالىلارغىمۇ ئاز تولا مۇستەقىل پائالىيەت ۋاقتى بېرىپ ، شۇ ۋاقىتتا بىللە سەيلە قىلىپ ياكى مۇزىكا ئاڭلاپ تاماق يىگەچ دىگەندەك ياخشى كەيپىياتتا پاراڭلىشىپ پىكىر ئالماشتۇرىشى كېرەك دەپ قارايمەن

neda

	ئايدارنىڭ گېپىنى ئاڭلاپ بۇ ھەمشېرىمىزنىڭ تولىمۇ ئوماق ھەم سۆيۈملۈكلىنى ھېس قىلدىم.

danix

	ھوي باللار قويى بار ئادەم گۆش يەيدۇ ، ھە ئاخىرىنى يازايمۇ يازمايمۇ بىلەلمىدىم   خى خى خى

tuman1973

	danix بۇ يازمىنى 2010-يىلى 11-ئاينىڭ 27-كۈنى 21:02 دە يوللىغان ھوي باللار قويى بار ئادەم گۆش يەيدۇ ، ھە ئاخىرىنى يازايمۇ يازمايمۇ بىلەلمىدىم   خى خى خى قويى بار ئادەم گوش يەيدۇ، ئېرى بار ئادەم مۇش(يەيدۇ).

xakar

	ئەرلەر ياشى خوتۇن ئالسا دايم راھەتتە ھېس قىلىدۇ، ئەمما ئۆزى ياخشى كۆرمىگەن ئادەم بىلىەن بىللە ئۆتۈش تىرىك تۇرۇپ دۇنيادا دوزاخ ئازابى تارتقاندەك بىر ئىش،