كىم مۇڭدىشار مەن بىلەن (سەنسىز0903)

sansiz0903

	كىم مۇڭدىشار مەن بىلەن سەنسىز0903 زىرىكىشلىك چىرمىۋالدى قەلبىمنى، باشلىرىمدا ئەگىپ يۈرەر سوئاللار. قوغلىۋەتسەم يا كەتمەيدۇ بىزىرىپ، كۆز ئالدىمدا ئوينار شىرىن خىياللار. خۇشاللىقىم مازاق قىلىپ كۈلگەندە، يالغۇزلۇقۇم تۇرار چەتتە شۈمشىيىپ. بورانلاردا توزۇپ كەتسە ھىجرانلار، جۇدالىقىم كىلەر شۇ چاغ كۆز قىسىپ. بەك زىرىكتىم مۇڭداشقۇدەك ھېچكىم يوق، نىدا قىلسام جاۋاپ كەلمەس تۆت تامدىن. خامۇش بولۇپ قالدىممۇ يا؟ بىلمىدىم، ئولتۇرىمەن قالغاندەكلا زۇۋاندىن. دوسلىرىم يوق، مۇڭدىشىم يوق زېرىكىپ، تۇرۇپ قالدىم ئېغىر سۈكۈت ئالدىدا. سوراپ باقاي كىم مۇڭدىشار مەن بىلەن، كۈندە كەچتە پىنھانلاردا، دالدىدا. ئەسەرلىرىمنى رۇخسىتىمسىز كۆچۈرمەڭ!

sansiz0903

	مۇنبەرنىڭ ھازىرقى ئەھۋالىغا قارىغاندا شېئىرىيەت تۈرىگە قىزىقىدىغانلار يوق ئوخشايدۇ كۆڭلۈم ئەجەپ يېرىم بولدا...

مەرۋەرى

	كۆڭلىڭىزنى ئۇنداق يېرىم قىلماڭ سەنسىز ئۇكام! مۇنبەر ئېچىلغاندىن كېيىن بىر نەچچە كونا تورداشلارلا كىرىپ تۇرۋاتىمىز نۇرغۇن ھەل قىلىشقا تېگىشلىك مەسىلىلەر بولغانلىقتىن ئىلان ۋە باشقا بېكەتلەرگە ئۇلىنىش ئىلتىماس قىلمىدۇق، مۇنبىرىمىزگە قەدەم تەشىرىپ قىلىۋاتقان ئايدار دەل مۇشۇ ساھەدە كۆزگە كۆرۈنگەن ياش شائىرە دىسەم ئارتۇق كەتمەس. بەكمۇ ئۈمۈتسىزلەنمەڭ يەتتە قىزلىرىمنىڭ كەلگۈسى تەرەقىياتىنى سىز ۋە سىزدەك دوستلىرىمىزنىڭ ئاكتىپچانلىقىدىن ئايرىپ قارىغىلى بولمايدۇ!

جۇلالىق

	شېئىرىيەت تۈرىگە قىزىقىدىغانلار بار، مۇنبەر يېڭى ئېچىلغاچ شېئىرىي تېمىلارغا ئانچە دىققەت قىلىپ كەتمىگەن ئوخشايدۇ. ئىشىنىمەنكى بۇندىن كېيىن ھەممە جەھەتتە تەرەققى قىلىمىز. ئۇمۇدسىزلەنمەڭ ئىنىم، ئۈمۈدسىزلىك شەيتاندىن. ئۈمۈدۋار بولۇڭ. بىزدەك ھەدىلىرىڭىز بار يەردە بۇنداق ئۈمۈدسىزلىنىپ يۈرسىڭىز بولمايدۇ بىزلەر سىزنى قىزغىن قوللايمىز.

Azat

	زېرىكىشلىك چىرمىۋالغاچ ئوزۇڭنى، كەپسەن بۇگۇن يەتتە قىزلار قېشىغا. مۇشائىرە قىلالماپتۇ بۇ قىزلار كەلمىگەچكە شىېر يېزىش بېشىغا. كەلگىن دوستۇم مەن سەن بىلەن مۇڭدۇشاي كاۋىلىقنىڭ بارىڭىدا ئولتۇرۇپ، سەن ئىكەنسەن يۇرتىمىزنىڭ جەنۇبىى چاينى سۇندۇم پىيالىنى تولدۇرۇپ............. [ Azat بۇ يازمىنى  2010-يىلى 9-ئاينىڭ 4-كۈنى 15:59  دە تەھرىرلىگەن. ]

مەرۋەرى

	Azat بۇ يازمىنى 2010-يىلى 9-ئاينىڭ 4-كۈنى 15:57 دە يوللىغان زېرىكىشلىك چىرمىۋالغاچ ئوزۇڭنى، كەپسەن بۇگۇن يەتتە قىزلار قېشىغا. مۇشائىرە قىلالماپتۇ بۇ قىزلار كەلمىگەچكە  ... ئازات ئەپەندىمنىڭ مۇنبىرىمىزگە قەدەم تەشرىپ قىلغانلىقىنى قىزغىن تەبىرىكلەيمىز <چاۋاك! > ئازات ئەپەندىم ئانا يۇرتتىكى قىزغىن مۇشائىرلىرىڭىزنى يەتتە قىزلىرىمدا كۆرۈشنى تولىمۇ ئارزۇ قىلىمەن !

jahandar

	جۇلالىق بۇ يازمىنى 2010-يىلى 9-ئاينىڭ 1-كۈنى 08:00 دە يوللىغان شېئىرىيەت تۈرىگە قىزىقىدىغانلار بار، مۇنبەر يېڭى ئېچىلغاچ شېئىرىي تېمىلارغا ئانچە دىققەت قىلىپ كەتمىگەن ئو ... سەنسىزنى قىز بالىمىكىن دەپ يۈرۈپتىمەن..

Azat

	مۇڭداشقىلى مەن كەلسەم، سەنسىز يوققۇ بۇ جايدا. ئىچمەپتۇغۇ  چاي سۇنسام ، زەھەر يوقتىغۇ چايدا. [ Azat بۇ يازمىنى  2010-يىلى 9-ئاينىڭ 6-كۈنى 20:13  دە تەھرىرلىگەن. ]

esil

	باغرىم .... بارمۇ سىز ؟   بۇ سەنسىز باس -باستىكى سەنسىز  ئەمەستۇ ؟

sansiz0903

	كەمىنە بۇرۇن يەتتە قىز  تورىنى گۈللەندۈرۈشكە ئاز بولمىغان تۆھپە قوشقان، ئەمەل تۇتۇپ باشقۇرغان ئىدىم ھازىر http://bbs.anatuprak.com/ ئانا تۇپراق مۇنبىرىنى باشقۇرۇپ يۈرىۋاتىمەن. دىمىسەم ما مۇنبەردىكىلەر مىنى ئۇنتۇپ قالدى ھەقىچان... بوپتۇ... كىلىپ تۇرىمەن، قارشى ئالساڭلار.. ھە  راست، مەن باس-باستىكى سەنسىز ئەمەس... امەن تور دۇنياسىغا سەنسىز0903 نامىدا كىرىمەن.